සජීව – හිටපු ජනපති මහින්දගේ ප්‍රධානත්වයෙන් පොහොට්ටුවේ ජන සටන ජන රැළිය (12.09.2026)
ඥානසාර හිමිට දුන් සමාව අවලංගු වූ හැටි. අවලංගු නොවන ජනපති සමාවක් ගන්නේ මෙහෙමයි! (12.09.2026)
ගම්මන්පිළ පොහොට්ටු වේදිකාව දෙක කරයි – කට වහගෙන හිටියොත් අපි ඔක්කොම හිරේ (12.09.2026)
ගම්පහදී අණ නොතකා ගිය වෑන් රථයකට පොලිසිය තැබූ වෙඩි තැබීමේ තවත් තොරතුරු රැසක්
දුම්රිය වෘත්තීය සමිති වැඩවර්ජනයකට සැරසෙයි
ජලභීතිකාව තුරන් කිරීමට සුනඛයින් ලියාපදිංචියට නව පනත් කෙටුම්පතක්
මාරවිල ස්ථාන දෙකකදී (2) පස්දෙනෙකු (5) මුහුදට ගසාගෙන යයි – සරසවි වරම්ලැබූ ශාලිත අතුරුදන්
ජාතික ඉතිරි කිරීමේ බැංකුවෙන් ‘සිරිලිය’ රු. කෝටියක් අරන් ළමා රෝහලට දුන් ‘ස්කෑන් යන්ත්‍රය’ චීන පරිත්‍යාගයක්
(11.09.2026 – lankadeepa.lk)
කොළඹ රිජ්වේ ආර්යා ළමා රෝහලට අත්‍යවශ්‍යව තිබු ‘සී.ටී ස්කෑන්’ යන්ත්‍රයක් ගැනීම සඳහා ජාතික ඉතිරි කිරීමේ බැංකුවෙන් රුපියල් කෝටියක මුදලක් ලබාගෙන චීන රජයෙන් ලංකාවට ලබාදුන් ‘සී.ටී. ස්කෑන්’ යන්ත්‍රයක් ඒ වෙනුවෙන් ‘සිරිලිය පදනම’ මගින් ළමා රෝහලට පරිත්‍යා කරන ලදැයි කියන සිද්ධියට අදාළව හිටපු ජනාධිපති ආර්යා ශීරන්ති රාජපක්ෂ මහත්මිය ඇතුළු පිරිසක් සම්බන්ධයෙන් රහස් පොලිසිය විමර්ශන ආරම්භ කර ඇත.
නීතීපතිවරයා වෙනුවෙන් මෙම සිද්ධිය අධීක්‍ෂණය කරන අතිරේක සොලිසිටර් ජනරාල් ජනාධීපති නීතීඥ දිලීප පීරීස් මහතාගේ උපදෙස් මත අපරාධ පරීක්‍ෂණ දෙපාර්තමෙන්තුව සිද්ධිය සම්බන්ධයෙන් විමර්ශන ආරම්භ කර ඇත.
ඒ අනුව ඉදිරි කාලයේදී සිරිලිය පදනමේ සභාපති ශිරන්ති රාජපක්ෂ මහත්මිය ඇතුළු එම පදනමේ අධ්‍යක්‍ෂක මණ්ඩලයෙන් මෙන්ම ජාතික ඉතිරි කිරීමේ බැංකුවේ හිටපු සභාපති ප්‍රදීප් කාරියවසම් මහතා ඇතුළු වගකිවයුත්තන්ගෙන් රහස් පොලිසියේ මූල්‍ය විමර්ශන ඒකකයේ නිලධාරීන් ප්‍රකාශ ලබා ගැනීමට කටයුතු කරන බව වාර්තාවේ.
සිද්ධියට අදාළව ලැබුණු පැමිණීල්ලකට අනුව අපරාධ පරීක්‍ෂණ දෙපාර්තමෙන්තුවේ මූල්‍ය විමර්ශන ඒකකයේ නිලධාරීන් විසින් සිද්ධිය සම්බන්ධයෙන් විමර්ශන ආරම්භ කර ඇති අතර අදාළ විමර්ශන වලදී කොළඹ රිජ්වේ ආර්යා ළමා රෝහලට අත්‍යවශ්‍යව තිබු ‘සී.ටී ස්කෑන්’ යන්ත්‍රයක් ගැනීම සඳහා ජාතික ඉතිරි කිරීමේ බැංකුවෙන් රුපියල් කෝටියක මුදලක් ලබාගෙන චීන රජයෙන් ලංකාවට ලබාදුන් ‘සී.ටී ස්කෑන්’ යන්ත්‍රයක් ඒ වෙනුවෙන් ‘සිරිලිය පදනම’ මගින් ළමා රෝහලට පරිත්‍යා කර ඇති බව මුලික විමර්ශන වලදී කරුණු හෙළී වී ඇතැයි වාර්තාවේ ෴
සජීව – හිටපු ජනපති මහින්දගේ ප්‍රධානත්වයෙන් පොහොට්ටුවේ ජන සටන ජන රැළිය (12.09.2026)
+++
+
ඥානසාර හිමිට දුන් සමාව අවලංගු වූ හැටි. අවලංගු නොවන ජනපති සමාවක් ගන්නේ මෙහෙමයි! (12.09.2026)
+
ගම්මන්පිළ පොහොට්ටු වේදිකාව දෙක කරයි – කට වහගෙන හිටියොත් අපි ඔක්කොම හිරේ (12.09.2026)
+
මහින්ද හිටියා නම් අද, අම්මට සිරි එතන | පොළොන්නරුවේ ඉඳලා යද්දී අනුරගේ නහය තව දික්වෙයි | විමල් වීරවංශ (12.09.2026)
+
ගම්පහදී අණ නොතකා ගිය වෑන් රථයකට පොලිසිය තැබූ වෙඩි තැබීමේ තවත් තොරතුරු රැසක්
(11.09.2026 – sinhala.adaderana.lk)
ගම්පහ, අස්ගිරිය ප්‍රදේශයේ දී අණ නොතකා ධාවනය කළ වෑන් රථයකට පොලිසිය විසින් ඊයේ (12) රාත්‍රියේදී වෙඩි තබා තිබේ.
බස්නාහිර පළාත් බුද්ධි කොට්ඨාසයෙන් ලද තොරතුරකට අනුව වෑන් රථයකින් ගම්පහ ප්‍රදේශයට මත්ද්‍රව්‍ය බෙදා හරින ලද බවට පූර්ව අනාවරණයකට අනුව වැලිවේරිය පොලිස් ස්ථානයේ නිලධාරීන් කණ්ඩායමක් විසින් ඊයේ (12) මෙහෙයුමක් ක්‍රියාත්මක කර තිබුණි.
ඒ අනුව අදාළ වෑන් රථය ගම්පහ උඩුගම්පොල දෙසට ගමන් ගන්නා බවට තොරතුරු තහවුරු කර ගත් පොලිස් නිලධාරීන් විසින් ජීප් රථයෙන් අදාළ වෑන් රථය සූක්ෂමව හඹාගොස් තිබේ.
එහිදී පොලිස් නිලධාරීන් තමා පසුපස හඹා එන බව නොදත් වෑන් රථයේ රියදුරු උඩුගම්පොල මාර්ගයේ මල්වත්ත හන්දිය ප්‍රදේශයේදී වෑන් රථය මාර්ගය අසල නවතා ඇති අතර එහිදී පොලිස් නිලධාරීන් ජීප් රථයෙන් බැස වෑන් රථය පරීක්ෂා කිරීමට තැත් කර ඇත.
එහිදී වෑන් රථයේ රියදුරු මාර්ගයේ ගමන් ගත් වාහන කිහිපයක් අනතුරට පත් කරමින් වෑන් රථය ක්ෂණිකව කිහිප අවස්ථාවක් පසුපසට හා ඉදිරියට ධාවනය කර නැවත පොලිස් ජීප් රථය ද හප්පා නිලධාරීන් ද අනතුරට ලක් කර පලා යාමට තැත් කර ඇත.
එම අවස්ථාවේදී පොලිස් නිලධාරීන් විසින් වෑන් රථය දෙසට වෙඩි තැබීමක් සිදුකර ඇති අතර වෙඩි වැදීමෙන් වෑන් රථයේ රියදුරුද තුවාල ලබා තිබේ.
තුවාල ලැබූ රියදුරු පොලිස් ආරක්ෂාව යටතේ ගම්පහ රෝහල වෙත ඇතුළත් කිරීමටද පියවර ගෙන ඇත.
අනතුරුව සිදුකළ පරීක්ෂාවේදී වෑන් රථය තුළ තිබී හෙරොයින් මත්ද්‍රව්‍ය ග්‍රෑම් 15 ක් සහ ‘අයිස් මත්ද්‍රව්‍ය’ ග්‍රෑම් 9 ක්ද පොලීසිය විසින් සොයාගෙන තිබේ.
සිද්ධිය සම්බන්ධව පොලිසිය වැඩිදුර විමර්ශන පවත්වයි.
+++
ගම්පහ වෙඩි තැබීමේ සියලු දර්ශන මාධ්‍යට – ඇසින් දුටුවෙක් හැමදේම හෙළි කරයි (13.09.2026)
++
දුම්රිය වෘත්තීය සමිති වැඩවර්ජනයකට සැරසෙයි
(11.09.2026 – sinhala.adaderana.lk)
දුම්රිය දෙපාර්තමේන්තුව තුළ පවතින පරිපාලනමය ගැටලු විසදීම සදහා නව දුම්රිය සාමාන්‍යාධිකාරිවරයෙකු පත්කිරීමට ආණ්ඩුව කඩිනමින් කටයුතු කරනු ඇතැයි අපේක්ෂා කරන බව දුම්රිය ස්ථානාධිපතිවරුන්ගේ සංගමය පවසයි.
එසේ නොවුණහොත් දුම්රිය වෘත්තීය සමිති කිහිපයක් එක්ව එළඹෙන බ්‍රහස්පතින්දා (17) දින ආරම්භ කිරීමට නියමිත වැඩවර්ජනය අනිවාර්යෙන්ම සිදුකරන බව එම සංගමයේ සභාපති සුමේධ සෝමරත්න මහතා සඳහන් කර සිටී.
මෙම වැඩවර්ජනය සදහා ඉතිහාසයේ ප්‍රථමවරට දුම්රිය මගී සංගම්වල සහය ද ලැබී ඇති බව සුමේධ සෝමරත්න මහතා වැඩිදුරටත් පැවසීය.
දුම්රිය ප්‍රමාද වීම් ඇතුළු මගී ගැටලු සඳහා තවදුරටත් නිසි විසදුම් නොලැබීම හේතුවෙන් තම සංගමය ද මෙම වෘත්තීය සමිති ක්‍රියාමාර්ගයට සහය දක්වන බව හීන්දෙණිය, පට්ටිගොඩ එක්සත් දුම්රිය මගී සංගමයේ සභාපති ආර්.ඒ. රණතුංග මහතා සඳහන් කළේය.
කෙසේවෙතත් දුම්රිය දෙපාර්තමේන්තුව තුළ පවතින ගැටලු සම්බන්ධයෙන් සාකච්ඡා කිරීම සදහා දුම්රිය වෘත්තීය සමිති වෙත හෙට (14) දිනයේ ප්‍රවාහන නියෝජ්‍ය අමාත්‍යවරයා සමග සාකච්ඡාවක් ලබා දී තිබේ.
ඒ අනුව හෙට (14) දිනයේ පැවැත්වෙන සාකච්ඡාවෙන් නිසි විසදුම් නොලැබුණහොත් සැලසුම් කර තිබෙන පරිදි වැඩවර්ජනය ක්‍රියාත්මක කරන බව දුම්රිය වෘත්තීය සමිති සඳහන් කර සිටී ෴
ජලභීතිකාව තුරන් කිරීමට සුනඛයින් ලියාපදිංචියට නව පනත් කෙටුම්පතක්
(13.09.2026 – sinhala.adaderana.lk)
ජල භීතිකා රෝගය තුරන් කිරීම හා සුනඛයින් ලියාපදිංචි කිරීම සදහා නව පනත් කෙටුම්පතක් හදුන්වාදීමට රාජ්‍ය පරිපාලන පළාත් සභා සහ පළාත් පාලන අමාත්‍යංශය පියවර ගෙන තිබේ.
එම පනත් කෙටුම්පත ගැසට් මගින් ප්‍රකාශයට පත් කර ඇති බව වාර්තා වේ.
සුනඛයින් එන්නත් කිරීම, සුනඛ ගහණය පාලනය කිරීම සහ සුනඛයින් වාණිජ අරමුණු සදහා අභිජනනය කිරීම, නියාමනය කිරීමේ අරමුණින් මෙම පනත් කෙටුම්පත හදුන්වාදී ඇත.
මෙම පනත් කෙටුම්පත මගින් පරිපාලන සීමාව තුළ සිටින සෑම සුනඛයෙකුම වාර්ෂිකව ජල භීතිකා රෝගයට එන්නත් කළ යුතු බව සහ ලියාපදිංචි කළ යුතු බව සෑම පළාත් පාලන ආයතනයක් විසින්ම සිදුකළ යුතු බවට නියෝග ලබාදී තිබේ.
වයස සති 06 කට වැඩි සුනඛයෙකුගේ අයිතිකරු හෝ එවැනි සුනඛයෙකු සිය භාරයේ තබා ගන්නා යම් තැනැත්තෙකු විසින් එම සුනඛයා ජල භීතිකා රෝගයට එරෙහිව එන්නත් කිරීම හා වාර්ෂිකව අදාළ පළාත් පාලන ආයතනයේ ලියාපදිංචි කිරීම සිදුකළ යුතු බවට මෙම පනත් කෙටුම්පතේ සඳහන්.
සුනඛයා එන්නත් කර එන්නත් කිරීමේ සහතිකය නිකුත් කිරීමෙන් පසුව එම සුනඛයා සඳහා නියම කරනු ලද ගාස්තුවක් ගෙවීමෙන් පසු පළාත් පාලන ආයතනයේ ලියාපදිංචි කළ යුතු අතර එහිදි සුනඛයා සදහා ලියාපදිංචි කිරීමේ සහතිකයක් නිකුත් කිරීම සිදු කිරීමට නියමිතය.
සුනඛයින් ලියාපදිංචි කිරීම සිදු නොකරන්නේ නම් ලියාපදිංචි ගාස්තුවට අමතරව රුපියල් 2,000 ක දඩ මුදලක් ගෙවීමට ද මෙම පනත් කෙටුම්පත මගින් නියෝග කර තිබේ.
සෑම පළාත් පාලන ආයතනයක්ම සිය පාලන බල ප්‍රදේශය තුළ සිටින ආයාලයේ යන සියලු සුනඛයින් වන්ද්‍යාකරනය කිරීමට හෝ පුමංගහරණය කිරීමට පියවර ගත යුතු බව එම පනත් කෙටුම්පතේ සදහන් වේ.
මීට අමතරව යම් සුනඛ අභිජනන මධ්‍යස්ථානයක් පවත්වා ගෙන යන්නේ නම් ඒ සදහා බලපත්‍රයක් ලබා ගැනීම අනිවාර්යය වන අතර එලෙස බලපත්‍රයක් නොමැති කිසිදු පුද්ගලයෙකුට සුනඛ පැටවුන් විකිණීමේ කාර්යය සදහා අවසර ලබා නොදීමට ද මෙමගින් යෝජනා කර ඇත ෴
මාරවිල ස්ථාන දෙකකදී (2) පස්දෙනෙකු (5) මුහුදට ගසාගෙන යයි – සරසවි වරම්ලැබූ ශාලිත අතුරුදන්
(13.09.2026 – sinhala.adaderana.lk)
මාරවිල මුහුදු තීරයේ ස්ථාන දෙකකදී (2) සිදුවූ අනතුරුවලින් පුද්ගලයින් පස්දෙනෙකු (5) මුහුදු රළට හසුව ගසාගෙන ගොස් ඇති අතර, එහිදී 21 හැවිරිදි තරුණයෙකු (1) අතුරුදන් වී තිබේ.
ඊයේ (12) පස්වරුවේ මෙලෙස අතුරුදන්ව ඇත්තේ උසස් පෙළ ගණිත අංශයෙන් විශ්වවිද්‍යාල සුදුසුකම් ලබා සිටි කුලියාපිටිය, අනුක්කනේ පදිංචි විතානගේ ශාලිත ධනුර්ධර මධුශාන් නමැති තරුණයෙකි.
ඔහු ඇතුළු හත්දෙනෙකු (7) ගෙන් යුත් පිරිසක් කුලියාපිටියේ සිට මාරවිල වෙරළ තීරයට විනෝද ගමනක් පැමිණ ඇති අතර, වෙරළේ ගල් දමා ඇති ස්ථානයක වැලි පරයක් මත සිටියදී පැමිණි විශාල රළ පහරකට හසුව මොහු මුහුදට ගසාගෙන ගොස් ඇත.
ප්‍රදේශවාසීන් එක්ව තරුණයා බේරා ගැනීමට උත්සාහ කළද ඒ වන විටත් ඔහු මුහුදේ නොපෙනී ගොස් තිබුණි.
මොහු බේරා ගැනීමට ගිය තරුණයෙකු ද බේරී ඇත්තේ අනූනවයෙනි.
ඊට අමතරව, ඊයේ (12) පස්වරුවේම එම ප්‍රදේශයේම මුහුදේ ගසාගෙනයාමට ලක්වූ කාන්තාවන් තිදෙනෙකු (3) බේරා ගැනීමට ප්‍රදේශවාසීන් සමත්වී ඇත.
අතුරුදන් වූ තරුණයා සෙවීම සඳහා මාරවිල මූලස්ථාන පොලිස් පරීක්ෂකවරයාගේ දැනුම්දීම මත අද (13) සිට ශ්‍රී ලංකා නාවික හමුදාවේ කිමිදුම්කරුවන් යොදවා විශේෂ සෝදිසි මෙහෙයුමක් ආරම්භ කර තිබේ.
මේ අතර, ප්‍රදේශවාසීන් පවසන්නේ මෙම ස්ථානයේ පමණක් මේ වන විට පුද්ගලයින් 21 දෙනෙකු දියේ ගිලීමෙන් ජීවිතක්ෂයට පත්ව ඇති බවයි.
එසේම පසුගිය මාස දෙකක (2) කාලය තුළ මාරවිල මුහුදේ දිය නෑ 15 දෙනෙකු ගසාගෙන ගොස් ඇති අතර, ඉන් 4 දෙනෙකු මියගොස් සෙසු පිරිසගේ ජීවිත බේරා ගැනීමට ගම්වැසියන් සමත්වී ඇත.
මෙම ප්‍රදේශයේ දිය නෑමෙන් හා මුහුදට බැසීමෙන් වළකින ලෙස මාරවිල පොලීසිය මගින් සවිකර තිබූ අනතුරු ඇඟවීමේ පුවරු පැමිණෙන පිරිස් විසින් කඩා බිඳ දමා ඇති බවද ප්‍රදේශවාසීහු වැඩිදුරටත් සඳහන් කරති ෴
දෙහිවල පාවහන් නිෂ්පාදන ආයතනයක් වටලයි
(13.09.2026 – hirunews.lk)
දෙහිවල, කවුඩාන ප්‍රදේශයේ බදු නොගෙවා පවත්වාගෙන ගිය පාවහන් නිෂ්පාදනාගාරයක් වැටලීමට පාරිභෝගික කටයුතු පිළිබඳ අධිකාරිය කටයුතු කර තිබෙනවා.
චීනයේ නිෂ්පාදිත බවට පවසමින් මෙම පාවහන් ව්‍යාජ ලේබලය සහිතව ඉහළ මිලකට අලෙවි කර ඇති බවයි වාර්තා වන්නේ.
බදු ගෙවීම මඟහැරීමේ අරමුණින් පාවහන් කොටස් වෙන වෙනම මෙරටට ගෙන්වා තිබෙනවා.
පසුව මෙම ආයතනයේ පාවහන් එකලස් කර අලෙවි කර තිබෙනවා.
වැටලීම සිදුකරන අවස්ථාවේදී එලෙස සකස් කරන ලද පාවහන් යුගල් 1,000 කට ආසන්න ප්‍රමාණයක් සොයාගැනුණා ෴
+++
++
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (ඕනෑම බසකින්) ලබාදෙන්න ෴