මාර්ගගත ක්‍රමවේදය ඔස්සේ ‘පොලිස් නිෂ්කාශන සහතික’ සඳහා අයදුම්පත් යොමු කිරීම තාවකාලිකව අත්හිටුවයි
සලේගේ වෛද්‍ය වාර්තා ලබා නොදීම ගැන කරුණු කියන්න ජාතික රෝහල් අධ්‍යක්ෂකට නොතිසී
අයියා – මලෝ බිලිගත් දෙහිවල බෝම්බ ප්‍රහාරයේ ප්‍රධාන සැකකරුවන්ගේ පාපොච්චාරණය (15.09.2026)
අධිවේගයේ යන වාහනවල සියලුම අය ආසන පටි පැළඳීම සැප්තැම්බර් 20 සිට අනිවාර්යය කෙරේ
මහමග අනාරක්ෂිත රිය ධාවනයෙන් යතුරුපැදිකරු මරුට | අවාසනාවන්ත සිදුවීම CCTV කැමරාවේ (15.09.2026)
අනුරාධපුරේ යන්න ආ මවක් සහ ඥාති දියණියක් දුම්රියට බිලි
ව්‍යාජ ඔප්පු සකස් කර රු. කෝටියක මුදල් වංචා කළ සැකකරු අත්අඩංගුවට
මාර්ගගත ක්‍රමවේදය ඔස්සේ ‘පොලිස් නිෂ්කාශන සහතික’ සඳහා අයදුම්පත් යොමු කිරීම තාවකාලිකව අත්හිටුවයි
(15.09.2026 – hirunews.lk)
ශ්‍රී ලංකා පොලිසියේ නිෂ්කාශන පරිගණක පද්ධතියේ අත්‍යවශ්‍ය නඩත්තු කටයුත්තක් හේතුවෙන් මාර්ගගත ක්‍රමවේදය ඔස්සේ පොලිස් නිෂ්කාශන සහතික සඳහා අයදුම්පත් යොමු කිරීම තාවකාලිකව අත්හිටුවා තිබෙන බව පොලිසිය සඳහන් කරනවා.
නිවේදනයක් නිකුත් කරමින් ඔවුන් සඳහන් කරන්නේ පද්ධතිය යථාවත් වනතුරු අයදුම්කරුවන්ට ළඟම පොලිස් ස්ථානය වෙත ගොස් නිෂ්කාශන සහතික සඳහා අයදුම් කිරීමට අවස්ථාව සලසා ඇති බවයි පොලිසිය සඳහන් කරන්නේ.
එමෙන්ම, අයදුම්කරුවන්ට ශ්‍රී ලංකා පොලිස් වෙබ් අඩවිය වන https://police.lk/ වෙත පිවිස එහි Digital Services යටතේ ඇති Clearance Certificate හි Download Application මගින් අදාළ අයදුම්පත බාගත කරගත හැකි බවත් සඳහන් කරනවා.
( https://police.lk/wp-content/uploads/2026/01/clearance_application.pdf )
සම්පූර්ණ කළ අයදුම්පත සමඟ ජාතික හැඳුනුම්පත, විදේශ ගමන් බලපත්‍රය සහ උප්පැන්න සහතිකය පොලිස් ස්ථානය වෙත ඉදිරිපත් කළ යුතු බවත් සඳහන්.
ජාතික හැඳුනුම්පතේ සහ විදේශ ගමන් බලපත්‍රයේ ‘නම්’ අතර වෙනසක් පවතින්නේ නම්, ‘විදේශ ගමන් බලපත්‍රයේ නම’ට නිෂ්කාශන සහතිකය ඉල්ලා සිටින අවස්ථාවක දිවුරුම් ප්‍රකාශයක පිටපතක් ද ඉදිරිපත් කළ යුතු බව පොලිසිය දැනුම් දෙනවා.
මේ සඳහා අයදුම්පත් ගාස්තුව ලෙස රුපියල් 5,000 ක මුදලක් අය කෙරෙන අතර, ඒ සඳහා මුදල් කුවිතාන්සියක් පොලිස් ස්ථානය මගින් ලබාදෙන බවද පොලිසිය සඳහන් කරනවා.
මීට පෙර භාවිත කළ clearapplication@gov.lk විද්‍යුත් තැපැල් ලිපිනය ඔස්සේ අයදුම්පත් යොමු කිරීමද තවදුරටත් අවශ්‍ය නොවන බව පොලිසිය දැනුම් දෙනවා.
එම ක්‍රමය ඔස්සේ මීට පෙර අයදුම් කළ අයදුම්කරුවන්ද ළඟම පොලිස් ස්ථානය හරහා ඉහත ක්‍රමවේදයට අනුව පොලිස් නිෂ්කාශන සහතික සඳහා අයදුම් කරන ලෙස දැනුම්දී තිබෙනවා.
විදෙස් ජාතිකයන්ට පොලිස් නිෂ්කාශන සහතිකයක් සඳහා අයදුම් කිරීමේදී ඔවුන්ගේ රටේ පිහිටි ශ්‍රී ලංකා තානාපති කාර්යාලය වෙත ගොස් අයදුම්පත් භාරදීමට හැකියාව පවතින බවද පොලිසිය වැඩිදුරටත් සඳහන් කරනවා ෴
සලේගේ වෛද්‍ය වාර්තා ලබා නොදීම ගැන කරුණු කියන්න ජාතික රෝහල් අධ්‍යක්ෂකට නොතිසී
(15.09.2026 – hirunews.lk)
පාස්කු ඉරිදා ත්‍රස්ත ප්‍රහාරය සම්බන්ධයෙන් සිදු කරනු ලබන විමර්ශනයට අදාලව රැඳවුම් නියෝග මත රඳවා ප්‍රශ්න කරමින් සිටින රාජ්‍ය බුද්ධි සේවයේ හිටපු ප්‍රධානී ‘සුරේස් සලේ’ගේ සෞඛ්‍ය තත්ත්වය සම්බන්ධයෙන් අධිකරණයට වර්තාවක් ඉදිරිපත් නොකිරීම සහ පංච පුද්ගල වෛද්‍ය මණ්ඩලයට වාර්තා ලබා නොදීම සම්බන්ධයෙන් ලබන 22 වැනිදා අධිකරණයේ පෙනී සිට හේතු දක්වන ලෙස කොටුව මහේස්ත්‍රාත් පසන් අමරසේන අද (15) ජාතික රෝහලේ අධ්‍යක්ෂකවරයාට නොතිසි නිකුත් කළා.
රාජ්‍ය බුද්ධි සේවයේ හිටපු ප්‍රධානී සුරේස් සලේ ජාතික රෝහලේ නේවාසිකව ප්‍රතිකාර ලබාගත යුතුද? නැද්ද? යන්න සම්බන්ධයෙන් වර්තාවක් අධිකරණයට ඉදිරිපත් කරන ලෙස පෙර නඩු දිනයේදී ජාතික රෝහලේ අධ්‍යක්ෂකවරයා වෙත දන්වා තිබුණද එම වාර්තාව අද (15) අධිකරණයට ඉදිරිපත් කර නොතිබීම නිසා මහේස්ත්‍රාත්වරයා කොළඹ ජාතික රෝහලේ අධ්‍යක්ෂවරයාට මෙලෙස නොතිසි නිකුත් කළා.
සිද්ධියට අදාලව අපරාධ පරීක්ෂණ දෙපාර්තමේන්තුව වෙනුවෙන් අධිකරණයේ පෙනී සිටි අතිරේක සොලිස්ටර් ජනරාල් දිලීප පිරිස් විසින් කරන ලද ඉල්ලීමත් සලකා බැලීමෙන් අනතුරුව අධිකරණයෙන් මෙලෙස නියෝග නිකුත් වුණා ෴
+++
සලේ පිළිබඳ නඩුවේදී දිලීප පීරිස්ගෙන් ආන්දෝලනාත්මක කරුණු දැක්වීමක් (15.09.2026)
+
අයියා – මලෝ බිලිගත් දෙහිවල බෝම්බ ප්‍රහාරයේ ප්‍රධාන සැකකරුවන්ගේ පාපොච්චාරණය (15.09.2026)
+
අධිවේගයේ යන වාහනවල සියලුම අය ආසන පටි පැළඳීම සැප්තැම්බර් 20 සිට අනිවාර්යය කෙරේ
(15.09.2026 – sinhala.adaderana.lk)
අධිවේගී මාර්ගවල ධාවනය වන වාහනවල සියලුම ආසනවල ගමන් ගන්නා මගීන් සඳහා ආසන පටි පැළඳීම එළැඹෙන සැප්තැම්බර් 20 වැනිදා සිට අනිවාර්යය කිරීමට පියවර ගෙන තිබේ.
වාහන නිෂ්පාදකයා විසින් ආසන පටි සවි කර නොමැති ආසන සඳහා ඒවා සවි කර ගැනීමට ලබා දී තිබූ සහන කාලය අවසන් කිරීම වෙනුවෙන් නිකුත් කරන ලද 2026 ජූනි 17 දිනැති අංක 2493/19 දරන අති විශේෂ ගැසට් පත්‍රයේ නියෝග සඳහා පාර්ලිමේන්තු අනුමැතිය හිමිව ඇත.
ප්‍රවාහන, මහා මාර්ග සහ නාගරික සංවර්ධන අමාත්‍ය බිමල් රත්නායක මහතාගේ ප්‍රධානත්වයෙන් පැවැති අමාත්‍යාංශයීය උපදේශක කාරක සභාවේදී මේ පිළිබඳව දීර්ඝ ලෙස සාකච්ඡා වී තිබේ.
දිනෙන් දින ඉහළ යන රිය අනතුරු සහ මරණ සංඛ්‍යාව අවම කරගැනීම සඳහා අංක 1717/14 දරන 2011.08.03 දිනැති මෝටර් වාහන (අධිවේගී මහා මාර්ග) නියෝග සංශෝධනය කරමින් 2025.09.25 දින අංක 2455/29 ගැසට් නිවේදනය මගින් ආසන පටි පැළඳීම අනිවාර්ය කෙරිණි.
පසුව ආසන පටි සවි කරගැනීමට මාස 03 ක සහන කාලයක් ලබා දුන් අතර, මෙම සහන කාලය 2025.12.25 දිනෙන් අවසන් විය.
එහෙත් මහජන ඉල්ලීම් සලකා බලා එම කාලය 2026.03.20 සිට 2026.06.19 දක්වා නැවත දීර්ඝ කරන ලදී ෴
මහමග අනාරක්ෂිත රිය ධාවනයෙන් යතුරුපැදිකරු මරුට | අවාසනාවන්ත සිදුවීම CCTV කැමරාවේ (15.09.2026)
+
මගේ පුතා මට නැති වුනා – පුතා හොයාගෙන ‘ඉංගිරිය ජේතවනේ’ට ගිය මට ‘ශ්‍රමණවේශධාරීන්’ පහර දුන්නා (15.09.2026)
+
අනුරාධපුරේ යන්න ආ මවක් සහ ඥාති දියණියක් දුම්රියට බිලි
(16.09.2026 – sinhala.adaderana.lk)
අද (16) උදෑසන 04:30 ට පමණ කළුතර දුම්රිය ස්ථානය ආසන්නයේ දී දුම්රියේ ගැටී මවක් සහ ඥාති දියණියක් ජීවිතක්ෂයට පත්ව තිබේ.
අනුරාධපුරය දක්වා දුම්රියෙන් ගමන් කිරීමට කළුතර දකුණ දුම්රිය ස්ථානයේ දකුණු පසින් පදික වේදිකාවට පැමිණීම සඳහා දුම්රිය මාර්ගයේ ගමන් කරමින් සිටියදී මොවුන් දෙදෙනා (2) දුම්රියේ ගැටී තිබේ.
එකම පවුලේ මව සහ දියණිය සහ තවත් ඥාති දියණියක් මරදාන දෙස සිට ගාල්ල දෙසට ගමන් කරමින් තිබූ සේවා දුම්රියක මෙලෙස ගැටී ඇති අතර, එහිදී මව සහ ඥාති දියණිය ජීවිතක්ෂයට පත්ව ඇති බව කළුතර දුම්රිය ස්ථානයේ ප්‍රකාශයෙකු පැවසීය.
මොවුන් තිදෙනා (3) අනුරාධපුර පූජා නගරයේ පැවැත්වෙන ආගමික උත්සවයක් සඳහා සහභාගිවිමට මතුගම ප්‍රදේශයේ සිට පැමිණ ඇත.
මොවුන් දුම්රිය මාර්ගය දිගේ ඉතා අපරීක්ෂාකාරී ලෙස දුම්රිය පදික වේදිකාවට පැමිණෙමින් සිටින අතරතුරට ලක්ව තිබේ.
මියගිය කාන්තාවන් දෙදෙනාගේ (2) මළ සිරුරු කළුතර ශික්ෂණ රෝහල වෙත රැගෙන යාමට නියමිතය.
සිද්ධිය සම්බන්ධයෙන් කළුතර දකුණ පොලීසිය ඉදිරි විමර්ශන සිදුකරයි.
+++
+
ව්‍යාජ ඔප්පු සකස් කර රු. කෝටියක මුදල් වංචා කළ සැකකරු අත්අඩංගුවට
(16.09.2026 – sinhala.adaderana.lk)
කොළඹ 07, බාන්ස් පෙදෙසේ පිහිටි දේපළකට අදාළව ව්‍යාජ ඔප්පුවක් සකස් කර රු. කෝටියක මුදල් වංචා කිරීමේ සිද්ධියක් සම්බන්ධයෙන් සැකකරුවෙකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ.
අපරාධ පරීක්ෂණ දෙපාර්තමේන්තුවට ලද පැමිණිල්ලකට අනුව එහි මූල්‍ය විමර්ශන අංශය මගින් සිදුකළ විමර්ශනයකදී සැකකරු ඊයේ (15) කළුතර නගරයේදී අත්අඩංගුවට ගෙන ඇත.
අත්අඩංගුවට ගත් සැකකරු 73 හැවිරිදි කළුතර ප්‍රදේශයේ පදිංචිකරුවෙකි.
විමර්ශනවලදී අනාවරණ වී ඇත්තේ සැකකරු විසින් අදාළ දේපොළ සම්බන්ධයෙන් ව්‍යාජ ලේඛන සකස් කර ඒවා අධිකරණ කටයුතු සඳහාද ඉදිරිපත් කර ඇති බවය.
අදාළ දේපළ රුපියල් කෝටියක මුදලකට විකුණා මුදල් වංචා කර ඇති බවද පොලීසිය සඳහන් කරයි.
සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුවේ මූල්‍ය විමර්ශන අංශය වැඩිදුර විමර්ශන සිදුකරයි ෴
ශිරන්ති රාජපක්ෂ වෛද්‍ය ප්‍රතිකාර සඳහා සිංගප්පූරුවට
(16.09.2026 – sinhala.adaderana.lk)
ශිරන්ති රාජපක්ෂ මහත්මිය අද (16) අලුයම කටුනායක ගුවන් තොටුපොළෙන් සිංගප්පූරුව බලා පිටත්ව ගියාය.
ඇය සමග රෝහිත රාජපක්ෂ මහතාගේ නැන්දණිය වූ ඈන් ද ලිවේරා මහත්මිය ද පිටත්ව ගොස් තිබේ.
ඔවුන් අද (16) දින අලුයම 01:10 ට සිංගප්පූරු ගුවන් සේවයේ එස්.කිව්. 469 දරණ ගුවන් යානයෙන් කටුනායක ගුවන් තොටුපොළෙන් සිංගප්පූරුව බලා පිටත්ව ගොස් තිබුණි.
ශිරන්ති රාජපක්ෂ මහත්මිය ඊයේ (15) දිනයේ දී අසනීප තත්ත්වයක් හේතුවෙන් කොළඹ පෞද්ගලික රෝහලක් වෙත ඇතුළත් කර තිබුණු අතර ඇය රෝහලේ සිටම ගුවන් තොටුපොළ වෙත අද (16) අලුයම රැගෙන ගොස් තිබේ.
කෙසේ වෙතත් ගුවන් යානයට ගොඩ වී යානය පිටත්වීමේ අවසන් නිවේදනය නිකුත් කරන අවස්ථාවේ දී ශිරන්ති රාජපක්ෂ මහත්මියට ලබන 24 වැනි දින පොලිස් මූල්‍ය අපරාධ විමර්ශන කොට්ඨාශය (FCID) හමුවේ පෙනී සිටින ලෙස පොලීසියෙන් දැනුම්දීමක් සිදුකර ඇතැයි වාර්තා වේ.
ඈන් ද ලිවේරා මහත්මිය ශිරන්ති රාජපක්ෂ මහත්මියව සිංගප්පූරුවේ ප්‍රතිකාර සඳහා යොමුකර නැවත අනිද්දා දිනයේ දී දිවයිනට පැමිණීමට නියමිත බව සඳහන්ය ෴
විශ්වවිද්‍යාල ආචාර්යවරු සහ අගමැතිනිය අතර අද (16) සාකච්ඡාවක්
(16.09.2026 – sinhala.adaderana.lk)
අග්‍රාමාත්‍ය ආචාර්ය හරිනි අමරසූරිය මෙනවිය සමඟ සාකච්ඡාවක් අද (16) පැවැත් වීමට නියමිත බව විශ්වවිද්‍යාලීය අචාර්යවරුන්ගේ සමිති සම්මේලනය පවසයි.
එහි ජ්‍යෙෂ්ඨ කථිකාචාර්ය චාරුදත්ත ඉලංගසිංහ මහතා පැවසුවේ, තම ගැටලු සඳහා නිසි විසඳුම් ලැබෙන තෙක් වෘත්තීය ක්‍රියාමාර්ග තවදුරටත් තීව්‍ර කිරීමට තීරණය කර ඇති බවය.
ඒ සම්බන්ධයෙන් තවදුරටත් පැහැදිලි කරන ජ්‍යෙෂ්ඨ කථිකාචාර්ය චාරුදත්ත ඉංගසිංහ මහතා :
+++
සරසවි ඇදුරන් අද (16) කළු ඇදුමින් විශ්වවිද්‍යාලවලට
(16.09.2026 – hirunews.lk)
දිවයිනේ සියලු රාජ්‍ය විශ්වවිද්‍යාලවල ආචාර්යවරුන් අද (16) මුල්වරට කළු ඇදුමින් සැරසී සේවයට වාර්තා කර තිබෙනවා.
ඒ ඔවුන් ඊයේ (15) ආරම්භ කළ කළු විරෝධතා සතියට සමගාමීවයි.
ආචාර්යවරුන්ගේ හිගය ඇතුළු කරුණු කිහිපයක් මුල් කරගනිමින් පසුගිය 09 වනදා සියලු විශ්වවිද්‍යාලවල ආචාර්යවරුන් සංකේත වර්ජනයකද නිරත වුණා.
මේ අතර අද (16) පස්වරුවේ අග්‍රාමාත්‍ය ආචාර්ය හරිනි අමරසූරිය විසින් විශ්වවිද්‍යාල ආචාර්යවරුන්ගේ සමිති සම්මේලනය සඳහා සාකච්ඡාවක් ලබා දී තිබෙනවා ෴
+++
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (ඕනෑම බසකින්) ලබාදෙන්න ෴