“මට කලින් ඔයා මැරෙන්න එපා! මට ඉන්න බෑ” – මිහිර සිරිතිලක ගෙන් බිරිඳ කළ ඉල්ලීම හමුවේ වැඩසටහන මොහොතකට නවතී (23.08.2026)
අතුරුදන්ව සිටි බදුල්ල ශික්ෂණ රෝහලේ වෛද්‍යවරයාගේ සිරුර හමුවෙයි
SLS සහතිකය නොමැති විදුලි වයර් කෝඩ් අලෙවි කළ සුපිරි වෙළෙඳසැලකට දඩ
පිටකොටුව බස්නැවතුමේදී, ගුවන් සෙබළා විසින් බෑග් හොරා අත්අඩංගුවට පත්වන හැටි CCTV කැමරාවල (24.08.2026)
LIVE | Derana 360 | ජනාධිපති නීතිඥ සාලිය පීරිස් | 24-08-2026
Hiru TV Salakuna Live | Mahinda Amaraweera| Episode 542 | 24-08-2026
සාගරිකා දුම්රියේ ත්‍රීරෝද රථයක් ගැටෙයි – රියදුරු මරුට – ප්‍රදේශවාසීන් දුම්රිය ගේට්ටුවක් ඉල්ලා උද්ඝෝෂණයක
(23.08.2026 – sinhala.adaderana.lk)
අද (23) සවස 05:30 ට පමණ අලුත්ගම පොලිස් වසමට අයත් ගනේගම පුරාණගම පන්සල අසල ඩිපෝව හරස් දුම්රිය මාර්ගයේදී සිදු වූ බිහිසුණු අනතුරකින් තරුණයෙකු (1) මියගොස් තවත් අයෙකු (1) බරපතල තුවාල ලබා තිබේ.
ඒ සමඟම ප්‍රදේශවාසීන් දුම්රිය මාර්ගය හරස්කර දැඩි විරෝධතාවක නිරත වී ඇත.
ඒ අදාළ දුම්රිය හරස් මාර්ගයේ ආරක්ෂක ගේට්ටුවක් නොමැති බවත්, ක්‍රියාත්මක වන්නේ වර්ණ සංඥා පද්ධතියක් සහ නාදවීම් පමණක් බවට චෝදනා කරමින්.
ඔවුන් පවස්නේ මෙම ස්ථානයේ නිරන්තරයෙන් අනතුරු සිදුවන නමුත් බලධාරීන් මේ සඳහා කිසිදු පිළියමක් යොදා නොමැති බවය.
මෙම විරෝධතාව හේතුවෙන් මුහුදුබඩ දුම්රිය මාර්ගයේ ගමනාගමනයට දැඩි බාධා එල්ල විය.
පසුව අලුත්ගම පොලිස් ස්ථානාධිපතිවරයා මැදිහත්වී දුම්රිය දෙපාර්තමේන්තුවේ නිලදාරීන් දුරකථනයෙන් සම්බන්ධ කරගනිමින්, සතියක් තුළ මෙම ගැටලුවට නිසි විසඳුමක් ලබා දීමට සාකච්ඡාවක් ලබා දෙන බවට දුන් පොරොන්දු මත ප්‍රදේශවාසීන් උද්ඝෝෂණය අත්හැර දමා තිබේ.
ඒ අනුව, මේ වන විට මුහුදුබඩ දුම්රිය මාර්ගයේ ගමනාගමනය යථා තත්ත්වයට පත් කර ඇත.
අලුත්ගම දෙස සිට දර්ගා නගරය දක්වා ධාවනය වූ ත්‍රීරෝද රථයක්, මරදාන දුම්රිය ස්ථානයෙන් අද සවස පිටත් වූ ‘සාගරිකා’ සීග්‍රාමීය දුම්රියේ ගැටීමෙන් මෙම අනතුර සිදුව ඇත.
මෙම අනතුරින් ත්‍රීරෝද රථය පැදවූ වයස අවුරුදු 22 ක් වූ මීගම ප්‍රදේශයේ පදිංචි තරුණයා ජීවිතක්ෂයට පත්ව ඇති අතර, බරපතල තුවාල ලැබූ අනෙක් පුද්ගලයා නාගොඩ රෝහලට ඇතුළත් කර ඇති බව අලුත්ගම පොලීසිය පවසයි.
අනතුර සිදුවන ආකාර එම ස්ථානයේ තිබූ CCTV කැමරාවක ද සටහන් වී තිබේ.
+
“මට කලින් ඔයා මැරෙන්න එපා! මට ඉන්න බෑ” – මිහිර සිරිතිලක ගෙන් බිරිඳ කළ ඉල්ලීම හමුවේ වැඩසටහන මොහොතකට නවතී (23.08.2026)
+
අතුරුදන්ව සිටි බදුල්ල ශික්ෂණ රෝහලේ වෛද්‍යවරයාගේ සිරුර හමුවෙයි
(24.08.2026 – hirunews.lk)
අතුරුදන්ව සිටි බදුල්ල ශික්ෂණ රෝහලේ නිර්වින්දන වෛද්‍යවරයාගේ මෘත ශරීරය හමුවේ. බදුල්ල ශික්ෂණ රෝහලේ සේවය කළ නිර්වින්දන විශේෂඥ වෛද්‍යවරයෙකු අතුරුදන්ව සිටියදී සිදුකළ සෙවුම් මෙහෙයුමකදී, ඔහුගේ මෘත ශරීරය අද (24) උදෑසන සොයාගත් බව මහියංගනය පොලීසිය පවසනවා.
මහියංගනය, මාපාකඩ 17 කණුව ප්‍රදේශයේ වියානා ඇළ අසල අතහැර දමා තිබූ මෝටර් රථයක් පිළිබඳව ලැබුණු තොරතුරකට අනුව පොලීසිය පරික්ෂණ ආරම්භ කර තිබුණා.
ඊයේ (23) රාත්‍රියේ සිට එම ස්ථානයේ නවතා තිබූ මෝටර් රථය අතුරුදන් වූ වෛද්‍යවරයාට අයත් එකක් බවට හඳුනාගැනීමෙන් පසු ප්‍රදේශවාසීන් සහ පොලීසිය එකතුව සෙවුම් මෙහෙයුමක් දියත් කරනු ලැබුවා.
වාහනය නවතා තිබූ ස්ථානයට ආසන්නයේ වූ වන ලැහැබක තිබී වෛද්‍යවරයාගේ මෘත ශරීරය හමු වී ඇති අතර, සිරුර අසල තිබී ඖෂධ පෙති වර්ගයක් ද සොයාගත් බව පොලීසිය සඳහන් කරන්නේ.
සිද්ධිය සම්බන්ධයෙන් මහියංගනය පොලීසිය වැඩිදුර විමර්ශන ක්‍රියාත්මකයි.
+++
+++
බදුල්ල රෝහලේ වෛද්‍යවරයා සියදිවි නසාගත්තා දැයි පොලීසියට සැකයක්
(24.08.2026 – sinhala.adaderana.lk)
අතුරුදන්ව සිටි බදුල්ල ශික්ෂණ රෝහලේ නිර්වින්දන විශේෂඥ වෛද්‍ය ප්‍රභාත් අනුරාධ දයාරත්න මහතාගේ මෘත ශරීරය පොලිසිය අද (24) පෙරවරුවේ සොයාගෙන තිබුණි.
ඒ යුද හමුදාව හා පොලිසිය එක්ව සිදු කළ විශේෂ මෙහෙයුමකදි බදුල්ල – මහියංගනය මාර්ගයේ 17 කණුව අසල වන ලැහැබක තිබියදීය.
බදුල්ල ශික්ෂණ රෝහලේ නිර්වින්දන විශේෂඥ වෛද්‍යවරයෙකු වන ප්‍රභාත් අනුරාධ දයාරත්න මහතා ඊයේ (23) පෙරවරුවේ සිටි අතුරුදන්ව ඇති බවට ලද තොරතුරකට අනුව පොලිසිය වහාම විමර්ශන ආරම්භ කළේය.
එහි ප්‍රතිඵලයක් ලෙස වෛද්‍යවරයාගේ මෝටර් රථය බදුල්ල – මහියංගනය මාර්ගයේ 17 කණුව මාපාකඩවැව ප්‍රදේශයේ තිබී ඊයේ (23) රාත්‍රියේ සොයාගෙන තිබුණි.
ඒ අනුව අතුරුදන් වූ වෛද්‍යවරයා සොයා පොලීසිය, යුද හමුදාව එක්ව එම ප්‍රදේශයේ ඒකාබද්ධ මෙහෙයුමක් දියත් කෙරිණි.
එහිදී අතුරුදන් වූ වෛද්‍යවරයාගේ මෘත ශරීරය එම ප්‍රදේශයේ වන ලැහැබක මීටර් 800 ක් පමණ ඇතුළත තිබූ ගලක් මත තිබී සොයා ගෙන තිබුණේ අද (24) උදෑසනදීය.
එම ස්ථානයේ තිබි ඖෂධ වර්ග 3 ක් ද පොලිසිය සොයා ගෙන තිබේ.
ඒ අනුව වෛද්‍යවරයා එම පෙති පානය කර සියදිවි නසා ගෙන ඇති බවට පොලිසිය සැක පළ කර සිටී.
එමෙන්ම ඔහු දීර්ඝ කාලයක සිට මානසික ආතතියට ඖෂධ ලබාගෙන ඇති බව ද පොලිසිය මේවන විට අනාවරණ කරගෙන ඇත.
සිද්ධිය සම්බන්ධයෙන් මහියංගන පොලිසිය මගින් වැඩිදුර විමර්ශන ක්‍රියාත්මකය ෴
(තම මානසික රෝගයට නිසි වෛද්‍ය ප්‍රතිකාර ලබාගත්තා නම්, තම සිරුර තුල ක්‍රියාත්මකවූ අමනුෂ්‍ය දෝෂ ඉවත්කර ගත්තා නම් මෙබඳු විපතක් සිදු නොවනු ඇත – අමරසර)
+++
අබිරහසක් ඉතිරි කර අවසන් ගමන් ගිය දොස්තර සගයා ගැන වෛද්‍ය පාලිතගෙන් අනාවරණයක්… (25.08.2026)
+++
+
SLS සහතිකය නොමැති විදුලි වයර් කෝඩ් අලෙවි කළ සුපිරි වෙළෙඳසැලකට දඩ
(24.08.2026 – sinhala.adaderana.lk)
ශ්‍රී ලංකා ප්‍රමිති සහතිකය (SLS) නොමැති විදුලි වයර් කෝඩ් අලෙවිය සඳහා ප්‍රදර්ශනය කර තිබූ අනුරාධපුර නගරයේ සුපිරි වෙළෙඳසැලකට අනුරාධපුර මහේස්ත්‍රාත් අධිකරණය විසින් රුපියල් 200,000 ක දඩ මුදලක් නියම කර තිබේ.
ඒ පාරිභෝගික කටයුතු පිළිබඳ අධිකාරියේ නිලධාරීන් විසින් අනුරාධපුර 11 වැනි වීදියේ පිහිටි වෙළෙඳසැලක සිදුකළ වැටලීමකදීය.
විදුලි වයර් කෝඩ් වැනි විදුලි උපකරණ සඳහා නියමිත ප්‍රමිතිවලට අනුකූල වීම පාරිභෝගික ආරක්ෂාව සම්බන්ධයෙන් විශේෂ වැදගත්කමක් දරනු ලබයි.
ප්‍රමිතියෙන් තොර විදුලි උපකරණ භාවිත කිරීම විදුලි සැර වැදීම්, විදුලි කාන්දුවීම් සහ ගිනි ගැනීම් වැනි අනතුරු ඇතිවීමේ අවදානම ඉහළ නැංවිය හැකිය.
එබැවින් සුපිරි වෙළෙඳසැලකින් හෝ වෙනත් වෙළෙඳසැලකින් විදුලි වයර් කෝඩ් මිලදී ගැනීමේදී අදාළ SLS ප්‍රමිති ලාංඡනය සහ අනෙකුත් නියමිත තොරතුරු පරීක්ෂා කර භාණ්ඩ මිලදී ගන්නා ලෙස පාරිභෝගික කටයුතු පිළිබඳ අධිකාරිය මහජනතාවගෙන් ඉල්ලා සිටී.
පාරිභෝගික කටයුතු පිළිබඳ අධිකාරිය වැඩිදුරටත් දැනුම් දෙන්නේ මෙවැනි නීති උල්ලංඝනය කිරීම් හෝ සැක කටයුතු භාණ්ඩ අලෙවිය පිළිබඳ තොරතුරු ඇත්නම් 1977 පාරිභෝගික ඇමතුම් අංකය ඔස්සේ දැනුම් දීමට කටයුතු කරන ලෙසය ෴
‘AI අංජලී’ සමග උදය ගම්මන්පිල : හර්ෂණ සහ කොට්ටහච්චි නඩු තීන්දු කලින්ම කියලා. අධිකරණයට අපහාස කළාට දඬුවම මෙන්න (24.08.2026)
+
පිටකොටුව බස්නැවතුමේදී, ගුවන් සෙබළා විසින් බෑග් හොරා අත්අඩංගුවට පත්වන හැටි CCTV කැමරාවල (24.08.2026)
+
LIVE | Derana 360 | ජනාධිපති නීතිඥ සාලිය පීරිස් | 24-08-2026
+
Hiru TV Salakuna Live | Mahinda Amaraweera| Episode 542 | 24-08-2026
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (ඕනෑම බසකින්) ලබාදෙන්න ෴