අඟුලාන ප්‍රහාරක යාත්‍රා අනතුරින් අතුරුදන්ව සිටි නාවිකයාගේ බවට සැක සිරුරක් යාත්‍රාව තුලින් සොයාගැනේ
චීන කාර් ලංකාවේ වෙළඳපල අල්ලයි… යුරෝපා, ජපාන කාර් පල්ලම් බහී…
පානදුර අධිකරණයේ පිස්කල් හා සිතාසි භාර නිලධාරියා රට පනී
ලෝකේ අවසාන බෞද්ධ රාජධානිය ලංකාව – ආණ්ඩුව මේ බුද්ධ පුදබිම විනාශ කරනවා – මිහින්තලේ හිමි
නාමල් අත්අඩංගුවට ඊලගට වෙන්නෙ මොකක්ද ? (04.09.2026)
මේ තත්ත්වය ගැන බොහෝදෙනා ඉන්නේ කණස්සල්ලෙන්… අපි මේ ගැන ජාත්‍යන්තරයට වාර්ථා කරනවා (04.09.2026)
අත්අඩංගුවට ගැනීම් තීරණය කරන්නේ, පැලවත්තේ ‘ගෙස්ටාපෝ’ව ද ? (04.09.2026)
රු. මිලියන 100 ක අල්ලසකට නාමල් රිමාන්ඩ්! ප්‍රශ්න වැලක් වූ ශ්‍රී ලංකන් අල්ලස් ජාලය! (04.09.2026)
නාමල්ට මෙහෙම කරන්න එපා (04.09.2026)
හරිනි ප්‍රමුඛ 49 කගේ රහස් මෙහෙයුම! දූෂණ විරෝධී පනතේ ඇත්ත කතාව (04.09.2026)
දේශපාලඥයෝ බුද්ධාගම විකුණගෙන කන හැටි | චාමර විජේසූරිය (04.09.2026)
පරිණත විනිසුරු ගෙදර යවා එළියෙන් විනිසුරන් පත් කලහම නඩු අඩු වෙනවාලු ඒ පාර (04.09.2026)
අඟුලාන ප්‍රහාරක යාත්‍රා අනතුරින් අතුරුදන්ව සිටි නාවිකයාගේ බවට සැක සිරුරක් යාත්‍රාව තුලින් සොයාගැනේ
(04.09.2026 – sinhala.adaderana.lk)
අඟුලාන මුහුදේදී සිදුවූ නාවික යාත්‍රා අනතුරින් අතුරුදන්ව සිටින නාවික හමුදා නිලධාරියාගේ බවට සැක කෙරෙන දේහය සොයාගෙන තිබේ.
නාවික හමුදාව සඳහන් කළේ, අද (04) පෙරවරුවේ නාවික කිමිදුම්කරුවන් විසින් යාත්‍රාව තුලින් සොයාගත් බවය.
පසුගිය අගෝස්තු මස 15 වන දින මෙම වේග ප්‍රහාරක යාත්‍රාව අඟුලාන මුහුදු ප්‍රදේශයේදී නාවිකයින් 12 දෙනෙකු සමග අනතුරට ලක්විය. එම අවස්ථාවේදී එහි සිටි නාවිකයින් 11 දෙනෙකු අඟුලාන පොලිසියේ සහ දේශීය ධීවර ප්‍රජාවේ සහාය ඇතිව බේරා ගැණින.
ඉන් අනතුරුදන්ව සිටි නිලධාරියා සොයා අවට මුහුදු ප්‍රදේශවල සහ වෙරළ තීරයේ, පානදුර සිට කොළඹ හරහා හලාවත දක්වා විහිදෙන පුළුල් සෝදිසි මෙහෙයුම් අඛණ්ඩව සිදු කළ බව නාවික හමුදාව නිවේදනය කළේය ෴
චීන කාර් ලංකාවේ වෙළඳපල අල්ලයි… යුරෝපා, ජපාන කාර් පල්ලම් බහී…
(04.09.2026 – lankacnews.com)
පසු වාහන ආනයන සීමා ලිහිල් කිරීමත් සමඟ මෙරට මෝටර් රථ වෙළඳපොළේ කැපී පෙනෙන ව්‍යුහාත්මක වෙනසක් සිදුවෙමින් පවතින අතර, යතුරුපැදි සහ ත්‍රිරෝද රථ හැරුණු කොට පුද්ගලික මෝටර් රථ කාණ්ඩයේ ප්‍රමුඛයා බවට චීන වාහන පත්වෙමින් තිබේ.
දශක ගණනාවක් තිස්සේ මෙරට වෙළඳපොළේ ආධිපත්‍යය දැරූ ජපාන සහ යුරෝපා වාහන ආනයනය සීඝ්‍රයෙන් පහත වැටෙද්දී, චීන නිෂ්පාදිත වාහන සඳහා පවතින ඉල්ලුම ඉහළ ගොස් ඇති බව නවතම වාර්තා පෙන්වා දෙයි.
මෝටර් රථ ක්ෂේත්‍රයේ විශේෂඥයන් පෙන්වා දෙන්නේ ජපාන සහ යුරෝපා වාහනවල මිල ගණන් අධික ලෙස ඉහළ යාම හමුවේ, මධ්‍යම පාන්තික ගැනුම්කරුවන් වැඩි වශයෙන් චීන වාහන වෙත නැඹුරු වී ඇති බවයි.
විශේෂයෙන්ම ජපාන නිෂ්පාදිත මෝටර් රථයක මිලට වඩා සියයට 30 ක් හෝ 40 ක් පමණ අඩු මිලකට, නවීන තාක්ෂණික උපාංගවලින් සමන්විත චීන මෝටර් රථයක් මිලදී ගැනීමට හැකි වීම මෙම නැඹුරුවට ප්‍රධාන හේතුව වී තිබේ.
පසුගිය මාස කිහිපය තුළ මෙරටට ආනයනය කරන ලද මෝටර් රථ දත්ත විශ්ලේෂණය කිරීමේදී පෙනී යන්නේ, අලුතින් ලියාපදිංචි කරන පුද්ගලික වාහනවලින් සැලකිය යුතු ප්‍රතිශතයක් චීන සන්නාමයන්ට අයත් වන බවයි.
ජපාන නිෂ්පාදිත මධ්‍යම ප්‍රමාණයේ SUV රථයක් රුපියල් මිලියන 25-30 ත් අතර මිලකට අලෙවි වෙද්දී, ඊට සමාන පහසුකම් සහිත චීන SUV රථයක් රුපියල් මිලියන 12-18 ත් අතර මිලකට ලබා ගැනීමට හැකි වී තිබේ.
චීනයේ නිෂ්පාදිත විදුලි මෝටර් රථ මෙරට මධ්‍යම පාන්තික වෘත්තිකයන් අතර අතිශය ජනප්‍රිය වී ඇත.
මීට පෙර වෙළඳපොළේ සියයට 60 කට වඩා වැඩි කොටසක් හිමිකරගෙන සිටි ජපාන සන්නාමයන්ගේ නව වාහන ආනයනය, ඉහළ බදු සහ නිෂ්පාදන පිරිවැය හේතුවෙන් සියයට 40 ක් පමණ දක්වා පහත වැටී ඇති බව වාර්තා වේ.
වාහන අලෙවි නියෝජිතයන් පවසන්නේ, මීට පෙර චීන වාහනවල ගුණාත්මකභාවය පිළිබඳව පාරිභෝගිකයන් තුළ පැවති සැකය මේ වන විට පහව ගොස් ඇති බවයි.
ජාත්‍යන්තර මට්ටමේ ආරක්ෂිත ප්‍රමිතීන් සහ වසර 5 කට වඩා වැඩි වගකීම් කාලසීමාවන් ලබා දීම හේතුවෙන්, ලාංකීය මධ්‍යම පාන්තික පවුල්වල ප්‍රධානතම තේරීම බවට චීන වාහන පත්ව තිබේ.
කෙසේ වෙතත්, යුරෝපා වාහන තවමත් සුඛෝපභෝගී කාණ්ඩයේ සිය ස්ථානය රැකගෙන සිටියද, සාමාන්‍ය පාරිභෝගික වෙළඳපොළ තුළ ඒවායේ දායකත්වය අවම මට්ටමකට ඇද වැටී ඇත.
ඉදිරි වසර කිහිපය තුළ මෙරට මාර්ග පද්ධතිය තුළ චීන වාහනවල දායකත්වය තවදුරටත් ඉහළ යනු ඇතැයි ආර්ථික විශ්ලේෂකයෝ අනාවැකි පළ කරති ෴
පානදුර අධිකරණයේ පිස්කල් හා සිතාසි භාර නිලධාරියා රට පනී
(04.09.2026 – sinhala.adaderana.lk)
සංවිධානාත්මක අපරාධකරුවෙකු සහ මත්ද්‍රව්‍ය ජාවාරම්කරුවකු වන ‘සලිදු මල්සිත ගුණරත්න’ හෙවත් ‘කුඩු සළිඳු’ට එරෙහිව පානදුර මහේස්ත්‍රාත් අධිකරණයේ ගොනුකර තිබූ නඩු ගොනු දෙකක් (2) අස්ථානගත වීමේ සිද්ධියක් සම්බන්ධයෙන් විමර්ශන ආරම්භ කිරීමත් සමග, එම අධිකරණයේ පිස්කල් සහ සිතාසි භාරව කටයුතු කළ නිලධාරියා විදේශගත වී ඇති බව පොලිසිය පවසයි.
අදාළ නඩු ගොනු අතුරුදන් වීම සම්බන්ධයෙන් පානදුර මහෙස්ත්‍රාත් අධිකරණයේ රෙජිස්ට්‍රාර්වරිය විසින් පසුගිය 01 වැනිදා පානදුර දකුණ මූලස්ථාන පොලිසිය වෙත පැමිණිලි කළේය.
එමෙන්ම අදාළ සිද්ධිය ‘බී-වාර්තාවක්’ මගින් අධිකරණයට කරුණු වාර්තා කිරීමෙන් අනතුරුව, පානදුර කොට්ඨාස අපරාධ විමර්ශන කාර්යාංශය මගින් විමර්ශන ආරම්භ කරණු ලැබීය.
කෙසේ නමුත් අධිකරණ රෙජිස්ට්‍රාර්වරිය විසින් පොලිසියට පැමිණිල්ල කළ පසුදින, එනම් සැප්තැම්බර් 02 වැනිදා අදාළ නිලධාරියා තායිලන්තය බලා පිටත්ව ගොස් ඇති බව අනාවරණය වී ඇත.
අතුරුදන්ව ඇත්තේ ‘කුඩු සළිඳු’ගේ මෙහෙයවීම මත පානදුර උතුර ප්‍රදේශයේ සිදුවූ මනුෂ්‍ය ඝාතනයකට අදාළ නඩු ගොනුවක් සහ අපරාධ පරීක්ෂණ දෙපාර්තමේන්තුව මගින් මුදල් විශුද්ධිකරණ පනත යටතේ පවරා තිබූ නඩුවකට අදාළ ගොනුවක් බව සඳහන්.
සිද්ධියට අදාළව පානදුර කොට්ඨාස අපරාධ විමර්ශන කාර්යාංශය විසින් මේ වනවිට පානදුර අධිකරණයේ සේවයේ නියුතු නිලධාරිනියන් 07 දෙනෙකු ඇතුළුව පුද්ගලයින් 10 දෙනෙකුගෙන් ප්‍රකාශ ලබාගැනීමට කටයුතු කර තිබේ ෴
ලෝකේ අවසාන බෞද්ධ රාජධානිය ලංකාව – ආණ්ඩුව මේ බුද්ධ පුදබිම විනාශ කරනවා – මිහින්තලේ හිමි
+
නාමල් අත්අඩංගුවට ඊලගට වෙන්නෙ මොකක්ද ? (04.09.2026)
+
ලංකා පොලිසිය දැන් අලින්ටත් කිච වෙනවා… දැන් DIG කියනවා පිහිය දෙන්ඩ අලියා ගේන්ඩ කිව්වෙ නෑලු (04.09.2026)
+
මේ තත්ත්වය ගැන බොහෝදෙනා ඉන්නේ කණස්සල්ලෙන්… අපි මේ ගැන ජාත්‍යන්තරයට වාර්ථා කරනවා (04.09.2026)
+
අත්අඩංගුවට ගැනීම් තීරණය කරන්නේ, පැලවත්තේ ‘ගෙස්ටාපෝ’ව ද ? (04.09.2026)
+
රු. මිලියන 100 ක අල්ලසකට නාමල් රිමාන්ඩ්! ප්‍රශ්න වැලක් වූ ශ්‍රී ලංකන් අල්ලස් ජාලය! (04.09.2026)
+
නාමල්ට මෙහෙම කරන්න එපා (04.09.2026)
+
හරිනි ප්‍රමුඛ 49 කගේ රහස් මෙහෙයුම! දූෂණ විරෝධී පනතේ ඇත්ත කතාව (04.09.2026)
+
දේශපාලඥයෝ බුද්ධාගම විකුණගෙන කන හැටි | චාමර විජේසූරිය (04.09.2026)
+
පරිණත විනිසුරු ගෙදර යවා එළියෙන් විනිසුරන් පත් කලහම නඩු අඩු වෙනවාලු ඒ පාර (04.09.2026)
++
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (ඕනෑම බසකින්) ලබාදෙන්න ෴