අල්ලස් ලබා ගත් ශ්‍රී ලංකා රේගුවේ හිටපු සිව්දෙනෙකුට (4) බරපතල වැඩසහිත වසර 35 ක් බැගින් සිරදඩුවම් නියම කෙරේ
(06.11.2024 – 12:56 +0530 – hirunews.lk/sinhala)
බස් රථ අමතර කොටස් ලබා දීමට අල්ලස් ගත් ශ්‍රී ලංකා රේගුවේ හිටපු නිලධාරින් සිව් දෙනෙකුට (4) බරපතල වැඩ සහිතව වසර 35 බැගින් සිරදඩුවම් නියම කිරීමට කොළඹ මහාධිකරණය අද (06) නියෝග කර තිබෙනවා.
මෙම සිදුවීම 2015 වසරේදී ලංකා ගමනාගමන මණ්ඩලයට සැපයීම සඳහා ආනයනය කළ බස් රථ අමතර කොටස් මුදා හැරීම සඳහා පංචිකාවත්ත ප්‍රදේශයේ ව්‍යාපාරිකයෙකුගෙන් රුපියල් මිලියන 125 ක අල්ලසක් ලබා ගැනීමේ චෝදනාවට අදාළව ශ්‍රී ලංකා රේගුවේ හිටපු නිලධාරීන් හතර දෙනකුට මෙම දඩුවම් නියම කර තිබෙනවා.
ඊට අමතරව එක් විත්තිකරුවෙකුට රුපියල් මිලියන 125 බැගින් දඩ නියම කරන බවත් තීන්දුව ප්‍රකාශයට පත් කරමින් කොළඹ මහාධිකරණ විනිසුරු නාමල් බළල්ලේ නියෝග කළා ෴
ගාල්තැන්න දේවාලයෙන් තවත් මොන්ටේරෝ ජීප් රථයක් අත්අඩංගුවට
(06.11.2024 – 20:00 +0530 – hirunews.lk/sinhala)
ගාල්තැන්න දේවාලයේ දේවගැතිවරයාට අයත් බව කියන ව්‍යාජ අංක තහඩු සහිත තවත් මොන්ටේරෝ වර්ගයේ ජීප් රථයක් පොලීසිය සොයාගෙන තිබෙනවා.
අම්පිටිය, ගාල්තැන්න දේවාල පරිශ්‍රයේ වාහන අංගනයේ තිබියදීයි මෙම මොන්ටේරෝ ජීප් රථය ඊයේ (05) සොයාගෙන ඇත්තේ.
එම වාහන අංගනයේ මොන්ටේරෝ, ප්‍රාඩෝ, ඩිෆෙන්ඩර් හා තවත් කාර් රථ ඇතුළු වාහන 12 ක් තිබූ බවයි පොලිසිය පැවසුවේ.
අදාල වාහනවල අංක මෝටර් රථ ලියාපදිංචි කිරීමේ දෙපාර්තමේන්තුව වෙත යොමුකර වාර්තාවක් ලබා ගැනීමට කටයුතු කර තිබෙනවා.
පොලීසිය භාරයට ඊයේ (05) ගනු ලැබූ ජීප් රථයේ සවිකර තිබූ අංක තහඩුව මෝටර් රථ ලියාපදිංචි දෙපාර්තමේන්තුවට යොමුකර සිදුකළ විමර්ශනයේ දී එම අංකයට නිත්‍යානුකූලව ලියාපදිංචි කළ මෝටර් රථයක් කුලියාපිටිය ප්‍රදේශයේ කෝටිපති ව්‍යාපාරිකයෙකු සතුව තිබෙන බව හෙළිව ඇත.
දේවාල පරිශ්‍රයේ තිබී හමුවූ මොන්ටේරෝ වර්ගයේ ජීප් රථයේ අංකයට සමාන අංක සහිත මෝටර් රථයක් කුලියාපිටිය ප්‍රදේශයේ තිබියදී සොයාගෙන තිබෙන බව පොලිසිය පැවසුවා.
දිගන අයි.සී.සී. නිවාස සංකීර්ණයේ නිවසක ගරාජයේ ගාල්කර තිබියදී මීට පෙරද සුපිරි රථයක් තෙල්දෙණිය පොලීසිය විසින් අත්අඩංගුවට ගත්තා ෴
‘වරාය නගරයේ’ පඩි හුටපටයක්.. සේවකයින් පිරිසක් ‘පෝට් සිටි පිවිසුමේ’ වාඩිවෙයි (06.11.2024)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴