මට්ටක්කුලිය මාරක රිය අනතුරින් මියගිය ගණන 3 ක් දක්වා ඉහළට
බොරු කියන එක ආත්මගත ක්‍රියාවක් බවට පත්වෙලා – විමල් වීරවංශ (16.09.2026)
සජබ – පොහොට්ටු ගැටුම ඇරඹෙයි | විපක්ෂය දෙකට බෙදෙයිද? ආණ්ඩුවට රජ මඟුල්! (15.09.2026)
හරිනි ආණ්ඩුවෙන් ඉවතට යයිද? ඇතුළේ සිදුවන දේ සහ ඇත්ත කතාව මෙන්න (15.09.2026)
උතුරේ බොදු උරුමයට මොකද වෙන්නේ? වඩුන්නාගල ආන්දෝලනයේ ඇත්ත කතාව (16.09.2026)
ශිරන්ති රාජපක්ෂ රටින් පිටවුණේ ඇයි? | රටින් පැන්නාද? ඇත්ත කතාව මෙන්න! (16.09.2026)
පොලිස් නිෂ්කාශන ගැටලු ඉදිරිපත් කිරීමට නව දුරකතන අංක කිහිපයක්
ජාතික ගමනාගමන කොමිෂන් සභාවේ හිටපු සභාපති රේණුක පෙරේරා ලබන 29 දක්වා රිමාන්ඩ්
රු. කෝටි දෙකහමාරකට (2½) අධික මත්ද්‍රව්‍ය තොගයක් සමඟ ‘කොළොන්නාවේ ධනුෂ්ක’ගේ හිතවතියක් STF අත්අඩංගුවට
මට්ටක්කුලිය මාරක රිය අනතුරින් මියගිය ගණන 3 ක් දක්වා ඉහළට
(16.09.2026 – sinhala.adaderana.lk)
මට්ටක්කුලිය ප්‍රදේශයේදී මෝටර් රථයක් මාර්ගයේ ගමන් ගත් වාහන කිහිපයක ගැටීමෙන් අද (16) රාත්‍රියේ සිදුවූ මාරක රිය අනතුරින් මියගිය සංඛ්‍යාව 3 ක් දක්වා ඉහළ ගොස් තිබේ.
අනතුරින් මියගොස් ඇත්තේ වයස අවුරුදු 64 ක පුද්ගලයන් දෙදෙනෙකු (2) සහ 44 හැවිරිදි පිරිමි පුද්ගලයෙකි (1). ඔවුන් ග්‍රෑන්ඩ්පාස්, කොළඹ 15 සහ වත්තල යන ප්‍රදේශවල පදිංචිකරුවන් බව පොලිසිය තහවුරු කරයි.
ධාවනය වූ මෝටර් රථය මාර්ගයේ තිබූ ත්‍රීරෝද රථ 3 ක් සහ යතුරුපැදි 4 ක් එකපෙළට අනතුරට ලක්කර ඇති අතර, සිදුවීමත් සමග වහාම ක්‍රියාත්මක වූ ප්‍රදේශවාසීන් තුවාලකරුවන් කොළඹ ජාතික රෝහලට ඇතුළත් කිරීමට පියවර ගෙන ඇත.
මේ වනවිට පුද්ගලයින් 8 දෙනෙකු කොළඹ ජාතික රෝහලේ ප්‍රතිකාර ලබයි.
අනතුර සිදුකළ මෝටර් රථයේ රියදුරු මේ වනවිට පොලිස් අත්අඩංගුවට ගෙන ඇති අතර, සිද්ධිය සම්බන්ධයෙන් මට්ටක්කුලිය පොලිසිය වැඩිදුර විමර්ශන පවත්වයි.
+++
+++
+++
මට්ටක්කුලිය අනතුරේ රියදුරු අත්අඩංගුවට – ගංජා භාවිත කර ඇති බවටත් හෙළිවෙයි
(17.09.2026 – sinhala.adaderana.lk)
මට්ටක්කුලිය, ෆර්ගියුෂන් හන්දියේදී අනතුරක් සිදු කළ මෝටර් රථයේ රියදුරු අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ, වයස අවුරුදු 52 ක් වන මට්ටක්කුලිය ප්‍රදේශයේ පදිංචිකරුවෙක් වන අතර ඔහු මෝටර් රථය පදවන අවස්ථාවේදී ගංජා භාවිත කර සිට ඇති බවට ද අනාවරණවී ඇත.
මට්ටක්කුලිය පොලිස් වසමේ ෆර්ගියුෂන් හන්දිය ප්‍රදේශයේදී වත්තල දෙස සිට අධික වේගයෙන් පැමිණි කාර් රථයක් රියදුරුට පාලනය කර ගැනීමට නොහැකිව ත්‍රීරෝද රථ දෙකක (2) හා යතුරුපැදි දෙකක (2) ගැටී ඊයේ (17) රාත්‍රියේ අනතුරක් සිදුවිණි.
ඉන් පුද්ගලයින් 13 දෙනෙකු තුවාල ලැබූ අතර කොළඹ ජාතික රෝහලට ඇතුළත් කර ප්‍රතිකාර ලබමින් සිටියදී ඉන් තිදෙනෙකු (3) මිය ගොස් ඇත.
මරණකරුවන් අවුරුදු 44 හා 64 වයස්වල පසුවූ ග්‍රෑන්ඩ්පාස් සහ මට්ටක්කුලිය ප්‍රදේශවල පදිංචිකරුවන් වන බව සඳහන්ය.
සිද්ධිය සම්බන්ධයෙන් වැඩිදුර විමර්ශන මට්ටක්කුලිය පොලිසිය විසින් සිදු කරනු ලබයි ෴
+++
+++
+
බොරු කියන එක ආත්මගත ක්‍රියාවක් බවට පත්වෙලා – විමල් වීරවංශ (16.09.2026)
+
සජබ – පොහොට්ටු ගැටුම ඇරඹෙයි | විපක්ෂය දෙකට බෙදෙයිද? ආණ්ඩුවට රජ මඟුල්! (15.09.2026)
+
හරිනි ආණ්ඩුවෙන් ඉවතට යයිද? ඇතුළේ සිදුවන දේ සහ ඇත්ත කතාව මෙන්න (15.09.2026)
+
උතුරේ බොදු උරුමයට මොකද වෙන්නේ? වඩුන්නාගල ආන්දෝලනයේ ඇත්ත කතාව (16.09.2026)
+
නාමල් යළිත් රිමාන්ඩ්! අද (16) කොටුව මහේස්ත්‍රාත් අධිකරණයේදී මොකද වුණේ? | Airbus ගනුදෙනුවේ අලුත්ම තත්ත්වය (16.09.2026)
+
ශිරන්ති රාජපක්ෂ රටින් පිටවුණේ ඇයි? | රටින් පැන්නාද? ඇත්ත කතාව මෙන්න! (16.09.2026)
+
පොලිස් නිෂ්කාශන ගැටලු ඉදිරිපත් කිරීමට නව දුරකතන අංක කිහිපයක්
(17.09.2026 – hirunews.lk)
පොලිස් නිෂ්කාශන සහතික පත් ලබාගැනීමට අදාළව ගැටලු ඉදිරිපත් කිරීම සඳහා නව දුරකතන අංක කිහිපයක් හදුන්වාදී තිබෙනවා.
පැය 24 පුරා ක්‍රියාත්මක අදාළ දුරකතන අංක ඔස්සේ පොලිස් මූලස්ථානයේ විශේෂ මෙහෙයුම් මැදිරිය අමතා අදාළ අයදුම්කරුවන්ට නිෂ්කාශන අයදුම්පත් යොමු කිරීමට අදාලව ගැටලු ඉදිරිපත් කිරීමේ හැකියාව පවතින බවයි පොලිස් මාධ්‍ය කොට්ඨාසය සදහන් කළේ.
පරිගණක පද්ධතියේ අත්‍යවශ්‍ය නඩත්තු කටයුත්තක් හේතුවෙන් මාර්ග ගත ක්‍රමවේදය ඔස්සේ පොලිස් නිෂ්කාශන සහතික ලබා ගැනීම සදහා අයදුම්පත් යොමු කිරීම මේ වනවිට තාවකාලිකව අත්හිටුවා තිබෙනවා.
නිෂ්කාශන පරිගණක පද්ධතිය යථාවත් වනතුරු ප්‍රාදේශීය පොලිස් ස්ථාන මට්ටමින් අදාළ නිෂ්කාශන සහතික ලබා ගැනීම සදහා වන අයදුම්පත් භාරගැනීම සිදු වන අතර මේ සම්බන්ධයෙන් ගැටලුවක් වේ නම් 071 859 5946 , 071 859 5947 , 071 859 5948 යන දුරකතන අංක ඔස්සේ වැඩිදුර තොරතුරු ලබා ගැනීමේ හැකියාව පවතිනවා ෴
ජාතික ගමනාගමන කොමිෂන් සභාවේ හිටපු සභාපති රේණුක පෙරේරා ලබන 29 දක්වා රිමාන්ඩ්
(17.09.2026 – hirunews.lk)
දූෂණ චෝදනාවක් සම්බන්ධයෙන් අල්ලස් කොමිසම විසින් අත්අඩංගුවට ගත් ජාතික ගමනාගමන කොමිෂන් සභාවේ හිටපු සභාපති රේණුක පෙරේරා ලබන 29 දක්වා රක්ෂිත බන්ධනාගාරගත කිරිමට කොළඹ ප්‍රධාන මහේස්ත්‍රාත් අසංග එස්. බෝදරගම අද (17) නියෝග කළා.
සිද්ධියට අදාල සැකකරු අල්ලස් කොමිස විසින් අධිකරණයට ඉදිරිපත් කරනු ලැබීමෙන් පසු එම කොමිසම කරන ලද කරුණු ඉදිරිපත් කිරීමෙන් අනතුරුව මෙම නියෝගය නිකුත් කෙරුණා
දක්ෂිණ අධිවේගී මාර්ගයේ ධාවනය සඳහා නීතිවිරෝධී ලෙස මගී සේවා බලපත්‍ර 56 ක් නිකුත් කිරීමේ සිද්ධියකට අදාළව, ජාතික ගමනාගමන කොමිෂන් සභාවේ හිටපු සභාපති රේණුක පෙරේරා මෙලෙස අත්අඩංගුට ගත් බවයි විමර්ශන නිලධාරීන් අධිකරණයට දන්වා සිටියේ.
සිද්ධිය සම්බන්ධයෙන් වැඩිදුරටත් අධිකරණයට කරුණු දක්වමින් විමර්ශන නිලධාරීන් පවසා සිටියේ දුෂණය නමැති චෝදනව යටතේ සැකකරුගේ අත්අඩංගුවට ගත් බවයි.
අමාත්‍ය මණ්ඩලයේ තිරණයට පරිබාහිරව වාර්ෂිකව ලබාදෙන මගී ප්‍රවාහන බලපත්‍ර 56 ක් නිකුත් කිරිමේදී ඉන් 30 ක් ඔහුගේ කමිටුවට අදාලවද තවත් බලපත්‍ර 26 ක් සැකකරු තමාගේ හිතුමනාපය පරිදි පිරිසකට ලබා දී ඇති බවත් අල්ලස් කොමිසම අධිකරණයට කරුණු ඉදිරිපත් කරමින් පැවසුවා.
+++
+
රු. කෝටි දෙකහමාරකට (2½) අධික මත්ද්‍රව්‍ය තොගයක් සමඟ ‘කොළොන්නාවේ ධනුෂ්ක’ගේ හිතවතියක් STF අත්අඩංගුවට
(17.09.2026 – hirunews.lk)
රුපියල් කෝටි දෙකහමාරකට (2½) අධික මත්ද්‍ර ව්‍ය තොගයක් සමඟ ‘කොළොන්නාවේ ධනුෂ්ක’ නමැති මත්ද්‍රව්‍ය ඡාවාරම්කරුගේ හිතවතියක් ඊයේ (17) කොළොන්නාවේදී අත්අඩංගුවට ගත් බව පොලිස් විශේෂ කාර්ය බලකාය පවසනවා.
විශේෂ කාර්ය බලකා බුද්ධි කොට්ඨාශයේ නිලධාරීන්ට ලද තොරතුරකට අනුව, වැල්ලම්පිටිය පොලිස් වසමේ කොළොන්නාවේ සුපිරි වෙළෙඳ සැලක් තුළදී ඊයේ (16) මෙම සැකකාරිය මත්ද්‍රව්‍ය සමග අත්අඩංගුවට ගත් බවයි පොලිස් විශේෂ කාර්ය බලකාය සඳහන් කරන්නේ.
සැකකාරිය සන්තකයේ තිබී රුපියල් කෝටි දෙකහමාරකට (2½) අධික වටිනාකමකින් යුත් හෙරොයින් කිලෝ 01 යි ග්‍රෑම් 50 ක ප්‍රමාණයක් අත්අඩංගුවට ගෙන තිබූ බවයි වාර්තා වන්නේ.
මෙලෙස අත්අඩංගුවට ගෙන ඇත්තේ තලාහේන පාර, උඩුමුල්ල, මුල්ලේරියාව ප්‍රදේශයේ පදිංචි 52 හැවිරිදි කාන්තාවක්.
මෙම මත්ද්‍රව්‍ය තොගය, සංවිධානාත්මක අපරාධකරුවකු සහ මහා පරිමාණ මත්ද්‍රව්‍ය ජාවාරම්කරුවෙකු වන ‘කොළොන්නාව ධනුෂ්ක’ නමැත්තාගේ ප්‍රධාන අනුගාමිකයෙකු වන ‘අසාම්’ නමැත්තාට අයත් ඒවා බවට අනාවරණය වී ඇතැයි ද පොලිස් විශේෂ කාර්ය බලකාය සඳහන් කරනවා.
වැඩිදුර විමර්ශන කටයුතු සඳහා සැකකාරිය වැල්ලම්පිටිය පොලිස් ස්ථානය වෙත භාරදුන් බවයි පොලිස් විශේෂ කාර්ය බලකාය සඳහන් කරන්නේ ෴
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (ඕනෑම බසකින්) ලබාදෙන්න ෴