ඉදිරි උසස් පෙළ විභාගයේ පිළිතුරු පත්ර ඇගයීමෙන් විශ්වවිද්යාල ආචාර්යවරු ඉවත් වීමේ සූදානමක
ඉදිරි උසස් පෙළ විභාගයේ පිළිතුරු පත්ර ඇගයීමෙන් විශ්වවිද්යාල ආචාර්යවරු ඉවත් වීමේ සූදානමක
(10.07.2026 – 15:36 +0530 – sinhala.adaderana.lk)
2026 වසරේ පළමු ශ්රේණියට සිසුන් ඇතුළත් කිරීමේ නව චක්රලේඛය හේතුවෙන් විශ්වවිද්යාල ආචාර්යවරුන්ගේ දරුවන්ට දැඩි අසාධාරණයක් සිදුව ඇති බව විශ්වවිද්යාල ආචාර්යවරුන්ගේ සමිති සම්මේලනය පවසයි.
මේ සම්බන්ධව මෙන්ම විශ්වවිද්යාල ආචාර්යවරුන්ගේ ගැටලු සම්බන්ධව අවස්ථා කිහිපයකදීම රජය සමග සාකච්ඡා කළත් මෙතෙක් විසඳුම් ලබා නොදීම හේතුවෙන් එළැඹෙන උසස් පෙළ විභාගයේ පිළිතුරු පත්ර ඇගයීමට සම්බන්ධ වීම ගැන තීරණයක් ගැනීමට සිදුවන බව එම සමිති සම්මේලනයේ සභාපති මහාචාර්ය ප්රගීත් වීරතුංග මහතා සඳහන් කළේය.
ඒ අනුව පසුගිය දින පැවැති විශ්වවිද්යාලවල සියලු ආචාර්ය සංගම් එකතුව ප්රධාන රැස්වීමක් පැවැත්වුව බවත් පැවසූ ඒ මහතා එහිදී වෘත්තිය ක්රියාමාර්ගවලට අනුගත වීම සඳහා ඒකමතික තීරණය කළ බවද මෙහිදී සඳහන් කළේය.
එමෙන්ම සාමාන්ය අධ්යාපන කටයුතුවලට සම්බන්ධ සියලුම ස්වේච්ඡා වැඩකටයුතුවලින් ඉවත් වීමටත් තීරණය කර ඇති බවත් පැවසූ ඒ මහතා ඉදිරියේදී පැවැත්වීමට නියමිත උසස් පෙළ විභාගයේ පිළිතුරු පත්ර ඇගයීම සම්බන්ධයෙන් ද තීරණයක් ගන්නා බවද වැඩිදුරටත් අදහස් දක්වමින් සඳහන් කළේය.
එහිදී වැඩිදුරටත් අදහස් දැක්වූ මහාචාර්ය ප්රගීත් වීරතුංග මහතා :
“අපි පෙරේදා (08) දිනයේදී සියලුම විශ්වවිද්යාලවල ඉන්න ආචාර්ය සංගම් එකතු වෙලා අපේ ප්රධාන රැස්වීම අපි පැවැත්වුවා. ඒ රැස්වීමේදි අපි ඒකමතිකව තීරණය කළා අපි වෘත්තිය ක්රියාමාර්ගවලට යනවා. මොකද අවුරුදු එකහමාරක් තිස්සේ සාකච්ඡා කරලා ඒ සාකච්ඡාවේ ප්රතිඵලය විශ්වවිද්යාල ආචාර්යවරයාගේ දරුවා පාසලට දාගන්න බැරි නම් මේ ආණ්ඩුවත් එක්ක තවදුරටත් සාකච්ඡා කරලා තේරුමක් නෑ. ඒ නිසා අපි මූලික වශයෙන් මුලින්ම යම් යම් වෘත්තිය ක්රියාමාර්ගවලට යන්න අපි තීරණය කළා. විශේෂයෙන්ම සාමාන්ය අධ්යාපන කටයුතුවලට සම්බන්ධ සියලූම ස්වේච්ඡා වැඩවලින් ආචාර්යවරු ඉවත් වෙන්න. විශය නිර්දේශ ප්රතිසංස්කරණය, මොඩියුල් ප්රතිසංස්කරණය, ගුරු පුහුණුව, සම්මන්ත්රණ ආදී මේ කියන මේ හැමදේකටම විශ්වවිද්යාල ආචාර්යවරු ස්වචේඡාවෙන් සම්බන්ධ වෙන්නේ. මේ කටයුතුවලින් අපි ඉවත් වෙන්න තීරණය කළා. සති දෙකක කාලයක් මේ රජයට ලබා දෙනවා සති දෙකක කාලයක් ඇතුළත අපිට නිසි ප්රතිචාරයක් නොලැබුණහොත් අපි තීරණය කරනවා ඉදිරියේදී එන උසස් පෙළ විභාගයේ පිළිතුරු පත්ර ඇගයීමට අපි සම්බන්ධ වෙනවාද නැද්ද කියන එක ගැන.”
වැඩිම ඩෙංගු රෝගීන් ගම්පහෙන් – සමස්තය 66,000 ඉක්මවයි
(10.07.2026 – hirunews.lk)
දිවයිනේ ඩෙංගු රෝගීන් වැඩි වශයෙන්ම වාර්තා වන දිස්ත්රික්කය බවට ගම්පහ දිස්ත්රික්කය පත්ව තිබෙනවා.
මෙතෙක් වැඩිම ඩෙංගු රෝගීන් සංඛ්යාවක් වාර්තා වූයේ කොළඹ දිස්ත්රික්කයෙන් වූ අතර ජාතික ඩෙංගු මර්දන ඒකකය සඳහන් කළේ ගෙවුණු දිනයේදී ද දිවයින පුරා ඩෙංගු රෝගීන් 1000 සීමාව ඉක්මවා වාර්තා වී ඇති බවයි.
බස්නාහිර පළාත තුළ තවදුරටත් ඩෙංගු රෝගීන් වාර්තාවීම වැඩි වශයෙන් සිදුවන අතර එම අගය 52.07% ක ප්රතිශතයක් බව ජාතික ඩෙංගු මර්දනය ඒකකය සඳහන් කළා.
එවන් පසුබිමක ගෙවුණු දිනය තුළ පමණක් වාර්තා වූ ඩෙංගු රෝගීන් ගණන 1030 ක්.
ඒ අනුව, 2026 වසරේ මේ දක්වා කාලය තුළ වාර්තා වී ඇති සමස්ත ඩෙංගු රෝගීන් ගණන 66,064 ක් වන අතර ජුලි මාසයේ මේ දක්වා කාලය තුළ පමණක් වාර්තා වී ඇති ඩෙංගු රෝගීන් ගණන 10,685ක් බව ජාතික ඩෙංගු මර්දනය ඒකකය සදහන් කළා.
එසේම, එහි වැඩබලන අධ්යක්ෂ කපිල කන්නන්ගර කියා සිටියේ මේ වන විට රටපුරා වාර්තා වූ ඩෙංගු මරණ සංඛ්යාව ද 46 ක් දක්වා ඉහළ ගොස් ඇති බවයි.
මේ අතර, රුහුණ විශ්වවිද්යාල තුළ ද ඩෙංගු රෝගය වැළදුණු සිසුන් 50 දෙනෙකු වාර්තා වී ඇති බවත්, අද (10) දිනය වනවිට පමණක් ඩෙංගු රෝගය වැළදුණු සිසුන් 6 දෙනෙකු වාර්තා වී ඇති බවත් එම විශ්ව විද්යාලයේ මහා ශිෂ්ය සංගමයේ සභාපති චමිල් උදයන්ත කියා සිටියා.
කෙසේ වෙතත්, පවතින ඩෙංගු අවදානම සැලකිල්ලට ගනිමින් කොළඹ විශ්ව විද්යාලයේ සියලු අධ්යයන කටයුතු අද සිට ලබන 15 වනදා දක්වා මාර්ගගත ක්රමයට සිදු කෙරෙන අතර මොරටුව විශ්ව විද්යාලය සහ සෞන්දර්ය කලා විශ්ව විද්යාලය ද මේ වනවිට තාවකාලිකව වසා දමා තිබෙනවා.
මේ අතර, ජාතික ඩෙංගු මර්දන වැඩසටහනට සමගාමීව අධි අවදානම් කලාපවල විශේෂ ඩෙංගු වැඩසටහන් තවදුරටත් ක්රියාත්මක කෙරෙනවා ෴
ඔබ මතට ලොල් වූ අයෙක් නම් දැන්ම 076 962 7761 අමතන්න (10.07.2026)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴