“13” සම්පූර්ණයෙන්ම බලාත්මක කිරීමෙන් රට බෙදුම්වාදයේ ගොදුරක් බවට පත් වීම හැර අන් කිසිවක් සිදු වන්නේ නැහැ! – ජානිපෙ විපක්ෂ නායකට අවධාරණය කරයි
(12.06.2024 – facebook.com/nidahasperamuna)
උතුරු සහ නැගෙනහිර පළාත්වල ජනතාවගේ ඡන්ද ඉලක්ක කරමින් ’13 වැනි සංශෝධනය’ සම්පූර්ණයෙන්ම බලාත්මක කිරීමට
පොරොන්දුවීම මගින් රට බෙදුම්වාදයේ ගොදුරක් බවට පත් වීම හැර අන් කිසිවක් සිදු නොවන බව ‘ජාතික නිදහස් පෙරමුණ’ විපක්ෂ නායක සජිත් ප්‍රේමදාස මහතාට අවධාරණය කරයි.
අද (12) පිටකෝට්ටේ පිහිටි ‘ජාතික නිදහස් පෙරමුණේ’ ප්‍රධාන කාර්යාලයේ දී පැවති මාධ්‍ය හමුවේදී එහි ජාතික සංවිධායක, පාර්ලිමේන්තු මන්ත්‍රී ජයන්ත සමරවීර මහතා එසේ අවධාරණය කළේය.
එහිදී වැඩිදුරටත් අදහස් දැක්වූ ‘ජාතික නිදහස් පෙරමුණේ ජාතික සංවිධායකවරයා’ මෙසේද සඳහන් කළේය.
සජිත්ගේ විවෘත ප්‍රකාශය
“මීට පෙර කිසිදු විපක්ෂ නායකවරයෙකු නොකළ ආකාරයට උතුරු ප්‍රදේශයේ ජනතාව අමතමින් ’13 වැනි සංශෝධනය’ සම්පූර්ණයෙන්ම බලාත්මක කරන බවට විපක්ෂ නායක සජිත් ප්‍රේමදාස මහතා විසින් ස්ථිරසාර සහ විවෘත ප්‍රකාශයක් සිදු කර තිබෙනවා. එතුමාට පෙර එම ධුරය දැරූ පුද්ගලයින්ට ද ඔහුට මෙන්ම බාහිරින් ඒ සඳහා පීඩනයක් එල්ල වුවත් ඔවුන් විසින් එය විවෘතව ප්‍රකාශ නොකළේ ඊට එරෙහිව ප්‍රබල ජනමතයක් පැවතීම නිසා බව ඉතා පැහැදිලියි. නමුත් මේ වන විට රටේ පවතින ආපදා තත්ත්වය තුළ එම විරෝධය ප්‍රබල ලෙස මතු නොවන බව සජිත් ප්‍රේමදාස මහතා විසින් හිතනවා.
13 සංශෝධනයේ සැබෑ වුවමනාව
කෙසේ වෙතත් එතුමා එවැනි ප්‍රකාශයක් කරනු ලබන්නේ උතුරු සහ නැගෙනහිර පළාත්වල ජනතාවගේ ඡන්ද ඉලක්ක කර ගනිමින් බව ඉතා පැහැදිලියි. අපට මතකයි එතුමා විසින් මීට පෙර පුද්ගලික මන්ත්‍රී යෝජනාවක් ලෙස 22 වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත ඉදිරිපත් කිරීමේදී එම්.ඒ. සුමන්තිරන් මන්ත්‍රිවරයාගේ ඉල්ලීම පරිදි එම සංශෝධනයට ’13 වැනි සංශෝධනය සම්පූර්ණයෙන්ම බලාත්මක කිරීම සඳහා වන වගන්ති 2 ක්’ ඇතුළු කළ බව. ඒ වගේම අපට මතකයි, එතුමාගේ පියා 1987 දී ‘ඉන්දු ලංකා ගිවිසුම’ට අකමැත්ත ප්‍රකාශ කළත් පසුව ’13 වැනි සංශෝධනය’ට පක්ෂව අත ඔසවනු ලැබූ බව. නමුත් ඔහු කිසිදු අවස්ථාවක 13 වැනි සංශෝධනය සම්පූර්ණයෙන්ම බලාත්මක කරන බවට ප්‍රකාශ කළේ නැහැ. ජනාධිපතිවරයෙකු ලෙස ඒ සඳහා උත්සාහ කිරීමට ද කටයුතු කළේ නැහැ. අපි විපක්ෂ නායකවරයාට කියනවා, ‘ඔබ විසින් පටු දේශපාලන උවමනාවන් සඳහා ප්‍රකාශ නිකුත් කිරීමට පෙර ’13 වැනි සංශෝධනයේ’ ඉතිහාසය විමසා බලන්න. එහි බරපතලකම සහ එම සංශෝධනයේ සැබෑ වුවමනාව කුමක්දැයි තේරුම් ගන්න.’ කියලා.
භූ දේශපාලන උවමනාව
එම ඉතිහාසය ආරම්භ වන්නේ 1932 දී ඉන්දියාවේ ‘සර්දාර් පනික්කාර් න්‍යාය’ අනුව ශ්‍රී ලංකා රාජ්‍යය දුර්වල කරලා ගිවිසුම් මඟින් අර්ධ යටත් විජිතයක් බවට පත් කර ගත යුතුයි, යන න්‍යායාත්මක ප්‍රවේශය මතයි. ඒ අනුව එදා 1987 දී ඔවුන්ගේ අරමුණ වූයේ බෙදී වෙන් වන ඊළාම් රාජ්‍යය අර්ධ යටත් විජිතයක් ලෙස ඇඳා ගැනීමයි. නමුත් අද වන විට පවතින ආපදා තත්ත්වය උපයෝගී කරගනිමින් ශ්‍රී ලංකාවේ ආර්ථිකය ඉන්දියාවේ ආර්ථිකය සමග ඒකාබද්ධ කිරීමට යෝජනා ඉදිරිපත් වෙලා තිබෙනවා. ඒ අනුව ශ්‍රී ලංකාව ඉන්දියාවේ 29 වැනි ප්‍රාන්තය බවට පත්වී ’13 වැනි සංශෝධනය’ බලාත්මක කිරීමෙන් පසුව 30 වැනි ප්‍රාන්තය ද බිහිවීමේ හැකියාව තිබෙනවා. ’13 වැනි සංශෝධනයේ’ අවසන් ප්‍රතිඵල අවබෝධකර ගත යුත්තේ ඉන්දු – ඇමෙරිකානු දීර්ඝකාලීන භූ දේශපාලන උවමනාවන්ට සාපේක්ෂවයි.
ඉන්දු – ඇමෙරිකානු භූ දේශපාලන උවමනා
ඉන්දු – ඇමෙරිකානු භූ දේශපාලන උවමනාවට අනුව බෙදුම්වාදී ගැටුම් වර්ධනය කිරීම සඳහා බාහිර බලවේග දායක වූ බව සහ එය යොදා ගනිමින් ‘ඉන්දු- ලංකා ගිවිසුම’ අත්සන් කිරීමට ජේ.ආර්. ජයවර්ධන ජනාධිපතිතුමාට බලපෑම් කළ බව දැන් රහසක් නොවෙයි. එසේ වුවත් එතුමා විසින් රට බෙදීම වැළැක්වීම සඳහා ඉන්දියානු නිලධාරීන් සමඟ කේවල් කර ’13 වැනි සංශෝධනය’ සම්පූර්ණයෙන්ම බලාත්මක කිරීම වැළැක්වීම සඳහා යම් ව්‍යවස්ථාමය බාධක ප්‍රමාණයක් පනවා ඇති බව හිටපු අගවිනිසුරු රාජා වනසුන්දර මහතා විසින් පසුව හෙළිදරව් කරනු ලැබුවා.
ජාතියේ හිසට ඉහළින් එල්ලා ඇති භයානක කඩු තුඩක්!
එසේ කිරීම මගින් අදාළ සංශෝධනය ජනමත විචාරණයකට ඉදිරිපත් කිරීමට සිදු නොවන ආකාරයට සම්මත කරගැනීම ඉන්දියාවේ අපේක්ෂාව වූ බව පිළිගත හැකියි. එදා ‘ඉන්දු – ලංකා ගිවිසුම’ට සහ ’13 වැනි සංශෝධනය’ට එරෙහිව පැවති ප්‍රබල විරෝධය නිසා එම සංශෝධනය ජනමත විචාරණයක් මගින් සම්මත කළ නොහැකි බව පැහැදිලි කරුණක්.
එම විනිසුරුතුමා 13 වැනි සංශෝධනයට එරෙහිව ශ්‍රේෂ්ඨාධිකරණයට ඉදිරිපත් කරනු ලැබූ පෙත්සම් විභාග කළ විනිසුරු මඩුල්ල ද නියෝජනය කරනු ලැබුවා. එතුමාට අනුව, ’13 වැනි සංශෝධනය යනු ජාතියේ හිසට ඉහළින් එල්ලා ඇති භයානක කඩු තුඩක්’. ඔහුට අනුව එය ගැට ගසා ඇත්තේ ඊට එරෙහිව පවතින ව්‍යවස්ථාමය බාධක නම් වූ ඉතා දුර්වල රැහැන් පටවලින්. ඒ නිසා ඔහු අපේ රටේ මහා සංඝරත්නය ප්‍රමුඛ ජාතික බලවේගවලින් ඉල්ලා සිටියේ ව්‍යවස්ථා සංශෝධනයක් මගින් හෝ පරිපාලන ක්‍රියාමාර්ග මගින් එම රැහැන් පට කපා දැමීමට දිවිහිමියෙන් ඉඩ නොදෙන ලෙසයි. ඒ අනුව ඔහු අවධාරණය කළේ නව ව්‍යවස්ථාවක් මඟින් ‘කඩුව’ ඉවත් කරන තෙක් රැහැන කැපීම හෙවත් බාධක ඉවත් කිරීම මගින් ’13 වැනි සංශෝධනය’ සම්පූර්ණයෙන්ම බලාත්මක කිරීම කිසිසේත්ම නොකළ යුතු බරපතළ වරදක් බවයි.
නව ව්‍යවස්ථාවක් සම්මත කිරීම
නමුත් පවතින දේශපාලන තත්වය සහ විදේශීය බලපෑම් නිසා ’13 වැනි සංශෝධනය’ පමණක් විශේෂිතව ඉවත් කිරීම ද යථාර්ථයක් නොවන බවට අපට විවාදයක් නැහැ. එසේ නම් කළ යුත්තේ ’13 වැනි සංශෝධනයක්’ නොමැති නව ව්‍යවස්ථාවක් සම්මත කිරීම සහ ඒ මගින් බෙදුම්වාදයෙන් රට ගලවා ගන්නා අතර විධායක බලය උපරිම ලෙස විමධ්‍යගත කිරීමයි. එසේම සිංහල, දෙමළ, මුස්ලිම් සියලු ජනතාවට සමාන අයිතිවාසිකම් තහවුරු කෙරෙන බව එම නව ව්‍යවස්ථාව මගින් සහතික කිරීමයි. නමුත් විපක්ෂ නායකවරයා විසින් බලය ලබාගැනීමේ පටු උවමනාව සඳහා ලබාදෙන පොරොන්දු නිසා එතුමා බලයට පත්වුවත් එම නිවැරදි ක්‍රියාමාර්ගය තේරීමට කිසිදු ඉඩක් නොලැබෙන බව ඉතා පැහැදිලියි.
ඒ ආකාරයට අනතුරුදායක දේශපාලන පොරොන්දු ලබාදෙමින් සුළුජන ඡන්ද පදනම ශක්තිමත් කර ගැනීම මගින් එතුමා බලයට පත්වුවහොත් අනිවාර්යෙන්ම නව ව්‍යවස්ථාවක් වෙනුවට පවතින ව්‍යවස්ථාවේ ’13 වැනි සංශෝධනය’ සම්පූර්ණයෙන් බලාත්මක කිරීමට සිදුවනු ඇති.
රනිල් -සජිත් : එක වල්ලේ පොල්
රටේ අනාගත ඉරණම තීන්දු කිරීමට අදාළ වැදගත්ම සහ ප්‍රබලම ප්‍රතිපත්තිමය කරුණක් පිළිබඳව එනම් ’13 වැනි සංශෝධනය’ සම්පූර්ණයෙන්ම බලාත්මක කිරීමට අදාළව විපක්ෂ නායක ලෙස එතුමාගේ මතය සහ වර්තමාන ජනාධිපති රනිල් වික්‍රමසිංහ මහතාගේ මතය අතර කිසිදු වෙනසක් හෝ ගැටුමක් නොමැති බව ඉතා පැහැදිලියි. එසේ නම් එම දෙපළ අතුරින් කුමන පුද්ගලයෙකු විසින් ජනාධිපති ධුරය අත්පත්කර ගත්තද ඉහත දැක්වූ රටේ ඉරණම වෙනස් නොවන බව ද ඉතා පැහැදිලියි. ඒ අනුව එම දෙපළ පොදුජන පෙරමුණ සමඟ සන්ධානගතව හෝ එසේ නොමැතිව රටේ දේශපාලන බලය ලබාගැනීම යනු රටේ ඉතිහාසය අවසන් කිරීමේ ආරම්භය බව ද අපි ජාතිය හමුවේ අවධාරණය කරනවා.”
(අනුරුද්ධ බණ්ඩාර රණවාරණ)
මාධ්‍ය ලේකම්,
ජාතික නිදහස් පෙරමුණ
2024-06-12
++++++++++
13 ක්‍රියාත්මක කරනවා | සජිත් පුතානෝ ඔයා ඉල්ලන් කන්නයි යන්නේ | SUDAA STUDIO |10.06.2024
++++++++++
සිවිල් ක්‍රියාකාරීන් විපක්ෂ නායක කාර්යාලය වටලයි – 13.06.2024
+
විදුලි මාරයාට බිලිවූ 17 හැවිරිදි හැඩකාරිය නිශානිගේ වියෝවෙන් ගමක්ම කම්පාවෙයි | අම්මත් ලංකාවේ නෑ (12.06.2024)
+
නඩු තීන්දුවෙන් පසු දීගොඩ කුමාර හෙලිකරන අපූරු සිදුවීම් – 2024-06-13
+
පොලිස් නිල ඇඳුමින් මතු වූ අසීමිත ආදරය
(13.06.2024 – 13:33 +0530 – sinhala.adaderana.lk)
මේසයක් සහ පුටුවක් නොමැතිව පාසල් ගමන අතරමඟ නතර කිරීමට සිදුවූ දරුවෙකුට මිදිගම පොලිසියේ මැදිහත්වීමෙන් යළි පාසල් යාමට අවස්ථාව හිමිවුණි.
පාසැල් යාමට දැඩි කැමත්තෙන් පසුවූ පුංචි මලිඳුගේ ඒ පැතුම ඉටුවූ මොහොත එහි සිටි සියලුදෙනාම සංවේදී කිරීමට සමත් වුණි.
එකළොස් (11) හැවිරිදි ‘චමෙත් මලිඳු ප්‍රියෂාන්’ වැලිගම ප්‍රාදේශීය ලේකම් කොට්ඨාසයේ මිදිගම ප්‍රදේශයේ පදිංචි ජේ.වී. ප්‍රියන්ත සහ කේ.එච්. රසිකා ලක්ෂානිගේ දරුවන් තිදෙනෙකු (3) ගෙන් යුත් පවුලේ දෙවැනි (2) දරුවාය.
දැඩි ආර්ථික අර්බුදයන්ට මුහුණදී සිටින එම පවුල ස්ථිර නිවසක් පවා නොමැතිකමින් පදිංචිව සිටින්නේ ප්‍රදේශයේ විවිධ ස්ථානයක්වලය.
එවන් අපහසුතා මැද සිය පාසල් ගමන අතහැර දමන්නට මලිඳුට සිදුවන්නේ කැමැත්තකින් නොවේ.
කෙසේවෙතත් මාස කිහිපයකට පසුව යළිත් වරක් ප්‍රදේශයේ විදුහලකට මලිඳු ඇතුළත් කිරීමට මව්පියන් උත්සහ දරන්නේ අධ්‍යාපනයේ වැදගත්කම පිළිබඳව අවබෝධයක් පැවතීම හේතුවෙනි.
එහෙත් විදුහල් බලධාරීන් සඳහන් කර තිබුණේ විදුහලේ මේස සහ පුටුවල අඩුවක් පැවතීම හේතුවෙන් දරුවා පාසලට ඇතුළත් කරගැනීමටනම් මේසයක් සහ පුටුවක් රැගෙන එන ලෙසය.
එහෙත් ඒ සඳහාවත් ආර්ථික ශක්තියක් නොතිබීම හේතුවෙන් යළිත්වරක් මලිඳුගේ පාසල් ගමනට නැවතීමේ තිත තැබීමට සිදුව තිබිණි.
මේ දරුවා පිළිබඳව මිදිගම පොලීසියට දැනගන්නට ලැබෙන්නේ මේ අතරවාරයේය.
ඒ අනුව පොලිස් ස්ථානාධිපති පොලිස් පරීක්ෂක අශෝක අබේවර්ධන මහතා ඇතුළු මිදිගම පොලිසියේ නිලධාරීන් දරුවාගේ අධ්‍යාපන අයිතිය රැකදීමට මැදිහත් වන්නේ ඔහුට ඩෙස් එකක් සහ පුටුවක් සකසා දෙමිනි.
එයින්ද නොනැවතී මලිඳු මිදිගම ප්‍රදේශයේ පාසලකට ඇතුළත් කිරීමටද පොලීසිය මැදිහත් වේ.
ඉන්න තැනක්, කුසට අහරක් පවා නොමැතිව තම අනාගතය වෙනුවෙන් සිහින දකින පුංචි මලිඳුට උදව් කළ හැකි අයෙක් වෙතොත් එය මහඟු පිංකමක් වනු නොඅනුමානය.
වැඩි විස්තර : 071 859 2939 / 041 226 1667
+
රන් මාල කොල්ලය CCTV කැමරාවේ
(13.06.2024 – 11:39 +0530 – sinhala.adaderana.lk)
කැස්බෑව, බණ්ඩාරගම මාර්ගයේ මාකන්දන සුපිරි වෙළෙඳසැලක් ඉදිරිපිටදී කාන්තාවකගේ ගෙල බැදි රන්මාලය හා පෙන්ඩන් තුනක් (3) යතුරු පැදියකින් පැමිණි නාඳුනන පුද්ගලයකු කොල්ලකා පළා යන අයුරු CCTV කැමරාවක සටහන්ව තිබුණි.
එලෙස කොල්ලකා ඇත්තේ රුපියල් ලක්ෂ 5 කට පමණ අධික වටිනා පවුම් 2 හමාරක් බර රන් මාලයක් සහ රන් පෙන්ඩන් තුනකි (3).
අදාළ කාන්තාව සුපිරි වෙළඳ සැලට ගොස් මාර්ගයට පැමිණ ත්‍රිරෝද රථයක් බලාපොරොත්තුව රැඳී සිටියදී ඇය ආසන්නයේම නතර කර තිබූ ස්කූටර් වර්ගයේ යතුරු පැදියක සිටි පුද්ගලයෙකු එකවරම ඇයගේ ගෙල බැඳි රන්මාලය කඩාගෙන යතුරුපැදියෙන් බටුවන්දර දෙසට පළ යන අයුරු එම CCTV දර්ශනවල සටහන්ව තිබිණි.
පළා ගිය යතුරුපැදියේ ලියාපදිංචි අංකය අනුව සිදුකළ පරීක්ෂාවේදී එම යතුරු පැදිය මොරටුව ප්‍රදේශයේ කාන්තාවකගේ නමට ලියාපදිංචි එකක් බවත් එය ඉකුත් 10 වෙනි දින රාත්‍රියේ එගොඩවීර ප්‍රදේශයේදී සොරාගෙන ගොස් ඇති බවට අනාවරණය වී යැයි පොලීසිය පැවසීය.
කැස්බෑව පොලීසිය වැඩිදුර පරීක්ෂණ පවත්වයි.
+
රුපියල් 45,000 ට නවක නිළියන් සැපයූ ‘කාම රැල්ලේ නිළි තනුජා’ අත්අඩංගුවට
(13.06.2024 – gossiplankanews.com)
ධනවතුන් බීමත්ව විනෝදවන අවස්ථාවලට සුරූපී ගණිකාවන් ජංගම කුලී රථ සේවා ඔස්සේ සපයන නිළියක පොලිසියට හසුව තිබේ. තරු පන්ති හෝටල්වලට, සමාජ ශාලා සහ සුපිරි නිවාස සංකීර්ණවල පැවැත්වෙන සාද වලට මේ කාලයේ ප්‍රකට නවක නිළියන්ද සැපයුම් කරමින් සිටි ‘තනුජා වීරසූරිය’ නමැති ‘සරාගී චිත්‍රපට නිළියක’ ‘වලාන මධ්‍යම දූෂණ මර්දන ප්‍රහාරක බළකාය’ කළ මෙහෙයුමකදී කාන්තාවන් පිරිසක් සමග ඊයේ (12) අත්අඩංගුවට ගෙන තිබේ.
මෙම ගණිකා ජාවාරම මෙහෙයවා ඇති 48 වියැති ‘තනුජා වීරසූරිය’ මීට දශක දෙකකට (2) පමණ පෙර වැඩිහිටියන්ට පමණක් සීමා වූ කාම රැල්ලේ චිත්‍රපට කිහිපයකටද රංගනයෙන් දායකත්වය දුන් තැනැත්තියකි. ‘හාදු වැස්සක් (2004), කාටවත් කියන්න එපා (2004), මට තාම මතකයි (2005)’ ආදී චිත්‍රපට වලට ඇය දායකවී ඇති අතර මෑත කාලීනව ඇය ටෙලි නාට්‍ය කිහිපයක ද වැඩිහිටි විහිළු සහිත යූටියුබ් නාලිකා සඳහා රඟපා ඇති බවත් විමර්ශනයේදී හෙළිවී ඇත. වට්ස්ඇප් යෙදුම හරහා ඇය ගණිකා ජාවාරම මෙහෙයවා ඇති බව විමර්ශනයේදී අනාවරණය වී තිබේ.
චිත්‍රපට හා ටෙලි නාට්‍ය නිළියන් රුපියල් 45,000 ක් වැනි මුදලකට ඇය විසින් ධනවතුන්ට අලෙවි කරන බව විමර්ශනයේදී හෙළි වූ බව මධ්‍යම දූෂණ මර්දන ප්‍රහාරක බළකායේ උසස් නිලධාරියෙක් පැවසීය. නිළියන්ව මුදලට ලබාදීම සම්බන්ධයෙන් ඇය ව්‍යාපාරිකයන් සමඟ කථාබහ කරන හඬපට රැසක් ද ‘වලාන මධ්‍යම දූෂණ මර්දන ප්‍රහාරක බළකායේ’ නිලධාරීන්ට හමුවී තිබේ.
ප්‍රධාන පොලිස් පරීක්ෂක ඉන්දික වීරසිංහ මහතා විසින් ප්‍රධාන පොලිස් පරීක්ෂක මහේන්ද්‍ර ඇතුළු නිලධාරීන් කණ්ඩායමක් යොදවා කළ වැටලීමකදී මෙම නිළිය ඇතුළු ගණිකාවන් පස්දෙනා (5) අත්අඩංගුවට ගෙන ඇත්තේ මොරගහහේන කෝරලයිම දෙමටහැත්ත ප්‍රදේශයේදීය. මෙම ජාවාරම මෙහෙයැවූ නිළිය මල්වානේ පදිංචිකාරියක බව ‘වලාන මධ්‍යම දූෂණ මර්දන ප්‍රහාරක බළකාය’ සඳහන් කළේය. මෙම නිළිය ඇතුළු අත්අඩංගුවට ගත් තරුණියන් මොරගහහේන පොලිස් ස්ථානයට භාරදුන් බව ද එම බළකාය සඳහන් කළේය.
මෙම ගණිකා ජාවාරම ගැන ලද තොරතුර සිය ඉහළ නිලධාරීන්ව දැනුවත් කිරීමට එහි ස්ථානාධිපති ඉන්දික වීරසිංහ මහතා පියවර ගෙන තිබිණි. ඒ අනුව මෙම වැටලීම සිදු කර ඇත්තේ ‘වලාන මධ්‍යම දූෂණ මර්දන ප්‍රහාරක බළකායේ’ අධ්‍යක්‍ෂ සමන්තිලක වැලිවිට මහතාගේ සැලසුමකට අනුවය. එම බළකායේ පොලිස් සැරයන් (428) ජයලාල් උපාය දූතයකු ලෙස යොදවා උපායශීලීව සුරූපී සරාගී නිළිය ඇතුළු කණ්ඩායම මොරගහහේන කෝරලයිම දෙමටහැත්ත ප්‍රදේශයට ගෙන්වාගෙන අත්අඩංගුවට ගැනීම සිදුකර ඇතැයි පොලිස් තොරතුරු සඳහන් කළේය. මෙම කාන්තාව තරුණියන්ව ගණිකාවන් ලෙස අලෙවි කරනු ලබන්නේ රුපියල් 30,000 සිට ඉහළ ගණන්වලට බව ද අනාවරණය වී තිබේ.
මෙසේ අත්අඩංගුවට ගන්නා ලද කාන්තාවන් අවුරුදු 25 ත් – 45 ත් අතර වයස් ගණන්වල පසුවන බියගම, අම්පාර, බොරලැස්ගමුව, මාතර යන ප්‍රදේශවල පදිංචිකාරියන්ය.
මෙම කාන්තාවන් සුපිරි තරු පන්ති සාදවලදී ව්‍යාපාරිකයන් සමඟ විදේශීය මත්පැන් පානය කරමින් සහ මත්ද්‍රව්‍ය භාවිත කරමින් ව්‍යාපාරිකයන්ගේ මනදොල සපුරාලීමට කටයුතු කර ඇති බව ද විමර්ශනවලින් හෙළිවූ බව පොලිසිය කියයි. මෙම ජාවාරම මෙහෙයැවූ නිළිය ව්‍යාපාරිකයන් අතර ප්‍රසිද්ධියක් ලබාගෙන ඇති බැවින් සෙසු නිළියන්ව ඇය ව්‍යාපාරිකයන්ට අලෙවි කර ඇති බව ද විමර්ශනයේදී පෙනී ගොස් ඇත. ව්‍යාපාරිකයන්ට තරු පන්තියේ හෝටල් කාමර වෙන් කර ගන්නා ලෙස පවසා එම හෝටල් කාමරවලට නිළියන් රැගෙන ගොස් මෙම ජාවාරම ඇය විසින් සිදු කර ඇති බව ද විමර්ශනයේදී පෙනී ගොස් ඇත ෴
++++++++++++
+
අද අපි මාලිමාවේ නිරුවත හෙළිකරන්නම් – මේක ජාතික ජන බලවේගයත් දන්නේ නැති රහසක් (12.06.2024)
+
69යේ නිල අල්ලන්න, මහින්ද සුළඟ හැමූ නුගේගොඩින්ම පළමු රැලිය පවත්වා වියත් මගේ චන්න ජයසුමනලා වැඩට බහී (13.06.2024)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴
Thaathaanao prabhaakaranta awasya aayudha dunna sinhalayinwa maranna. Daen puthaano rata bedanna hadanawa indiyaawta passa paththa deela. Mooth Ranila saha Nooorway kaarayo ekka ekathuwelaa karanna hadapu deya daen moo thaniyama karanna hadanawa. Mae deshapaaluwangen apita athi waedak naetha. Rata jaathiya aagama gaena kakkumak nathi kanahilunya. Mun okkoma payin gasaa elawiya yuthuya