ප්‍රවීණ ගායන ශිල්පී ප්‍රියංකර පෙරේරා දිවි ගමනට සමුදෙයි
හිටපු පොලිස්පති සී.ඩී. වික්‍රමරත්න වෙඩිතියාගත්ත හේතුව (02.09.2026)
තලවතුගොඩ සංචාරක නියෝජිත ආයතනයකට කඩා වැදුනු 4 ක් රු. කෝටි 6½ ක් සහ රන්භාණ්ඩ කොල්ල කති
මාලිමා මන්ත්‍රීවරු 159 ට එරෙහිව ‘දිනන දකුණින්’ අල්ලස් කොමිසමට පැමිණිල්ලක්
හම්බන්තොට හිටපු නගරාධිපති එරාජ් ප්‍රනාන්දු මියයයි : සිය දිවි හානි කර ගැනීමක් දැයි සැක
කොළඹ ප්‍රදේශ රැසකට හෙට (03) පැය 24 ක ජල කප්පාදුවක්
2026 වර්ෂයේ 5 ශ්‍රේණිය ශිෂ්‍යත්ව විභාගයේ ප්‍රතිඵල නිකුත් කරයි
ප්‍රවීණ ගායන ශිල්පී ප්‍රියංකර පෙරේරා දිවි ගමනට සමුදෙයි
(02.09.2026 – sinhala.adaderana.lk)
ප්‍රවීණ ගායන ශිල්පියෙකු හා රංගන ශිල්පියෙකු වූ ප්‍රියංකර පෙරේරා මහතා අභාවප්‍රාප්ත වී තිබේ.
කලක් රෝගාතුරව සිටි ඒ මහතා කොළඹ ජාතික රෝහලේ ප්‍රතිකාර ලබමින් සිටියදී ඊයේ (01) රාත්‍රියේ මියගොස් ඇති බව රෝහල් ආරංචි මාර්ග පැවසීය.
මියයන විට ප්‍රියංකර පෙරේරා මහතා 64 වන වියෙහි පසු වුණි.
ජනප්‍රිය ගායන ශිල්පියෙකු වූ ජේ.ඒ. මිල්ටන් පෙරේරා මහතාගේ පුත්‍රයකු වූ ප්‍රියංකර පෙරේරා මහතා ජනප්‍රිය ගීත රැසක් ගායනය කර ඇති අතර රංගන ශිල්පියෙකු ලෙසද සිය දායකත්වය ලබා දී තිබේ.
ප්‍රියංකර පෙරේරා මහතා චිත්‍රපට මෙන්ම ටෙලිනාට්‍ය රැසකට ද රංගනයෙන් දායකත්වය ලබා දී ඇති අතර, ‘සුපුන් සඳක්’, ‘සඳුන් ගසේ සමන් වැලක්’, ‘සිකුරුලියා’, ‘අගාධ සාගරයේ’ වැනි ගීතයන්ගෙන් ප්‍රේක්ෂකයින් අතර බෙහෙවින් ප්‍රසිද්ධියට පත්විය.
+++
+++
• https://meemessa.com/free-sinhala-mp3/artist/download-priyankara-perera-sinhala-mp3-songs.html
+++
+++
අභාවප්‍රාප්ත ප්‍රවීණ ගායන ශිල්පී සහ රංගන ශිල්පී ප්‍රියංකර පෙරේරාගේ අවසන් කටයුතු හෙට (03)
(02.09.2026 – hirunews.lk)
අභාවප්‍රාප්ත ප්‍රවීණ ගායන ශිල්පී සහ රංගන ශිල්පී ප්‍රියංකර පෙරේරාගේ අවසන් කටයුතු හෙට (03) දිනයේ බොරැල්ල පොදු සුසාන භූමියේදී සිදු කිරීමට නියමිත බවට තොරතුරු වාර්තා වෙනවා.
ඔහුගේ දේහය අද (02) දහවල් සිට කොළඹ පෞද්ගලික මල් ශාලාවක තැන්පත් කිරීමට නියමිතයි.
කලක් රෝගී තත්වයෙන් පසුවූ ඔහු කොළඹ ජාතික රෝහලට ඇතුළත් කිරීමෙන් පසු ඊයේ (01) රාත්‍රියේ අභාවප්‍රාප්ත වුණා.
අභාවප්‍රාප්ත වෙන විට ඔහුගේ වයස අවුරුදු 64 ක්.
ප්‍රියංකර පෙරේරා නැසී ගිය ප්‍රවීන ගායන ශිල්පී ‘මිල්ටන් පෙරේරා’ගේ වැඩිමහල් පුත්‍රයා වන අතර ගායන ශිල්පී ‘චලක චනුපති’ගේ සහෝදරයා ද වනවා.
මෙරට සංගීත ක්ෂේත්‍රයේ, විශේෂයෙන්ම කැසට් යුගයේ සහ 80 – 90 දශකවල අතිශය ජනප්‍රියත්වයට පත් ප්‍රවීණ ගායන ශිල්පියෙකු ලෙසයි ඔහු ජනප්‍රියත්වයට පත් වන්නේ.
පිය උරුමයෙන් ලද ගීත සිය මියුරු හඬින් සංගීත ලෝලීන්ට දායාද කළ ඔහු තවත් ගීත රැසකින් ශ්‍රාවක හදවත් පිනවූ ගායන ශිල්පියෙක්.
එම ගීත අතර ‘රන් පොකුණෙන් දිය නාගෙන එන්නේ’, ‘සිහින දෙව්දුවේ’, ‘පිස්සු විකාරේ’, ‘අගාධ සාගරයේ’, ‘සමාන වී ඉපදී දිවි තලාවේ’ සහ ‘පෙර ආත්මයක එක රාත්‍රියක’ වැනි ගීත වනවා.
+++
++
++
හිටපු පොලිස්පති සී.ඩී. වික්‍රමරත්න වෙඩිතියාගත්ත හේතුව (02.09.2026)
https://www.youtube.com/watch?v=L1XDos2BVx8
තලවතුගොඩ සංචාරක නියෝජිත ආයතනයකට කඩා වැදුනු 4 ක් රු. කෝටි 6½ ක් සහ රන්භාණ්ඩ කොල්ල කති
(02.09.2026 – sinhala.adaderana.lk)
තලවතුගොඩ ප්‍රදේශයේ සංචාරක නියෝජිත ආයතනයකට පැමිණි පුද්ගලින් සිව් දෙනෙකු (4) විසින් එහි තිබූ මුදල් හා රන් භාණ්ඩ කොල්ලකා පලා ගොස් තිබේ.
පොලීසිය පැවසුවේ, කොල්ලකරුවන් එහි තිබූ රුපියල් හය කෝටි පනස් ලක්ෂයක (6,50,00,000) මුදලක් සහ රන් භාණ්ඩ කොල්ල කා ඇති බවය.
තලවතුගොඩ ප්‍රදේශයේ පිහිටා ඇති මෙම ආයතනය වෙත කොල්ලකරුවන් ඊයේ (01) පස්වරුවේ මෝටර් රථයකින් පැමිණ ඇති බව මූලික විමර්ශනවලදී අනාවරණය වී ඇත.
සැකකරුවන් අත්අඩංගුවට ගැනීම සඳහා තලංගම පොලීසිය මඟින් වැඩිදුර විමර්ශන ආරම්භ කර තිබේ.
+
මාලිමා මන්ත්‍රීවරු 159 ට එරෙහිව ‘දිනන දකුණින්’ අල්ලස් කොමිසමට පැමිණිල්ලක්
(02.09.2026 – sinhala.adaderana.lk)
ජාතික ජන බලවේගයෙන් පාර්ලිමේන්‍තුවට තේරි පත් වූ මන්‍ත්‍රීවරුන්ට එරෙහිව ‘දිනන දකුණ’ සංවිධානයෙන් ‘අල්ලස් හෝ දූෂණ චෝදනා විමර්ශන කොමිෂන් සභාව’ට පැමිණිල්ලක් ඉදිරිපත් කර තිබේ.
අදාළ මන්ත්‍රීවරු සිය මන්ත්‍රී ධුරයට හිමි වරප්‍රසාද වන දීමනා ලබාදීමේ අරමුණ වන මහජන යහපත උදෙසා නොයොදවා ජනතා විමුක්ති පෙරමුණේ බැංකු ගිණුමට තැන්පත් කිරීම මඟින් දූෂණ විරෝධී පනත යටතේ වරදක් සිදුකර ඇතැයි ඔවුන් පවසයි.
ඒ පිළිබඳ 2023 අංක 09 දරණ ‘දූෂණ විරෝධී පනත’ යටතේ කඩිනම් විමර්ශනයක් පවත්වන මෙන් ‘දිනන දකුණ’ සංවිධානය අද (02) උදෑසන අල්ලස් කොමිසමෙන් ඉල්ලා අදාළ පැමිණිල්ල ඉදිරිපත් කළේය.
පැමිණිල්ලෙන් ඔවුන් ජාතික ජන බලවේගයයේ මන්ත්‍රීවරුන් 159 දෙනාම කැඳවා ප්‍රකාශ සටහන් කරගෙන විමර්ශනයක් කරන ලෙසත් ජනතා විමුක්ති පෙරමුණේ බැංකු ගිණුම් පරීක්ෂා කරන්න ලෙසත් කාරණා පහක් (5) යටතේ පැමිණිල්ල ඉදිරිපත් කර තිබේ.
+++
+
හම්බන්තොට හිටපු නගරාධිපති එරාජ් ප්‍රනාන්දු මියයයි : සිය දිවි හානි කර ගැනීමක් දැයි සැක
(02.09.2026 – hirunews.lk)
හම්බන්තොට නගර සභාවේ හිටපු නගරාධිපති එරාජ් ප්‍රනාන්දු මියගොස් තිබෙනවා.
ඔහුගේ මළ සිරුර තිඹිරිගස්යායේ පිහිටි ඔහුගේ නිවසේදීයි සොයාගෙන ඇත්තේ.
මියයන විට ඔහු 57 හැවිරිදි වියේ පසුවූ බවයි ආරංචි මාර්ග සඳහන් කළේ.
මරණයට හේතුව මෙතෙක් අනාවරණය වී නොමැති අතර, සිය දිවි හානි කර ගැනීමක් දැයි සැක පල කරනවා.
(තම මානසික රෝගයට නිසි වෛද්‍ය ප්‍රතිකාර ලබාගත්තා නම්, තම සිරුර තුල ක්‍රියාත්මකවූ අමනුෂ්‍ය දෝෂ ඉවත්කර ගත්තා නම් මෙබඳු විපතක් සිදු නොවනු ඇත – අමරසර)
+++
+++
+
කොළඹ ප්‍රදේශ රැසකට හෙට (03) පැය 24 ක ජල කප්පාදුවක්
(02.09.2026 – hirunews.lk)
කොළඹ දිස්ත්‍රික්කයේ ප්‍රදේශ රැසකට හෙට (03) රාත්‍රී 08:00 සිට අනිද්දා (04) රාත්‍රී 08:00 දක්වා පැය 24 ක කාලයක් ජල සැපයුම අත්හිටුවීමට නියමිත බව ජාතික ජල සම්පාදන හා ජලාපවාහන මණ්ඩලය සඳහන් කරනවා.
අඹතලේ දෙහිවල ජල සම්ප්‍රේෂණ නලයේ බත්තරමුල්ල දියත උයන ආසන්නව සිදුකරන (පොල්දුව පාලම අසල) අත්‍යවශ්‍ය නඩත්තු කටයුත්තක් හේතුවෙන් මෙසේ ජල සැපයුම අත්හිටුවීමට සිදුවන බවයි එම මණ්ඩලය සඳහන් කර ඇත්තේ.
ඒ අනුව, නුගේගොඩ, කොහුවල, දෙහිවල, ගල්කිස්ස, රත්මලාන, මොරටුව, රාවතාවත්ත, සොයිසාපුර, අඟුලාන, ඉඳිබැද්ද, කටුබැද්ද, කල්දෙමුල්ල, මෝදර, කොරලවැල්ල, එගොඩඋයන, කටුකුරුන්ද යන ප්‍රදේශවලට ජල සැපයුම අත්හිටුවීමට නියමිතයි.
තවද, සෙත්සිරිපාය, හිඹුටාන, උඩුමුල්ල පාර, මාලිගාගොඩැල්ල, බැංකු හන්දිය පාර, ඩබ්ලිව්.ඒ. සිල්වා මාවත, හැව්ලොක් පාර, කල්‍යාණි පාර, කොළඹ 06, රෝහල් වටරවුම් පාර, ජයන්ති මාවත සහ ශාන්ති මාවත යන ප්‍රදේශවලට ද ජල සැපයුම අත්හිටුවීමට සිදුවන බවයි එම මණ්ඩලය සඳහන් කරන්නේ ෴
2026 වර්ෂයේ 5 ශ්‍රේණිය ශිෂ්‍යත්ව විභාගයේ ප්‍රතිඵල නිකුත් කරයි
(02.09.2026 – hirunews.lk)
2026 වර්ෂයේ 5 ශ්‍රේණිය ශිෂ්‍යත්ව විභාගයේ ප්‍රතිඵල නිකුත් කර ඇති බව විභාග දෙපාර්තමේන්තුව පවසනවා.
ඒ අනුව https://doenets.lk/ සහ https://results.exams.gov.lk/ යන සබැඳියට පිවිසීමෙන් ඔබට ප්‍රතිඵල ලබා ගත හැකියි.
පසුගිය අගෝස්තු (09) වැනිදා පැවැත්වූ 5 ශ්‍රේණිය ශිෂ්‍යත්ව විභාගය සඳහා සිංහල මාධ්‍ය යටතේ අයැදුම්කරුවන් 220,366 ක් සහ දෙමළ මාධ්‍ය යටතේ අයැදුම්කරුවන් 73,723 ක් ලෙස සමස්ත අයැදුම්කරුවන් 294,089 ක් විභාගයට පෙනී සිටියා ෴
+++
+++
(02.09.2026 – sinhala.adaderana.lk)
2026 ශිෂ්‍යත්ව විභාගයේ ප්‍රතිඵල අනුව සිංහල මාධ්‍යයේ වැඩිම ලකුණ 193 ක් ලෙස කුරුණෑගල දිස්ත්‍රික්කයෙන් වාර්තා වී තිබේ.
මෙවර ශිෂ්‍යත්ව විභාගයේ ප්‍රතිඵල සම්බන්ධයෙන් අද (02) පස්වරුවේ විභාග දෙපාර්තමේන්තුවේ පැවති විශේෂ මාධ්‍යහමුවේදී අදහස් දක්වමින් විභාග කොමසාරිස් ජනරාල් ඒ.කේ.එස්. ඉන්දිකා කුමාරි ලියනගේ මහත්මිය මේ බව සඳහන් කළාය.
එමෙන්ම දෙමළ මාධ්‍ය වැඩිම ලකුණු 188, යාපනය දිස්ත්‍රික්කයෙන් වාර්තා වී ඇත.
මෙවර විභාගට විශේෂ අවස්ථා සහිත සිසුසිසුවියන් 1,018 ක් පෙනී සිට ඇති අතර බේල් මාධ්‍යයෙන් දරුවන් 18 දෙනෙකෙු පෙනී සිටි බව විභාග කොමසාරිස්වරිය පැවසීය.
එමෙන්ම මෙවර කඩයිම් ලකුණු වන්නේ 139 වන අතර ප්‍රතිඵල අනුව සිසුන් 56,000 ක් කඩඉම් ලකුණට වඩා ඉහළ ලකුණු ලබාගැනීමට සමත්ව ඇති බව ඇය සඳහන් කළාය.
ඉකුත් අගෝස්තු 09 වැනිදා පැවති මෙවර විභාගය සඳහා අයදුම්කරුවන් 294,132 සංඛ්‍යාවක් ලියාපදිංචි වී සිටි අතර, ඉන් සිසුන් 289,867 දෙනෙකු විභාගය සඳහා පෙනී සිටියේය.
නැවත සමීක්ෂණයට අයදුම් කළයුතු දිනය සම්බන්ධයෙන් ඉදිරියේ දී දැනුම්දෙන බව ද ඇය වැඩිදුරටත් පැවසීය ෴
+++
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (ඕනෑම බසකින්) ලබාදෙන්න ෴