සිසුවියන් දෙදෙනෙක් (2) වික්ටෝරියා ජලාශයට පනිති; එකියක් නැවත මෙලොවට – අනෙකිය පරලොවට
සිසුවියන් දෙදෙනෙක් (2) වික්ටෝරියා ජලාශයට පනිති; එකියක් නැවත මෙලොවට – අනෙකිය පරලොවට
(24.11.2024 – 14:37 +0530 – hirunews.lk/sinhala)
පාසල් සිසුවියක් (1) ඊයේ (24) වික්ටෝරියා ජලාශයට පැන සිය දිවි හානි කරගෙන තිබෙනවා.
අදාළ සිසුවිය තවත් මිතුරියක් සමග ඊයේ (23) දහවල් එම ජලාශයට පැන ඇති අතර ඉන් එක් (1) අයෙක් දිවි බේරාගෙන ඇති බවයි වාර්තා වන්නේ.
දියේ ගිලී අතුරුදන් වූ අනෙක් සිසුවියගේ මළසිරුර ඊයේ (23) පස්වරුවේ සොයාගෙන ඇති බවයි අප වාර්තාකරු සඳහන් කළේ.
මෙසේ මියගොස් ඇත්තේ වයස අවුරුදු 17 ක් වන තෙල්දෙණිය, පූඩලුඋයන ප්‍රදේශයේ පදිංචිව සිටි පාසල් සිසුවියක්.
මෙම සිසුවියන් දෙදෙනා (2) අත් අල්ලාගෙන ජලාශයට පැන ඇති බවයි මූලික පරීක්ෂණවලදී අනාවරණය වී ඇත්තේ.
කෙසේ වෙතත් මින් දිවි බේරාගත් සිසුවිය මේ වනවිට දැඩි කම්පන තත්ත්වයකට පත්ව තෙල්දෙණිය රෝහලේ ප්‍රතිකාර ලබමින් සිටිනවා.
සිද්ධිය සම්බන්ධයෙන් තෙල්දෙණිය පොලීසිය වැඩිදුර විමර්ශන සිදුකරනවා ෴
(තම මානසික රෝගයට නිසි වෛද්‍ය ප්‍රතිකාර ලබාගත්තා නම් මෙබඳු විපතක් සිදු නොවනු ඇත – අමරසර)
රුහුණු විශ්වවිද්‍යාලයට නිසි බලධාරියෙකු පත් කෙරේ
(24.11.2024 – 18:32 +0530 – sinhala.adaderana.lk)
රුහුණු විශ්වවිද්‍යාලයේ පරිපාලන කටයුතු අධීක්ෂණය කිරීම සඳහා එම විශ්වවිද්‍යාලයේ උපකුලපති වෙනුවට නිසි බලධාරියා ලෙස ජ්‍යෙෂ්ඨ මහාචාර්ය ආර්.එම්.යූ.එස්.කේ. රත්නායක මහතා පත් කර තිබේ.
අධ්‍යාපන අමාත්‍ය, අග්‍රමාත්‍ය හරිනි අමරසූරිය අති විශේෂ ගැසට් පත්‍රයක් අද (24) නිකුත් කරමින් මෙම පත්කිරීම සිදුකර ඇත.
1978 අංක 16 දරන විශ්වවිද්‍යාල පනතේ 20-4(ආ) වන වගන්තිය යටතේ පැවරී ඇති බලතල ප්‍රකාරව මෙය නිකුත්කර ඇත.
රුහුණු විශ්වවිද්‍යාලයේ පරිපාලන කටයුතු බරපතල ලෙස අවුල් වී ඇති බවට සහ එය සාමාන්‍ය තත්ත්වයට නැවත පත් කිරීමට එම ආයතනයේ බලධාරීන් අපොහොසත් වී ඇති බව එහි සඳහන් වේ.
ඒ අනුව පනත යටතේ හෝ ඒ යටතේ සාදන ලද නියමයක්, නියමාවලියක්, ප්‍රඥප්තියක්, අතුරු ව්‍යවස්ථාවක්, නියෝගයක් හෝ රීතියක් යටතේ විශ්වවිද්‍යාලයේ උපකුලපති වෙත පිළිවෙලින් පිරිනමන ලද කාර්ය හෝ කර්තව්‍ය ක්‍රියාත්මක කිරීම සඳහා රුහුණ විශ්වවිද්‍යාලයේ උපකුලපති වෙනුවට නිසි බලධරයා වශයෙන් ජ්‍යෙෂ්ඨ මහාචාර්ය ආර්.එම්.යූ.එස්.කේ. රත්නායක මහතා හෙට (25) සිට බල පැවැත්වෙන පරිදි පත් කර තිබේ ෴
මාතර උසස් පෙළ විභාගයට පෙනී සිටින සිසුන්ට විශේෂ දැනුම්දීමක්
(24.11.2024 – 18:29 +0530 – sinhala.adaderana.lk)
හදිසි ආපදා තත්ත්වයක් ඇතිවුවහොත් හෙට (25) දිනයේ උසස් පෙළ විභාගයට පෙනී සිටින සිසුන්ට විභාග මධ්‍යස්ථාන වෙත ගමන් කිරීමට ඊට අවශ්‍ය පියවර ගෙන තිබෙන බව මාතර දිස්ත්‍රික් ආපදා කළමනාකරණ සම්බන්ධිකරණ ඒකකය පවසයි.
එම ඒකකයේ සහකාර අධ්‍යක්ෂ ලුතිතන් කර්නල් කැළුම් කුඩාගමගේ මහතා පැවසුවේ, හෙට (25) දිනයේ ද ගංවතුර තත්ත්වය පැවතුණහොත් උසස් පෙළ විභාහගයට පෙනී සිටින දරුවන්ට සිය විභාග මධ්‍යස්ථාන වෙත ගමන් කිරීම සඳහා අවශ්‍ය නාවික හමුදා බෝට්ටු, ට්‍රැක්ටර් හා යුද හමුදා යුනිබෆර් රථ මෙන්ම ප්‍රාදේශීය ලේකම් කාර්යාල හා ප්‍රාදේශීය සභා සතුව පවතින බෝට්ටු හා ට්‍රැක්ටර් රථද අවශ්‍ය පරදි යෙදවීමට සුදානම් කොට ඇති බවය.
එමෙන්ම, කිසියම් ආපදා තත්ත්වයක් හමුවේ විභාගය සඳහා ගමන් කිරීමට ගැටලුවක් පවතින්නේ නම් පැය 24 පුරා ක්‍රියාත්මක 041 223 4134 දුරකථන අංකයට දුරකථන ඇමතුමක් ලබා දී අවශ්‍ය සහාය ලබා ගැනීමට කටයුතු කරන ලෙසටද ඒ මහතා වැඩිදුරටත් ප්‍රකාශ කළේය.
කෙසේ නමුත ඊයේ (23) රාත්‍රියේ සිට අද (24) පස්වරු 04:00 දක්වා කාලය තුළ මාතර දිස්ත්‍රික්කයේ කිසිදු ප්‍රදේශයකට සැලකිය යුතු වර්ෂාපතනයක් ලැබී නොමැති බව වාර්තා වේ.
ඒ අනුව මාතර දිස්ත්‍රික්කයේ බොහෝ ප්‍රදේශවලට ඇඳහැළුණු අධික වර්ෂාවත් සමග මාතර දිස්ත්‍රික්කයේ ප්‍රදේශ කිහිපයක ඇතිවූ සුළු ගංවතුර තත්ත්වය ක්‍රමයෙන් අඩුවෙමින් පවතින බව මාතර ආපදා කළමනාකරණ ඒකකය පවසයි ෴
++++++++
+
+
මීගමුව කළපුවට බිලි වූ පියා සහ දියණිය සොයා මෙහෙයුම්
(24.11.2024 – 15:47 +0530 – sinhala.adaderana.lk)
මීගමුව මුන්නක්කරෙයි කළපු ප්‍රදේශයේ දී ඔරුවක් බෝට්ටුවක ගැටී සිදු වූ අනතුරකින් දෙදෙනෙකු (2) දියේ ගිලී අතුරුදන් වී තිබේ.
පොලීසිය පැවසුවේ අද (24) පෙරවරුවේ මෙම අනතුර සිදුව ඇති බවයි.
පුද්ගලයින් 7 දෙනෙනෙකු දියේ ගිලී ඇති අතර එයින් 5 දෙනෙකු දිවි බේරාගෙන ඇත.
මෙලෙස දියේ ගිලී අතුරුදන් ව ඇත්තේ 50 හැවිරිදි පියා සහ 20 හැවිරිදි දියණිය බව පොලීසිය පවසයි.
දිවි බේරාගත් 5 දෙනාගෙන් දෙදෙනෙකු (2) රෝහල්ගතව ප්‍රතිකාර ලබා ගන්නා අතර අනෙක් තිදෙනා (3) ප්‍රතිකාර ගෙන රෝහලෙන් පිටවගොස් තිබේ.
අතුරුදන් වූ දෙදෙනා (2) සොයා මෙහෙයුම් ක්‍රියාත්මක බව පොලීසිය පවසයි ෴
+
+
සෞඛ්‍ය අමාත්‍යාංශයේ අලුත්ම සෙල්ලම මෙන්න | එපා කිව්ව වැඩක් ආයෙත් කරලා | මෙන්න සංජයගේ හෙළිදරව්ව (24.11.2024)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴