දුම්රිය සේවකයින්ට රාජකාරී වේලාව තුළ සමාජ මාධ්‍ය තහනම් කෙරේ
සමාජ මාධ්‍යය කැලඹූ අම්බලන්ගොඩ සිද්ධිය – SI ට ස්ථාන මාරුවක්
ජනාධිපති රට වටේ ගිහින් මුට්ටිය දාලා බලනවා – ඇමතිලා සේරම දැන් ඇනගෙන ඉවරයි (26.08.2026)
VVIP පල්ලේගම, ආවාස ගෙට ආ අබිරහස් ලලනාව? සිසුවියගේ මව සැඟවූ රහසක් එළියට (26.08.2026)
සොරාගත් සරමක් ඇඳ නියාමකගේ යතුරුපැදියෙන් වැලිකඩින් පැනගිය රැඳවියා
ළමුන් සහ කාන්තාවන්ගේ ඡායාරූප සහ ලිංගික දර්ශන ජාවාරමක්
රජයේ ඖෂධ මුදලට විකුණන පෞද්ගලික ඔසුසැලක් වැටලේ
දුම්රිය සේවකයින්ට රාජකාරී වේලාව තුළ සමාජ මාධ්‍ය තහනම් කෙරේ
(26.08.2026 – sinhala.adaderana.lk)
රාජකාරී වේලාවන් තුළ සමාජ මාධ්‍ය භාවිතය සහ දුම්රිය මෙහෙයුම් කටයුතුවල සංවේදී තොරතුරු සමාජගත වීම වැළැක්වීම සම්බන්ධයෙන් දුම්රිය දෙපාර්තමේන්තුව විශේෂ චක්‍රලේඛයක් නිකුත් කර තිබේ.
දුම්රිය දෙපාර්තමේන්තුවේ ඇතැම් නිලධාරීන් සහ සේවකයින් විසින් රාජකාරී වේලාවන් තුළ සහ රාජකාරියට සම්බන්ධ අවස්ථාවන්හිදී සමාජ මාධ්‍ය හරහා සංවේදී තොරතුරු ප්‍රසිද්ධියට පත්කිරීමේ ප්‍රවණතාවයක් නිරීක්ෂණය වීම හේතුවෙන් මෙම චක්‍රලේඛය නිකුත් කළ බව ශ්‍රී ලංකා දුම්රිය දෙපාර්තමේන්තුව පවසයි.
එලෙස සංවේදී තොරතුරු සමාජ මාධ්‍ය මගින් ප්‍රසිද්ධියට පත් කිරීම තුළින් දුම්රිය සේවයේ විශ්වසනීයත්වය, මගී ආරක්ෂාව සහ ආයතනික විනය බරපතළ ලෙස අනතුරේ වැටෙන හෙයින් එම චක්‍රලේඛය නිකුත් කර ඇති බව සඳහන් ය.
දුම්රිය සාමාන්‍යාධිකාරීවරයා, දුම්රිය නිල මාධ්‍ය ප්‍රකාශකවරයා සහ තොරතුරු නිලධාරියාට පමණක් දුම්රිය දෙපාර්තමේන්තුවේ නිල තොරතුරු බාහිර පාර්ශ්වයන් වෙත හෝ මාධ්‍ය වෙත ලබාදීමේ අවසරය මෙම නව චක්‍රලේඛය යටතේ හිමිවී තිබේ.
මීට අමතරව එම චක්‍රලේඛයේ උපදෙස් උල්ලංඝනය කරමින් කටයුතු කරන නිලධාරීන්ට එරෙහිව දැඩි නීතිමය ක්‍රියාමාර්ග ගන්නා බව දුම්රිය සාමාන්‍යාධිකාරීවරයාගේ අත්සනින් යුතුව නිකුත් කර තිබූ අදාළ චක්‍රලේඛයේ වැඩිදුරටත් දක්වා තිබේ.
සමාජ මාධ්‍යය කැලඹූ අම්බලන්ගොඩ සිද්ධිය – SI ට ස්ථාන මාරුවක්
(26.08.2026 – sinhala.adaderana.lk)
අම්බලන්ගොඩ පොලිස් ස්ථානය තුළ සිදුවූ සිද්ධියට අදාළ සැකකරු අත්අඩංගුවට ගත් කණ්ඩායම භාරව සිටි උප පොලිස් පරීක්ෂකවරයා වහාම ක්‍රියාත්මක වන පරිදි අම්බලන්ගොඩ පොලිස් ස්ථානයෙන් ස්ථානමාරු කර තිබේ.
අදාළ සිද්ධිය සම්බන්ධයෙන් පොලිස්පතිවරයාගේ නියමයෙන් විශේෂ විමර්ශනයක් ආරම්භ කර ඇති අතර, ගාල්ල දිසාව භාර නියෝජ්‍ය පොලිස්පතිවරයාගේ අධීක්ෂණය යටතේ එම විමර්ශන සිදුකෙරෙන බව පොලීසිය සඳහන් කළේය.
ඒ අනුව අම්බලන්ගොඩ පොලිස් ස්ථානය අයත් ඇල්පිටිය පොලිස් කොට්ඨාසයෙන් පරිබාහිරව රාජකාරි සිදුකරන උසස් පොලිස් නිලධාරියෙකුගේ මූලිකත්වයෙන් අදාළ විමර්ශනය සිදුකෙරේ.
සමාජ මාධ්‍ය ඔස්සේ සංසරණය වන වීඩියෝවක දැක්වෙන්නේ, අත්අඩංගුවේ පසුවන තම පියාට පොලිස් නිලධාරීන් පහරදී ඇති බව පවසමින් පුද්ගලයෙකු අම්බලන්ගොඩ පොලිස් ස්ථානය තුළ කලහකාරී ලෙස හැසිරෙන ආකාරයයි.
පොලීසිය සඳහන් කළේ, එම වීඩියෝවේ පියා ලෙස හඳුන්වා ඇති වියපත් පුද්ගලයා පසුගිය 24 වනදා රාත්‍රියේ බීමත්ව අශෝභන ලෙස මාර්ගයක සැරිසරමින් සිටීම හේතුවෙන් අම්බලන්ගොඩ පොලිස් ස්ථානයේ නිලධාරීන් විසින් අත්අඩංගුවට ගෙන පොලිස් ස්ථානයට රැගෙනවිත් ඇති බවය.
අත්අඩංගුවට ගන්නා අවස්ථාවේදී එම පුද්ගලයා පලායාමට උත්සාහ කර ඇති අතර, එහිදී ඇදවැටීමෙන් තුවාල සිදුවී රුධිර වහනයක් ඇතිවූ බවට වීඩියෝ දර්ශනවලින් පෙනී යන බවද පොලීසිය පැවසීය.
කෙසේ වෙතත්, අදාළ පුද්ගලයා ඊයේ (25) අම්බලන්ගොඩ පොලිස් ස්ථානයේ නිලධාරීන් විසින් බලපිටිය රෝහලට ඇතුළත් කර තිබේ.
අනතුරුව අධිකරණ වෛද්‍ය නිලධාරීවරයා විසින් පරීක්ෂාවට ලක් කිරීමෙන් පසු ඔහු බලපිටිය අතිරේක මහේස්ත්‍රාත්වරයා හමුවට ඉදිරිපත් කර ඇති අතර, එහිදී ඔහු ඇප මත මුදාහැරීමට නියෝග කර තිබේ.
සිද්ධිය සම්බන්ධයෙන් සිදුකරන විශේෂ විමර්ශනයේ ප්‍රතිඵල අනුව ඉදිරි ක්‍රියාමාර්ග ගනු ඇති බව පොලීසිය සඳහන් කරයි.
+++
මගේ මූණට ‘ගන්’ එක තියලා බය කරා – පොලිසියේ අය හොඳටම බීලා හිටියේ
+
ජනාධිපති රට වටේ ගිහින් මුට්ටිය දාලා බලනවා – ඇමතිලා සේරම දැන් ඇනගෙන ඉවරයි (26.08.2026)
+++
+++
22 වෙනි ව්‍යවස්ථා සංශෝධනයට විරුද්ධව ඉරාජ් එක්ක මිලින්ද උසාවි එයි (25.08.2026)
+
VVIP පල්ලේගම, ආවාස ගෙට ආ අබිරහස් ලලනාව? සිසුවියගේ මව සැඟවූ රහසක් එළියට (26.08.2026)
+
සොරාගත් සරමක් ඇඳ නියාමකගේ යතුරුපැදියෙන් වැලිකඩින් පැනගිය රැඳවියා
(26.08.2026 – hirunews.lk)
වැලිකඩ බන්ධනාගාර නිවාඩු නිකේතනය පිරිසිදු කිරීමට යෙදවූ රැඳවියා නිවාඩු නිකේතනයේ තිබූ සරමක් ඇද බන්ධනාගාර නියාමක කළමනාකරුගේ යතුරු පැදියෙන් ෛඊයේ (25) දහවල් පලා ගොස් ඇතැයි බොරැල්ල පොලිසිය පවසනවා.
මෙලෙස පලා ගොස් ඇත්තේ වැලිකඩ බන්ධනාගාරයේ රඳවා සිටි රැඳවියකු වන නාත්තන්ඩිය මැදගොඩ පදිංචි එම් එම් උමේශ් යන රැඳවියායි.
වැලිකඩ බන්ධනාගාරයේ රඳවා සිටින රැඳවියන් තිදෙනෙකු එම බන්ධනාගාරයේ නිවාඩු නිකේතනය පිරිසිදු කිරීම සඳහා එහි කළමනාකරු ලෙස සේවය කරන බන්ධනාගාර නියාමකවරයා විසින් යොදවා ඇති බව සඳහන්.
රැඳවියන් විසින් පිරිසුදු කටයුතු සිදු කරමින් සිටින අවස්ථාවේදී පැමිණිකාර බන්ධනාගාර නියාමක කළමනාකරු දිවා ආහාරය ගැනීම සඳහා නිල නිවස වෙත ගොස් ඇති අතර එම අවස්ථාවේදී රැඳවියන් අතර සිටි පලා ගිය සැකකාර රැඳවියා නිවාඩු නිකේතනයේ තිබූ සරමක් ඇද එම නිවාඩු නිකේතනය ඉදිරිපිට යතුර සහිතව නවතා තිබූ පැමිණිලිකාර බන්ධනාගාර නියාමක කළමනාකරුට අයත් යතුරුපැදිය සොරකම් කර ලෙස්ලි රණගල මාවත දෙසට තිබෙන ගේට්ටුවෙන් පලා ගොස් ඇති බවයි වාර්තා වෙන්නේ ෴
ළමුන් සහ කාන්තාවන්ගේ ඡායාරූප සහ ලිංගික දර්ශන ජාවාරමක්
(26.08.2026 – sinhala.adaderana.lk)
ෆේස්බුක් ඇතුළු ප්‍රමුඛ සමාජ මාධ්‍ය ජාල තුළ විවිධ සමූහ (Groups) නිර්මාණය කරගනිමින් ළමුන්ගේ සහ කාන්තාවන්ගේ ලිංගික දර්ශන මෙන්ම පුද්ගලික ඡායාරූප මුදලට අලෙවි කිරීමේ සහ මිලදී ගැනීමේ ඔන්ලයින් ජාවාරමක් පිළිබඳ කරුණු අනාවරණය වී ඇති බව ළමා හා කාන්තා කටයුතු අමාත්‍යාංශය පවසයි.
මෙම තත්ත්වය සම්බන්ධයෙන් අමාත්‍යාංශයේ පූර්ණ අවධානය යොමු වී ඇති බවත්, කාන්තාවන් සහ ළමුන් වින්දිතභාවයට පත්වීම වැළැක්වීම සඳහා අවශ්‍ය කඩිනම් මැදිහත්වීම් සිදුකරන බවත් නිවේදනය කරයි.
සිදුකරන ලද මූලික සොයා බැලීම්වලින් අනාවරණය වූ තොරතුරු පිළිබඳ සොයාබැලීම සඳහා ශ්‍රී ලංකා පොලිස් ළමා හා කාන්තා කාර්යාංශය මෙන්ම පරිගණක අපරාධ විමර්ශන කොට්ඨාසය වෙතද යොමුකර ඇති බව අදාළ නිවේදනයේ සඳහන්.
මෙම ජාවාරම්කාර සමූහ පරීක්ෂා කිරීමේදී ව්‍යාජ ගිණුම් හරහා තම සමීපතමයින්ගේ සහ පවුලේම සාමාජික කාන්තාවන්ගේ ඡායාරූප හා වීඩියෝ පට මෙලෙස අලෙවි කිරීමට උත්සාහ කරන බවට හෙළිවී ඇත.
මෙම සමූහ බොහොමයක් විදේශ රටවල සිට මෙහෙයවන බවද හඳුනාගෙන ඇත.
තම පවුලේ කාන්තාවන් සහ ළමුන් නිවස තුළදීම මෙලෙස අනාරක්ෂිත වීමේ අවධානමක් පවතින බැවින්, දෙමව්පියන් සිය දරුවන්ගේ සමාජ මාධ්‍ය භාවිතය සහ ඔවුන් ඇසුරු කරන මිතුරන් පිළිබඳ දැඩි අවධානයෙන් පසුවන ලෙස ඉල්ලා සිටී.
යම් හෙයකින් පවුලේ අයෙකු මෙවැනි ජාවාරමක ගොදුරක් හෝ ඊට ඇබ්බැහි වූවෙකු ලෙස නිරීක්ෂණය වුවහොත්, ඔවුන් වහාම මනෝ සමාජයීය උපදේශනය වෙත යොමු කිරීමට පියවර ගන්නා ලෙසද උපදෙස් දී ඇත.
ඒ අනුව මෙවැනි නීති විරෝධී ක්‍රියාවලින් ආරක්ෂා වීමට සහ අදාළ නෛතික සහය ලබාගැනීම සඳහා 1938 සහ 1929 යන ගාස්තු රහිත උපකාරක දුරකථන අංක ළමා හා කාන්තා කටයුතු අමාත්‍යාංශය විසින් හඳුන්වා දී ඇත.
එසේම මෙම අවදානම් තත්ත්වය පිළිබඳව පරිශීලකයින් දැනුවත් කිරීම සඳහා සමාජ මාධ්‍ය ක්‍රියාකාරීන් විසින්ද මේ වනවිට ලිපි සහ වීඩියෝ පට විශාල ප්‍රමාණයක් අන්තර්ජාලයට එක්කරමින් දැනුවත් කිරීම් සිදු කරමින් පවතී.
රජයේ ඖෂධ මුදලට විකුණන පෞද්ගලික ඔසුසැලක් වැටලේ
(26.08.2026 – sinhala.adaderana.lk)
කිසිඳු වෛද්‍ය නිර්දේශයක් නොමැතිව මත්පෙති අලෙවි කරන ඔසුසලක් පසුගියදා ‘ජාතික ඖෂධ නියාමන අධිකාරියේ’ නිලධාරීන් විසින් වටලනු ලැබීය.
එහිදී අනාවරණ වූයේ වෛද්‍ය සැපයුම් අංශයෙන් රජයේ රෝහල්වලට නිකුත් කරනු ලබන ඖෂධ ද එහි අලෙවිකෙරන බවය.
‘අද දෙරණ උකුස්සා’ගේ අද (26) අනාවරණය ඒ පිළිබඳවයි.
මරදානේ පිහිටි ඖෂධ වෙළෙඳසැලක වෛද්‍ය නිර්දේශයක් නොමැතිව මත්පෙති අලෙවි කරන බවට බස්නාහිර පළාත් බුද්ධි කොට්ඨාසය විසින් අනාවරණ කරගෙන ඇති අතර, නීතිය ක්‍රියාත්මක කිරීම සඳහා එම තොරතුරු ජාතික ඖෂධ නියාමන අධිකාරියට දැනුම් දී තිබේ.
ඒ අනුව තොරතුරු තහවුරු කරගැනීමෙන් පසුව ‘අද දෙරණ උකුස්සා’, මරදාන පොලිසිය සහ ඖෂධ නියාමන අධිකාරියේ ප්‍රධාන ආහාර හා ඖෂධ පරීක්ෂක නෙවිල් වික්‍රමසිංහ මහතා ප්‍රමුඛ කණ්ඩායමක් එම ස්ථානය වැටලීම සඳහා එක්විය.
එහිදී ස්නායු රෝගීන් සඳහා ලබාදෙන වේදනා නාශක ඖෂධ තොගයක් මත්ලෝලීන් හට අලෙවි කිරීමට සූදානම් කර තිබියදී සොයාගැනුණි.
නිසි සුදුසුකම් පවා නොමැති අයෙකු විසින් පවත්වාගෙන යන මෙම ඔසුසලේදී අදාළ ඖෂධ මත්ලෝලීන් හට වැඩි මිලට අලෙවි කර ඇති බව මෙහිදී හෙළි විය.
වෛද්‍ය සැපයුම් අංශයෙන් රජයේ රෝහල්වෙත නිකුත් කරන,පෞද්ගලික ඔසුසල්වල අලෙවි කිරීම නීතියෙන් තහනම් ඖෂධ වර්ග 8 ක්ද එහි තිබී හමු වී ඇත.
ඒ අනුව මෙම ඖෂධ මෙම ස්ථානයට ලැබුණු ආකාරය සම්බන්ධයෙන් සෞඛ්‍ය අමාත්‍යාංශය කඩිනම් විශේෂ විමර්ශනයක් ආරම්භ කර තිබේ.
ඉදිරියේදීත් මෙවැනි නීතිවිරෝධි ක්‍රියාවන් රට හමුවේ අනාවරණ කිරීමට ‘අද දෙරණ උකුස්සා’ සීරුවෙනි.
+
යාල වනෝද්‍යානයේ 1 සහ 2 කලාප තාවකාලිකව වසා දැමේ
(26.08.2026 – sinhala.adaderana.lk)
පවතින දැඩි වියළි කාලගුණික තත්ත්වය හේතුවෙන් යාල ජාතික වනෝද්‍යානයේ 01 සහ 02 කලාප (Blocks 1 & 2) සංචාරකයින් සඳහා තාවකාලිකව වසා තැබීමට වනජීවී සංරක්ෂණ දෙපාර්තමේන්තුව තීරණය කර ඇත.
සැප්තැම්බර් මස 14 වනදා සිට ඔක්තෝබර් මස 15 වනදා දක්වා කාලය තුළ බලපැවැත්වෙන පරිදි මෙය ක්‍රියාත්මක වේ ෴
ගිනි ගැනීමෙන් හොරණ පලොන්නෝරුව ප්‍රදේශයේ නිවසකට දැඩි හානි
(26.08.2026 – sinhala.adaderana.lk)
හොරණ පලොන්නෝරුව ප්‍රදේශයේ නිවසක අද (26) දහවල් හටගත් ගින්නකින් එම නිවසට දැඩි අලාභහානි සිදුවී තිබේ.
අද (26) දහවල් 12:30 ට පමණ ගින්න හටගෙන ඇති අතර ඒ අවස්ථාවේ නිවසේ විශ්‍රාමික ගුරුවරියක් පමණක් සිට තිබේ. ඇය පිටතට පැමිණ දිවි බේරාගෙන තිබුණි.
ගින්න පාලනය කිරීමට ප්‍රදේශවාසීන් සහ හොරණ නගර සභාවේ ගිනි නිවීම් ඒකකය මහත් පරිශ්‍රමයක් දරා තිබුණි. ගින්නට හේතුව මෙතෙක් අනාවරණය වී නොමැත.
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (ඕනෑම බසකින්) ලබාදෙන්න ෴