22 ගැන අධිකරණ තීරණය (21.09.2026)
සජබ කරු නාමල්ගෙ තරු මව්රට නොදුටු මරු (21.09.2026)
හරිණි , ලාල් කාන්ත සංධානය (22.09.2026)
හයේ සීමාව අදාල නෑ – බෝලෙ පාර්ලිමේන්තුවට – 22 සහ හෙට රට (22.09.2026)
මාතර බෝධියේ සිදුවීම පිටුපස ඇති ඇත්ත සහ ජනාධිපතිගේ අලුත්ම ජෝක්ස්! (21.09.2026)
උතුරේ අලුත් සිංහයා දකුණට ඇවිත් කියපු ඇත්ත | Dr. Ramanathan Archchuna (22.09.2026)
තිලිපන්ගේ පිළිමය පොලිසිය නොගැලවුවොත් අපි ගලවන් කොළඹ ගේනවා (20.09.2026)
මුළු රටම නන්නත්තාර කර ආලාපාළු කල වසර දෙකක බහිරව ශාපය (21.09.2026)
රාජ්‍ය බලය ඉල්ලන ඇමති ප්‍රසන්න ගුණසේන පොල් බූරුවෙක් බව නිර්මාල් කියයි! (22.09.2026)
කොටින්ට බනිනකොට ආණ්ඩුවට රිදෙන්නේ ඇයි? (21.09.2026)
ගලගොඩඅත්තේ ඥාණසාර හිමියන්ගේ අනාගත ඉරණම කුමක්ද? | අලුත් පොතෙන් කියන කතාව (22.09.2026)
පාස්කු ප්‍රහාරයට සම්බන්ධ විත්තිකරුවන් 15 දෙනෙකු චෝදනාවලට වරදකරුවන් බව කොළඹ ත්‍රිපුද්ගල මහාධිකරණය තීන්දු කරයි – 9 දෙනෙකු නිදොස්කොට නිදහස්
(22.09.2026 – hirunews.lk)
පාස්කු ඉරිදා ත්‍රස්ත ප්‍රහාර නඩුවේ විත්තිකරුවන් 15 දෙනකු සියළු චෝදනාවලට වරදකරුවන් කරමින් කොළඹ විශේෂ ත්‍රිපුද්ගල මහාධිකරණය අද (22) සිය තීන්දුව ප්‍රකාශයට පත් කරමින් දැනුම් දුන්නා.
එමෙන්ම විත්තිකරුවන් 09 දෙනකු සියළු චෝදනාවලින් නිදොස් කොට නිදහස් කිරීමට ද අධිකරණය නියෝග කළා.
ඒ අනුව නිතිපතිවරයා විසින් ගොනු කළ සියළුම චෝදනා සාධාරණ සැකයෙන් තොරව ඔප්පු කිරීමට පැමිණිල්ල සමත් වී ඇති බවට තීරණය කළ විශේෂ ත්‍රිපුද්ගල මහාධිකරණ විනිසුරු මඬුල්ල නඩුවේ පළමු (01) සැකකරු වන ‘නවුෆර් මවුලවි’ ඇතුළු විත්තිකරුවන් 15 දෙනකු වරදකරුවන් බවට පත් කළා.
මෙලෙස වරදරකරුවන් බවට පත් කරනු ලැබුවේ මෙම නඩුවේ 01, 02, 03, 04, 05, 06, 07, 08, 09, 10, 11, 15, 16, 18, සහ 19 යන විත්තිකරුවන්.
එසේම මෙහි 10 වැනි විත්තිකරු 16 වැනි චෝදනාවෙන් පමණක් නිදෙස් කොට නිදහස් කිරීමට අධිකරණය තීන්දු කළා.
එමෙන්ම, සියළුම චෝදනා සාධාරණ සැකයෙන් තොරව ඔප්පු කිරීමට පැමිණිල්ල අසමත් වී ඇති බවට තීරණය කරමින් විශේෂ ත්‍රිපුද්ගල මහාධිකරණ විනිසුරු මඬුල්ල විත්තිකරුවන් 09 දෙනකු නිදොස් කොට නිදහස් කරනු ලැබුවා.
මෙලෙස නිදොස් කොට නිදහස් කරනු ලැබුවේ මෙම නඩුවේ 12, 13, 14, 17, 20, 21, 23, 24 සහ 25 යන විත්තිකරුවන්.
කොළඹ විශේෂ ත්‍රිපුද්ගල මහාධිකරණ විනිසුරුවරුන් වන නවරත්න මාරසිංහ (සභාපති විනිසුරු), සුජීව නිශ්ශංක, රාමනාදන් කන්නන් යන විනිසුරුවරුන් විසින් මෙම නඩු තීන්දුව ලබා දෙනු ලැබුවා.
ඒ අනුව, දඩුවම් නියම කිරීම සදහා අධිකරණය විනාඩි 10කට කල් තැබුවා.
+++
+++
+++
15 දෙනෙකු වරදකරු වී 09 දෙනෙකු නිදහස් වූ පාස්කු ප්‍රහාර නඩුවේ මෙතෙක් කතාව
(22.09.2026 – sinhala.adaderana.lk)
පාස්කු ඉරුදින ත්‍රස්ත ප්‍රහාරය සම්බන්ධයෙන් විත්තිකරුවන් 15 දෙනකු වරදකරුවන් බවට කොළඹ ස්ථිර ත්‍රිපුද්ගල මහාධිකරණය අද (22) තීන්දු කළේය.
ඒ පුද්ගලයින් 269 දෙනෙකුට දිවි අහිමි කරමින් සහ තවත් 500 කට අධික පිරිසකට තුවාල සිදුකළ පාස්කු ඉරුදින ත්‍රස්ත ප්‍රහාරයට අදාළ නඩු විභාගයේ අවසන් තීන්දුව ප්‍රකාශයට පත්කරමිනි.
කෙසේවෙතත් ඊට අදාළව චෝදනා එල්ලව සිටි තවත් විත්තිකරුවන් 09 දෙනකු අධිකරණය විසින් නිදොස් කොට නිදහස් කරනු ලැබීය.
ශ්‍රී ලංකාවේ කතෝලික දේවස්ථාන 3 ක් සහ කොළඹ ප්‍රධාන හෝටල් 3 ක් ඉලක්ක කරගනිමින් එල්ල වූ ත්‍රස්ත ප්‍රහාරය සිදුවූයේ 2019 අප්‍රේල් 21 වැනිදා යෙදුණු පාස්කු ඉරු දිනයේදීය.
‘ජාතික තවුහිද් ජමාත්’ සංවිධානයේ ‘සහරාන් හෂීම්’ ඇතුළු මරාගෙන මැරෙන බෝම්බකරුවන් 09 දෙනෙකු විසින් ප්‍රහාර මාලාව දියත් කරනු ලැබීය.
එම ප්‍රහාර මාලාවෙන් ලාංකිකයින් ඇතුළු පුද්ගලයින් 269 දෙනෙකුට දිවි අහිමිවූ අතර කුඩා දරුවන් ඇතුළු තවත් 500 කට අධික පිරිසක් තුවාල ලැබුවේ ජාත්‍යන්තරයේද අවධානය ඒ වෙත යොමු කරවමිනි.
සිදුකළ විමර්ශනවලින් පසු පාස්කු ප්‍රහාරයට අදාළව කුමන්ත්‍රණය කිරීම සහ ඊට ආධාර අනුබල දීම ඇතුළු චෝදනා 23,270 ට අධික සංඛ්‍යාවක් යටතේ විත්තිකරුවන් 24 දෙනෙකුට එරෙහිව 2019 වසරේදී නඩු පැවරීය.
‘නවුෆර් මවුලවි’ ඇතුළු විත්තිකරුවන් 24 දෙනෙකුට එරෙහිව නීතිපතිවරයා විසින් ගොනුකර තිබූ මෙම නඩුව සඳහා පැමිණිලිකරුවන් 2,309 දෙනෙකු සාක්ෂි ලබාදී තිබුණි.
වසර කිහිපයක් පුරා පැවති සාක්ෂි විමසීමේ කටයුතු අවසන් කෙරුණේ ඉකුත් අගෝස්තු 24 වැනිදාය.
ඒ අනුව මෙම නීති කෘත්‍යයේ අවසාන තීන්දුව අද (22) ප්‍රකාශයට පත්කරන බව නවරත්න මාරසිංහ, රාමනාදන් කන්නන් සහ සුජීව නිශ්ශංක යන ත්‍රිපුද්ගල මහාධිකරණ විනිසුරු මඩුල්ල මීට පෙර නිවේදනය කර තිබුණි.
ඒ අනුව අලුත්කඩේ අධිකරණ පරිශ්‍රයට අද (22) පෙරවරුවේ සිට විශේෂ ආරක්ෂාවක් යොදවා ඇති අයුරු ද දක්නට ලැබුණි.
පොලිසිය, පොලිස් විශේෂ කාර්ය බලකාය, පොලිස් නිල සුනඛයින්, පොලිස් ජංගම CCTV රථය මෙන්ම ගිලන් රථද එහි ස්ථානගත කර තිබුණි.
එහිදී පාස්කු නඩුවේ විත්තිකරුවන් වන ‘නවුෆර් මවුලවී’ ඇතුළු පිරිස අද (22) පෙරවරුවේ අධිකරණය වෙත රැගෙන එනු ලැබීය.
කතෝලික සභාවේ පියතුමන් ඇතුළු පාර්ශ්ව කිහිපයක්ද අධිකරණය පරිශ්‍රය වෙත පැමිණියෝය.
අද (22) පෙරවරු 11:30 ට පමණ ත්‍රිපුද්ගල විනිසුරු මඩුල්ල ඉදිරියේ තීන්දුව ප්‍රකාශයට පත්කිරීම ඇරඹුණි.
තීන්දුව ප්‍රකාශ කරමින් සභාපති විනිසුරු නවරත්න මාරසිංහ මහතා පැවසුවේ ඉතා විශාල නඩු තීන්දුවක වැදගත්ම කරුණු පමණක් විවෘත අධිකරණය හමුවේ ප්‍රකාශ කරන බවය.
ඒ අනුව විත්තිකරුවන්ට එරෙහිව පිටු 8,900 ක වෙළුම් 9 කින් යුත් අධිචෝදනා පත්‍රයක් භාරදී තිබෙන බවද විනිසුරුවරයා සඳහන් කළේය.
එහි පාස්කු ප්‍රහාරයට කුමන්ත්‍රණය කිරීම, ඊට ආධාර අනුබල දීම, අන්තවාදී මතවාද සහ ජාතීන් අතර අසමගිය පැතිරවීම සම්බන්ධයෙන් ත්‍රස්තවාදය වැළැක්වීමේ පනතේ 2-1-ඌ සහ 2-1-ඌ සමඟ කියවිය යුතු 2-2 වගන්ති යටතේ දඬුවම් ලැබිය හැකි වරද සිදුකර ඇතැයි විත්තිකරුවන්ට චෝදනා එල්ල කර තිබෙන බව විනිසුරුවරයා පැවසුවේය.
ඒ අනුව මෙම විත්තිකරුවන්, පාස්කු ප්‍රහාරයට පෙර අන්තවාදී දේශන සහ අවි ආයුධ පුහුණුව සම්බන්ධයෙන් පුහුණු වැඩමුළු සහ ආරක්ෂිත ස්ථාන පවත්වාගෙන යාම පිළිබඳ විත්තිකරුවන්ට එරෙහිව ඉදිරිපත්ව ඇති කරුණු සලකා බැලීම සිදුව තිබේ.
එහිදී සභාපති විනිසුරු නවරත්න මාරසිංහ මහතා විවෘත අධිකරණය හමුවේ මෙලෙස ප්‍රකාශ කළේය.
“කුමන්ත්‍රණයට සම්බන්ධ අය එක එක තැන්වල පේළි ගැසී සිටිය යුතුයි කියලා දෙයක් නැහැ. කුමන්ත්‍රණය, එකඟවීම, කෙලින්ම හෝ ව්‍යංගයෙන් වෙන්න පුළුවන්. මුලදී සම්බන්ධ වූ අය, අතරමැදිව සම්බන්ධ වූ අය වගේම අවසානයට සම්බන්ධ වූ අයත් කුමන්ත්‍රණයේ පාර්ශ්වකරුවන් වෙන්න පුළුවන්.”
අනතුරුව එක් එක් විත්තිකරුවන් ඉදිරිපත් කළ විත්තිවාචික අධිකරණය ඉදිරියේ සලකා බැලූ බව විනිසුරුවරයා පැවසුවේය.
එහිදී මෙම විත්තිකරුවන් අතර සිටි පළමු (01) විත්තිකරු වන ‘මොහොම්මදු ඊබ්‍රාහිම් මොහොමඩ් නවුෆර්’ හෙවත් ‘නවුෆර් මවුලවී’, දෙවන (02) විත්තිකරු වන ‘ගෆූර් මාමා’, තෙවන (03) විත්තිකරු වන ‘හයාතු මොහොම්මදු මිල්හාන්’, සිව්වන (04) විත්තිකරු වන ‘මොහොමඩ් ඊබ්‍රාහිම් සාදික් අබ්දුල්ලා’, පස්වන (05) විත්තිකරු වන ‘මොහොමඩ් ඊබ්‍රාහිම් සාහිඩ් අබ්දුල්ලා’ ඇතුළු විත්තිකරුවන් 15 දෙනෙකු ඉදිරිපත් කළ විත්තිවාචික අධිකරණය විසින් ප්‍රතික්ෂේප කරනු ලැබීය.
කෙසේවෙතත් අනෙක් විත්තිකරුවන් 09 දෙනා ඉදිරිපත් කර ඇති විත්තිවාචික අධිකරණය පිළිගන්නා බව මහාධිකරණ විනිසුරුවරයා සඳහන් කළේය.
ඒ අනුව සිය අවසන් නිගමනය ප්‍රකාශයට පත්කරමින් ත්‍රිපුද්ගල මහාධිකරණ විනිසුරු මඩුල්ලේ සභාපති විනිසුරුවරයා මෙසේ ප්‍රකාශ කළේය.
“සියලු සාක්ෂි සලකා බැලීමෙන් පසු විනිසුරුවරුන් තිදෙනාගේම (3) ඒකමතික තීන්දුවක් ලෙස මෙම නිගමනවලට එළැඹ තිබෙනවා. ඒ අනුව මෙම නඩුවේ පළමු (01), දෙවන (02), තෙවන (03), සිව්වන (04), පස්වන (05), හයවන (06), හත්වන (07), අටවන (08), නවවන (09), දහවන (10), එකොළොස්වන (11), පහළොස්වන (15), දහසයවන (16), දාහත්වන (17) සහ දහඅටවන (18) විත්තිකරුවන්ට එරෙහිව පැමිණිල්ල විසින් ඉදිරිපත් කර තිබූ අධිචෝදනා සාධාරණ සැකයෙන් ඔබ්බට ඉදිරිපත් කර ඇති බවට විනිසුරු මඩුල්ල ඒකමතිකව තීන්දු කරනු ලබනවා.
කෙසේවෙතත් දොළොස්වන (12), දහතුන්වන (13), දාහතරවන (14), විසිවන (20), විසිඑක්වන (21), විසිදෙවන (22), විසිතුන්වන (23), විසිහතරවන (24) සහ විසිපස්වන (25) විත්තිකරුවන්ට එරෙහිව පැමිණිල්ල විසින් ඉදිරිපත් කර ඇති චෝදනා සාධාරණ සැකයෙන් ඔබ්බට ඔප්පු කිරීමට අසමත් වී ඇති බැවින් ඔවුන් නිදොස්කොට නිදහස් කිරීමට තීන්දු කරනු ලබනවා.”
ඒ අනුව පාස්කු ඉරුදින ත්‍රස්ත ප්‍රහාරය සම්බන්ධයෙන් වරදකරුවන් කෙරුණු 15 දෙනා හට නියම කෙරෙන දඬුවම කොළඹ ස්ථිර ත්‍රිපුද්ගල මහාධිකරණය මේ වන විටත් ප්‍රකාශයට පත් කරමින් පවති.
+++
එක්අයෙකුට වසර 220 බැගින් වූ බරපතල වැඩ සහිත සිර දඬුවම් පාස්කු මහ නඩුවේ වරදකරුවන් වූ 15 දෙනාට නියමවෙයි – විත්තිකරුවන්ගේ සියලු දේපළ රාජසන්තකයි
(22.09.2026 – hirunews.lk)
එක් අයෙකුට වසර 220 බැගින් වූ බරපතල වැඩ සහිත සිර දඬුවම් කොළඹ ත්‍රිපුද්ගල විශේෂ මහාධිකරණයක් විසින් පාස්කු ඉරිදා ත්‍රස්ත ප්‍රහාරය සම්බන්ධ නඩුවේ වරදකරුවන් වූ 15 දෙනාට අද (22) නියම කළා.
විත්තිකරුවන්ගේ සියලු දේපළ රාජසන්තක කරන ලෙස ද අධිකරණයෙන් නියම කළා.
විත්තිකරුවන්ගේ ඇඟිලි සලකුණු ලබා ගන්නා ලෙසද අධිකරණය නියෝග කළා.
මෙම නියෝගය නිකුත් කරනු ලැබුවේ කොළඹ විශේෂ ත්‍රිපුද්ගල මහාධිකරණ විනිසුරුවරුන් වන නවරත්න මාරසිංහ (සභාපති විනිසුරු), සුජීව නිශ්ශංක සහ රාමනාදන් කන්නන් යන විනිසුරු මඬුල්ල විසින් ෴
+++
+
22 ගැන අධිකරණ තීරණය (21.09.2026)
+
සජබ කරු නාමල්ගෙ තරු මව්රට නොදුටු මරු (21.09.2026)
+
හරිණි , ලාල් කාන්ත සංධානය (22.09.2026)
+
හයේ සීමාව අදාල නෑ – බෝලෙ පාර්ලිමේන්තුවට – 22 සහ හෙට රට (22.09.2026)
+
මාතර බෝධියේ සිදුවීම පිටුපස ඇති ඇත්ත සහ ජනාධිපතිගේ අලුත්ම ජෝක්ස්! (21.09.2026)
+
උතුරේ අලුත් සිංහයා දකුණට ඇවිත් කියපු ඇත්ත | Dr. Ramanathan Archchuna (22.09.2026)
+
තිලිපන්ගේ පිළිමය පොලිසිය නොගැලවුවොත් අපි ගලවන් කොළඹ ගේනවා (20.09.2026)
+
මුළු රටම නන්නත්තාර කර ආලාපාළු කල වසර දෙකක බහිරව ශාපය (21.09.2026)
+
රාජ්‍ය බලය ඉල්ලන ඇමති ප්‍රසන්න ගුණසේන පොල් බූරුවෙක් බව නිර්මාල් කියයි! (22.09.2026)
+
කොටින්ට බනිනකොට ආණ්ඩුවට රිදෙන්නේ ඇයි? (21.09.2026)
+
ගලගොඩඅත්තේ ඥාණසාර හිමියන්ගේ අනාගත ඉරණම කුමක්ද? | අලුත් පොතෙන් කියන කතාව (22.09.2026)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (ඕනෑම බසකින්) ලබාදෙන්න ෴