සමාජ මාධ්‍යයේ සිදුවන වංචාමය කටයුත්තක් ගැන පොලිසියෙන් දැනුම්දීමක්
සමාජ මාධ්‍යයේ සිදුවන වංචාමය කටයුත්තක් ගැන පොලිසියෙන් දැනුම්දීමක්
(13.05.2025 – 16:17 +0530 – hirunews.lk/sinhala)
වෙසක් පුන් පොහෝ දිනය වෙනුවෙන් ජංගම දුරකතනවලට අවශ්‍ය අන්තර්ජාල පහසුකම් සදහා නොමිලේ ඩේටා ලබාදෙන බවට පවසමින් සමාජ මාධ්‍යයේ වංචාවක් සිදුවන බවට පොලිසිය පවසනවා.
ඒ සදහා විවිධ දුරකතන සමාගම්වල නාමයන් භාවිත කර ඇති අතර, පොලිසිය සිය නිල ෆේස්බුක් ගිණුමේ සටහනක් තබමින් ජනතාවට දැනුම් දෙන්නේ, තම පෞද්ගලික දත්ත මෙම යෙදවුම් සදහා ඇතුළත් නොකරන ලෙසයි.
+
මේ අතර ඊයේ (12) දිනයේදී වෙසක් සිරි නැරඹීමට පැමිණි ජනතාව පොලිතින් ඇතුළු අපද්‍රව්‍ය කොළඹ ගාලු මුවදොර පිටියේ දමා ගොස් තිබෙනවා.
එමෙන්ම ආහාර ගැනීමෙන් පසු ඉතිරි ආහාර ද්‍රව්‍ය නිසිලෙස බැහැර නොකිරීම හේතුවෙන් එම ස්ථානයේ විශාල දුගඳක් ද පවතින බවයි අප වාර්තාකරු පැවසුවේ ෴
+
+
අධි රුධිර පීඩනය රෝගාබාධ ගණනාවකට හේතුවක්
(13.05.2025 – 16:07 +0530 – hirunews.lk/sinhala)
‘ලෝක අධි රුධිර පීඩන දිනය’ මැයි 17 වැනිදාට යෙදී තිබෙනවා.
‘රුධිර පීඩනය මැන පාලනය කර සලසමු නීරෝගී දිගු දිවියකට මඟ’ යන්න මෙවර තේමාවයි.
අධි රුධිර පීඩනය, ලොව පුරා අකල් මරණ හා රෝගාබාධ ගණනාවකට හේතුවක් වන නමුත් එය වලක්වා ගත හැකි බව සෞඛ්‍ය අංශ පවසනවා.
බොහෝවිට ‘නිහඬ මාරයා’ ලෙස හඳුන්වන අධි රුධිර පීඩනය සාමාන්‍යයෙන් රෝග ලක්ෂණ නොපෙන්වන අතර පුද්ගලයකුගේ ආඝාතය, හෘදයාබාධ, නිදන්ගත වකුගඩු රෝග සහ අකල් මරණ අවදානම සැලකිය යුතු ලෙස වැඩි කරන බව සඳහන්.
අධි රුධිර පීඩනය එලදායි ලෙස කළමණාකරණය කර ගැනීම මගින් ඉහත රෝග හේතුවෙන අවයවවලට සිදුවන හානි අවම කරගත හැකි බව සෞඛ්‍ය අංශ පෙන්වා දෙනවා ෴
ගල්ගමුව – පාළුකඩවල වැවේ ගිලී සිසුවියන් දෙදෙනෙකුට (2) දිවි අහිමිවෙයි
(13.05.2025 – 15:48 +0530 – hirunews.lk/sinhala)
ගල්ගමුව – පාලුකඩවල වැවේ දිය නෑමට ගිය ගැහැණු ළමයින් දෙදෙනෙකු (2) දියේ ගිලී ජීවිතක්ෂට පත්වී තිබෙනවා.
ගල්ගමුව රෝහලේ ප්‍රකාශකයෙකු ප්‍රකාශ කළේ, ඔවුන් වයස අවුරුදු 12 සහ 17 යන වයස්වල පසුවන්නන් බවයි.
එම ගැහැණු ළමුන් දෙදෙනා (2) අදාළ ප්‍රදේශයේ පිහිටි ඥාති නිවසකට පැමිණි අවස්ථාවේ මෙම අනතුරට මුහුණ දී ඇති බව සදහන්.
මෘත ශරීර මේ වනවිට ගල්ගමුව රෝහලේ තැන්පත් කර තිබෙනවා ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴