සෞදි රියාල් කෝටි 180 ක් මෙරට බැංකුවලට එවලා – අධිකරණයට වාර්තාවක් දෙන්නැයි බැංකු, මූල්‍ය සමාගම් 15 කට නියෝග
(20.02.2024 – dinamina.lk)
සෞදි අරාබියේ සංවිධානාත්මක කප්පම් කල්ලි සාමාජිකයන් පිරිසක් විසින් නීති විරෝධීව උපයාගත් සෞදි රියාල් කෝටි 180 කට අධික මුදලක් ශ්‍රී ලංකාවේ බැංකු පද්ධතියට බැර කර ඇතැයි කියන බැංකු හා මූල්‍යායතන 60 ක් සම්බන්ධයෙන් අධිකරණයට වාර්තාවක් ඉදිරිපත් කරන ලෙස කොළඹ ප්‍රධාන මහේස්ත්‍රාත් ප්‍රසන්න අල්විස් මහතා මෙරට ප්‍රධාන රාජ්‍ය හා පෞද්ගලික බැංකු හා මූල්‍යායතන 15 කට නියෝග කළේය.
මෙලෙස නියෝග නිකුත් වූයේ මහජන බැංකුව, ජාතික ඉතිරිකිරීමේ බැංකුව, ලංකා බැංකුව, කොමර්ෂල් බැංකුව, අමානා බැංකුව, පෑන් ඒෂියා බැංකුව, ඩී එෆ් සී සී බැංකුව, හැටන් නැෂනල් බැංකුව ඇතුළු මෙරට ප්‍රධාන පෞද්ගල, රාජ්‍ය බැංකු සහ මුල්‍යායතන 15 ක ප්‍රධාන මෙහෙයුම් කළමනාකරුවන් වෙතය.
මෙම සංවිධානාත්මක අපරාධ කල්ලි සාමාජිකයන් අදාළ මුදල් මෙරටට එවා ඇත්තේ මෙරට විවිධ ව්‍යාපාරිකයන්ට අයත් බැංකු ගිණුම්වලට වීම හේතුවෙන් එම බැංකු ගිණුම් හිමියන් කවුරුන්ද යන්න සම්බන්ධයෙන් ද විමර්ශනය කරන බව අපරාධ පරීක්ෂණ දෙපාර්තමේන්තුව අධිකරණයට දැනුම් දුන්නේය. මෙම සිද්ධිය සම්බන්ධයෙන් සෞදි අරාබි රාජ්‍යයේ තානාපති කාර්යාලයේ අන්තර්ජාතික සහයෝගිතා චෝදනා ඉදිරිපත් කිරීමේ අංශයේ ප්‍රධානියා විසින් ශ්‍රී ලංකාවේ රාජ්‍ය ආරක්ෂක අමාත්‍යාංශය වෙත කරනු ලැබතිබූ පැමිණිල්ලකට අනුව පොලිස්පති නියමයෙන් අදාළ විමර්ශනය ආරම්භ කළ බව අපරාධ පරික්ෂණ දෙපාර්තමේන්තුවේ මූල්‍ය අපරාධ විමර්ශන අංශය අධිකරණයට කරුණු වාර්තා කර තිබිණි. මේ වන විට සෞදි රාජ්‍යයේ රහස් පොලිසිය සිදුකරන ලද විමර්ශනයකට අනුව එරට මුදල් විශුද්ධිකරණය වැළැක්වීමේ පනතට අනුව අත්අඩංගුවට ගෙන එරට බන්ධනාගාර ගත කර සිටින ‘යූෂස් එයිඩ් කාල්ෆ් අලතාෆ්’ සහ ‘බසාම්’ නමැති සැකකරුවන්ගෙන් කරන ලද ප්‍රශ්න කිරීම්වලදී මෙම මුදල් ගනු-දෙනු සම්බන්ධයෙන් කරුණු අනාවරණය වී ඇති බවත් ඔවුන් එරට ප්‍රධාන පෙළේ සංවිධානාත්මක කප්පම් කල්ලියක ප්‍රබල සාමාජිකයන් බවත් එම පැමිණිල්ලේ සඳහන්ව තිබූ බව අපරාධ පරීක්ෂණ දෙපාර්තමේන්තුව අධිකරණයට කරුණු ඉදිරිපත් කර ඇත.
මේ වන විට සෞදි අරාබියේ බන්ධනාගාර ගත කර සිටින එම සැකකරුවන් එරට විවිධ ව්‍යාපාරිකයන්ගෙන් මහා පරිමාණයෙන් ලබාගත් කප්පම් මුදල් සෞදි රියාල් කෝටි 160 කට අධික මුදලක් මෙරට බැංකු පද්ධතියට එවා ඇතැයි ද අපරාධ පරික්ෂණ දෙපාර්තමේන්තුව අධිකරණයට දැනුම් දුන්නේය. ඒ අනුව අදාළ සැකකරුවන් නීතිවිරෝධීව උපයාගත් බව කියන එම සෞදි රියාල් 17,724,209.70 ක මුදල මෙරට මුදල්වලින් රුපියල් කෝටි 180 කට අධික බව ද අපරාධ පරීක්ෂණ දෙපාර්තමේන්තුව අධිකරණයට කරුණු ඉදිරිපත් කළේය.
ඉදිරිපත් වූ කරුණු සැලකිල්ලට ගත් අධිකරණය සිද්ධිය සම්බන්ධයෙන් වන බැංකු වාර්තා ඇතුළත් සවිස්තර වාර්තා අධිකරණය හමුවට ඉදිරිපත් කරන ලෙසට අදාළ බැංකු හා මුල්‍යායතනවලට නියෝග කරමින් නඩුව බහා තැබීය ෴
කොළඹ 7 ව්‍යාපාරික කතගේ නිරුවත් ඡායාරූප ගෙන බිය කර රුපියල් ලක්ෂ 25 ක් අරන් – නිවෙසේ සේවකයාට නඩු
(20.02.2024 – dinamina.lk)
කුරුදුවත්ත ප්‍රදේශයේ පනස්පස් (55) හැවිරිදි කෝටිපති ව්‍යාපාරිකාවකගේ නිරුවත් ඡායාරූප වට්ස්අප් මාර්ගයෙන් විවිධ පුද්ගලයන් වෙත යොමුකරන බව සහ ප්‍රසිද්ධ කරන බවට පවසා රුපියල් ලක්ෂ 25 ක මුදලක් බලෙන් ලබාගත් එම නිවසේ සේවය කළ සේවකයකුට එරෙහිව කුරුදුවත්ත පොලිසිය කොළඹ ප්‍රධාන මහේස්ත්‍රාත් ප්‍රසන්න අල්විස් මහතා ඉදිරියේ ඊයේ (19) නඩු පැවරීය.
මෙම සිද්ධියට අදාළව නිතිපතිවරයාගෙන් ලද උපදෙස් ප්‍රකාරව අධිකරණය හමුවේ නඩුපවරනු ලැබුවේ කුරුදුවත්ත පොලිසියේ ස්ථානාධිපති ප්‍රධාන පොලිස් පරීක්ෂක ආලෝක බණ්ඩාර සේනානායක මහතා විසිනි. ඒ අනුව මෙලෙස නඩු පවරනු ලැබුවේ නො. 483/12, කිරිමණ්ඩල මාවත, නාරාහේන්පිට, කොළඹ 05 පදිංචි ‘පල්ලියගේ දොන් අජිත් ප්‍රියන්ත’ (45) නමැත්තාටය.
තම නිවසේ සේවයට පැමිණී චුදිත සමඟ තමන් ප්‍රේම සම්බන්ධතාවක් පැවැත්වූ බවත් පසුව ඔහු තමන්ගේ ඡායාරූප රැගෙන මෙලෙස තර්ජනය කර බලෙන් මුදල් ලබාගත් බවත් පැමිණීලිකාරිය සිය පැමිණීල්ලෙන් දක්වා ඇතැයි කුරුදුවත්ත පොලිසිය අධිකරණයට දැනුම් දුන්නේය. ඒ අනුව මෙම සිද්ධියේ උදෘත නිතිපතිවරයා වෙත යොමුකළ බවත් එහිදීනිතිපතිවරයා චුදිතට එරෙහිව නඩු පවරන ලෙසට උපදෙස් ලබා දී ඇති බව්ත කුරුදුවත්ත පොලිසිය අධිකරණයට දැනුම් දුන්නේය.
නිරුවත් ඡායාරූප වට්ස්අප් මගින් විවධපුද්ගලයන්ට පෙන්වන බවට සහ එම ඡෘයාරෑප ප්‍රසිද්ධ කරන බවට පවසා රුපියල් ලක්ෂ 25 ක මුදලක් බලෙන් ලබාගැනීම, සාපරාධී බිය ගැන්වීම සහ ලිංගික හිරිහැර කිරීම යටතේ ලංකා දණඩ නිති සංග්‍රහයේ 373, 486 සහ 345 වගන්ති ප්‍රකාරව චුදිට එරෙහිව චෝදනා තුනක් යටතේ නඩු පවරන බව කුරුදුවත්ත පොලිසියේ අධිකරණ අංශයේ පොලිස්සැරයන් 18680 සමන් රාජපක්ෂ මහතා අධිකරණයට දැනුම් දුන්නේය.
සිද්ධිය සම්බන්ධයෙන් නඩුව කැදැවූ අවස්ථාවේ දී අධිකරණය විසින් චුදිතට එරෙහි චෝදනා තුනක් (3) කියවා දෙනු ලැබූ අතර, එහි දී තමන් එම චෝදනා සම්බන්ධයෙන් නිවැරදි කරු බව චුදිත සඳහන් කළේය. ඒ අනුව නඩුව ලබන මාර්තු මස 25 වැනිදා තෙක් කල් තැබූ අධිකරණය පැමිණීල්ලේ පළමු, දෙවැනි සහ තුන්වැනි සාක්ෂිකරුවන්ට සිතාසි නිකුත් කරමින් එදින තෙක් නඩුව කල් තැබීය ෴
අපරික්ෂාකාරීව රිය පදවා හසු වූ පුද්ගලයෙක් පොලිස් මුරකුටිය බිම පෙරළා යකා නටලා
(20.02.2024 – dinamina.lk)
අපරික්ෂාකාරීව රිය පැදවීම සම්බන්ධයෙන් නීතිය ක්‍රියාත්මක කිරීමට යාමේදී යතුරුපැදියක් මහ මඟ දමා පලා ගිය පැදිකරුවෙකු පසුව එම ස්ථානයට පැමිණ පොලිස් මුරකුටියකට පහරදී එම මුරකුටිය බිම පෙරළා හානි කිරීමක් සම්බන්ධයෙන් කිලිනොච්චිය පොලිසිය විමර්ශනයක් ආරම්භකර තිබේ.
මෙම සිදු වීම වී ඇත්තේ පෙරේදා (18) සවස් කාලයේදී පරන්තන් හන්දියේ දීය.
පරන්තන් හන්දියේ පිහිටි මුරකුටියේ සේවයේ නිරත පොලිස් නිලධාරීන් දෙදෙනකු (2) පෙරේදා (18) සවස අපරික්ෂාකාරීව මහ මඟ ධාවනය වෙමින් තිබුණු යතුරුපැදියක් නතර කිරීමට සංඥාකර ඇත්තේ නීතිය ක්‍රියාත්මක කිරීම සඳහාය. එම අවස්ථාවේදී පැදිකරු යතුරුපැදිය මහ මඟ දමා පලා ගොස් ඇති බව පොලිසිය කියයි. පොලිස් නිලධාරීන් දෙදෙනා (2) එම යතුරුපැදිය රැගෙන ගොස් කිලිනොච්චිය පොලිස් ස්ථානයට ඉදිරිපත්කර නැවත මුරකුටිය වෙත පැමිණෙන විට පැදිකරු මුරකුටියට පහරදී බිමට පෙරළා හානිකර තිබී ඇත ෴
මීවණපලානේ වේසිපුත්‍රයාගේ සත්‍ය කතාව | කස්සප හාමුදුරුවෝ අනාවරණය කරයි (19.02.2024)
+
සපත්තු වවුචරය කඩයට විකුණලා තාත්තා කසිප්පු බීලා
(21.02.2024 – 07:38 +0530 – hirunews.lk/sinhala)
සපත්තු වවුචරය කඩයට ලබා දී පියෙකු විසින් එම මුදල්වලට කසිප්පු පානය කළ පුවතක් තිස්සමහාරාම ප්‍රදේශ‍යෙන් වාර්තා වෙනවා.
සපත්තු වවුචර ලබාදී තිබියදීත් සපත්තු නොදා පාසලට පැමිණෙන දරුවන් කිහිප දෙනකු කැඳවා ගුරුවරුන් කළ ප්‍රශ්න කිරීමකදී දරුවෙකු විසින් මේ පිළිබඳව පවසා තිබෙනවා.
එමෙන්ම තවත් දෙමාපියන් කිහිප දෙනෙකු එම සපත්තු වවුචරය විකුණා අල, පරිප්පු ආදිය නිවසට ගෙන ඒමට කටයුතු කර ඇති බවටත් මෙහිදී අනාවරණය වී ඇති බවයි සඳහන් වන්නේ.
සපත්තු වවුචර ලබාදී සපත්තු අනිවාර්ය කර තිබුණ ද එම දරුවන් විටින් විට පාසලට නොපැමිණීම සම්බන්ධයෙන් ඇතිවූ ගැටලුකාරී තත්ත්වය හේතුවෙන් සිදු කළ සොයා බැලීමක දී මෙම කරුණ අනාවරණය වූ බවයි තිස්සමහාරාම ප්‍රදේශයේ පාසලක විදුහල්පතිවරයකු පැවසුවේ.
එමෙන්ම ඔහු වැඩිදුරටත් සඳහන් කළේ දරුවන්ගේ දෙමාපියන් මතට ඇබ්බැහිවීම වැඩි වී ඇති අතර පාසල අවට මෙන්ම ප්‍රදේශය පුරා ව්‍යාජ මත්පැන්හල් දිනෙන් දින වැඩිවෙමින් පවතින බැවින් ඉන් දරුවන් ආරක්‍ෂා කර ගැනීමද ගැටලුවක් වී ඇති බවයි ෴
කාන්තාවන් ගෘහ සේවයට යැවීම සම්පූර්ණයෙන්ම නතර කිරීමට අවශ්‍ය යෝජනාවලියක්
(21.02.2024 – 07:59 +0530 – hirunews.lk/sinhala)
මෙරට කාන්තාවන්, ගෘහ සේවිකාවන් ලෙස විදේශ රැකියා සඳහා පිටත් කර යැවීම සම්පූර්ණයෙන්ම නතර කිරීමට අවශ්‍ය පියවර ගැනීම සඳහා වන යෝජනාවලියක් සකස් කරන ලෙස කම්කරු හා විදේශ රැකියා අමාත්‍ය මනූෂ නානායක්කාර දැනුම්දී තිබෙනවා.
ඒ, විදේශ සේවා නියුක්ති කාර්යාංශයේ ඉහළ කළමනාකාරීත්වය සහ බලපත්‍රලාභී විදේශ සේවා නියුක්ති නියෝජිත ආයතන සංගමය සමග ඊයේ (20) පැවති සාකච්ඡාවකදියි.
ඒ අනුව වසර 10 ක් තුළදී ගෘහ සේවිකාවන් විදේශ රැකියාවන් සඳහා පිටත් කර යැවීම සම්පූර්ණයෙන් නතර කිරීම සඳහා ක්‍ෂේත්‍රයට සම්බන්ධ සියලු පාර්ශව සම්බන්ධ කරගනිමින් අදාළ යෝජනාවලිය සකස් කරන ලෙසයි අමාත්‍යවරයා උපදෙස් දී ඇත්තේ ෴
රාගම වෙඩි තැබීමෙන් අයෙක් මරුට
(21.02.2024 – 08:36 +0530 – hirunews.lk/sinhala)
රාගම – මහබාගේ – ඇලපිටිවල ප්‍රදේශයේ වෙළඳසැලක් තුළ සිදුවූ වෙඩි තැබීම සිදු කර ඇත්තේ පසුගිය 16 වනදා රාත්‍රියේ මෝදර ලෙල්ලම ප්‍රදේශයේ දී පුද්ගලයෙකු වෙඩි තැබීමේ සිද්ධියට පළිගැනීමක් ලෙස බවට පොලීසියට අනාවරණ වී තිබෙනවා.
මහභාගේ ඇලපිටිවලදී අද (21) පෙරවරුවේ සිදුවූ වෙඩි තැබීමෙන් ජීවිතක්ෂයට පත්වුණේ සංවිධානාත්මක අපරාධකරුවෙකු වන ‘වැල්ලේ සාරංග’ගේ මස්සිනා වන කඳාන – බටගම ප්‍රදේශයේ පදිංචි 39 හැවිරිදි ‘දොන් සුජිත්’ නැමත්තෙක්.
යතුරු පැදියකින් පැමිණි නාදුනන පුද්ගලයන් දෙදෙනෙකු (2) මෙම වෙඩි තැබීම සිදුකර පළාගොස් තිබුණා.
ඒ මියගිය පුද්ගලයා ඔහුට අයත් ඌරුමස් වෙළඳසැලක් තුල රැඳී සිටියදීයි.
+
+
රිය අනතුරින් 24 හැවිරිදි තරුණ කථිකාචාර්යවරිය ජීවිතක්ෂයට
(21.02.2024 – 09:03 +0530 – hirunews.lk/sinhala)
කොළඹ විශ්වවිද්‍යාලයේ ශාස්ත්‍ර පීඨයේ ජාත්‍යන්තර සබඳතා අධ්‍යයනංශයේ සහකාර කථිකාචාර්යවරියක් අනතුරකින් මිය ගොස් තිබෙනවා.
බත්තරමුල්ල වික්‍රමසිංහපුර ප්‍රදේශයේ දී ලොරි රථයකට යටවීමෙන් මෙම අනතුර සිදුව ඇති බවයි සඳහන් වන්නේ.
මෙසේ මියගොස් ඇත්තේ බත්තරමුල්ල වික්‍රමසිංහපුර 10 වැනි පටුමග පදිංචිව සිටි ‘ලක්මිණි බෝගමුව’ නමැති 24 හැවිරිදි කථිකාචාර්යවරියක්.
ඇය රැකියාවට යෑම සඳහා වික්‍රමසිංහපුර දෙස සිට පදික මාරුව ආසන්නයෙන් මාර්ගයේ අනෙක් පෙදෙසට මාරුවීමට යෑමේ දී බත්තරමුල්ල පැලවත්ත දෙස සිට තලවතුගොඩ දෙසට ධාවනය වූ ලොරි රථයක ඉදිරිපස ගැටී මාර්ගයේ ඇද වැටී තිබෙනවා.
ඇයගේ දේහය පිළිබඳ ආගමික වතාවත් 10 වැනි පටුමග, වික්‍රමසිංහපුර, බත්තරමුල්ල ලිපිනයේ පිහිටි නිවසේ දී සිදුකර, අවසන් කටයුතු අද (21) සවස 05:00 ට තලවතුගොඩ, වැලි පාර පොදු සුසාන භූමියේ දී සිදු කිරීමට නියමිතයි.
ඇය පිළිබඳව මුහුණු පොතේ තැබූ සටහනක් පහතින් :
“2017 වර්ෂයේ කොළඹ විශ්ව විද්‍යාලයේ පැවැති උපාධි ප්‍රදානෝත්සවයක දී පදක්කම් ද්විත්වයක් සහ ශිෂ්‍යත්වයක් ලබා ගනිමින් කණ්ඩායමේ හොඳම ශිෂ්‍යව වෙච්ච ලස්සන ගෑනු ළමයා කවුද කියල එදා හැමෝම කතා වුණා. හැමදේටම දක්ෂ ඔයා කොහොමද මේ විදියට අපිව තනි කරලා ගියේ ?”
උබලා මොනවද මේ ලංකාවට කරලා තියෙන්නේ | බිලියන ගානක දාපු සෙල්ලමක් මාට්ටු | මෙන්න ඇඟ හිරිවැටෙන හෙළිදරව්ව (21.02.2024)
+
මල්ලි මහණවෙලා මාස 3 කින් අයියත් මහණවුණේ ඇයි? සිඳු පොඩි හාමුදුරුවො සැබෑවට මහණවීමේ කතාවෙ ඇත්ත පැත්ත (21.02.2024)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴