මඩකලපුවේ හෝටල් කාමරයක හටගත් ගින්නක දුමාරය ආග්රහණය වීමෙන්, එකම පවුලේ දරුවන් දෙදෙනෙකු ජීවිතක්ෂයට
මඩකලපුවේ හෝටල් කාමරයක හටගත් ගින්නක දුමාරය ආග්රහණය වීමෙන්, එකම පවුලේ දරුවන් දෙදෙනෙකු ජීවිතක්ෂයට
(27.05.2026 – 19:16 +0530 – sinhala.adaderana.lk)
මඩකලපුව ප්රදේශයේ හෝටල් කාමරයක හටගත් ගින්නක දුමාරය ආග්රහණය වීමෙන්, එකම පවුලේ දරුවන් දෙදෙනෙකු (2) අද (27) ජීවිතක්ෂයට පත්ව තිබේ.
මෙලෙස මරණයට පත්ව ඇත්තේ අවුරුදු 3 ක පිරිමි දරුවෙකු සහ අවුරුදු 5 ක ගැහැණු දරුවෙකු ය.
මියගිය දරුවන්ගේ මව පිළිකා රෝගී තත්ත්වයක් හේතුවෙන් මඩකලපුව රෝහලේ නේවාසිකව ප්රතිකාර ලබමින් සිට ඇත.
බදුල්ල ප්රදේශයේ පදිංචිකරුවන් වන මෙම දරුවන් දෙදෙනා (2), තම පියා සමග මව බැලීම සඳහා පැමිණි අවස්ථාවේ මෙලෙස හෝටලයේ තාවකාලිකව නැවතී සිට තිබේ.
එලෙස සිටියදී පියා විසින් දරුවන් දෙදෙනා (2) කාමරය තුළ තබා, එහි දොර අගුළු දමා පිටතට ගොස් ඇත.
එම අවස්ථාවේදී දරුවන් දෙදෙනා (2) ලයිටරයක් ආධාරයෙන් සෙල්ලම් කරමින් සිට ඇති අතර, එහිදී ඇඳන් දෙකක් (2) තිබූ එම කාමරයේ එක් ඇඳකට හදිසියේම ගිනි ඇවිලී තිබේ.
ගින්නෙන් බියට පත් වූ කුඩා දරුවන් දෙදෙනා (2) ගිනි නොගත් අනෙක් ඇඳ යටට රිංගා සැඟවී තිබේ.
හෝටල් කාමරයෙන් අධික ලෙස දුමක් පිටවනු දුටු හෝටල් සේවකයින් සහ අවට සිටි පිරිස් වහා ක්රියාත්මක වී කාමරයේ දොර කඩා ඇතුළු වී ඇත.
ඒ වන විටත් අධික දුමාරය හේතුවෙන් දරුවන් දෙදෙනා (2) ඇඳ යට සිහිසුන්ව වැතිර සිට ඇති අතර, වහාම ඔවුන්ව රෝහල්ගත කිරීමට පියවර ගත්තද, ඒ වන විටත් දරුවන් ජීවිතක්ෂයට පත්ව සිටි බව වාර්තා වේ.
සිද්ධිය සම්බන්ධයෙන් පොලිසිය වැඩිදුර විමර්ශන සිදුකරනු ලබයි ෴
මාලිමා ආණ්ඩුවේ තවත් ගල් අඟුරු වංචාවක් ගැන ඩී.වී. චානකගෙන් අති විශේෂ හෙළිදරව්වක් (27.05.2026)
+
ඇමරිකාව ඉරානයට ගියොත් අඩුම 15,000 ක් ඇමරිකන් සෙබළු මැරෙනවා (27.05.2026)
+
වැඩි පඩියකට රැකියා දෙනවා කියා පිරමීඩ ජාවාරමට සල්ලිත් එකතු කරලා | පොලිස් නමේ දැලි ගෑවෙන සිද්ධියක් මේක (27.05.2026)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴