ව්යාජ විදෙස් ගමන් බලපත්රයක් සකස් කරදුන් ජනාධිපති කාර්යාලයේ ජ්යේෂ්ඨ සහකාර ලේකම්වරයා රිමාන්ඩ්
ව්යාජ විදෙස් ගමන් බලපත්රයක් සකස් කරදුන් ජනාධිපති කාර්යාලයේ ජ්යේෂ්ඨ සහකාර ලේකම්වරයා රිමාන්ඩ්
(27.06.2026 – 14:08 +0530 – sinhala.adaderana.lk)
මධ්යම අපරාධ විමර්ශන කාර්යාංශය මගින් අත්අඩංගුවට ගත් ජනාධිපති ලේකම් කාර්යාලයේ පාර්ලිමේන්තු හා අමාත්ය මණ්ඩල අංශයේ ජ්යේෂ්ඨ සහකාර ලේකම්වරයා එළඹෙන 30 වනදා දක්වා රක්ෂිත බන්ධනාගාරගත කර තිබේ.
එම කාර්යාංශයේ රඳවාගෙන ප්රශ්න කරන ‘කරන්දෙණියේ රාජු’ නම් අපරාධකරුට විදෙස්ගතවීම සඳහා වෙනත් පුද්ගලයෙකුගේ නමින් ව්යාජ විදෙස් ගමන් බලපත්රයක් සකස් කරදීමේ සිද්ධියක් සම්බන්ධයෙන් ඔහුව අත්අඩංගුවට ගෙන තිබුණි.
ඒ අනුව සැකකරු අද (27) මාලිගාකන්ද මහේස්ත්රාත් අධිකරණයට ඉදිරිපත් කිරීමෙන් පසු මෙලෙස රක්ෂිත බන්ධනාගාරගත කිරීමට නියෝග කෙරුණි.
‘කරන්දෙණියේ සුද්දා’ නම් අපරාධකරුගේ සහෝදරයා වන ‘කරන්දෙණියේ රාජු’ පසුගියදා ඩුබායි රාජ්යයෙන් පිටුවහල් කිරීමෙන් අනතුරුව මෙරටට රැගෙන එනු ලැබීය.
ඒ අනුව, සැකකරු මේ වනවිට මධ්යම අපරාධ විමර්ශන කාර්යාංශයේ රඳවාගෙන විමර්ශන සිදුකරන අතර එහිදී ඔහුට විදේශගතවීම සඳහා වෙනත් පුද්ගලයෙකුගේ නමකින් විදෙස්ගමන් බලපත්රයක් සැකසීම සම්බන්ධයෙන්ද විමර්ශන නිලධාරීන්ගේ අවධානය යොමුව තිබුණි.
එහිදී අනාවරණ වී ඇත්තේ 2023 වසරේ ආගමන විගමන දෙපාර්තමේන්තුවේ විදේශ දූත මණ්ඩල අංශයේ නියෝජ්ය පාලකවරයා වශයෙන් සේවය කළ පුද්ගලයෙකු අදාළ ගුවන් ගමන් බලපත්රය සකස්කරදී ඇති බවය.
ඔහු පිළිබඳව සිදුකළ විමර්ශනවලදී අනාවරණ වී ඇත්තේ, එම පුද්ගලයා මේ වනවිට ජනාධිපති ලේකම් කාර්යාලයේ පාර්ලිමේන්තු හා අමාත්ය මණ්ඩල අංශයේ ජ්යේෂ්ඨ සහකාර ලේකම්වරයෙකු ලෙස කටයුතු කරමින් සිටින බවය.
ඒ අනුව 41 හැවිරිදි මහනුවර ප්රදේශයේ පදිංචිකරුවකු වන අදාළ සැකකරු මධ්යම අපරාධ විමර්ශන කාර්යංශයේ මනුෂ්ය ඝාතන හා සංවිධානාත්මක අපරාධ විමර්ශන අංශය විසින් අත්අඩංගුවට ගෙන තිබුණි.
+
දන්සල්වලදී ප්ලාස්ටික් භාවිතයෙන් වළකින්න : PHI සංගමයෙන් අනතුරු ඇඟවීමක්
(27.06.2026 – hirunews.lk)
පොසොන් පොහොය නිමිත්තෙන් දිවයින පුරා දන්සල් විශාල ප්රමාණයක් ලියාපදිංචි වී ඇතැයි ශ්රී ලංකා මහජන සෞඛ්ය පරීක්ෂකවරුන්ගේ සංගමයේ වැඩබලන සභාපති උපුල් රෝහණ පවසනවා.
වෙසක් පොහොයට සාපේක්ෂව මෙවර දන්සල් විශාල ප්රමාණයක් ලියාපදිංචි වී ඇති බවත් ඉන් වැඩිම දන්සල් ප්රමාණයක් ලියාපදිංචි වී ඇත්තේ උතුරු මැද පළාතෙන් බවයි ඔහු සඳහන් කළේ.
දන්සල් ලබා දීමේදී ප්ලාස්ටික් සහ පොලිතින් භාවිතයෙන් වැළකී සිටීම වැදගත් බවද ඔහු අවධාරණය කළා.
ප්ලාස්ටික් භාජනවල උණුසුම් පානයන් සහ ආහාර ලබා දීම සම්බන්ධයෙන් විශේෂ පරීක්ෂා කිරීම් සිදුකරන බවයි ඔහු පැවසුවේ.
උණුසුම් සහ සිසිල් ආහාර පොලිතින් තුළ ගබඩා කිරීම සෞඛ්යමය වශයෙන් ඉතා අවදානම් සහගත බවද ඔහු පෙන්වා දුන්නා.
මේ අතර පවතින ඩෙංගු අධි වසංගත තත්ත්වය හමුවේ දන්සල් සඳහා පොලිතින් සහ ප්ලාස්ටික් භාවිතය ඍජු බලපෑමක් එල්ල කළ හැකි බවටද ඔහු අනතුරු අඟවනවා.
මේ පිළිබඳව අදහස් දක්වන උපුල් රෝහණ :
“අපි කලින් අවස්ථාවලදි දැකලා තියෙනවා විශේෂයෙන් කෝපි දන්සල් සහ බීම දන්සල් වැනි පාන වර්ග ලබා දීමේදී භාවිතා කරන කප් හැමතැනම විසිරෙන ආකාරයට බැහැර කරනවා. ඒ නිසා අපි ඒ ගැන විශේෂ අවධානය යොමු කරන්න කියලා ඉල්ලනවා. මොකද මේ විසිරෙන භාජනවලින් ඩෙංගු මදුරුවන් ඇතිවීමේ අවධානමක් තියෙනවා” ෴
මනෝරි සලේ ගැන විශේෂ අනාවරණයක් | ජවිපෙ පාතාල සබඳතා හෙළි වෙයි (27.06.2026)
+++
සලේට හෘදයාබාධයක් : පවුලේ ආරංචි මාර්ග
(27.06.2026 – hirunews.lk)
ජාතික බුද්ධි සේවයේ හිටපු ප්රධානී මේජර් ජෙනරාල් (විශ්රාමික) සුරේෂ් සලේ හෘදයාබාධයක් හේතුවෙන් කොළඹ ජාතික රෝහලේ හෘද රෝග ඒකකයට ඇතුළත් කර තිබෙනවා.
පවුලේ ආරංචි මාර්ග වාර්තා කරන්නේ ඔහු හදිසියේ රෝගාතුර වීමෙන් අනතුරුව රෝහල්ගත කිරීමට පියවර ගත් බවයි.
මේ වන විට ඔහු රෝහලේ විශේෂිත වෛද්ය අධීක්ෂණය යටතේ ප්රතිකාර ලබමින් සිටිනවා.
+++
+
NDB බැංකුවේ සැක ගණුදෙනුවෙන් සිදුවූ පාඩුව රු. බිලියන 13.5 ක් බවට ඉන්දීය Deloitte ආයතනයෙන් තහවුරු කරයි
(27.06.2026 – hirunews.lk)
ජාතික සංවර්ධන බැංකුව (NDB) තුළ සිදුවූ බව කියන මූල්ය වංචාවක් සම්බන්ධයෙන් සිදුකෙරෙන වෝහාරික සමාලෝචනයක (Forensic Review) අතුරු වාර්තාවක් එම බැංකුව වෙත ලැබී ඇති බව ඔවුන් නිවේදනය කරනවා.
ඒ අනුව මෙම විගණන කටයුතු සිදු කරනු ලබන්නේ ‘ඩෙලොයිට් ටූෂ් ටෝමාට්සු ඉන්දියා’ (Deloitte Touche Tohmatsu India LLP) ආයතනය විසින් වන අතර එම වාර්තාවේ සඳහන් කරුණු, මූලික සහ දර්ශක මට්ටමේ පවතින බවත්, වාර්තාවේ රහස්යභාවය ගිවිසුම අනුව සුරකින බවත් NDB බැංකුව අදාළ නිවේදනය හරහා පවසනවා.
කෙසේ වෙතත්, මේ දක්වා සිදුකර ඇති පරීක්ෂණ අනුව, අදාළ සැකකටයුතු ගනුදෙනුවල මුළු වටිනාකම රුපියල් 13,579,664,684/- (රුපියල් බිලියන 13.5 කට අධික) ක් බවත් එම බැංකුව හෙළිදරව් කරනවා.
මෙම සිදුවීමට අදාළව NDB බැංකුව විසින් මීට පෙර අප්රේල් 02, 06 සහ 23 යන දිනවලදී ද කොටස් වෙළඳපොළට තොරතුරු වාර්තා කර තිබුණු අතර සිද්ධිය සම්බන්ධයෙන් ඉදිරියේදී අවශ්ය පරිදි වැඩිදුර තොරතුරු ලබා දෙන බවයි NDB බැංකුව අදාළ නිවේදනය හරහා වැඩිදුරටත් සඳහන් කරන්නේ ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴