‘තහනම් පිරමීඩ යෝජනා ක්‍රම’ ව්‍යාප්තියට එරෙහිව දැනුම්වත් කිරීමේ සතියක් හෙට (14) සිට
‘තහනම් පිරමීඩ යෝජනා ක්‍රම’ ව්‍යාප්තියට එරෙහිව දැනුම්වත් කිරීමේ සතියක් හෙට (14) සිට
(13.07.2025 – 09:52 +0530 – sinhala.adaderana.lk)
‘තහනම් පිරමිඩ යෝජනා ක්‍රම’ ව්‍යාප්තියට එරෙහිව ජාතික වශයෙන් දැනුම්වත් කිරීමේ සතියක් හෙට (14) සිට ජූලි 18 වන දින දක්වා පැවැත්වීම ශ්‍රී ලංකා මහ බැංකුව තීරණය කර තිබේ.
‘අහෝ දුකකි, පිරමිඩ උගුලකි’ යන තේමාව යටතේ මෙම දැනුම්වත් කිරීමේ වැඩසටහන පැවැත්වීමට කටයුතු සම්පාදනය කර ඇත.
මූල්‍ය පද්ධතියේ ස්ථායීතාව පවත්වා ගැනීම හා මූල්‍ය පාරිභෝගිකයන්ගේ යහපැවැත්ම ප්‍රවර්ධනය කිරීම යන මහ බැංකුවේ කාර්යභාරයන්ට සමගාමී ව ‘තහනම් පිරමිඩ යෝජනා ක්‍රම’ පිළිබඳ ව හා ඒවා මගින් තනි පුද්ගලයන්ට මෙන් ම සමස්ත ආර්ථිකයට සිදුවන සැළකිය යුතු අවදානම් පිළිබඳ ව පුළුල් වශයෙන් දැනුම්වත් කිරීම මෙම ජාතික වැඩසටහනේ ඉලක්කය වේ.
- [මාධ්‍ය නිවේදනය] (pdf file)
ප්‍රභාකරන් එදා මේ තීරණය ගත්තා නම් අද මෙහෙම වෙන්නේ නෑ | ඉඳුරාගාරේ හිමිගෙන් සැර කතාවක් (13.07.2025)
+
සෙවලයෝ කාලකණ්ණී ටිකක් ඉන්නවා | මුතුගල සර් හොඳටම ෆයර් වෙලා | සභාවට ඇඬෙන්න අමතපු ඇමතිල්ල (13.07.2025)
+
මේ පවුකාර වැඩේ කරන්න එපා හරිනි (10.07.2025)
+
ලංකාවේ සියලු ජීව දත්ත රැස් කරන්න ඉන්දියාවේ ටෙන්ඩර් කැදවයි! පුනරුදයන්ගේ ඉන්දියානු අමුඩෙ විමල් ගලවයි! (13.07.2025)
+
ගහෙන් වැටුන ලංකාවට ඇන්න ගොනා කවුද?…. විමල්ගෙන් දැන ගන්න! (12.07.2025)
+
හම්බන්තොට කුරුළු උයනේ සහ ගබඩාවේ කළමනාකරුවන් දෙදෙනා (2) රිමාන්ඩ්
(13.07.2025 – hirunews.lk)
හම්බන්තොට කුරුළු උද්‍යාන පරිශ්‍රයේ සඟවා තිබූ ආනයනික අධි ධාරිතාවකින් යුත් යතුරුපැදි 21 ක් සහ ගංජා පැළ සම්බන්ධයෙන් අත්අඩංගුවට ගත් එම උද්‍යානයේ කළමනාකරු සහ ගබඩා කළමනාකරු ලබන ජූලි 25 වනදා දක්වා රක්ෂිත බන්ධනාගාර ගත කරන ලෙස හම්බන්තොට මහේස්ත්‍රාත් අධිකරණය නියෝග කර තිබෙනවා.
මීට අමතරව, ඔවුන්ට විදේශ ගමන් තහනමක් ද පනවා තිබෙනවා.
හම්බන්තොට – නාගරවැව කුරුලු උයනේ ආහාර ගබඩාවේ සගවා තිබියදී, නීතිවිරෝධීව මෙරටට ආනයනය කරන ලද යතුරු පැදි 21 ක් ඊයේ (12) පස්වරුවේ සොයාගනු ලැබුවේ වැඩබලන පොලිස්පති ප්‍රියන්ත වීරසූරියට ලද විශේෂ තොරතුරක් මත මධ්‍යම අපරාධ විමර්ශන කාර්යංශයේ නිලධාරීන් කණ්ඩායමක් විසින්.
එහිදී පොලිස් මාධ්‍ය කොට්ඨාසය නිවේදනය කළේ, අදාළ යතුරු පැදි තොගයේ වටිනාකම රුපියල් කෝටි විස්සකට (20,00,00,000) අධික බවයි ෴
ආයතනික රැකවරණයක හෝ භාරකාරත්වයක සිටින ළමුන් සහ වීදි ළමුන්ට දීමනාවක්
(14.07.2025 – 13:12 +0530 – sinhala.adaderana.lk)
ආයතනික රැකවරණය හෝ භාරකාරත්වය යටතේ සිටින ළමයින් සහ වීදි ළමයින් සඳහා රුපියල් පන්දහසක (5000) දීමනාව ලබාදීමේ වැඩසටහන හෙට (15) ආරම්භ කරන බව කාන්තා සහ ළමා කටයුතු අමාත්‍ය සරෝජා සාවිත්‍රි පොල්රාජ් මහත්මිය පැවසීය.
රජයේ ප්‍රවෘත්ති දෙපාර්තමේන්තුවේ අද (14) පැවති ප්‍රවෘත්ති සාකච්ඡාවකදී ඇය සඳහන් කළේ මෙම වැඩසටහනින් ළමයින් 9,191 කට ප්‍රතිලාභ හිමිවන බවය.
කාන්තා හා ළමා කටයුතු අමාත්‍ය,- සරෝජා සාවිත්‍රි පොල්රාජ් :
“ආයතනික රැකවරණය හෝ භාරකාරත්වය යටතේ සිටින ළමයින් සහ වීදි ළමයින් සඳහා රුපියල් පන්දහසක (5000) දීමනාව මාසිකව ලබා දීමට කටයුතු කරලා තියෙනවා. මේ රුපියල් 5,000 දීමනාව ලංකාව පුරාම ළමා සංවර්ධන මධ්‍යස්ථාන 306 ක ජීවිත් වෙන ළමුන් 9,191 ක් මෙයින් ප්‍රතිලාහී වෙනවා. ඒ ළමුන් සඳහා ලබා දෙන ප්‍රතිලාභයෙන් රුපියල් 3,000 ක් ළමයින්ගේ භාරකාරත්වය දරන ආයතනවල භාරකාරීත්වයට පැවරෙනවා. රුපියල් 2,000 ක් තමා ‘අර්ථ’ යන ගිණුමට තැන්පත් කරන්නේ. ඔවුන්ට අවුරුදු 18 ක් සම්පූර්ණ වුණාම ඉදිරි අනාගතය සඳහා මේ රුපියල් 2000 මුදල ප්‍රයෝජනවත් වෙනවා. මෙම ප්‍රතිලාභ සඳහා රුපියල් මිලියන දහසක (1000) මුදලක් අයවැයෙන් වෙන් කරලා තියෙනවා. සෑම මාසෙකම 10 වෙනිදාට අදාළ ගිණුමට මුදල් තැන්පත් වෙන විදිහට තමා මේක හදලා තියෙන්නේ” ෴
නීතිවිරෝධී මත්පෙති 216,000 ක් සමඟ අයෙකු නොරොච්චෝලේදී අත්අඩංගුවට
(14.07.2025 – hirunews.lk)
පුත්තලම, නොරොච්චෝලේ ප්‍රදේශයේදී නීති විරෝධී ලෙස සන්තකයේ තබාගෙන සිටි අන්තරායකර ඖෂධ ගණයට අයත් මත් පෙති 216,000 ක් (දෙලක්ෂ දහසය දහසක්) සුරාබදු නිලධාරීන් විසින් ඊයේ (13) අත්අඩංගුවට ගෙන තිබෙනවා.
මෙම මත් පෙතිවල වෙළෙඳපොළ වටිනාකම රුපියල් එක් කෝටි අට ලක්ෂයක් (1,08,00,000) පමණ බව බවයි සුරාබදු දෙපාර්තමේන්තුව නිකුත් කළ නිවේදනයේ සඳහන් වන්නේ.
සුරාබදු කොමසාරිස් ජනරාල් එම්.බී.එන්.ඒ. ප්‍රේමරත්න, නියෝජ්‍ය සුරාබදු කොමසාරිස් (නීති ක්‍රියාත්මක) තිස්ස කුමාර රාජපක්ෂ, සුරාබදු අධිකාරී සුනිල් පී. ආරච්චි සහ දීපව්‍යාප්ත සුරාබදු විශේෂ මෙහෙයුම් ඒකකයේ ස්ථානාධිපති නිරෝෂ් ජයකොඩි යන මහත්වරුන්ගේ උපදෙස් මත දීපව්‍යාප්ත සුරාබදු විශේෂ මෙහෙයුම් ඒකකයේ නිලධාරීන් විසින් මෙම වැටලීම සිදුකර තිබෙනවා.
මෙම නීති විරෝධී මත් පෙති සන්තකයේ තබා ගැනීම සම්බන්ධයෙන් නොරොච්චෝලේ ප්‍රදේශයේ පදිංචි 33 හැවිරිදි පුද්ගලයෙකු අත්අඩංගුවට ගෙන ඇති අතර, ඔහු අද පුත්තලම මහේස්ත්‍රාත් අධිකරණයට ඉදිරිපත් කිරීමට නියමිතයි ෴
කරදරයක් නැතුව ‘ස්පා’ එක කරගෙන යන්න රු. 30,000 ක අල්ලසක් ගත්ත හිටපු ASP අවුරුදු 14 ක් ඇතුළට
(14.07.2025 – hirunews.lk)
සම්බාහන මධ්‍යස්ථානයක් කරදරයකින් තොරව පවත්වාගෙන යෑම සදහා එහි හිමිකාරියගෙන් රුපියල් 30,000 ක අල්ලසක් ලබාගැනීමේ චෝදනාවන්ට වරදකරුවූ වෙන්නප්පුව හිටපු සහකාර පොලිස් අධිකාරීවරයාට වසර 14 ක බරපතල වැඩ සහිත සිරදඬුවමක් නියම කළ කොළඹ මහාධිකරණ විනිසුරු මහේෂ් වීරමන් අල්ලස් වශයෙන් ලබාගත් රුපියල් 30,000 මුදල යළි අයකර ගැනීමටද නියම කර තිබෙනවා.
වරදකරුවන් අත්අඩංගුවට ගෙන නීතීය ක්‍රියාත්මක කිරීමට යොදවා සිටියදී මීට වසර 07 කට පෙර කළ වරදක් සම්බන්ධයෙන් විත්තිකරුට එරෙහිව වූ චෝදනාවන් පැමිණීල්ල විසින් සාධාරණ සැකයකින් තොරව ඔප්පු කර ඇතැයි තීරණය කරමින් විත්තිකරුට අදාළ දඬුවම් නියම කළ විනිසුරුවරයා රුපියල් 30,000 ක දඩයකටද විත්තිකරු යටත් කළා.
චෝදනාවන්ට වරදකරු වීමෙන් අනතුරුව මෙලෙස දඬුවම් නියම වූයේ වෙන්නප්පුව සහකාර පොලිස් අධිකාරීවරයා වශයෙන් කටයුතු කළ ජයතිලක බණ්ඩාර නමැත්තාටයි.
2018 බෙරවාරී 08 වැනිදා හෝ ඊට ආසන්න දිනයක වෙන්නප්පුව ප්‍රදේශයේ පවත්වාගෙන ගිය ආයුර්වේද සම්භාහන මධ්‍යස්ථානයක් කරදරයකින් තොරව පවත්වාගෙන යෑම සදහා එහි හිමිකාරියගෙන් රුපියල් 40,000 ක අල්ලසක් ඉල්ලා ඉන් රුපියල් 30,000 ක් ලබාගැනීම ඇතුළු චෝදනා 06 ක් යටතේ ‘අල්ලස් කොමිසම’ විත්තිකරුට එරෙහිව නඩු පවරා තිබුණා.
සිද්ධිය සම්බන්ධයෙන් පැවැති දීර්ඝ නඩු විභාගයේදී විත්තිකරු මීට වසර 07 කට පෙර, වරදකරුවන් අත්අඩංගුවට ගෙන නීතීය ක්‍රියාත්මක කිරීම සඳහා වෙන්නප්පුව සහකාර පොලිස් අධිකාරීවරයා වශයෙන් සේවයේ යොදවා සිටියදී, පැමිණීලිකාර කාන්තාව වෙන්නප්පුව නගරයේ පවත්වාගෙන ගිය ආයුර්වේද සම්භාහන මධ්‍යස්ථානය කරදරයකින් තොරව පවත්වාගෙන යෑම සඳහා රුපියල් 40,000 ක මුදලක් ඉල්ලා අති බව පසුව එම මුදල රුපියල් 30,000 දක්වා අඩුකර ඇති බවත් අනාවරණය වුණා.
ඒ පිළිබඳව ඇය අල්ලස් කොමිසමට කළ පැමිණීල්ලකට අනුව කළ වැටලීමකදී විත්තිකරු අල්ලස් ලෙස රුපියල් 40,000 ක මුදලක් ඉල්ලා අති බවත්, පසුව එම මුදල රුපියල් 30,000 දක්වා අඩුකර ඇති බවත් අනාවරණය වී තිබෙනවා.
ඒ පිළිබඳව ඇය අල්ලස් කොමිසමට කළ පැමිණීල්ලකට අනුව කළ වැටලීමකදී විත්තිකරු රුපියල් 30,000 ක මුදලක් අල්ලස් වශයෙන් ලබාගැනීමේදී අල්ලස් කොමිසමේ නිලධාරීන් විසින් අත්අඩංගුවට ගෙන ඇති බවත්, විත්තිකරුට එරෙහි චෝදනාවන් පැමිණිල්ල විසින් සාධාරණ සැකයකින් තොරව ඔප්පු කර ඇති බවත්, දීර්ඝ නඩු විභාගය අවසානයේදී විනිසුරුවරයා තීන්දුවේ සඳහන් කර තිබුණා.
ඒ අනුව අදාළ දඬුවම් නියම කළ විනිසුරුවරයා දඩ සහ දණ්ඩන මුදල් නොගෙවුවහොත් අමතර සිරදඬුවම්ද නියම කර තිබෙනවා ෴
විදුහල්පතිට එරෙහිව ගම්පහ බණ්ඩාරනායකයේ විරෝධතා
(14.07.2025 – hirunews.lk)
ගම්පහ බණ්ඩාරනායක විද්‍යාලයේ වත්මන් විදුහල්පතිවරයා ඉවත් කර ඒ වෙනුවට පළපුරුද්දක් සහිත දක්ෂ විදුහල්පතිවරයෙකු පත්කරන ලෙසට බලකරමින් එම විද්‍යාලය ඉදිරිපිට අද (14) විරෝධතාවක් පැවැත්වුණා.
ඊට එම විද්‍යාලයේ ආදි සිසුන් සහ දෙමාපියන් මෙන්ම, විද්‍යාලයේ ඉගෙනුම ලබන සිසුන් පිරිසක් ද එක්ව සිටියා.
සිසුන් 5,000 ක් පමණ අධ්‍යාපනය ලබන ගම්පහ බණ්ඩාරනායක විද්‍යාලයේ වත්මන් විදුහල්පතිවරයා ඉවත් කරන ලෙස බල කරමින් සිසුන්ගේ දෙමාපියන් සහ ආදි සිසුන් ඇතුළු 2,000 ක පමණ පිරිසක් මෙම විරෝධතාවට එක්ව සිටියා.
ඔවුන් පැවසුවේ, වත්මන් විදුහල්පතිවරයා ඉවත් කර පළපුරුද්දක් ඇති විදුහල්පතිවරයෙකු පත් කරන ලෙසයි.
පාසැලේ ඉගෙනුම ලබන සිසුන්ගෙන් පිරිසක් ද උද්ඝෝෂණයට එක්ව සිටි අතර, විරෝධතාව පාලනය කිරීම සඳහා පොලිසිය ද විදුහලට පැමිණි නමුත් දැඩි විරෝධතා මධ්‍යයේ වත්මන් විදුහල්පතිවරයා පොලිස් ආරක්ෂාව යටතේ පාසැලින් පිටව යනු ලැබුවා.
මේ සම්බන්ධයෙන් ‘හිරු ප්‍රවෘත්ති’ අප කළ විමසීමකදී ගම්පහ කලාප අධ්‍යාපන අධ්‍යක්ෂවරිය පැවසුවේ, විදුහල්පතිවරයා ඉවත් වීමට කැමැත්ත පළ කළ බව පවසමින් ආදි සිසුන් පිරිසක් තමන්ට ලිපියක් භාරදුන් බවයි.
එහෙත්, තමන් එම ලිපිය භාර නොගත් බවත්, විදුහල්පතිවරයා ඉවත් කරන්නේ ද නැද්ද යන තීරණය රාජ්‍ය සේවා කොමිසන් සභාව තීරණය කරනු ඇති බවත් ගම්පහ කලාප අධ්‍යාපන අධ්‍යක්ෂවරිය සඳහන් කළා.
+++
+
සිතාසි බෙදන්නාගේ රාජකාරියට බාධා කිරීම නිසා තිළිණි ප්‍රියමාලිට හෙට (15) පොලිසිය හමුවේ පෙනී සිටින ලෙස නියෝග
(14.07.2025 – hirunews.lk)
ව්‍යාපාරිකාවක් වෙන තිළිණි ප්‍රියමාලිට හෙට (15) දින හෝමාගම මූලස්ථාන පොලිසිය හමුවේ පෙනී සිටින ලෙස හෝමාගම මහේස්ත්‍රාත් රජීන්ද්‍රා ජයසූරිය අද (14) දින නියෝග කර තිබෙනවා.
ඒ හෝමාගම දිසා අධිකරණයෙහි සිතාසි බෙදන්නා සහ ඇස්කිසි ක්‍රියාත්මක කරන්න්නාගේ රාජකාරියට බාධා කරමින් අධිකරණයේ කටයුතුවලට හිතාමතා බාධා කිරීම සහ යුක්තිය ඉෂ්ටවීම වැළැක්වීමට කටයුතු කිරීම සම්බන්ධයෙන්.
විත්තිකාර තිළිණි ප්‍රියමාලි ඉකුත් ජුනි 16 දින අධිකරණයෙහි විභාගවන නඩුවක් සඳහා පෙනී සිටීමට හෝමාගම මහේස්ත්‍රාත් අධිකරණය වෙත පැමිණෙන බැවින් එම විත්තිකාරිය වෙත ලබාදීමට නියමිත සිතාසියක් එදිනට ලබා දෙන ලෙස පැමිණිල්ල විසින් සිදුකළ ඉල්ලීමක් මත දිසා අධිකරණයේ මහේස්ත්‍රාත්වරයාගේ නියෝගය පරිදි එම අධිකරණයෙහි සිතාසි බෙදන්නකු වන අරුණ ප්‍රේමශාන්ත යන අය විසින් අධිකරණය ඉදිරිපිට මාර්ගයේදී එම සිතාසිය විත්තිකාරිය වෙත ලබාදීමට කටයුතු කර තිබෙනවා.
එම අවස්ථාවේදී විත්තිකාර තිළිණි ප්‍රියමාලි විසින් මාර්ගයේ ගමන් කළ ජනතාව ඉදිරිපිටදී සිතාසි බෙදන්නාට බැණ වදිමින් අදාල සිතාසිය උදුරාගෙන එහි පිටුපස කුරුටුගා කිසිවක් ලියා නැවතත් සිතාසි බෙදන්නා වෙත එම සිතාසි පත්‍රය දමා ගසමින් සිංහල සහ ඉංග්‍රීසි භාෂාවෙන් බැණ වැදී ඇතැයි සිතාසි බෙදන්නකු වන අරුණ ප්‍රේමශාන්ත යන අය අධිකරණය වෙත සිදුකළ පැමිණිල්ලේ සඳහන්ව ඇති බව සඳහන්.
මේ සම්බන්ධයෙන් හෝමාගම මූලස්ථාන පොලිසිය මගින් විමර්ශනය කටයුතු සිදු කරමින් සිටින අතරතුර විත්තිකාර තිලිනි ප්‍රියමාලී යන අය අද (14) දින අධිකරණයෙහි පෙනී සිටියද ඇය පිළිබඳව පොලිස් විමර්ශනයක් සිදුකර නොමැති බවත් පොලිස් විමර්ශනයකින් සැකකරුවෙකු ලෙස හඳුනාගත් අයෙකුට පමණක් අධිකරණය වෙත පෙනී සිටිය හැකි බැවින් එම විත්තිකාරිය අධිකරණය හමුවේ පෙනී සිටීමට තම විරෝධය පළ කරන බව අගතියට පත් පාර්ශවය වෙනුවෙන් පෙනී සිටි ජ්‍යෙෂ්ඨ නීතිඥ සුමිත් පරාක්‍රම පෙරේරා අධිකරණය හමුවේ ප්‍රකාශකර සිටියා.
අධිකරණයේ නිලධාරියකුට සිදුවූ අකටයුත්තක් සම්බන්ධයෙන් පැමිණිල්ලක් ලැබී තිබියදී ඒ පිළිබඳව විමර්ශන ප්‍රමාද වීම පිළිබඳව මෙහිදී මහේස්ත්‍රාත්වරිය පොලිසියෙන් විමසා සිටි අතර එහිදී පොලිසිය වෙනුවෙන් පෙනී සිට නිලධාරියා අධිකරණය වෙත කරුණු දක්වමින් පවසා සිටියේ විත්තිකාරිය සොයා කිහිප වතාවක් ඇයගේ නිවස වෙත ගියද විත්තිකාරිය පොලිසිය මගහරිමින් කටයුතු කිරීම නිසාවෙන් අත්අඩංගුවට ගැනීමට නොහැකි වූ බවයි.
එම අවස්ථාවේදී පොලිසිය ක්‍රියාකර ඇති ආකාරය පිළිබඳ දැඩි ලෙස දෝෂ දර්ශනයට ලක් කළ මහේස්ත්‍රාත්වරිය, “මෙම පැමිණිල්ල අධිකරණයෙහි නිලධාරියෙකුට සිදුවූ බලපෑමක් පිළිබඳව සිදුකර තියෙන්නෙ.පොලිසියේ කාට හරි එහෙම දෙයක් වුණා නම් පොලිසිය මෙච්චර කල් බලන් ඉන්නවද? මේ විදියට අධිකරණ නිලධාරියෙකුට ගහලා ගියත් මොකුත් කරන එකක් නෑනෙ. අවම වශයෙන් අද (14) දිනයෙවත් පොලිසිය වැඩිදුර වාර්තාවක් අධිකරණය වෙත ඉදිරිපත් කරලා නෑ. යනුවෙන් විවෘත අධිකරණයේදී පවසා සිටි බවයි ‘හිරු’ අධිකරණ වාර්තාකරු සඳහන්කර සිටියේ ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴