ඩෙංගු වසංගතය හේතුවෙන් පාසල් සිසුන්ට අත් සහ කකුල් වැසෙන ඇඳුම් ඇඳීමට අවසර
ඩෙංගු වසංගතය හේතුවෙන් පාසල් සිසුන්ට අත් සහ කකුල් වැසෙන ඇඳුම් ඇඳීමට අවසර
(12.07.2026 – hirunews.lk)
පාසල් සිසුන් ඩෙංගු මදුරු දෂ්ටනයෙන් වළක්වා ගැනීම සඳහා අධ්යාපන, උසස් අධ්යාපන සහ වෘත්තීය අධ්යාපන අමාත්යාංශය විසින් විශේෂ තීරණයක් ගෙන තිබෙනවා.
ඒ අනුව ඩෙංගු උවදුරෙන් සිසුන් ආරක්ෂා කරගැනීම වෙනුවෙන් පාසල තුළදී ක්රියාත්මක කළ යුතු ප්රධාන පියවර දෙකක් (2) අමාත්යංශය නිකුත් කළ නිවේදනයේ සඳහන් වනවා :
- පාසල් වේලාව තුළදී සිසුන්ගේ සාමාන්ය පාසල් නිල ඇඳුමට අමතරව, අත් සහ කකුල් සම්පූර්ණයෙන්ම වැසෙන සේ සුදුසු ඇඳුම් ඇඳීමට සිසුන්ට අවසර ලබා දෙන ලෙස සියලුම විදුහල්පතිවරුන්ට උපදෙස් දී තිබෙනවා.
- නිසි ප්රමිතියකින් යුත් මදුරු විකර්ශක (Mosquito Repellents) භාවිත කිරීම සඳහා සිසුන් දැනුවත් කරන ලෙස විදුහල්පතිවරුන්ගෙන් ඉල්ලා සිටිනවා.
ලෝකයේ දරුණුම වාහන තදබදය තිබෙන රටවල් අතරින් ලංකාවට 3 වැනි තැන
(12.07.2026 – hirunews.lk)
ලෝකයේ වඩාත්ම දරුණු රථවාහන තදබදයක් සහ මාර්ග අවහිරතාවක් පවතින රටවල් ශ්රේණිගත කිරීම්හි 3 වැනි ස්ථානයට ශ්රී ලංකාව පත්ව ඇති බව ජාත්යන්තර දත්ත වාර්තා අනාවරණය කරනවා.
ගෝලීය වශයෙන් ජීවන තත්ත්වයන් සහ පාරිභෝගික දර්ශක පිළිබඳ දත්ත රැස් කරන ප්රකට ‘Numbeo’ ආයතනය විසින් නිකුත් කරන ලද 2026 වසරේ මධ්ය කාලීන රථවාහන දර්ශකයට (Traffic Index by Country 2026 Mid-Year) අනුවයි ශ්රී ලංකාව තෙවැනි ස්ථානයට පත්ව ඇත්තේ.
මෙම නවතම ශ්රේණිගත කිරීමට අනුව ශ්රී ලංකාව ලකුණු 254.5 ක ඉහළ දර්ශක අගයක් වාර්තා කරමින් සමස්ත ලෝකයෙන්ම තෙවැනි (3) ස්ථානයට පත්ව ඇති අතර, ශ්රී ලංකාවට ඉදිරියෙන් පසුවන්නේ නයිජීරියාව සහ කොස්ටාරිකාව යන රටවල් දෙක (2) පමණයි.
සර්බියාව පදනම් කරගත් ‘Numbeo’ සබැඳි දත්ත පද්ධතිය මඟින් ලොව පුරා වෙසෙන සාමාන්ය ජනතාව සහ ගමන් බිමන් යන මගීන් සැබෑ ලෙස අත්විඳින තොරතුරු සෘජුවම උපයෝගී කර ගනිමින් මෙම වාර්තාව සකස් කර තිබෙනවා.
ඒ අනුව ලොව දරුණුම රථවාහන තදබදය සහිත රටවල් 10 වන්නේ :
01 නයිජීරියාව
02 කොස්ටාරිකාව
03 ශ්රී ලංකාව
04 බංග්ලාදේශය
05 කෙන්යාව
06 ඊජිප්තුව
07 පේරු
08 ඉරානය
09 ඉන්දියාව
10 කොලොම්බියාව
+
බන්ධනාගාර නිලධාරීන් ඝාතනය කර ඇත්තේ හිලෙන් වෙඩි තැබීමෙන් පසුවයි – මීගමුව සිද්දිය කණපිට හැරෙන කතාවක්
(12.07.2026 – lankacnews.com)
මීගමුව බන්ධනාගාරය තුළ පසුගියදා ඇති වූ දරුණු ගැටුමෙන් බන්ධනාගාර නිලධාරීන් අට දෙනෙකු (8) ඇතුළු පුද්ගලයන් 28 දෙනෙකු ජීවිතක්ෂයට පත්වීමේ සිද්ධිය පිටුපස ඇති අතිශය කෲර සහ අමානුෂික තොරතුරු රැසක් ‘මී මැස්සෝ’ යූ ටියුබ් නාලිකාව විසින් අනාවරණය කර තිබේ.
එම වාර්තාවලට අනුව, මෙම ගැටුම හුදෙක් අහඹු සිදුවීමක් නොව, බන්ධනාගාරය තුළ ක්රියාත්මක වූ මත්ද්රව්ය ජාවාරම් සහ රැඳවියන් අතර පැවති බල අරගලයක ප්රතිඵලයකි.
මීගමුව බන්ධනාගාර සිද්ධියේ දී ‘බන්ධ පොලිස්’ නිලධාරීන් ඝාතනය කර ඇත්තේ බන්ධනාගාරයේ යකඩ දොරටුව කඩා දමමින් ප්රධාන ලී දොරටුව ද කඩා රැඳවියන් පිටතට පැමිණීම වැළැක්වීමට සිදුකළ වෙඩි තැබීමෙන් අනතුරුව බව මේ වන විට සිදු කරන ලද විමර්ශනවලදී අනාවරණය වී තිබෙන බවත් එම වෙඩි තැබීමෙන් අනතුරුව බන්ධනාගාරය තුළට ප්රවේශ වූ නිලධාරීන් ඉලක්ක කර ගනිමින් බන්ධනාගාරය තුළ සිටි රැඳවියන් විසින් අමානුෂික ආකාරයෙන් ප්රහාරයක් එල්ල කර ඇති බව ද සිදුකරන ලද මූලික විමර්ශනවලදී හෙළි ව ඇති බව මාධ්යවේදී කල්ප ගුණරත්න මහතා අනාවරණය කර තිබේ.
බන්ධනාගාරයේ විනය පවත්වාගෙන යාමට නිලධාරීන් ගත් උත්සාහය හමුවේ, ‘කටුවැල්ලේගොඩ සුරේෂ්’ නමැති රැඳවියා ඇතුළු පිරිසක් නිලධාරීන් සමඟ ඇති කරගත් ආරවුලක් මෙම සමූහ ඝාතනය දක්වා දුරදිග ගොස් ඇත.
සිද්ධිය වූ දින රැඳවියන් පිරිසක් බන්ධනාගාරයේ ප්රධාන යකඩ දොරටුව කඩාගෙන පිටතට ඒමට උත්සාහ කර ඇති අතර, එය වැළැක්වීම සඳහා බන්ධනාගාර නිලධාරියෙකු විසින් වෙඩි තැබීමක් සිදු කර තිබේ.
මෙම වෙඩි තැබීමෙන් පසු තත්ත්වය පාලනය කිරීමට බන්ධනාගාර අභ්යන්තරයට ඇතුළු වූ නිලධාරීන් පිරිසක් රැඳවියන්ගේ දරුණු ප්රහාරයකට ලක්ව ඇත.
මෙහිදී බන්ධනාගාර නිලධාරීන් ඝාතනය කර ඇත්තේ අතිශය ම්ලේච්ඡ අන්දමින් බව එම නාලිකාව පෙන්වා දෙයි.
එක් නිලධාරියෙකුගේ හිස සින්ක් එකක ගසා ඝාතනය කර ඇති අතර, තවත් නිලධාරීන්ගේ ලිංගික අවයව පවා කපා දමමින් වධහිංසා පමුණුවා ඇති බව හෙළි වී තිබේ.
මල් පෝච්චි, යකඩ බට සහ විවිධ උපකරණ යොදා ගනිමින් රැඳවියන් විසින් මෙම සමූහ ඝාතනය මෙහෙයවා ඇත.
මෙම සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව (CID) සහ බන්ධනාගාර දෙපාර්තමේන්තුව මගින් මේ වන විටත් පුළුල් විමර්ශන ආරම්භ කර තිබේ.
බන්ධනාගාරය තුළ තිබූ වැදගත් ලේඛන සහ උපකරණ රැසක් ද රැඳවියන් විසින් විනාශ කර ඇති අතර, සිද්ධියට අදාළ වැඩිදුර වාර්තා ඉදිරියේදී මීගමුව මහේස්ත්රාත් අධිකරණයට ඉදිරිපත් කිරීමට නියමිතය.
මෙම පුවත මගින් මෙරට බන්ධනාගාර පද්ධතියේ පවතින අනාරක්ෂිත බව සහ රැඳවියන්ගේ ප්රචණ්ඩකාරී හැසිරීම් පිළිබඳව සමාජය තුළ දැඩි කතාබහක් නිර්මාණය කර ඇත.
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴