කොළඹ තොරණ 20 කට අධික සංඛ්යාවක් : රටපුරා දන්සල් 15,000 ක්
(30.05.2026 – hirunews.lk)
සම්බුදු තෙමගුල බැතියෙන් සැමරීමට බෞද්ධ බැතිමතුන් මහත් ශ්රද්ධාවෙන් සූදානමි වෙමින් සිටිනවා.
ඒ වෙසක් කූඩු, තොරණ, දන්සැල් ඇතුළු ආමිස පූජා රැසක් සංවිධාන කරමින්.
කොළඹ නගරයේ පමණක් වෙසක් තොරණ 20 කට ආසන්න සංඛ්යාවක් ප්රදර්ශනය කෙරෙනවා.
එමෙන්ම දිවයින පුරා දන්සල් 15,000 කට අධික සංඛ්යාවක් සංවිධාන කර ඇති බවයි මහජන සෞඛ්ය පරීක්ෂකවරුන්ගේ සංගමය කියා සිටියේ.
වෙසක් උත්සවයට සමගාමීව කොළඹ නගරයේ අද (30) සිට විශේෂ රථ වාහන සැලැස්මක් ක්රියාත්මකයි.
පොලිස් මාධ්ය ප්රකාශක කාර්යාලය සඳහන් කළේ, වෙසක් කලාප, තොරණ සහ පහන් කූඩු ප්රදර්ශනය කෙරෙන ස්ථාන ආශ්රීත මාර්ගවල මෙම රථ වාහන සැලැස්ම ක්රියාත්මක බවයි.
ඒ අනුව, කොටුව, කොම්පඤ්ඤවීදිය, මල්පාර, අග්රාමාත්ය කාර්යාලය අවට, අරලියගහ මන්දිරය අවට ප්රදේශය මෙන්ම බොරැල්ල බේස්ලයින් පාර, බෞද්ධාලෝක මාවත, ගාලුමුවදොර ඇතුලු ප්රදේශවල විශේෂ රථ වාහන සැලසුම් ක්රියාත්මක වනවා.
මේ අතර, වෙසක් උත්සවය වෙනුවෙන් විශේෂ දුම්රිය ගමන්වාර කිහිපයක් සහ අවශ්යතාවය අනුව අතිරේක බස් රථ ධාවනයට එක්කරන බවයි දුම්රිය දෙපාර්තමේන්තුව සහ ශ්රී ලංකා ගමනාගමන මණ්ඩලය ප්රකාශ කළේ.
එමෙන්ම ජනතාවගේ ආරක්ෂාව සඳහා විශේෂ ආරක්ෂක වැඩපිළිවෙළක් ද ක්රියාත්මක යි ෴
+
දෙරණ 24 පැයේ මහා බත් දන්සලේ සූදානම
(30.05.2026 – 09:47 +0530 – sinhala.adaderana.lk)
පැය 24 ක් පුරා අඛණ්ඩව පැවැත්වෙන ශ්රී ලංකාවේ ලොකුම දන්සල දෙරණ මාධ්ය ජාලයේ සංවිධායකත්වයෙන් කොළඹ නිදහස් චතුරස්ර පරිශ්රයේදී අද (30) පැවැත්වෙයි.
මෙම මහා බත් දන්සල අද (30) පස්වරු 7 ට ආරම්භ වන අතර එය හෙට (31) පස්වරු 7 දක්වා ක්රියාත්මකය.
වෙසක් පොහොය නිමිත්තෙන් දෙරණ මාධ්ය ජාලයේ සංවිධායකත්වයෙන් ශ්රී ලංකාවේ ලොකුම දන්සල සංවිධාන කරන්නේ 2024 වසරේ සිටය.
පුරා පැය 24 ක් අඛණ්ඩව ක්රියාත්මක වන දෙරණ දන්සල පසුගිය වසර දෙකේදීම (2) වෙසක් පුන් පොහෝ දිනවලදී අතුරු සිදුරු නැතිව ජනතාවගෙන් පිරී පැවතුණි.
එය මෙවර පැවැත්වෙන්නේ 3 වැනි වරටය.
පෙර වසර දෙකේදී (2) වගේම මෙවරත් එය කොළඹ 07 නිදහස් චතුරස්ර පරිශ්රයේදී පැවැත්වීමට සියලු කටයුතු සැලසුම් කර අවසන්.
ශ්රී ලංකා වෘත්තිය සූපවේදීන්ගේ සංගමය සහ කොළඹ මහනගර සභාව මේ වෙනුවෙන් ‘ටීවී දෙරණ’ සමග අත්වැල් බැඳගෙන සිටී.
+
2026 ශ්රී පාද වන්දනා වාරය අදින් (30) අවසන් – උදෑසන සිල් ගන්නත් මහා පිරිසක් උඩමළුවට (30.05.2026)
+
ජය ශ්රී මහා බෝ සමිඳුන්ට පිදුණු මහා රෝස මල් පූජාව (30.05.2026)
+
මෙනින්ජයිටීස් රෝග ව්යාප්තිය වැලැක්වීමට පාසල් බලධාරීන්ට මාර්ගෝපදේශ මාලාවක්
(30.05.2026 – hirunews.lk)
මේ දිනවල ඇතැම් දිස්ත්රික්කවල පැතිර යන මෙනින්ජයිටීස් හෙවත් මොළේ උණ රෝගී තත්ත්වය ව්යාප්ත වීම වැලැක්වීම සඳහා ක්රියා කළ යුතු ආකාරය සම්බන්ධයෙන් අධ්යාපන, උසස් අධ්යාපන සහ වෘත්තිය අධ්යාපන අමාත්යාංශය සියලුම පළාත් අධ්යාපන අධ්යක්ෂවරුන් වෙත මාර්ගෝපදේශ මාලාවක් නිකුත් කර තිබෙනවා.
මෙම රෝගයෙන් ළමයින්ට සහ ප්රතිශක්තිය අඩු පුද්ගලයින්ට වැඩි වශයෙන් බලපෑම් සිදුකරන බවත් වෛරසය වැළඳුණු රෝගීන් පසුගිය අප්රේල් මාසයේදී මාතර දිස්ත්රික්කයේ දෙනියාය ප්රදේශයෙන් වාර්තා වී ඇති බවත් එම අමාත්යාංශය නිකුත් කළ නිවේදනයේ සඳහන්.
එමෙන්ම, මේ වන විට නුවරඑළිය, මහනුවර සහ බදුල්ල යන දිස්ත්රික්කවල ද මෙම රෝගය ව්යාප්ත වී ඇති බවට හඳුනාගෙන තිබෙනවා.
ඒ අනුව වසංගත රෝග විද්යාත්මක හා පාරිසරික විමර්ශන මගින් පොකුරු වශයෙන් මෙන්ම තැනින් තැන වාර්තා වන රෝගීන් හඳුනාගෙන ඇති බවත් මෙම රෝගීන් අතර පාසල් සිසු සිසුවියන් වැඩි වශයෙන් වාර්තා වී ඇති බවත් සඳහන් ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴