මිදිගම සහ කොහුවල වෙඩිතැබීම් පාතාලයේ වැඩ
(19.09.2024 – 19:36 +0530 – hirunews.lk/sinhala)
මිදිගම සහ කොහුවල ප්‍රදේශවලදී වෙඩිතබා පුද්ගලයින් දෙදෙනෙකු (2) ඝාතනය කිරීමේ සිද්ධීන් පාතාල ක්‍රියාකාරකම් බවට අනාවරණය වී තිබෙනවා.
එසේම නිකවැරටිය – රස්නායකපුර – නම්මුවාව නගරයේ ආපනශාලාවක් තුළදී එහි හිමිකරු වෙඩිතබා ඝාතනය කිරීමේ සිද්ධියට ද නිශ්චිත හේතුවක් මේ දක්වා අනාවරණය වී නොමැති බවයි ප්‍රදේශය භාර උසස් පොලිස් නිළධාරියෙකු කියා සිටියේ.
වැලිගම – මිදිගම – ගොවියාපාන පාලම අසලදී අද (19) උදෑසන යතුරු පැදියකින් පැමිණි නාදුනන පුද්ගලයෙකු සිදු කළ වෙඩි තැබීමකින් එහි හිමිකරු මියගොස්, මාළු මිලදී ගැනීම සඳහා පැමිණි දෙදෙනෙකු (2) තුවාල ලබා රෝහල්ගත කෙරුණා.
ජීවිතක්ෂයට පත්වූයේ අහංගම – දේනුවල ප්‍රදේශයේ පදිංචි 38 හැවිරිදි පුද්ගලයෙක්.
මොහු 2022 වසරේ අගෝස්තු මස 04 වනදා ගොවියාපාන ප්‍රදේශයේම හෝටලයක් තුළ මත්පැන් පානය කරමින් සිටියදී වෙඩිතබා ඝාතනය කෙරුණු අමිල සඳරුවන් නැමැත්තාගේ සොහොයුරෙක්.
අද (19) සිදුකළ වෙඩි තැබීමට ටී-56 වර්ගයේ ගිනි අවියකට අමතරව පිස්තෝලයක්ද භාවිත කර තිබෙනවා.
පොලිසිය සැක කරන්නේ විදේශගතව සිටින සංවිධානාත්මක අපරාධකරුවෙකු සහ මත්ද්‍රව්‍ය ජාවාරම්කරුවෙකු වන ‘මිදිගම චූටි’ නැමැත්තා විසින් මෙම වෙඩිතැබීම මෙහෙයවා ඇති බවටයි.
මේ අතර, කොහුවල – සරණංකර පාර ප්‍රදේශයේ වෙළදසැලක් තුළදී ඊයේ (18) රාත්‍රියේ වෙඩිතබා ඝාතනය කළ එහි හිමිකරු දැනට විදේශගතව සිටින සංවිධානාත්මක අපරාධකරුවෙකු මෙන්ම මත්ද්‍රව්‍ය ජාවාරම්කරුවෙකු වන ‘අසංක ෆොන්සේකා’ හෙවත් ‘බඩෝවිට අසංක’ගේ සමීපතමයෙකු බවට හෙලිවී තිබෙනවා.
මියගිය පුද්ගලයා ‘බඩෝවිට අසංක’ නැමැත්තා ලබාදුන් උපදෙස් මත පසුගිය සතියේ බඩෝවිට ප්‍රදේශයේදී වෙඩිතබා ඝාතනයට ලක් වූ ‘තරිදු ලක්ෂාන්’ නැමැත්තාගේ අවමංගල්‍ය උත්සවයට ආහාර සපයා තිබෙනවා.
ඒ අනුව, මෙම වෙඩිතැබීම් දෙකම (2) එකම කණ්ඩායමක් විසින් සිදුකර ඇති බවටයි පොලිසිය සැකකරන්නේ.
නිකවැරටිය – රස්නායකපුර – නම්මුවාව නගරයේ ආපනශාලාවක් තුළ අද (19) අලුයම අනෙක් වෙඩිතැබීම සිදුවූ අතර, එහිදී වෙඩිතබා ඝාතනය කෙරුණේ 30 හැවිරිදි පුද්ගලයෙක්.
මෙම වෙඩි තැබීමට හේතුව සහ ඊට සම්බන්ධ පුද්ගලයන් පිළිබඳවද මෙතෙක් තොරතුරු වාර්තා වී නැහැ.
++++++++
+
කස්සප හිමිගේ YouTube නාලිකාව හැක් කරයි.. (18.09.2024)
+
එපාර්මන්ට් දෙක රුපියල් කෝටි 2 කට වැඩියි | මෙන්න හැමෝම හොයන කෙහෙළියගේ පුතාගේ සැප ජීවිතේ වීඩියෝ එළියට (20.09.2024)
+
සුපුරුදු පරිදි ඡන්දේට කලින් බැසිල් රටින් පිටත් වෙයි
(20.09.2024 – 09:39 +0530 – hirunews.lk/sinhala)
ශ්‍රී ලංකා පොදු ජන පෙරමුණේ නිර්මාතෘ , හිටපු අමාත්‍ය බැසිල් රාජපක්ෂ අද (20) දින අලුයම 03:05 ට එමිරේට්ස් ගුවන් සේවයේ ඊ.කේ. 649 දරණ ගුවන් යානයෙන් ගුවන් තොටුපොළෙන් ඩුබායි නුවර වෙත පිටත්ව ගොස් තිබෙනවා.
මෙම ගුවන් යානය වෙත පිවිසීම සදහා ඔහු ඇමෙරිකානු ඩොලර් 206 ක මුදලක් ගෙවා කටුනායක ගුවන් තොටුපොළ තුළ පිහිටි ‘රන් මාවත’ (Gold Route) පර්යන්තයේ පහසුකම ද ලබා ගෙන තිබෙනවා.
බැසිල් රාජපක්ෂ ඩුබායි නුවර වෙත ගොස් එතැන් සිට ඇමෙරිකාව බලා පිටත්ව යෑම සිදු කරනු ඇති අතර ඔහු කවදත් ඇමෙරිකාව බලා පිටත්ව යාම සදහා මෙම ගුවන් ගමන් මාර්ගය යොදා ගන්නා බවත් කටුනායක ගුවන් තොටුපොළ ආරංචි මාර්ග සදහන් කරයි.
ජනාධිපතිවරණය පැවැත්වෙන කාලයේදී මෙලෙස බැසිල් රාජපක්ෂ විදේශ ගත වීම සම්බන්ධයෙන් ‘හිරු නිව්ස්’ කල විමසීමකදී ඔහුගේ සමීපතයෙකු කියා සිටියේ සති තුනක (3) කාලයක් සඳහා පමණක් බැසිල් රාජපක්ෂ විදේශ ගතව ඇති බවය.
මෙම විදේශ සංචාරය ඔහුගේ වෛද්‍ය ප්‍රතිකාර ලබා ගැනීම සඳහා අරමුණ ඇතිව ගොස් තිබෙනවා.
එමෙන්ම දෙසැම්බර් මාසයේදී පැවැත්වීමට නියමිත මහමැතිවරණයට සුදානම් වීමට අවශ්‍ය කටයුතු මෙරටට පැමිණි වහාම සුදානම් කරන බව ඔහුගේ සමීපතයා අප වෙත කියා සිටියා.
ඕනෑම මැතිවරණයකදී මැතිවරණ පැවැත්වෙන දිනයේදී විදේශ ගතවීම බැසිල් රාජපක්ෂගේ සාමාන්‍ය පුරුද්දක් බව බැසිල් රාජපක්ෂගේ සමීපතයා අප වෙත වැඩිදුරටත් කියා සිටියා ෴
++++++++++
+
තවත් රාජපක්ෂවරු පිරිසක් රට පනී (20.09.2024)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴