2025 අ.පො.ස. උසස් පෙළ නැවත සමීක්ෂණ ප්රතිඵල නිකුත් කෙරේ
(05.07.2026 – hirunews.lk)
2025 අධ්යයන පොදු සහතික පත්ර උසස් පෙළ විභාගයේ නැවත සමීක්ෂණ ප්රතිඵල අද (05) දින අන්තර්ජාලය වෙත නිකුත් කර තිබෙනවා.
ඒ අනුව, අදාළ ප්රතිඵල ශ්රී ලංකා විභාග දෙපාර්තමේන්තුවේ නිල වෙබ් අඩවි වෙත පිවිසීමෙන් පරීක්ෂා කළ හැකි බවයි එම දෙපාර්තමේන්තුව නිවේදනයක් නිකුත් කරමින් සඳහන් කරන්නේ.
එහිදී නිල වෙබ් අඩවි ලෙස,
https://doenets.lk/ සහ https://results.exams.gov.lk/ වෙබ් අඩවි භාවිත කළ හැකියි.
ඒ සඳහා සිසුන්ට තමන්ගේ විභාග අංකය (Index Number) හෝ ජාතික හැඳුනුම්පත් අංකය (NIC Number) ඇතුළත් කළ යුතු වෙනවා.
මෙම නැවත සමීක්ෂණ ප්රතිඵල සම්බන්ධයෙන් යම්කිසි විමසීමක් හෝ ගැටලුවක් පවතින්නේ නම්, විභාග දෙපාර්තමේන්තුවේ පාසල් විභාග සංවිධාන හා ප්රතිඵල ශාඛාව අමතා තොරතුරු ලබාගත හැකි අතර, ඒ සඳහා පහත දුරකථන අංක භාවිත කළ හැකියි.
ක්ෂණික ඇමතුම් අංකය : 1911
පාසල් විභාග සංවිධාන හා ප්රතිඵල ශාඛාව : 011 278 4208 / 011 278 4537 / 011 278 5922
ෆැක්ස් අංකය : 011 278 4422
හොර නමක් හදාගෙන විජේදාස ඩොලර් මිලියන 250 කට විදලා.. ගෑනියෙක් උස්සන් ගිහින් ඒ ගැනීට ඩොලර් මිලියන 4.5 දුන්නා (02.07.2026)
+
අකුරේගොඩ නීතීඥ යුවළ ඝාතනයේ මෝටර් රථ රියදුරු මාලදිවයිනේදී අත්අඩංගුවට : රතු නිවේදනයක් මත ලංකාවට රැගෙන එයි
(05.07.2026 – hirunews.lk)
අකුරේගොඩ ප්රදේශයේ සුපිරි වෙළඳසැලක් ඉදිරිපිටදී නීතීඥවරයෙකු සහ ඔහුගේ බිරිඳ වෙඩි තබා ඝාතනය කිරීමේ සිද්ධියට සම්බන්ධ ප්රධාන සැකකරුවෙකු වන ‘සිහින දිල්සර’ නැමැත්තා මාලදිවයිනේදී අත්අඩංගුවට ගෙන දිවයිනට රැගෙන විත් තිබෙනවා.
ශ්රී ලංකා පොලිසියේ විශේෂ කණ්ඩායමක් විසින් ඔහුව (04) දින සවස කටුනායක ජාත්යන්තර ගුවන් තොටුපොළෙන් මෙරට වෙත රැගෙන එනු ලැබුවා.
ගාල්ල, බටපොළ, ඇත්කඳුර ප්රදේශයේ පදිංචි 23 හැවිරිදි වියේ පසුවන අදාල සැකකරු, අදාළ ඝාතනය සිදුකිරීම සඳහා වෙඩික්කරුවන් පැමිණි මෝටර් රථයේ රියදුරු ලෙස කටයුතු කර ඇති බවට තහවුරු වී තිබෙනවා.
සැකකරු මාලදිවයිනේ මාලේ නුවර සිට ශ්රී ලන්කන් ගුවන් සේවයේ යූ.එල්. 116 දරන ගුවන් යානයෙන් මෙරටට රැගෙනවිත් ඇති අතර, ගුවන් තොටුපොළේදී අපරාධ පරීක්ෂණ දෙපාර්තමේන්තු (CID) නිලධාරීන් විසින් සැකකරුගෙන් ප්රකාශ සටහන් කර ගැනීමෙන් අනතුරුව, වැඩිදුර විමර්ශන කටයුතු සඳහා බස්නාහිර දකුණ අපරාධ කොට්ඨාශය වෙත භාරදී තිබෙනවා ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴