අයහපත් කාලගුණය ගැන විශේෂ සජීවි විකාශය (අද දෙරණ)
ජයග්රාහී ජාතියක් වීමට නම් මව් භාෂාවට මුල් තැන දෙන්න | ගෙවිඳු කුමාරතුංග (04.08.2026)
එල්කාඩෝ ආයතනයේ රු. කෝටි ගණනක රේගු බදු වංචාව මාට්ටු
ජයග්රාහී ජාතියක් වීමට නම් මව් භාෂාවට මුල් තැන දෙන්න | ගෙවිඳු කුමාරතුංග (04.08.2026)
හිටපු ජනපති මෛත්රීපාල බරපතල අනතුරක | ලේලිය සමඟ පුත්රයා රටින් පිටවෙයි (04.08.2026)
අයහපත් කාලගුණය ගැන විශේෂ සජීවි විකාශය (අද දෙරණ)
(04.08.2026 – 10:33 +0530 – sinhala.adaderana.lk)
පවතින අයහපත් කාලගුණ තත්ත්වය හමුවේ මේ වනවිට ප්රදේශ කිහිපයකට ගංවතුර සහ නායයෑමේ අනතුරු ඇඟවීමේ නිවේදනය නිකුත් කර ඇති අතර, ගත වූ පැය 12ක කාලය තුළ වර්ෂාපතනයේ යම් අඩුවක් වාර්තා වී ඇතැයි වාරිමාර්ග දෙපාර්තමේන්තුව නිවේදනය කරයි.
පවතින කාලගුණ තත්ත්වය සම්බන්ධයෙන් අද දෙරණ විශේෂ සජීවි විකාශය :
+—————–
UPDATE : 11:48
පවතින අධික වර්ෂාවත් සමඟ මහවැලි ගඟේ ජල මට්ටම ඉහළයාමෙන් ගම්පොළ ප්රදේශයේ ගම්මාන කිහිපයක් ජලයෙන් යටව පවුල් 500 ක් පමණ අවතැන්ව තිබේ.
අවතැන් වූ ජනතාව මේ වනවිට ආරක්ෂිත ස්ථානවලට යොමුකළ බව ගම්පොළ උඩපළාත හා දොළුව ප්රාදේශීය ලේකම්වරු සඳහන් කළේය.
UPDATE : 11:18
පුත්තලම සිට කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්රදේශ සඳහා කාලගුණවිද්යා දෙපාර්තමේන්තුවෙන් අනතුරු ඇඟවීමේ රතු නිවේදනයක් නිකුත් කර තිබේ.
ඒ අනුව, පුත්තලම සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ වල සුළගේ වේගය විටින් විට පැ.කි.මී. 60 – 70 දක්වා වැඩි වන අතර එම මුහුදු ප්රදේශ විටින් විට ඉතා රළු වේ.
එබැවින්, මෙම මුහුදු ප්රදේශයට නැවතදැනුම්දෙන තුරු යාත්රා නොකරන ලෙස නාවික සහ ධීවර ප්රජාවන්ට දැනුම්දෙනු ලබයි.
UPDATE : 11:10
ගතවූ පැය 24 තුළ වැඩිම වර්ෂාපතනය නුවරඑළිය නෝටන් ප්රදේශයෙන් වාර්තා වී තිබේ.
කාලගුණවිද්යා දෙපාර්තමේන්තුව නිවේදනය කළේ නෝටන්වලට මි.මී. 258.6 ක වාර්ෂාපතනයක් ලැබී ඇති බවය.
UPDATE : 10:20
වටවල ප්රදේශයට දවස් තුනකට (3) මි.මී. 600 ට වැඩි වැසි ලැබී තිබේ.
UPDATE : 10:15
ඉහළ කොත්මලේ ජල පෝෂක ප්රදේශවලට තව දුරටත් ඇදහැලෙන අධික වර්ෂාව හේතුවෙන් ඉහළ කොත්මලේ ජලාශයේ එක් (1) වාන් දොරටුවක් (04) දින අලුයම විවෘත කර ඇති බව එම ජලාශය භාර ඉංජිනේරුවරුන් පැවසිය.
UPDATE : 10:10
ඉදිරි පැය 24 තුළ සබරගමුව පළාතේ, මහනුවර නුවරඑළිය දිස්ත්රික්කවල මි.මී. 75 ක අපේක්ෂා කෙරේ.
සබරගමුව පළාත සහ මහනුවර නුවරඑළිය, ගාල්ල සහ මාතර දිස්ත්රික්කවල ඇතැම් ස්ථානවල මි.මී. 100 ඉක්මවූ වැසි ඉදිරි පැය 24 තුළ ඇතිවීමේ හැකියාව පවතී.
පවතින සක්රීය නිරිතදිග මෝසම හේතුවෙන් දිවයිනේ නිරිතදිග ප්රදේශවල දැනට පවතින සුළං තත්ත්වය වැඩි වීමට හැකියි ෴
ජයග්රාහී ජාතියක් වීමට නම් මව් භාෂාවට මුල් තැන දෙන්න | ගෙවිඳු කුමාරතුංග (04.08.2026)
+
එල්කාඩෝ ආයතනයේ රු. කෝටි ගණනක රේගු බදු වංචාව මාට්ටු
(03.08.2026 – seylannews.com)
ප්රකට ‘එල්කාඩෝ’ (Elcardo) සමාගම මඟින් සිදු කරන ලද මහා පරිමාණ ආනයන ක්රියාවලියකට අදාළව රේගු ආඥා පනතේ 128 වගන්තිය ප්රකාරව ශ්රී ලංකා රේගුවේ අනුකූලතා හා පහසුකම් සැලසීමේ අංශය මඟින් විශේෂ විමර්ශනයක් ආරම්භ කර තිබේ. මේ යටතේ රේගු නිලධාරීන් කණ්ඩායම් දෙකක් (2) එකවර නාවල පිහිටි ප්රධාන කාර්යාලය සහ රත්මලාන කර්මාන්ත පුරයේ පිහිටි කර්මාන්ත ශාලාව වටලා පරීක්ෂාවට ලක් කර ඇත.
එහිදී පළමු (1) සැකකාරිය වන ‘අචිනි තාරුකා මිහිරානි ඩයස්’ නාවල කාර්යාලයේදී අත්අඩංගුවට ගෙන ඇත. විමර්ශන අතරතුරදී ඇය සතුව තිබී සොයාගත් ජංගම දුරකතනයක් සැඟවීමට උත්සාහ කළ ආකාරය ආයතනයේ ආරක්ෂිත කැමරා දර්ශනවල ඉතා පැහැදිලිව සටහන්ව තිබූ බව රේගුව අධිකරණයට වාර්තා කර ඇත.
40% ක අඩු අගයන් පෙන්වා සිදුකළ වංචාව
සැකකාරියගේ පෞද්ගලික ජංගම දුරකතනය පරික්ෂා කිරීමේදී ඇය විසින් භාවිත කළ ‘shanika1009@gmail.com’ යන ඊමේල් ගිණුම හරහා විදේශීය සැපයුම්කරුවන් සමඟ සිදුකළ රහසිගත සංවාද රාශියක් හෙළි වී ඇත.
එක් අවස්ථාවකදී, ඇණවුම සඳහා සත්ය වටිනාකම සහිත ලියකියවිලි කට්ටලයක් (Actual and full amount set) සහ ණයවර ලිපි (LC) විවෘත කිරීම සඳහා සත්ය වටිනාකමට වඩා 40% කින් පමණ අඩු වටිනාකමක් ඇතුළත් ව්යාජ ලියකියවිලි කට්ටලයක් (40% undervalue for LC) ලබාදෙන ලෙස සැපයුම්කරුගෙන් ඉල්ලා ඇති බව අදාළ ඊමේල් පරීක්ෂාවේදී තහවුරු වී තිබේ.
- සත්ය ඉන්වොයිස් අගය : ඇමරිකානු ඩොලර් 49,815.75
- රේගුවට පෙන්වූ (LC) වටිනාකම : ඇමරිකානු ඩොලර් 19,926.30
- වංචා කළ මුදල (නොපෙන්වූ අතිරේක වටිනාකම) : ඇමරිකානු ඩොලර් 29,889.45
මෙම ඊමේල් ගිණුම පසුව සැකකාරිය විසින් මකා දමා සාක්ෂි විනාශ කිරීමටද උත්සාහ කර ඇති බව සඳහන් වේ.
අධ්යක්ෂ අතිල වීරරත්න සහ ලක්ෂ ගණනක බෙන්ස් රථ වංචාව
නඩුවේ දෙවන (2) සැකකරු වන එල්කාඩෝ සමාගමේ අධ්යක්ෂවරයෙකු වන ‘අතිල රවිනක වීරරත්න’ ගේ WeChat සහ WhatsApp සංවාද පරීක්ෂා කිරීමේදී විදේශීය සැපයුම්කරුවන් සමඟ මිල ගණන් සාකච්ඡා කර රේගුවට සත්ය අගයට වඩා අඩු අගයන් ප්රකාශ කර භාණ්ඩ නිදහස් කරගෙන ඇති බව හෙළි විය.
තවද, ඔහුගේ සහෝදරිය මෙන්ම ආයතනයේ අධ්යක්ෂවරියක වන ‘ලසිති වීරරත්න’ සමඟ පැවැත්වූ සංවාදයකින් සුඛෝපභෝගී Mercedes-Benz රථයක් ආනයනය කිරීමේදී සිදුකළ රේගු බදු වංචාවක් ද හෙළිව තිබේ:
- බෙන්ස් රථයේ සත්ය වටිනාකම : ස්ටර්ලින් පවුම් 56,500
- රේගුවට ප්රකාශ කළ වටිනාකම : ස්ටර්ලින් පවුම් 35,000
- රජයට අහිමි කළ බදු මුදල : රුපියල් 4,145,581.00
කොරියානු රේගුවෙන් සහ සාක්ෂිකරුවන්ගෙන් ලැබුණු තීරණාත්මක සාක්ෂි
විමර්ශනය තවදුරටත් තහවුරු කරගැනීම සඳහා ශ්රී ලංකා රේගුව විසින් කොරියානු අපනයනකරුවන්ගෙන් සහ රේගුවෙන් නිල ලේඛන කැඳවා ඇත. ඒ අනුව කොරියානු ජනරජයේ M/s OKSU International Co., Ltd. සමාගමේ සභාපති සහ හිමිකරු වන ‘රාජපක්ෂ කිංග්ස් ශ්රී යසාර්ප්’ ශ්රී ලංකා රේගුව හමුවේ පෙනී සිටිමින් ප්රකාශ ලබාදී තිබේ.
ඔහු ඉදිරිපත් කළ මුල් වාණිජ ඉන්වොයිසි සහ කොරියානු රේගු ප්රකාශන පත්ර (Korean Export Declaration Certificates) පරීක්ෂා කිරීමේදී, ‘එල්කාඩෝ සමාගම’ විසින් ශ්රී ලංකා රේගුවට ප්රකාශ කරන ලද අගයන්ට වඩා සත්ය වටිනාකම සැලකිය යුතු ලෙස වැඩි බවත්, ඔවුන් විසින් දැවැන්ත ලෙස වටිනාකම් අඩුකර පෙන්වීමේ (Undervaluations) නිරත වී ඇති බවත් තහවුරු විය.
අධිකරණ නියෝග සහ විදේශ ගමන් තහනම
සැකකරුවන් නිදහස් කළහොත් සාක්ෂි විනාශ කිරීමට සහ විදේශගත වී විමර්ශන ප්රමාද කිරීමට ඉඩ ඇති බැවින්, සැකකරුවන් තවදුරටත් දින 14 ක් රක්ෂිත බන්ධනාගාරගත කරන ලෙස රේගුව අධිකරණයෙන් ඉල්ලා සිටියේය.
එසේම, කොළඹ අතිරේක මහේස්ත්රාත් අධිකරණය හමුවේ කරුණු දක්වමින් ‘එල්කාඩෝ සමාගමේ’ පහත අධ්යක්ෂවරුන්ට සහ පළමු සැකකාරියට විදේශ ගමන් තහනමක් පනවන ලෙසද ඉල්ලා සිටින ලදී :
- අතුල රොහාන් වීරරත්න
- දීප්ති වීරරත්න
- නිපුනි ලක්සිකා වීරරත්න
- ලසිති ගනිකා වීරරත්න
- අතිල රවිනක වීරරත්න
- අලහප්පෙරුම ආරච්චිගේ අචිනි තාරුකා මිහිරානි ඩයස්
මෙම මහා පරිමාණ රේගු බදු වංචාව සම්බන්ධයෙන් වැඩිදුර විමර්ශන රේගු මූලස්ථානයේ අනුකූලතා හා පහසුකම් සැලසීමේ අංශය මඟින් ක්රියාත්මක වේ ෴
(‘නිපුනි ලක්සිකා වීරරත්න’ යනු ශ්රී ලංකාවේ ප්රකට ව්යාපාරිකයෙකු වන Elcardo Industries (එල්කාඩෝ) සමූහ ව්යාපාරයේ හිමිකරු අතුල රොහාන් වීරරත්න මහතාගේ දියණියයි. ඇය හිටපු ජනාධිපති මෛත්රීපාල සිරිසේන මහතාගේ පුත් දහම් සිරිසේන සමඟ විවාහ ගිවිස ගැනීම හේතුවෙන් මාධ්ය අවධානයට ලක් විය. – අන්තර්ජාලය)
හිටපු ජනපති මෛත්රීපාල බරපතල අනතුරක | ලේලිය සමඟ පුත්රයා රටින් පිටවෙයි (04.08.2026)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (ඕනෑම බසකින්) ලබාදෙන්න ෴