අල්ලස් කොමිසමේ අධ්යක්ෂ ජනරාල්ට එරෙහිව වහාම විනය පරීක්ෂණයක් පවත්වන්න – ඒකාබද්ධ විපක්ෂය ඉල්ලයි
අල්ලස් කොමිසමේ අධ්යක්ෂ ජනරාල්ට එරෙහිව වහාම විනය පරීක්ෂණයක් පවත්වන්න – ඒකාබද්ධ විපක්ෂය ඉල්ලයි
(28.05.2026 – hirunews.lk)
අල්ලස් හෝ දූෂණ විමර්ශන කොමිෂන් සභාවේ වත්මන් අධ්යක්ෂ ජනරාල් රංග දිසානායකට එරෙහිව වහාම ක්රියාත්මක වන පරිදි විනය පරීක්ෂණයක් පවත්වන ලෙස ජනතාවාදී ඒකාබද්ධ විපක්ෂය විසින් එම කොමිෂන් සභාවේ සභාපති විනිසුරු ඩබ්ලිව්.එම්.එන්.පී. ඉද්දවෙලගෙන් ලිඛිත ඉල්ලීමක් කර තිබෙනවා.
2026 මැයි 26 වැනි දිනැතිව යොමු කර ඇති මෙම ලිපිය මගින් ඔවුන් පෙන්වා දෙන්නේ, අධ්යක්ෂ ජනරාල්වරයා කොමිෂන් සභාවේ නියෝග හා විධානයන්ට අනුකූලව කටයුතු කළ යුතු අතර, ඔහුගේ විනය බලධාරියා වන්නේ ද කොමිෂන් සභාවම බවයි.
අධ්යක්ෂක ජනරාල්වරයාගේ ක්රියා කලාපය පිළිබඳව විශාල ගැටලුවක් පැන නැගී ඇති බවත්, ඔහු අත්තනෝමතික ලෙස පක්ෂග්රාහීව සිය රාජකාරී කටයුතු ඉටු කරන බවට පැමිණිලි රාශීයක් සමාජගත වී ඇති බවත්, ඔවුන් එම ලිපියෙහි සඳහන් කර තිබෙනවා.
එබැවින් ඔහුට එරෙහිව පියවර ගැනීමට කොමිෂන් සභාවට පූර්ණ බලතල ඇති බව එම සංවිධානය අවධාරණය කරනවා.
දූෂණ විරෝධී පනතේ 19(2)(අ) හා (ඉ) වගන්ති අනුව කොමසාරිස් ජනරාල්වරයා යම් බරපතල විෂමාචාරයක් හෝ පනතේ ඔහු වෙත පැවරී ඇති බැඳීම ක්රියාත්මක කිරීමට අපොහොසත් වුවහොත් තවදුරටත් අධ්යක්ෂක ජනරාල්වරයා ලෙස කටයුතු කළ නොහැකි බවයි ඔවුන් පෙන්වා දී ඇත්තේ.
එසේම දැනට අධ්යක්ෂක ජෙනරාල්වරයා විසින් කර ඇතැයි කියනු ලබන බලවත් විෂමාචාරයක් පිළිබඳව මියගිය කපිල චන්ද්රසේන විසින් කරන ලද අනාවරණයක් පිළිබඳව තොරතුරු ඔවුන් වෙත ලැබී ඇති බව ඒකාබද්ධ විපක්ෂය සඳහන් කරනවා.
කපිල චන්ද්රසේන විසින් ඔහු ජීවත්ව සිටියදී අධිකරණය වෙත ලබාදෙන ලද දිවුරුම් ප්රකාශය අනුව, ඔහු අල්ලස් හෝ දූෂණ විමර්ශන කොමිෂන් සභාව වෙත පැමිණි අවස්ථාවකදී, අධ්යක්ෂ ජනරාල් රංග දිසානායක විසින් තර්ජනාත්මක ස්වරූපයෙන් ඔහු අමතා ඇති බව එම ලිපියේ සඳහන් කර තිබෙනවා.
එහිදී හිටපු ජනාධිපති මහින්ද රාජපක්ෂ සහ පාර්ලිමේන්තු මන්ත්රී නාමල් රාජපක්ෂගේ නම් මෙම සිදුවීමට අදාල බව ප්රකාශ කරන ලෙස අධ්යක්ෂ ජනරාල්වරයා බලපෑම් කර ඇති බවයි එමගින් චෝදනා කර ඇත්තේ.
තවද, මීට පෙර කෙහෙළියගේ නඩුවට පැමිණි අයෙකුට තමන් චාන්ස් දෙකක් දුන් බවත්, එය නොගත් බැවින් ඔහු නඩු පැවරීමට පෙර දින එල්ලී මැරුණු බවත් පවසමින් අධ්යක්ෂ ජනරාල්වරයා තමන්ට තර්ජන එල්ල කළ බව කපිල චන්ද්රසේන සිය දිවුරුම් ප්රකාශයෙන් සඳහන් කර ඇති බවයි ඔවුන් සඳහන් කරන්නේ.
එසේම එම දිවුරුම් ප්රකාශයේ සඳහන් කරුණු සත්ය නම් අල්ලස් හෝ දූෂණ විමර්ශන කොමිෂන් සභාව පිළිබඳව බරපතල සැකයක් හා අවිශ්වාසයක් ජනතාව තුළ ඇතිවන බව පැහැදිලි වන අතර, රංග දිශානායකගේ ක්රියා කලාපය බලවත් විෂමාචාරයක් වන බව ද පැහැදිලි බවයි එම ලිපියේ දැක්වෙන්නේ.
මෙම දිවුරුම් ප්රකාශයේ සඳහන් කරුණු වල සත්ය අසත්යතාවය ඔවුන් නොදන්නා බවත්, එහෙයින් මේ පිළිබඳව විමර්ශනයක් පවත්වා එහි සඳහන් කරුණු වල සත්ය අසත්යතාවය තහවුරු කර ගනිමින් අවශ්ය කටයුතු ඒ අනුව ඉටු කිරීම කොමිෂන් සභාව සතු පරම යුතුකමක් හා වගකීමක් ලෙස පෙන්වා දෙන බවත් එම ලිපියේ වැඩිදුරටත් සඳහන් කර තිබෙනවා ෴
+++
අල්ලස් කොමිසම උණුසුම් තත්ත්වයක් – ඒකබද්ධ විපක්ෂය අල්ලස් කොමිසම හොල්ලයි – රංගව අත්අඩංගුවට ගන්න (28.05.2026)
+
බාල ගල්අඟුරු නැවේ පිටුපස කතාව සහ අලුත් ඇමැතිගේ තීරණය (28.05.2026)
+
ශ්රී ලංකා ටෙලිකොම් එකේ ෆයිබර් කේබල් උපකරණ ලක්ෂ 20 ක් පෑලියගොඩ ගබඩාවේ දිරනවා (28.05.2026)
+
නාමල් සැර වෙයි – තග දාලා ආණ්ඩු බලය තියාගන්න ආවොත් අපි බලාගන්නම් (28.05.2026)
+
සංගීත් තවත් රට රවට්ටන්නේ නැතුව ඔයා කිව්ව යාළුවගේ සල්ලි ගේන්නකෝ (28.05.2026)
+
සංගීත් විජේසුරිය ඩොලර් මිලියන 23 ක් ගේන්න හැදුවේ කළු සල්ලි, ත්රස්තවාදී අරමුදල්? (28.05.2026)
+
මහින්ද දිනා දුන් සාමය අනුර ඉවර කරයිද ? නොගැලපෙන අසමත් මිනිහෙක් ජනාධිපති වීමේ ප්රතිපල (28.05.2026)
+
තමන් කියන දේවල්වලට මේගොල්ලො වගකියනවද ? නැහැ නේද ? (28.05.2026)
+
රාජිතලා නං මේ දේශපාලනයේ දැන් ඇති නේද ? ඇත්තටම ඕගොල්ලන්ට දැන් කවුද ඡන්දෙ දෙන්නේ ? (28.05.2026)
+
අනුර රජවෙන්න පනත් සංශෝදනයක් ලොකු වැඩ පරිස්සමින් (28.05.2026)
+
සංගීත්ගේ ඩොලර් අමුඩයෙන් වහන්න හැදූ ආණ්ඩුවේ හෙළුව! දෙසැම්බරයේ ඇත්ත කතාව (28.05.2026)
+
අනුරලා බොරු නඩු පටලවලා සුජීවගේ කට වපු හැටි (28.05.2026)
+
US$ vs LKR | Aluth Parliamenthuwa | 2025.05.27
+
වෙසක් දන්සල් සඳහා සෞඛ්ය අමාත්යාංශයෙන් මාර්ගෝපදේශ මාලාවක්
(28.05.2026 – hirunews.lk)
උදාවීමට නියමිත වෙසක් සහ පොසොන් පොහොය නිමිත්තෙන් දිවයින පුරා පවත්වනු ලබන දන්සල්වල ආහාර සුරක්ෂිතතාව සහ සෞඛ්යාරක්ෂිත බව තහවුරු කිරීම වෙනුවෙන් සෞඛ්ය හා ජනමාධ්ය අමාත්යාංශය විසින් විශේෂ මාර්ගෝපදේශ මාලාවක් නිකුත් කර තිබෙනවා.
එහිදී, සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධනගේ අත්සනින් යුතුව සියලුම පළාත් සහ ප්රාදේශීය සෞඛ්ය සේවා අධ්යක්ෂවරුන්, ජාතික සෞඛ්ය විද්යායතනයේ අධ්යක්ෂවරයා සහ සියලුම සෞඛ්ය වෛද්ය නිලධාරීන් වෙත මෙම උපදෙස් මාලාව යොමු කර ඇති බවයි එම නිවේදනයේ සඳහන්.
ඒ අනුව දන්සල් සංවිධායකවරුන් විසින් අනිවාර්යයෙන්ම පිළිපැදිය යුතු ප්රධාන කරුණු ලෙස,
සියලුම දන්සල් මහජන සෞඛ්ය පරීක්ෂක (PHI) කොට්ඨාස මට්ටමින් අදාළ සෞඛ්ය වෛද්ය නිලධාරී (MOH) කාර්යාලයේ ලියාපදිංචි කළ යුතු අතර, දන්සල පවත්වන ස්ථානය, සංවිධායකයන්ගේ නම, ලිපිනය සහ දුරකථන අංක වැනි මූලික තොරතුරු ලියාපදිංචියේදී ඇතුළත් කළ යුතුයි.
සෞඛ්යාරක්ෂිතව දන්සල් පැවැත්වීම පිළිබඳව දන්සල් සංවිධායකයන්ව නිසි ලෙස දැනුවත් කිරීමට සෞඛ්ය බලධාරීන් කටයුතු කළ යුතු අතර, සෞඛ්ය වෛද්ය නිලධාරීන් හා මහජන සෞඛ්ය පරීක්ෂකවරුන් විසින් දන්සල් පරීක්ෂා කිරීමේදී, 2011 ආහාර (ස්ථානීය රෙගුලාසි) වලට අනුකූලව කටයුතු කරන බවට වගබලා ගත යුතු බවත් එම නිවේදනයේ සඳහන්.
දන්සල් ආරම්භ කිරීමට ප්රථම සහ දන්සල පවතින අතරතුරදී මහජන සෞඛ්ය පරීක්ෂකවරුන් විසින් එම ස්ථාන පරීක්ෂා කර සෞඛ්යාරක්ෂිත බව සහ පරිසර සෞඛ්යයට හානි නොවන බව තහවුරු කරගත යුතු බවත්, දන්සල ආරම්භයේ සිට අවසානය දක්වාම නිසි කසළ කළමනාකරණ වැඩපිළිවෙළක් ක්රියාත්මක කළ යුතු බවත් එහි දැක්වෙනවා.
තවද, හැකි සෑම විටම ජාතික ජල සම්පාදන හා ජලාපවහන මණ්ඩලයේ නල ජලය දන්සල්වල ආහාර සැකසීමට සහ පරිභෝජනයට යොදාගත යුතු බවත් එසේ නොහැකි අවස්ථාවලදී ආරක්ෂිත ජල මූලාශ්රවලින් ජලය ලබාගැනීමට කටයුතු කළ යුතු බවත් සෞඛ්ය අමාත්යංශය සඳහන් කරනවා.
න්සල ආශ්රිතව ආහාර අනුභවය සිදු කරන අවස්ථාවලදී අත් සේදීම සඳහා ජල පහසුකම් සහ අත් පිරිසිදුකාරක (Sanitizers / Soap) සපයා ඇති බව සහතික කළ යුතු අතර, දන්සල්වල ආහාර පිළියෙල කිරීම සහ පරිභෝජනය අතර කාලය පැය 04කට වඩා වැඩි නොවිය යුතු බවත් එම නිවේදනයේ සඳහන්.
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴