පොලිසියේ නමින් කෙරෙන මහා මූල්ය වංචාවක් ගැන පොලිසියෙන්ම දැනුම්දීමක්
වැවිලි සමාගම් තැන්පතු භාරගැනීම නීති විරෝධියි – මහ බැංකු අධිපති
සෙල්ෆි ඡායාරූපයක් ගන්න ගිය සිසුන් දෙදෙනෙක් (2) බෑවුමකින් ඇදවැටී මරුට
පොලිසියේ නමින් කෙරෙන මහා මූල්ය වංචාවක් ගැන පොලිසියෙන්ම දැනුම්දීමක්
(22.07.2026 – hirunews.lk)
පොලිස් නිලධාරීන්ගේ ඡායාරූප භාවිත කරමින් සහ ව්යාජ ලෙස පොලිස් නිලධාරීන් ලෙස පෙනී සිටිමින් සමාජ මාධ්ය ජාලා හරහා සිදුකරන මූල්ය අක්රමිකතාවලින් සහ වංචාවලින් ප්රවේශම් වන්නැයි ශ්රී ලංකා පොලිසිය මහජනතාවට දැනුම් දෙනවා.
අන්තර්ජාල WhatsApp සහ Telegram වැනි සමාජ මාධ්ය ජාල උපයෝගී කරගනිමින්, පොලිස් නිලධාරීන්ගේ ඡායාරූප යොදාගනිමින් සංවිධානාත්මක පිරිස් විසින් සිදුකරනු ලබන මූල්ය වංචාවන් පිළිබඳව නිතර පැමිණිලි ලැබෙමින් පවතින බවත්, මේ සම්බන්ධයෙන් පොලිසිය මගින් විමර්ශන සිදුකර සැකකරුවන් කිහිපදෙනෙකුම අත්අඩංගුවට ගෙන ඇති බවත් පොලිස් මූලස්ථානය සඳහන් කරනවා.
ශ්රී ලංකා මහ බැංකුවෙන්, අපරාධ පරීක්ෂණ දෙපාර්තමේන්තුවෙන් හෝ ශ්රී ලංකා පොලිසියේ විමර්ශන ඒකකයකින් බව පවසමින් ස්ථාවර හෝ ජංගම දුරකථන වෙත ඇමතුම් ලබා ගැනීම.
නොදන්නා ප්රදේශයකින් බැංකු කාඩ්පතක් ලබාගෙන ගෙවීම් පැහැර හැර ඇති බව හෝ අදාළ බැංකු ගිණුම් මුදල් විශුද්ධිකරණය (Money Laundering) සඳහා යොදාගෙන ඇති බැවින් නඩු පවරන බවට බියගැන්වීම.
රහස්ය විමර්ශනයක් සිදුකරන බව පවසමින්, උදව් කරන්නේ නම් මුදාහරින බව අඟවමින් WhatsApp හරහා ව්යාජ පොලිස් නිල ලාංඡන, ලියකියවිලි සහ නිලධාරීන්ගේ ඡායාරූප යොමු කිරීම.
‘Verification’ සඳහා අවහිර (Freeze) වූ ගිණුම් නිදහස් කිරීමට යැයි පවසමින් බැංකු ගිණුම්වලට ලොග් වීමට OTP අංක ලබාගැනීම, වෙනත් ගිණුම්වලට මුදල් මාරු කරවා ගැනීම හෝ USDT වැනි ක්රිප්ටෝ මුදල් (Cryptocurrency) හරහා මුදල් ගෙවන ලෙස බලපෑම් කිරීම ඔවුන් විසින් සිදුකරන බව වාර්තා වනවා.
එබැවින් මහජනතාවගේ ආරක්ෂාව සඳහා එවැනි තොරතුරු ලබාදීමෙන් වළකින්න ලෙසයි පොලිසිය ඉල්ලා සිටින්නේ.
කිසිදු රාජ්ය හෝ පෞද්ගලික ආයතනයක් දුරකථන ඇමතුම් හෝ WhatsApp හරහා ජාතික හැඳුනුම්පත් අංකය, බැංකු ගිණුම් විස්තර, කාඩ්පත් අංක, CVV අංකය, මුරපද හෝ OTP අංක ඉල්ලා නොසිටින අතර එවැනි තොරතුරු ඉල්ලන ඇමතුම් වංචනික බව තේරුම් ගත යුතුයි.
ගිණුම් අවහිර කරන බවට හෝ නඩු පවරන බවට පවසන තර්ජනවලට බිය වී වෙනත් ගිණුම්වලට මුදල් මාරු කිරීමෙන් වළකින්නැයිද යම් සැකයක් ඇත්නම් අදාළ බැංකුවේ හෝ ආයතනයේ නිල දුරකථන අංකය ඔස්සේ කතා කර තොරතුරු තහවුරු කරගන්නා ලෙස පොලිසිය දැනුම් දෙනවා.
ශ්රී ලංකා පොලිසිය, අපරාධ පරීක්ෂණ දෙපාර්තමේන්තුව හෝ ශ්රී ලංකා මහ බැංකුව කිසිවිටෙකත් පෞද්ගලික WhatsApp අංක හරහා විමර්ශන සිදු නොකරන අතර, බැංකු ගිණුම් අංක ලබා දී මුදල් තැන්පත් කරන ලෙස ඉල්ලා සිටින්නේ ද නැහැ.
එමෙන්ම නිල දැනුම්දීම් ලිඛිතව යොමු කෙරෙන අතර, අවශ්ය අවස්ථාවලදී නිල ඇඳුමින් සැරසුණු නිලධාරීන් පැමිණෙනු ඇති.
WhatsApp හෝ සමාජ මාධ්ය හරහා එවැනි ව්යාජ ලියකියවිලි ලදහොත් වහාම ආසන්නතම පොලිස් ස්ථානයට දැනුම් දෙන ලසයි පොලිසිය දැනුම් දෙන්නේ.
නොදන්නා පුද්ගලයින් හා සමාජ මාධ්ය ජාලා සබැඳි (Links) මගින් පළ කරනු ලබන අන්තර්ජාල දිනුම් සහ සැකකටයුතු යොමු භාවිතයෙන් වළකින ලෙසද දැනුම් දෙනවා.
මේ අතර ශ්රී ලංකා පොලිසිය විසින් කිසිදු විමර්ශනයක් සඳහා මහජනතාවගෙන් මුදල් අය කිරීමක් සිදු නොකරන බව පොලිස් මූලස්ථානය අවධාරණය කරනවා.
එබැවින්, පොලිස් නිලධාරීන් ලෙස පෙනී සිටිමින් හෝ විමර්ශන සඳහා යැයි පවසමින් මුදල් ලබාගැනීමට උත්සාහ කරන වංචනික පුද්ගලයින් හෝ කණ්ඩායම් සම්බන්ධයෙන් පහත දුරකථන අංක ඔස්සේ පරිගණක අපරාධ විමර්ශන කොට්ඨාසය වෙත වහාම දැනුම් දෙන ලෙස ඉල්ලා සිටිනවා.
- පරිගණක අපරාධ විමර්ශන කොට්ඨාසයේ අධ්යක්ෂ : 071 859 2918
- පරිගණක අපරාධ විමර්ශන කොට්ඨාසයේ නිලධාරීන් : 071 859 1765
- පරිගණක අපරාධ විමර්ශන කොට්ඨාසය (කාර්යාලය) : 011 230 0756
මේ අතර මෙවැනි වංචාවන් සම්බන්ධයෙන් අපරාධ පරීක්ෂණ දෙපාර්තමේන්තුව වෙත පැමිණ ලිඛිතව පැමිණිලි කිරීමේ හැකියාවද පවතින බව පොලිසිය වැඩිදුරටත් පවසනවා ෴
වැවිලි සමාගම් තැන්පතු භාරගැනීම නීති විරෝධියි – මහ බැංකු අධිපති
(22.07.2026 – hirunews.lk)
පාරිභෝගිකයන්ගෙන් තැන්පතු භාර ගනිමින් ප්රතිලාභ ගෙවනු ලබන වැවිලි සමාගම් පිළිගැනීමේ හෝ අනුමත කිරීමේ කිසිදු යාන්ත්රණයක් ශ්රී ලංකා මහ බැංකුව සතුව නොමැති බව මහ බැංකු අධිපති ආචාර්ය නන්දලාල් වීරසිංහ පවසනවා.
මුදල් ප්රතිපත්ති විග්රහය ඉදිරිපත් කිරීමේ මාධ්ය හමුවේදී හිරු ප්රවෘත්ති නැගූ ප්රශ්නයකට පිළිතුරු දෙමින් අධිපතිවරයා සඳහන් කළේ, එවැනි තැන්පතු ලබාගැනීමේ ක්රමවේද සඳහා මහ බැංකුවේ කිසිදු අනුමැතියක් හිමිව නොමැති බවයි.
මෙවැනි තැන්පතු ලබාගැනීමේ ව්යාපාර නීති විරෝධී ලෙස සලකන බවත්, ඒවායේ මුදල් ආයෝජනය කිරීමෙන් වළකින ලෙසත් මහ බැංකු අධිපතිවරයා ජනතාවගෙන් ඉල්ලා සිටිනවා.
දැනටමත් එවැනි යෝජනාක්රමවල මුදල් ආයෝජනය කර ඇත්නම්, එම මුදල් නැවත ලබාගැනීමට කටයුතු කරන ලෙසත්, එසේ කිරීමට නොහැකි වන්නේ නම් ඒ පිළිබඳව පොලිසියට හෝ මහ බැංකුවට පැමිණිලි කරන ලෙසයි ඔහු වැඩිදුරටත් උපදෙස් දුන්නේ.
මෙවැනි සමාගම්වලට නීත්යානුකූලව කටයුතු කිරීමට අවශ්ය නම්, මුදල් සමාගමක් (Finance Company) ලෙස ලියාපදිංචි වීම එකම විකල්පය බවත්, එසේ නොමැතිව තැන්පතු භාරගැනීම ශ්රී ලංකාව තුළ සම්පූර්ණයෙන්ම නීති විරෝධී බවයි මහ බැංකු අධිපතිවරයා වැඩිදුරටත් අවධාරණය කළේ ෴
සෙල්ෆි ඡායාරූපයක් ගන්න ගිය සිසුන් දෙදෙනෙක් (2) බෑවුමකින් ඇදවැටී මරුට
(22.07.2026 – hirunews.lk)
“සෙල්ෆි” ඡායාරූපයක් ලබා ගැනීමට උත්සාහ කළ සිසුන් දෙදෙනෙක් (2) බෑවුමකින් ඇද වැටී ජීවිතක්ෂයට පත්ව තිබෙනවා.
තෙල්දෙණිය – පන්විල, නකල්ස්වත්ත ප්රදේශයේ දිය ඇල්ලක් නැරඹීමට ගිය පාසල් සිසුන් දෙදෙනෙක් (2) මෙසේ අවාසනාවන්ත ලෙස මරණයට පත්ව ඇති බවයි පොලිසිය පැවසුවේ.
අදාළ ස්ථානයට සිසුන් පස් දෙනෙකු (5) ගොස් ඇති අතර ඔවුන් අතරින් අවුරුදු: 13 සහ 14 වයසේ පසුවූ දෙදෙනෙක් (2) මෙම අනතුරට ලක්ව මියගොස් ඇති බවද පොලිසිය සඳහන් කළා ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (ඕනෑම බසකින්) ලබාදෙන්න ෴