අන්තර්ජාලයෙන් ‘ටෙලිග්‍රෑම්’ හරහා ඇවිත් මුදල් වංචා කළ සැකකාරියක් අත්අඩංගුවට
විපක්ෂයේ සියලු පක්ෂ 22 ට එරෙහිව 24 වන දා පාර්ලිමේන්තු මංසන්ධියට
සීට් බෙල්ට් නීතිය අකුරටම ක්‍රියාත්මක වෙයි – ඩ්‍රයිවර්ලා දඩ කෑවේ මෙන්න මෙහෙමයි (19.09.2026)
හිටපු යුධ හමුදා නිළධාරියෙක් මාධ්‍ය කැඳවයි – දිලීප පීරිස්ගේ කතාවටත් උත්තර දෙයි (18.09.2026)
සලේ තියාගෙන ඉන්නේ කිසිම සාක්ෂියක් නැතුව – අසාද් මවුලානගේ කතාව තමයි මේක (18.09.2026)
නාහෙන් අඬන්නේ නැතුව ආණ්ඩුව භාර දෙන්න – 24 පොල්දූව හන්දියට අපි දහස් ගාණක් එක්ක එනවා (18.09.2026)
උතුරේ ලෝකඩ පිළිම හදලා තිලීපන් සමරනවා – විමල්ගේ ආන්දෝලනාත්මක මාධ්‍ය හමුව (18.09.2026)
තිලීපන්ගේ ස්මාරකය සැරටම පත්තු වෙයි, කොටි සින්දුත් දාගෙන සමරන සැමරිල්ල මෙන්න (18.09.2026)
‘හිරු CIA’ හෙළිදරව්වෙන් පසු බලධාරීන්ගේ ඇස් ඇරෙයි : විල්පත්තුවේ කුඹුක් ගස් විනාශ කළ පිරිස සෙවීමට පරිසර අමාත්‍යාංශයෙන් කඩිනම් පරීක්ෂණ
(18.09.2026 – hirunews.lk)
විල්පත්තුව ජාතික වනෝද්‍යාන මායිමේ පිහිටි පරණ එළුවක්කුලම, නෙළුම් වැව පරිශ්‍රයේ අනුභූමි ප්‍රදේශයේ තිබූ වටිනා කුඹුක් ගස් කිහිපයකට ගිනි තබා විනාශ කිරීමේ සිද්ධිය සම්බන්ධයෙන් වහාම පරීක්ෂණයක් පවත්වන ලෙස පරිසර අමාත්‍යාංශය අදාළ නිලධාරීන්ට නියෝග කර තිබෙනවා.
‘හිරු සී.අයි.ඒ.’ (Hiru CIA) කණ්ඩායම විසින් සිදුකළ අනාවරණයත් සමඟින් මෙම පාරිසරික විනාශය පිළිබඳව බලධාරීන්ගේ අවධානය යොමු කෙරුණා.
විල්පත්තුව ජාතික වනෝද්‍යාන මායිමේ පරණ එළුවන්කුලම, නෙළුම්වැව මධ්‍යයේ පිහිටා තිබූ වසර සිය ගණනක් පැරණි දැවැන්ත කුඹුක් ගස් පද්ධතිය, පසුගිය දින කිහිපය තුළ සංවිධානාත්මක පිරිසක් විසින් ගිනි තබා විනාශ කර තිබුණා.
මෙම ගිනි තැබීම් පිළිබඳව තොරතුර ලද සැණින් අප මාධ්‍යවේදීන් අදාළ ප්‍රදේශයට ළඟා වූ අතර, ඒ වනවිටත් කුඹුක් ගස් ඇතුළු දැවැන්ත වනස්පතීන් ගිනි ගෙන දැවෙමින් පැවැතියා.
සියලු කුඹුක් ගස්වල මුල් ඉලක්ක කර, වෙන් වෙන් වශයෙන් ගින තබා තිබූ හෙයින්, මෙය සංවිධානාත්මකව කළ අපරාධයක් බවට පරිසරවේදීන් සැක පළ කරනවා.
පරිසරවේදීන් ඇතුළු පිරිස් පෙන්වා දෙන්නේ, පොලිස් විමර්ශන පවා අවසන් නොමැති පසුබිමක කුඹුක් ගස් විනාශය වසා දැමීමට වාරිමාර්ග නිලධාරීන් කඩිමුඩියේ නෙළුම්වැවට වතුර පිරවීම විමතියට කරුණක් බවයි ෴
පූජ්‍ය ගලගොඩඅත්තේ ඥාණසාර හිමි – 2 වන කොටස : එක්නැලිගොඩට තර්ජනය කළේ ඇයි? ජපානයේ දී කලිසම් ඇඳගෙන විනෝද ගමන් ගියා ද? (17.09.2026)
+++
“ආණ්ඩුවේ බුද්ධි අංශ මගේ පස්සෙනුත් පන්නනවා” – නාමල් වෙනුවෙන් ජිනීවා ගිය මිලින්ද දැන් කියන කතාව (16.09.2026)
+
ත්‍රිකුණාමලය, අනුරාධපුර හංදියේ පිහිටි මත්පැන් අලෙවිසලක් කොල්ලකෑමට උත්සාහ කළ පුද්ගලයන් දෙදෙනෙකු (2) අත්අඩංගුවට
(19.09.2026 – hirunews.lk)
ත්‍රිකුණාමලය, අනුරාධපුර හංදියේ පිහිටි මත්පැන් අලෙවිසලක් කොල්ලකෑමට උත්සාහ කළ පුද්ගලයන් දෙදෙනෙකුගේ (2) ප්‍රහාරයක් එහි සේවකයන් විසින් ව්‍යර්ථ කර තිබෙනවා.
ඊයේ (18) රාත්‍රී 09:45 ට පමණ යතුරුපැදියකින් පැමිණි කොල්ලකරුවන් දෙදෙනෙකු (2) මුදල් කොල්ලකා පලා යාමට උත්සාහ කළ අවස්ථාවේදී, සේවකයන් විසින් දැඩි උත්සාහයක් යොදා මුදල් බෑගය සමග එක් කොල්ලකරුවෙකු අල්ලා ගැනීමටයි සමත්ව ඇත්තේ.
එම අවස්ථාවේදී ගිනි අවියක් රැගෙන පැමිණි අනෙක් පුද්ගලයා සේවකයන්ට වෙඩි තැබීමට උත්සාහ කර ඇතත්, ඔහුගේ ඉලක්කය වැළකී ගොස් තිබුණා.
පසුව කොල්ලකරුවන් දෙදෙනාම (2) යතුරුපැදියෙන් අනුරාධපුර පාර ඔස්සේ පලා ගොස් තිබෙනවා.
කෙසේ වෙතත්, මේ පිළිබඳව වහා ක්‍රියාත්මක වූ පොලිසිය සිදු කළ හදිසි සෝදිසි කිරීමකදී, අදාළ කොල්ලයට සැකපිට පුද්ගලයන් දෙදෙනෙකු (2) මිහිඳුපුර ප්‍රදේශයේ පිහිටි නවාතැන්පොළකදී අත්අඩංගුවට ගැනීමට සමත්ව ඇති අතර, සිද්ධිය සම්බන්ධයෙන් පොලිසිය වැඩිදුර විමර්ශන සිදු කරනවා ෴
සෞදියේදී මරණ දණ්ඩනයට මුහුණ දී සිටින අනෝජ් වෙනුවෙන් දෙමළ මුස්ලිම් මන්ත්‍රීවරු එකතුවෙති : සමාව දෙන්නැයි සෞදි රජුගෙන් ඉල්ලීමක් කරන්න සැරසෙති
(19.09.2026 – hirunews.lk)
සමාජ මාධ්‍ය සටහනක් හේතුවෙන් සෞදි අරාබියේදී වසර පහක සිරදඬුවමක් නියම වී සිට සිරදඬුවම මරණ දණ්ඩනයක් දක්වා ඉහළ නංවා ඇති ශ්‍රී ලාංකීක ජාතිකයෙක් වන ‘අනෝජ් සිවරසා’ගේ (Anojan Sivarasa) පවුලේ සාමාජිකයන් වෙත ගොස් ඔවුන්ට සහයෝගය පළ කිරීම සඳහා ඊයේ (18) හිටපු අමාත්‍ය රිෂාඩ් බදියුදීන් කල්මුණේ, නර්පත්තිමුනේ හි පිහිටි අනෝජ්ගේ නිවසට ගොස් ඔහුගේ මව සහ පවුලේ සාමාජිකයන් මුණගැසී තිබෙනවා.
සෞදියේ මරණ දණ්ඩන වාර්තා හේතුවෙන් මුස්ලිම් ප්‍රජාව තුළ දැඩි කනස්සල්ලක් මතුවී ඇති බව පෙන්වා දෙන හිටපු අමාත්‍යවරයා, ජනාධිපති අනුර කුමාර දිසානායකගෙන් සහ සෞදි රජුගෙන් මේ සඳහා විශේෂ ඉල්ලීමක් කිරීමට මුස්ලිම් පාර්ලිමේන්තු මන්ත්‍රීවරුන් එකතු කර ගැනීමට කටයුතු කරන බවද ප්‍රකාශ කර තිබෙනවා.
තවද, සමස්ත ලංකා ජමිය්තුල් උලමා (ACJU) සංවිධානයේ මැදිහත්වීම ලබා ගැනීමට ද බලාපොරොත්තු වන බව හෙතෙම සඳහන් කළා.
මෙම උත්සාහය වෙනුවෙන් පාර්ලිමේන්තු මන්ත්‍රීවරුන් වන ගජේන්ද්‍රකුමාර් පොන්නම්බලම්, ශානක්‍ය රාසමානික්කම් සහ මනෝ ගනේෂන් යන මන්ත්‍රීවරුන් ද දුරකථන මාර්ගයෙන් සම්බන්ධ වී සහයෝගය පළ කර ඇති බවත්, සියලු දෙනා එක්ව මෙම අර්බුදයට විසඳුම් සෙවීමට කටයුතු කරන බවත්, ඔහු වැඩිදුරටත් කියා සිටියා.
මේ අතර අනෝජ්ට සමාව (clemency) ලබා දෙන ලෙස සෞදි බලධාරීන්ගෙන් ඉල්ලා සිටින බව හිටපු විදේශ අමාත්‍ය අලි සබ්රි පවසනවා.
වරදක් වූ විගස එය ඉවත් කර සමාව අයැද සිටි අවස්ථාවක, එවැනි ක්‍රියාවක් සඳහා මරණ දණ්ඩනය පැනවීම අනුකම්පා විරහිත සහ අසාධාරණ ක්‍රියාවක් බව පෙන්වා දෙන ඔහු, මේ සඳහා හදිසි රාජ්‍යතාන්ත්‍රික මැදිහත්වීමක් අවශ්‍ය බවද සමාජ මාධ්‍ය සටහනක් තබමින් වැඩිදුරටත් අවධාරණය කර තිබෙනවා ෴
අන්තර්ජාලයෙන් ‘ටෙලිග්‍රෑම්’ හරහා ඇවිත් මුදල් වංචා කළ සැකකාරියක් අත්අඩංගුවට
(19.09.2026 – sinhala.adaderana.lk)
අන්තර්ජාලය හරහා මුදල් වංචා කිරීමේ සිද්ධියක් සම්බන්ධයෙන් සිදුකරන විමර්ශනයකට අදාළව බටුවත්ත ප්‍රදේශයේ පදිංචි සැකකාරියක් අත්අඩංගුවට ගෙන තිබේ.
සැකකාරිය විසින් ‘ටෙලිග්‍රෑම් සමූහයක්’ හරහා මෙම ජාවාරම සිදුකිරීමට අනුබල දී ඇති බවට චෝදනා එල්ලවී ඇති අතර අන්තර්ජාල ව්‍යාපාරයක් මගින් මුදල් ඉපැයිය හැකි බවට පවසා බැරකරවා ගන්නා ලද මුදල් රුපියල් 542,877 ක මුදලින් රුපියල් 66,999 ක මුදලක් වංචා කර ඇති බවට අනාවරණය වී ඇත.
ඒ අනුව ඊයේ (18) උදෑසන සැකකාරිය අත්අඩංගුවට ගෙන ඇති අතර ඇය 38 හැවිරිදි බටුවත්ත ප්‍රදේශයේ පදිංචිකාරියකි.
අන්තර්ජාලය හරහා සිදුකරන ලද මුදල් වංචාවක් සම්බන්ධයෙන් 2024.02.10 වන දින කරන ලද පැමිණිල්ලක් මත පරිගණක අපරාධ විමර්ශන අංශයේ වයඹ පළාත් ඒකකය මගින් මෙම විමර්ශනය ආරම්භ කර තිබුණි.
සිද්ධිය සම්බන්ධයෙන් වැඩිදුර විමර්ශන සිදු කරයි ෴
විපක්ෂයේ සියලු පක්ෂ 22 ට එරෙහිව 24 වන දා පාර්ලිමේන්තු මංසන්ධියට
(18.09.2026 – sinhala.adaderana.lk)
වත්මන් ආණ්ඩුව තනි පක්ෂ ක්‍රමයකට රට රැගෙන යාමට සූදානම් වන 22 වැනි ආණ්ඩුක්‍රම ව්‍යවස්ථා සංශෝධනයට එරෙහිව සැප්තැම්බර් 24 වැනිදා විපක්ෂයේ සියලු පක්ෂ නියෝජිතයින් පාර්ලිමේන්තු මංසන්ධිය අසලට පැමිණෙන බව ඒකාබද්ධ විපක්ෂය පවසයි.
නිදහස් මෙහෙයුම් මධ්‍යස්ථානයේ සංවිධාන කර තිබූ වැඩසටහනකට එක්වෙමින් එහි නියෝජිතයින් මේ බව සඳහන් කළේය.
+
සීට් බෙල්ට් නීතිය අකුරටම ක්‍රියාත්මක වෙයි – ඩ්‍රයිවර්ලා දඩ කෑවේ මෙන්න මෙහෙමයි (19.09.2026)
+
හිටපු යුධ හමුදා නිළධාරියෙක් මාධ්‍ය කැඳවයි – දිලීප පීරිස්ගේ කතාවටත් උත්තර දෙයි (18.09.2026)
+
සලේ තියාගෙන ඉන්නේ කිසිම සාක්ෂියක් නැතුව – අසාද් මවුලානගේ කතාව තමයි මේක (18.09.2026)
+
නාහෙන් අඬන්නේ නැතුව ආණ්ඩුව භාර දෙන්න – 24 පොල්දූව හන්දියට අපි දහස් ගාණක් එක්ක එනවා (18.09.2026)
+
උතුරේ ලෝකඩ පිළිම හදලා තිලීපන් සමරනවා – විමල්ගේ ආන්දෝලනාත්මක මාධ්‍ය හමුව (18.09.2026)
+
තිලීපන්ගේ ස්මාරකය සැරටම පත්තු වෙයි, කොටි සින්දුත් දාගෙන සමරන සැමරිල්ල මෙන්න (18.09.2026)
+
බැසිල් රාජපක්‍ෂට INTERPOL නිවේදන නිකුත් කෙරේ
(19.09.2026 – lankacnews.com)
හිටපු අමාත්‍ය බැසිල් රාජපක්ෂ මහතාට එරෙහිව ජාත්‍යන්තර පොලිසිය (INTERPOL) මඟින් ‘නිල් නිවේදනයක්’ (Blue Notice) නිකුත් කර ඇති බව මහජන ආරක්ෂක අමාත්‍ය ආනන්ද විජේපාල මහතා ප්‍රකාශ කළ බව Daily Mirror පුවත්පත වාර්තා කරයි.
මෙරට අධිකරණමය ක්‍රියාමාර්ග හමුවේ අවශ්‍යව සිටින පුද්ගලයින් සොයාගෙන යළි මෙරටට ගෙන්වා ගැනීමේ ප්‍රයත්නයන් කඩිනම් කිරීම සඳහා අපරාධ පරීක්ෂණ දෙපාර්තමේන්තුව කළ ඉල්ලීමකට අනුව මෙම පියවර ගෙන තිබේ.
මෙරට අධිකරණය මඟහරිමින් විදේශගතව සිටින හිටපු දේශපාලනඥයන් සහ අනෙකුත් සැකකරුවන් නීතිය හමුවට පැමිණවීම පිණිස රජය ජාත්‍යන්තර නීති බලාත්මක කිරීමේ යාන්ත්‍රණයන් උපරිමයෙන් භාවිත කරන බව අමාත්‍යවරයා සඳහන් කර ඇත.
මාතර, එළියකන්ද පාරේ බ්‍රවුන්ස් හිල් ප්‍රදේශයේ පිහිටි අක්කර 1.5 ක ඉඩමක් රුපියල් මිලියන 60 කට මිලදී ගැනීමේ සිද්ධියකට අදාළව පොලිස් මූල්‍ය අපරාධ විමර්ශන කොට්ඨාසය ගොනු කළ නඩුවකට බැසිල් රාජපක්ෂ මහතා කිහිප වරක්ම අධිකරණය හමුවේ පෙනී නොසිටීම හේතුවෙන්, ඔහු අත්අඩංගුවට ගැනීමේ වරෙන්තුවක් ක්‍රියාත්මක කරන ලෙස මාතර ප්‍රධාන මහේස්ත්‍රාත්වරයා පසුගිය ජූලි මාසයේදී නියෝග කර තිබිණි. ඔහු වෛද්‍ය ප්‍රතිකාර සඳහා විදේශගතව සිටින බව ඔහුගේ නීතිඥවරුන් අධිකරණයට දන්වා තිබුණ ද, අඛණ්ඩව අධිකරණය මඟහැරීම හේතුවෙන් මෙම නියෝගය නිකුත් කෙරිණි.
භාවිත කරනු ලබන ජාත්‍යන්තර නීතිමය ක්‍රමවේදය පිළිබඳව පැහැදිලි කරමින් අමාත්‍ය විජේපාල මහතා පෙන්වා දී ඇත්තේ, සැකකරුවෙකු විදේශගතව සිටින නිශ්චිත රටක් හෝ ලිපිනයක් පිළිබඳ තොරතුරු පවතින අවස්ථාවලදී එම පුද්ගලයා මව් රටේ නීතිමය කටයුත්තකට අවශ්‍ය බව දැනුම් දීමට ‘නිල් නිවේදනයක්’නිකුත් කරන බවයි. සැකකරු සැඟවී සිටින ස්ථානයක් පිළිබඳ කිසිදු හෝඩුවාවක් නොමැති විට ‘රතු නිවේදන’ (Red Notice) නිකුත් කෙරේ.
අපරාධ පරීක්ෂණ දෙපාර්තමේන්තුව හරහා ක්‍රියාත්මක වන මෙම ‘නිල් නිවේදනය’ මඟින් බැසිල් රාජපක්ෂ මහතාගේ අනන්‍යතාව, ඔහු රැඳී සිටින ස්ථානය හෝ ඔහුගේ ක්‍රියාකාරකම් පිළිබඳ නිල තොරතුරු ජාත්‍යන්තර බලධාරීන් හරහා ලබාගැනීමට මෙරට විමර්ශන අංශවලට අවස්ථාව උදාවේ.
හිටපු දේශපාලන තනතුරු හෝ තරාතිරම නොබලා, මූල්‍ය වංචා හා සාපරාධී ක්‍රියාවලට සම්බන්ධ මෙරටට අවශ්‍යව සිටින පුද්ගලයන් යළි ගෙන්වා ගැනීම සඳහා අවශ්‍ය නීතිමය පියවර නොපසුබටව ගන්නා බව අමාත්‍යවරයා ‘ඩේලි මිරර්’ වෙත වැඩිදුරටත් අවධාරණය කර තිබේ ෴
++
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (ඕනෑම බසකින්) ලබාදෙන්න ෴