‘ඇඹිලිපිටිය ප්‍රාදේශීය සභාවේ’ රුපියල් කෝටි 07 ක මූල්‍ය වංචාවට තුන්දෙනෙක් (3) අත්අඩංගුවට
‘ඇඹිලිපිටිය ප්‍රාදේශීය සභාවේ’ රුපියල් කෝටි 07 ක මූල්‍ය වංචාවට තුන්දෙනෙක් (3) අත්අඩංගුවට
(01.04.2025 – 23:27 +0530 – hirunews.lk/sinhala)
‘සබරගමු පළාත්සභාවට’ අදාල ව්‍යාපෘති හැත්තෑහතකට (77) අදාලව රුපියල් 7,16,45,226.32 සාවද්‍ය පරිහරණය කිරිම සම්බන්ධව ‘ඇඹිලිපිටිය ප්‍රාදේශීය සභාවේ’ හිටපු ලේකම්වරයෙකු, තාක්ෂණ නිලධාරියෙකු සහ විෂයභාර ලිපිකරුවෙකු මේ මස 08 දා තෙක් රිමාන්ඩ් භාරයේ තබන ලෙස ඇඹිලිපිටිය ප්‍රධාන මහේස්ත්‍රාත් තිළිණ මහේෂ් පීරිස් අද 01 දා නියෝග කළා.
මෙසේ රිමාන්ඩ්බාරයට පත් කෙරුනේ, ‘ඇඹිලිපිටිය ප්‍රාදේශීය සභාවේ’ හිටපු තාක්ෂණ නිලධාරියෙක්, හිටපු ලේකම්වරයෙක් සහ හිටපු විෂය ලිපිකරුවෙක්.
2016 සහ 2017 වර්ෂ සදහා ‘ඇඹිලිපිටිය ප්‍රාදේශීය සභාවේ’ විවිධ ව්‍යාපෘතිවලට යෙදවීමේදී ව්‍යාපෘති 77 කට අදාලව, රුපියල් 7,16,45,226.32 ක මුලදල් වංචා කිරිම සම්බන්ධයෙන් 2023 ජනවාරි 20 දින ‘අපරාධ පරීක්ෂණ දෙපාර්තමේන්තුව’ට ලැබුනු පැමිණිල්ලට අනුව සැකකරුවන් අත්අඩංගුවට ගත්තා.
‘සබරගමු පළාත් සභාවේ පළාත් මාර්ග සංවර්ධන, ග්‍රාමීය යටිතල පහසුකම්, සංචාරක, ක්‍රීඩා යෞවන කටයුතු අමාත්‍යාංශයේ’ ලේකම් ‘බමුණුආරච්චිගේ චාමර ප්‍රේමනාත්’ යන අයවිසින් ‘අපරාධ පරීක්ෂණ දෙපාර්තමේන්තුවේ මුල්‍ය හා වානිජ අපරාධ දෙපාර්තමේන්තුව’ට මේ සම්බන්ධව පැමිණිලිකර තිබුණා.
රුපියල් 7,16,45,226.32 ක මූල්‍ය අලාභයක් සිදුකිරිම, එම මුදල් සාපරාධී සාවද්‍ය පරිහරණය, සාපරාධී විශ්වාසය කඩකිරීම, කූඨ ලේඛන සකස් කිරිම යන ‘පොදු දේපල විෂයෙහිලා සිදුකරනු ලබන වැරදි’ සම්බන්ධයෙන් සැකකරුවන් අත්අඩංගුවට ගෙන තිබුණා.
මෙම ව්‍යාපෘති 77 අතරින් 15 ක් සිදුකර නොමැති බවද අධිකරණයේදි හෙළිවී තිබෙනවා.
‘මාර්ග හා ක්‍රීඩාපිටි ඉදිකිරිම’ සම්බන්ධයෙන් මෙම වංචාවන් සිදුව ඇති බව ‘රහස් පොලිසිය’ අධිකරණයට කරුනු දක්වමින් පෙන්වා දුන්නේ.
‘ඇඹිලිපිටිය ප්‍රාදේශීය සභාව’ මගින් සිදුකල මාර්ග ව්‍යාපෘති පහලොවක් (15), පස්කැපූ මාර්ග ව්‍යාපෘති දහතුනක් (13), කොන්ක්‍රීට් අතුරා සංවර්ධනය කළ මාර්ග ව්‍යාපෘති දොළහක් (12), තාරයොදා සංවර්ධනය කළ මාර්ග ව්‍යාපෘති දොළහක් (12), ග්‍රොවල් යොදා සංවර්ධනය කළ මාර්ග ව්‍යාපෘති හයක් (06), ක්‍රීඩා පිටි ව්‍යාපෘති දොළහක් (12) මගින් මෙම මුල්‍ය වංචාව සිදුව තිබෙනවා ෴
නීතියානුකූල නොවන සිවිල් සංවිධානවලට එරෙහිව නීතිමය පියවර
(01.04.2025 – 22:19 +0530 – hirunews.lk/sinhala)
රට අස්ථාවර කිරීමට හා පාරිභෝගික ජනතාව අතර කැළඹිලි සහගත තත්ත්වයක් නිර්මාණය කිරීමට කටයුතු කරන නීත්‍යානුකූල නොවන සිවිල් සංවිධානවලට එරෙහිව නීතිමය පියවර ගැනීමට ‘රජයේ ප්‍රවෘත්ති දෙපාර්තමේන්තුව’ නීතිපතිවරයාගේ උපදෙස් ඉල්ලා තිබෙනවා.
මෙම සංවිධාන ‘කම්කරු දෙපාර්තමේන්තුවේ’ හෝ ‘රාජ්‍ය නොවන සංවිධාන මහ ලේකම් කාර්යාලයේ’ ලියාපදිංචි නොවූ සංවිධාන බවට නිරීක්ෂණය වී ඇතැයි ‘රජයේ ප්‍රවෘත්ති දෙපාර්තමේන්තුවේ’ අධ්‍යක්ෂක ජනරාල් හර්ෂ බණ්ඩාර පවසනවා.
මෙම සංවිධාන විසින් සිදු කරන ඇතැම් මාධ්‍ය ප්‍රකාශ නිසා රජය මෙන්ම පාරිභෝගික ජනතාව අතර කැළඹිලි සහගත මතභේදාත්මක අදහස් සමාජගත වන බවයි ඔහු පෙන්වා දෙන්නේ.
මෙහිදී ඇතැම් සංවිධානවල එක් (1) පුද්ගලයෙක් පමනක් සිටින හෝ සංවිධානයක් ලියා පදිංචි කිරීමට අවශ්‍යය නිලධාරින් සංඛ්‍යාවක් නොමැති හෝ, ව්‍යවස්ථා ලේඛනයක් නොමැති හෝ සංවිධාන බව නිරීක්ෂණය වී තිබෙනවා.
එමෙන්ම නීත්‍යානුකූල ලියාපදිංචිවීමකින් තොරව පවත්වගෙන යාම පිළිබඳවද නිරීක්ෂණය වී තිබෙන බවයි වාර්තා වන්නේ.
මේ අනුව පසුගිය කාලය තුළදී ගොවීන්, පාරිභෝගිකයින්, ස්වයං රැකියා සහ ව්‍යවසායකයින් වෙනුවෙන් පෙනී සිටි ඇතැම් සංවිධානවල නීත්‍යානුකූලබව තහවුරු කිරීම පිළිබඳව ගැටලු මතුව ඇති බවද පැවසෙනවා.
ඒ අනුව මෙම සංවිධාන පිළිබඳව ‘කම්කරු දෙපාර්තමේන්තුවෙන්’ හා ‘රාජ්‍ය නොවන සංවිධාන පිළිබඳ මහලේකම් කාර්යාලයෙන්’ වාර්තා කැඳවීමට නියමිතයි.
රටේ ආණ්ඩුක්‍රම ව්‍යවස්ථාවෙන් ලබා දී ඇති ජනතාවට අදහස් ප්‍රකාශ කිරීමේ අයිතිය හා භාෂණයේ නිදහසට ගරු කරමින් අදහස් දැක්වීමේ අයිතිය ලබා දී තිබෙනවා.
එහෙත් මෙම සංවිධාන කිසිදු ආකාරයකින් ලියාපදිංචි කිරීමකින් තොරව පවත්වාගෙන යාම සම්බන්ධව කරුණු සොයා බැලීමක් සිදු කිරීමටයි නියමිතව ඇත්තේ.
‘රජයේ ප්‍රවෘත්ති දෙපාර්තමේන්තුව’ සියළුම ජනමාධ්‍ය ආයතනවලින් ඉල්ලා සිටින්නේ යම් සංවිධානයකින් මාධ්‍ය ප්‍රකාශයක් ලබා ගන්නේ නම් ඒ පිළිබඳව පසු විපරමක් සිදුකරන ලෙසයි.
මේ වන විට රට තුළ ක්‍රියාත්මකව පවතින නීතියානුකූල නොවන සංවිධානවලට එරෙහිව ඉදිරියේදී නීතිපතිවරයාගේ උපදෙස් මත ක්‍රියා කරන බවයි ‘රජයේ ප්‍රවෘත්තිය අධ්‍යක්ෂක ජනරාල්වරයා’ වැඩිදුරටත් පවසන්නේ ෴
අප්‍රේල් 11 දීප ව්‍යාප්ත පිණ්ඩපාත චාරිකාවක්
(01.04.2025 – 22:10 +0530 – sinhala.adaderana.lk)
භූ කම්පනයෙන් විපතට පත් මියන්මාර වැසියන්ට ආධාර ලෙස ලබාදීමට මුදල් එකතු කිරීම සඳහා අප්‍රේල් 11 වනදා දීප ව්‍යාප්ත පිණ්ඩපාත චාරිකාවක් සංවිධාන කිරීමට තීරණය කළ බව ‘සමස්ත ලංකා ශාසනාරක්ෂක මණ්ඩලය’ සඳහන් කරයි.
‘සමස්ත ලංකා ශාසනාරක්ෂක මණ්ඩලයේ’ සභාපති පූජ්‍ය තුඹුල්ලේ සීලක්කන්ද හිමි ඒ බව පැවසීය.
එමෙන්ම මල්වතු පාර්ශ්වයේ අනුනායක පූජ්‍ය දිඹුල්කුඹුරේ විමලධම්ම හිමි සඳහන් කළේ, ශ්‍රී දළදා මාලිගාවේ දියවඩන නිලමේවරයා ඇතුළු කාර්ය මණ්ඩලය සහ මල්වතු – අස්ගිරි දෙපාර්ශ්වය මියන්මාරයට උපකාර කිරීමට බලාපොරොත්තු වන බවය.
පසුගියදා මියන්මාරයට බලපෑ ප්‍රබල භූ කම්පනයෙන් මියගිය පිරිස මේ වනවිට 2,700 ඉක්මවා ඇති අතර තවත් 4,000 කට ආසන්න පිරිසක් තුවාල ලබා ඇත.
එමෙන්ම ගොඩනැගිලි කඩා වැටීමත් සමග සුන්බුන්වලට යටවී අතුරුදන්වූවන් සොයා මියන්මාරයේ සහ තායිලන්තයේ සිදුකෙරෙන මෙහෙයුම් අඛණ්ඩව සිව්වන දිනටත් ක්‍රියාත්මකව පවතී.
මේ අතර භූ කම්පනයෙන් විපතට පත් ජනතාවට සහන සැලසීම සඳහා මෙරට වෛද්‍ය කණ්ඩායමක් මියන්මාරයට පිටත්කිරීමට සූදානම් කර ඇති බව සෞඛ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.
අමාත්‍යවරයා පැවසුවේ අදාළ තනාපති කාර්යාල වලින් දැනුම් දීම් කළ වහාම අදාළ වෛද්‍ය කණ්ඩායම් පිටත් කර යැවීම සඳහා කටයුතු කරන බවය.
+
+
+
කැළෑවටම යට වෙන බස් ඩිපෝව ජනතාව බලධාරීන්ගෙන් කළ ඉල්ලීම… (01.04.2025)
+
පිටරට ෂෝ එකකට ශිහාන්ට විතරක් ලක්ෂ පනහයි – මිනිස්සු රට පටවන ජාවාරමත් මුන් කරනවා – මෙන්න සාක්ෂි (01.04.2025)
(රොෂාන් නානායක්කාර, රූබස් ප්‍රනාන්දු, මනෝජ් හෙට්ටිආරච්චි සමග චමුදිත සමරවික්‍රම)
+++
සංගීත සංදර්ශන කරලා හමාරයි – නව පරපුරේ ගායකයෝ මේක විනාශ කළා – මෙහෙම වුණේ මේ ආණ්ඩුව ආවට පස්සේ (02.04.2025)
+
ජනාධිපතිගේ කියවිල්ල තුන්වැනි පංතියේ වැඩක් |සාගරගෙන් අනුරට බරපතල චෝදනා මල්ලක් |අම්මෝ.. සාගර කියන කතා (01.04.2025)
+
අයියාගේ පහරින් මල්ලිට දිවි අහිමි වෙයි
(02.04.2025 – 06:48 +0530 – hirunews.lk/sinhala)
ජාඇල පොලිස් වසමේ ඒකල ශාන්ත මැතිව් මාවත ප්‍රදේශයේදී ඊයේ (01) සවස් කාලයේ පුද්ගලයෙකුට තියුණු ආයුධකින් පහරදී ඝාතනය කර ඇති බව ජාඇල පොලිසිය සඳහන් කරනවා.
මෙසේ මියගොස් ඇත්තේ, වයස අවුරුදු 24 ක් වූ ශාන්ත මැතිව් මාවත, ඒකල ප්‍රදේශයේ පදිංචිකරුවෙක්.
මුදල් ආරවුලක් මත සහෝදරයින් දෙදෙනෙකු (2) අතර ඇතිවූ බහින් බස් වීමක් දුරදිග යාම හේතුවෙන් වැඩිමහල් සහෝදරයා විසින් බාල සහෝදරයාට තියුණු ආයුධයකින් පහරදී මෙම ඝාතනය සිදු කර ඇති බවටයි දැනට සිදු කරන ලද විමර්ශනයේදී අනාවරණය වී ඇත්තේ.
එමෙන්ම සිද්ධියට සම්බන්ධ සැකකරු අත්අඩංගුවට ගෙන ඇති අතර, ඔහු වයස අවුරුදු 35 ක් වන ඒකල ප්‍රදේශයේ පදිංචිකරුවෙක්.
මෘත ශරීරය රාගම රෝහලේ මෘත ශරීරාගාරයේ තැන්පත් කර ඇති අතර, ජාඇල පොලිසිය වැඩිදුර විමර්ශන සිදු කරනු ලබනවා ෴
විදෙස් රටකින් මෙහෙයවූ මෙරට මත්ද්‍රව්‍ය ජාවාරමක සුලමුල හෙළිවෙයි
(02.04.2025 – 07:03 +0530 – hirunews.lk/sinhala)
වත්තල පොලිස් වසමේ හේකිත්ත පාර වත්තල ප්‍රදේශයේ පිහිටි ලැගුම්හලක කාමරයක් තුළ ඊයේ (01) උදෑසන කාන්තාවක් ගෙල වැළලාගෙන සිටින බවට වත්තල පොලිස් ස්ථානයට ලද පැමිණිල්ලක් මත වත්තල පොලිසිය විසින් විමර්ශන ආරම්භ කර තිබෙනවා.
විමර්ශන සිදුකළ නිලධාරින් හට ලැගුම්හලේ නාන කාමරයක් තුළ කාන්තාවක් සිහිසුන්ව සිටිනු නිරික්ෂණය වී තිබුණා.
නිලධාරින් මෙම කාන්තාව නැවත සිහි ගැන්වීමට කටයුතු කර ඇති අතර, අනතුරුව ඇය පරික්ෂා කිරීමේදී ‘අයිස් මත්ද්‍රව්‍ය’ ග්‍රෑම් 06 යි මිලිග්‍රෑම් 100 ක් ඇය සන්තකයේ තිබීම හේතුවෙන් පොලිසිය විසින් අත්අඩංගුවට ගෙන තිබෙනවා.
අත්අඩංගුවට ගත් සැකකාරිය වයස අවුරුදු 35 ක් වන කොළඹ 15 ප්‍රදේශයේ පදිංචිකාරියක්.
සැකකාරියගෙන් සිදුකල වැඩිදුර ප්‍රශ්න කිරීමේදි මෙම කාන්තාව විදේශ ගතව සිටිමින් මත්ද්‍රව්‍ය බෙදාහරින්නෙකු සමග සමීප සම්බන්ධතා පවත්වන බවට හා මත්ද්‍රව්‍ය ජාවාරම්කරු විසින් සුරක්ෂිතව තැබීම සඳහා ඇය වෙත ලබා දෙන ලද ටී 56 ගිනි අවියක් හා එම පතරොම් 113 ක් සම්බන්ධයෙන් තොරතුරු අනාවරණය කර ගෙන තිබෙනවා.
මෙම සැකකාරියගේ මග පෙන්වීම මත ඇය පදිංචිව සිටින, දෙවන විවාහයේ සැමියා පදිංචි රාගම ප්‍රදේශයේ නිවසක සඟවා තිබියදී පොලිසිය විසින් එම අවිය හා පතරොම් සොයාගනු ලැබ තිබුණා.
එම ටී 56 ගිනි අවිය හා පතරොම් සඟවා තිබූ හීන්කෙන්ද, රාගම නිවසේ පදිංචි සැකකාර කාන්තාවගේ වයස අවුරුදු 40 ක් වන සැමියා ද වත්තල පොලිසිය විසින් අත්අඩංගුවට ගනු ලැබ වැඩිදුර විමර්ශන සිදු කරනු ලබනවා.
+
පස් කන්දක් කඩා වැටී ඇල්ල-වැල්ලවාය මාර්ගයේ කරදගොල්ල ප්‍රදේශයේ ගමනාගමනයට බාධා
(02.04.2025 – 08:49 +0530 – hirunews.lk/sinhala)
ඇල්ල – වැල්ලවාය මාර්ගයේ කරඳගොල්ල ප්‍රදේශයේ මාර්ගයේ එක් මන්තීරුවක් අවහිර වී තිබෙනවා.
ඒ, මාර්ගයට පස් කඳු සහ ගල් පෙරලීම හේතුවෙන්.
මේ නිසා එම මාර්ගය භාවිත කරන ජනතාව විමසිල්ලෙන් පසුවන ලෙසයි බදුල්ල දිස්ත්‍රික් ආපදා කළමණාකරණ ඒකකය දැනුම් දෙන්නේ ෴
දකුණු කොරියාවේ ශ්‍රි ලංකා තානාපති කාර්යාලයෙන් දැනුම්දීමක්
(02.04.2025 – 10:29 +0530 – hirunews.lk/sinhala)
සෝල් අගනුවර ඇති විය හැකි නොසන්සුන්කාරී තත්ත්ව හේතුවෙන් අනිද්දා (04) සහ ලබන සෙනසුරාදා (05) දිනවල තානාපති කාර්යාලය ජනතාව සදහා විවෘත නොවන බව දකුණු කොරියාවේ පිහිටි ශ්‍රී ලංකා තානාපති කාර්යාලය නිවේදනය කරනවා.
ඒ අනුව, එරට සිටින සියලු ශ්‍රී ලාංකිකයින් හදිසි අවශ්‍යතාවක් නොමැති නම් අදාළ දිනවලදී සෝල් නගරය වෙත පැමිණීම අවම කරන ලෙසයි එම තානාපති කාර්යාලය ඉල්ලා සිටින්නේ.
එමෙන්ම, යම් හදිසි අවස්ථාවකදී 02-735-2966, 02-735-2967 සහ 02-794-2968 යන දකුණු කොරියාවේ පිහිටි ශ්‍රී ලංකා තානාපති කාර්යාලය අංකය හෝ 070-4009-2992 යන දුරකතන අංකවලට ඇමතුම් ලබා දෙන ලෙස ද ඉල්ලීමක් කරනවා ෴
පුංචි ඡන්දයට ඡන්ද පත්‍රිකා නිවෙස්වලට බෙදා හැරීම අප්‍රේල් 16 සිට 29 වැනිදා දක්වා
(02.04.2025 – 10:40 +0530 – hirunews.lk/sinhala)
පළාත් පාලන ඡන්ද විමසුම සඳහා ඡන්ද පත්‍රිකා නිවෙස්වලට බෙදා හැරීම සම්බන්ධයෙන් තැපැල්පති රුවන් සත්කුමාර විශේෂ දැනුම්දීමක් සිදුකරනවා.
ඒ අනුව ඡන්ද පත්‍රිකා බෙදා හැරීම අප්‍රේල් 16 සිට 29 වැනිදා දක්වා සිදුකෙරෙන බවයි තැපැල්පතිවරයා පවසන්නේ.
අප්‍රේල් 20 වන දින විශේෂ බෙදාහැරීමේ දිනයක් ලෙස වෙන් කර ඇති බවද සඳහන් ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴