ජ්‍යේෂ්ඨ රංගන ශිල්පී ජැක්සන් ඇන්තනී අභාවප්‍රාප්ත වෙයි
(09.10.2023 – 05:53 +0530 – hirunews.lk/sinhala)
ජ්‍යේෂ්ඨ රංගන ශිල්පී ජැක්සන් ඇන්තනී අද (09) අලුයම අභාවප්‍රාප්ත වී තිබෙනවා.
අනුරාධපුර ප්‍රදේශයේ චිත්‍රපටයක් රූගත කර පැමිණෙමින් සිටි අතරතුර ඔහු ගමන්ගත් මෝටර් රථයේ වල් අලියෙකු ගැටීමෙන් බරපතල තුවාල ලැබූ අතර, මාස 14 කට අධික කාලයක් කොළඹ ජාතික රෝහලේ ප්‍රථිකාර ලබමින් සිටියදීයි ඔහු මෙලෙස ජීවිතක්ෂයට පත් වුණේ.
මියයන විට ඔහු 65 වැනි වියේ පසුවුණා ෴
(09.10.2023 – dinamina.lk)
ප්‍රවීණ නළු ජැක්සන් ඇන්තනී මහතා අභාවප්‍රාප්ත වී තිබේ.
රිය අනතුරක් හේතුවෙන් ඒ මහතා මාස 14 ක් පමණ කොළඹ ජාතික රෝහලේ ප්‍රතිකාර ලබමින් සිටියේය.
මිය යන විට ඒ මහතා 65 වැනි වියේ පසු විය.
කොන්ගානිගේ ජෝසප් මල්සි ජැක්සන් ඇන්තනි (උපත 1958 ජූලි 08) හෙවත් ජැක්සන් ඇන්තනී, යනු ශ්‍රී ලංකා සිනමාවේ, වේදිකාවේ සහ රූපවාහිනියේ නළුවෙකි.
ශ්‍රී ලංකාවේ ජනප්‍රියම කලාකරුවෙකු වන ඇන්තනි හොඳම නළුවාට හිමි සම්මානය වාර්තාගත දහසය වතාවක් දිනා ගත්තේය.
ප්‍රධාන වශයෙන් මාධ්‍ය තුනම අතික්‍රමණය කල නළුවෙකු වන ඇන්තනී රංගනයට අමතරව අධ්‍යක්ෂක, නිෂ්පාදක, ගායක, තිර රචක, රූපවාහිනී සත්කාරක, නවකතා රචක, තීරු රචක, ගීත රචක, ඉතිහාසඥ සහ සංචාරක යන අංශ තුලද කැපී පෙනෙන ලක්ෂන පෙන්වා ඇත ෴
+++++++++
(09.10.2023 – dasathalankanews.com)
ප්‍රවීණ නළු ජැක්සන් ඇන්තනී මහතා අභාවප්‍රාප්ත වී තිබෙනවා.
හදිසි අනතුරකට ලක්ව ඔහු වසර එක හමාරකට ආසන්න කාලයක් කොළඹ ජාතික රෝහලේ ප්‍රතිකාර ලබමින් සිටියා. අභාවප්‍රාප්තවන විට ජැක්සන් ඇන්තනී මහතා 65 වන වියේ පසු වුණා.
ජැක්සන් ඇන්තනී මහතා ඇතුළු තිදෙනෙකු ගමන්ගත් කැබ් රථයක් අනුරාධපුර – තලාව මාර්ගයේ මොරගොඩ ප්‍රදේශයේ දී වන අලියෙකුගේ ගැටී හදිසි අනතුරකට ලක්ව තිබුණේ පසුගිය 2022 වසරේ ජුලි මස 02 වනදායි. එහිදී බරපතල තත්ත්වයෙන් සිටි ජැක්සන් ඇන්තනී මහතා අනුරාධපුර රෝහලට ඇතුළත් කෙරුණු අතර, අනතුරුව ඔහු වැඩිදුර ප්‍රතිකාර සඳහා ගුවන් මඟින් කොළඹ ජාතික රොහල වෙත රැගෙන ආවා. අනතුරුව ඔහු කොළඹ ජාතික රොහලේ දැඩි සත්කාර ඒකකයේ වසර එක හමාරකට ආසන්න කාලයක් ප්‍රතිකාර ලබමින් සිටිය දී අද (09) අලුයම මෙලෙස අභාවප්‍රාප්ත වී තිබෙනවා.
කොන්ගානිගේ ජෝසප් මල්සි ජැක්සන් ඇන්තනි හෙවත් ජැක්සන් ඇන්තනී 1958 වසරේ ජුනි 08 වනදා රාගම – පොඩිවීකුඹුරේ දී උපත ලැබූ අතර, ඔහුව සුරතලයට හැඳින්වුයේ ‘මල්සි’ යන නමින්.
විශ්වවිද්‍යාල වේදිකාවෙන් වේදිකා රංගනයට පිවිසි ජැක්සන් ඇන්තනී නෙවිල් ඩයස් සුබසිංහගේ ‘වාරුවෙන් යන මිනිසුන්’ සහ ‘මානවයෝ’ මෙන්ම ඊ.එම්.ඩී.උපාලිගේ ‘මෙතනින් මාරුවෙනු’ නාට්‍යයට රංගනයෙන් දායක වුණා. අනතුරුව ‘මරාසාද්’, ‘මධුර ජවනිකා’, ‘ලෝම හංස’, ‘ධවල භීෂණ’, ‘ඇත්’, ‘මෝරා’, වැනි ජනප්‍රිය වේදිකා නාට්‍ය රැසකට ඔහු චරිතාංග නළුවකු ලෙස සිය රංගනයෙන් දායකත්වය ලබාදුන්නා. ‘තාරාවෝ ඉගිලෙති’ වේදිකා නාට්‍යයට සම්බන්ධ වීමෙන් පසු ජැක්සන්ට සිනමා ක්ෂේත්රයට පැමිණීමේ වාසනාව උදා වුණා.
1993 දී ඔහු සිනමාවට පිවිසෙන ජැක්සන් ඇන්තනී ‘ගුරු ගෙදර’, ‘චිත්ති’, ‘අයෝමා’ සහ ‘ලොකු දුව’ යන චිත්‍රපටවල රංගනයෙන් දායකකත්වය ලබා දුන්නා. ඊට අමතරව ‘භව දුක’, ‘භව කර්ම’, ‘ගිනි අවි සහ ගිනි කෙළි’, ‘අස්වැසුම’, ‘අග්නි දාහය’, ‘සූරිය අරණ’, ‘මිල්ල සොයා’ සහ ‘රන්දිය දහර’ වැනි චිත්‍රපටවලින් තම රංග ප්‍රතිභාව පෙන්වීමට ඔහුට හැකියාව ලැබුණා.
මේ අතර රූපවාහිනිය සමඟ ද සම්බන්ධවන ජැක්සන්, නළුවෙකු ලෙස මෙන්ම නිවේදකයෙකු ලෙසත් තමාගේම අනන්‍යතාවය රූපවාහිනිය තුළ තහවුරු කරගත්තා.
දේශීය සම්මාන උළෙල කිහිපයකදීම සම්මාන රැසක් දිනාගත් ජැක්සන්, ඔහුගේ රංගන දිවිය තුළ සරසවි සම්මාන, ජනාධිපති සම්මාන සහ ඕ.සී.අයි.සී සම්මාන වැනි දේශීය සම්මාන උළෙලවල දී සම්මාන රැසකට පාත්‍ර වුණා.
මෙරට කළා ක්ෂේත්රයට අති මහත් සේවාවක් කළ මෙම විශිෂ්ට රංගවේදියා අද (09) උදෑසන කොළඹ ජාතික රෝහලේ දී අවසන් සුසුම් හෙළුවා.
සුන්දර සිනහවකට උරුමකම් කියූ ‘පනාපුත්‍ර කුහුබුපැණියා’ ලෙස විරුදාව ලත් ජැක්සන් ඇන්තනී නම් වූ ජ්‍යෙෂ්ඨ කලාකරුවාණෙනි ඔබ සමාදානයෙන් සැතපේවා ෴
++++++++
++++++++
+
+
+
+
+
+
ජැක්සන් ඇන්තනීගේ දේහය මහජන ගෞරවය උදෙසා තැන්පත් කරයි
(09.10.2023 – 20:25 +0530 – hirunews.lk/sinhala)
අභාවප්‍රාප්ත ජැක්සන් ඇන්තනීගේ දේහය අද (09) පස්වරුවේ බොරැල්ල ජයරත්න මල්ශාලාවේ මහජන ගෞරවය උදෙසා තැන්පත් කර තිබෙනවා.
දේහය හෙට (10) වැනිදා උදෑසන 07:30 සිට රාත්‍රී 11 දක්වා මහජන ගෞරව පිණිස කොළඹ 08 බෞද්ධාලෝක මාවතේ ‘ජයරත්න Respect Home’ හිදී තැන්පත් කෙරෙන අතර, ඔක්තෝබර් 11 බදාදා සහ 12 බ්‍රහස්පතින්දා දෙදින 90/A, 58 වනිගසූරියවත්ත, රාගම පාර, කඩවත පිහිටි ඔහුගේ නිවසේ තැන්පත් කෙරෙන බවයි වාර්තා වන්නේ.
වේදිකාව, ටෙලි නාට්‍ය මෙන්ම සිනමාව ද රංගන ප්‍රතිභාවයෙන් දික්විජය කළ ලාංකේය කලා කෙතේ අසහාය රංග පෞරුෂය ජැක්සන් ඇන්තනී කළාකරුවාණන්ගේ අවසන් කටයුතු ලබන බ්‍රහස්පතින්දා පස්වරුවේ රාගම ශුද්ධ වූ පේදුරු හා පාවුලු දේවස්ථානයේදී සිදුකිරීමට නියමිතයි.
+
+
+
+
+
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴