Derana 360 | නීතිඥ රජීව් අමරසූරිය – සභාපති -ශ්රී ලංකා නීතිඥ සංගමය (27.07.2026)
Hiru TV Salakuna Live | Ajith P Perera | Episode 538 | 2026-07-27
මත්ද්රව්ය සමග කොටු වූ ප්රසිද්ධ උපකාරක පංති හිමිකරුට වැඩ වරදී
විනිසුරු වයස වැඩි කිරීම අශිෂ්ඨයි.. මාලිමාවේ කිසි සාකච්චාවක් කලේ නෑ.. මට කට වහං ඉන්න කිවුවා.. – මාලිමා නායකත්ව මණ්ඩල ලාල් විජේනායක
(27.07.2026 – lankacnews.com)
විනිසුරුවන්ගේ විශ්රාම වයස දීර්ඝ කිරීම සඳහා රජය ගෙන ඇති යෝජනාවට ජාතික ජන බලවේගයේ විධායක සභාවේ සාමාජික, නීතිඥ ලාල් විජේනායක මහතා සිය දැඩි විරෝධය පළ කර සිටියි.
අද (27) පැවති මාධ්ය හමුවකදී අදහස් දක්වමින් ඒ මහතා අවධාරණය කළේ, තමා නියෝජනය කරන දේශපාලන ව්යාපාරය මෙහෙයවන රජයක මෙවැනි යෝජනාවකට තමා එරෙහි වන්නේ මූලධර්ම මත පදනම්ව බවයි.
“මම ජාතික ජන බලවේගයේ නායකත්ව මණ්ඩලයේ සහ විධායක සභාවේ ඉන්න කෙනෙක්. ඇයි මම මේකට විරුද්ධ වෙන්නේ. මම ඉන්න npp විධායක සභාවක හෝ වෙන කිසිම සභාවක විනිසුරු විශ්රාම වයස දීර්ඝ කරන මෙහෙම තීරණයක් අරන් නෑ. මම මේ ගැන ඇහැව්වම කිව්වා මට කට වහගෙන ඉන්න කියලා. මම අවුරුදු 55 ක් නීතීඥ වෘත්තියේ හිටියා. අවුරුදු 60 ක් වාමාංශික ව්යාපාරයේ හිටියා. මගේ දේශපාලනය ගොඩනැගුනෙ දර්ශනයක් ප්රතිපත්තියක් මත ශිෂ්ඨ සම්පන්න සමාජයක් වෙනුවෙන්.
අපි අධිකරණයේ ස්වාධීනත්වය ගැන කරපු එකම සටන මේක නෙමයි ෆීලීක්ස් ඩයස්, ජේ .ආර් ජයවර්ධන, නිහාල් ජයවික්රම වගේ අයත් එක්ක මට සටන් කලා. ඒ එකම අරමුණ ශිෂ්ඨ සම්පන්න සමාජයක් වෙනුවෙන් අධිකරණයේ ස්වාධීනත්වය සදහා. ඒ නිසා අදත් මම සටන් කරනවා ඒ වෙනුවෙන්. මේක හිතුවක්කාර අශිෂ්ඨ තීරණයක්.
මෙම කරුණ සම්බන්ධයෙන් තමා ප්රශ්න කළ අවස්ථාවේදී තමාට නිහඬව සිටින ලෙස බලපෑම් එල්ල වූ බවද ඔහු මෙහිදී අනාවරණය කළේය.
“මම මේ ගැන විමසූ විට මට ලැබුණු පිළිතුර වුණේ ‘කට පියාගෙන ඉන්න’ කියන එකයි,” යැයි ඔහු වැඩිදුරටත් සඳහන් කළේය.
විවිධ පාලන සමයන්හිදී අධිකරණයේ ස්වාධීනත්වය වෙනුවෙන් සටන් කළ තමා, වත්මන් යෝජනාවට එරෙහි වන්නේද එම කැපවීම මත පිහිටා බව ඔහු අවධාරණය කළේය.
මෙම තීරණය අත්තනෝමතික මෙන්ම අශිෂ්ට එකක් බව හඳුන්වා දුන් ඒ මහතා, අධිකරණයේ ස්වාධීනත්වය සුරැකීම වෙනුවෙන් තමා අඛණ්ඩව සටන් කරන බවද ප්රකාශ කළේය.
+++
+
Derana 360 | නීතිඥ රජීව් අමරසූරිය – සභාපති -ශ්රී ලංකා නීතිඥ සංගමය (27.07.2026)
+
Hiru TV Salakuna Live | Ajith P Perera | Episode 538 | 2026-07-27
+
මත්ද්රව්ය සමග කොටු වූ ප්රසිද්ධ උපකාරක පංති හිමිකරුට වැඩ වරදී
(27.07.2026 – hirunews.lk)
හොරණ නගරයේ ප්රධාන පෙළේ පෞද්ගලික උපකාරක පන්ති පවත්වන ස්ථානයක හිමිකරුවෙකු මත්ද්රව්ය ග්රෑම් 15 යි මිලිග්රෑම් 250 ක් සමගින් හොරණ මූලස්ථාන පොලිසිය මගින් ඊයේ (26) අත්අඩංගුවට ගෙන තිබෙනවා.
අත්අඩංගුවට ගෙන ඇත්තේ හොරණ නර්තනගල ප්රදේශයේ පදිංචි 44 හැවිරිදි පුද්ගලයෙක්.
සැකකරු අත්අඩංගුවට ගන්නා අවස්ථාවේදී ඔහු සන්තකයේ තිබී අයිස් මත්ද්රව්ය ග්රෑම් 15 යි මිලිග්රෑම් 250 ක්, මත්ද්රව්ය ජාවාරම සඳහා භාවිත කළ බවට සැක කෙරෙන ජංගම දුරකථනයක්, එම දුරකථනයට අදාළ සිම්පතක් සහ මත්ද්රව්ය කිරා බැලීමට භාවිත කරන ඉලෙක්ට්රොනික තරාදියක් ද අත්අඩංගුවට ගෙන තිබෙනවා.
සැකකරු හොරණ ප්රසිද්ධ ව්යාපාරිකයෙකුගේ පුත්රයෙකු වන අතර, දෛනිකව සිසුන් විශාල පිරිසක් අධ්යාපනය ලබන ප්රධාන පෙළේ උපකාරක පන්තියක හිමිකරු බවද විමර්ශනවලදී අනාවරණය වී තිබෙනවා.
හොරණ පොලිසියට අනුයුක්ත කොට්ඨාශ බුද්ධි අංශ නිලධාරීන්ට ලැබුණ තොරතුරක් මත මෙම වැටලීම සිදු කර ඇති අතර නිලධාරීන් සැකකරුගේ නර්තනගල පිහිටි නිවසට ගිය අවස්ථාවේදී ඔහු පලා යාමට උත්සාහ දරා ඇති අතර, සිදු කළ පරීක්ෂාවේදී ඔහු ඇඳ සිටි කලිසමේ දකුණු සාක්කුවේ විනිවිද පෙනෙන පොලිතින් කවරයක බහා තිබූ මත්ද්රව්ය තොගය සොයාගෙන තිබෙනවා.
සැකකරුට මීට පෙරද මත්ද්රව්ය සම්බන්ධ චෝදනා කිහිපයක් එල්ල වී ඇති බවට තොරතුරු අනාවරණය වී ඇති අතර, ඔහු සම්බන්ධයෙන් රැඳවුම් නියෝග ලබාගෙන වැඩිදුර ප්රශ්න කිරීමට නියමිතයි.
එමෙන්ම සැකකරු ප්රබල මත්ද්රව්ය ජාවාරම්කරුවන් සමඟ සම්බන්ධතා පවත්වාගෙන ගියේද, ඔහු මාර්ගයෙන් මත්ද්රව්ය බෙදාහැරීමේ ජාලයක් ක්රියාත්මක වූයේද යන්න සහ උපකාරක පන්තිවලටට පැමිණෙන දරුවන්ට ‘අයිස් මත්ද්රව්ය’ අලෙවි කළා ද යන්න පිළිබඳවද සොයා පොලිසිය පුළුල් විමර්ශනයක් ආරම්භ කර ඇති බවයි වාර්තා වෙන්නේ ෴
‘කොකේන් සහ කුෂ් මත්ද්රව්ය’ භාවිතයට දැඩි ලෙස ඇබ්බැහි වී සිටින නිලියන් රැසක් ගැන .. නළු පුතා ඔත්තුව දෙයි..
(27.07.2026 – lankacnews.com)
ප්රවීණ නාට්යවේදියකු සහ රංගන ශිල්පියකුගේ මෙන්ම ‘ජාතික ළමා ආරක්ෂක අධිකාරියේ’ උසස් නිලධාරිනියකගේ පුත්රයෙකු ඇතුළු තිදෙනෙකු (3), රුපියල් ලක්ෂ ගණනක් වටිනා ‘කුෂ් මත්ද්රව්ය’ කිලෝවකට (1) ආසන්න ප්රමාණයක් සමඟ කිරිබත්ගොඩ නගරයේදී අත්අඩංගුවට ගෙන තිබේ.
ත්රස්ත මර්දන හා විමර්ශන කොට්ඨාසයේ නිලධාරීන් විසින් සිදු කළ විශේෂ මෙහෙයුමකදී මොවුන් කොටු කරගෙන ඇත්තේ මෝටර් රථයකින් මෙම මත්ද්රව්ය තොගය ප්රවාහනය කරමින් සිටියදීය.
අත්අඩංගුවට ගත් සෙසු සැකකරුවන් දෙදෙනා (2) ප්රධාන සැකකරුගේ සමීප මිතුරන් වන අතර, ඉන් එක් (1) අයෙකු ඔහුගේ ඥාතියෙකු බවත් අනෙක් පුද්ගලයා (1) මෑතකදී ජපානයේ සිට මෙරටට පැමිණි අයෙකු බවත් පොලිසිය පවසයි.
විමර්ශනවලදී අනාවරණය වී ඇත්තේ 26 හැවිරිදි ප්රධාන සැකකරු කොකේන් භාවිතයට දැඩි ලෙස ඇබ්බැහි වූවෙකු බවයි.
මීට වසරකට (1) පමණ පෙර ඩුබායි සංචාරයක නිරතව සිටියදී හමුවූ පුද්ගලයෙකු මාර්ගයෙන් ඔහු මෙම ජාවාරමට සම්බන්ධ වී ඇති බව හෙළි වී තිබේ.
ඩුබායිහි සිටින මත්ද්රව්ය ජාවාරම්කරුවෙකුගේ මෙහෙයවීම මත මොහු මෙම ජාවාරම මෙරට තුළ ක්රියාත්මක කර ඇති අතර, තායිලන්ත ජාතිකයන් පිරිසක් විසින් මෙරටදී ඔහුට මත්ද්රව්ය තොග ලබා දී ඇති බවට තොරතුරු අනාවරණය වී ඇත.
පොලිස් ප්රශ්න කිරීම් හමුවේ සැකකරු විසින් තවත් ආන්දෝලනාත්මක තොරතුරු කිහිපයක් හෙළි කර තිබේ. ඒ අනුව, මෙරට ජනප්රිය රංගන ශිල්පිනියන් කිහිප දෙනෙකුම ‘කොකේන් සහ කුෂ් මත්ද්රව්ය’ භාවිතයට දැඩි ලෙස ඇබ්බැහි වී සිටින බව ඔහු ප්රකාශ කර ඇත.
මෙම සිද්ධිය සම්බන්ධයෙන් ත්රස්ත මර්දන හා විමර්ශන කොට්ඨාසය වැඩිදුර විමර්ශන පවත්වාගෙන යයි ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (ඕනෑම බසකින්) ලබාදෙන්න ෴