ශ්රීලන්කන් හිටපු ප්රධාන විධායක නිලධාරී (CEO) කපිල චන්ද්රසේන සියදිවි හානි කරගනී
ශ්රීලන්කන් හිටපු ප්රධාන විධායක නිලධාරී (CEO) කපිල චන්ද්රසේන සියදිවි හානි කරගනී
(08.05.2026 – 09:01 +0530 – sinhala.adaderana.lk)
ශ්රීලන්කන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන සිය දිවි නසා ගැනීම හේතුවෙන් ජීවිතක්ෂයට පත්වී ඇති බව පොලිසිය පවසයි.
පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වුට්ලර් පැවසුවේ කොල්ලුපිටිය පේද්රිස් පෙදෙසේ අංක 38 දරන නිවසේදී ගෙල වැළලාගෙන සියදිවි නසා ගෙන සිටියදී ඔහුගේ සිරුර හමුවූ බවය.
කපිල චන්ද්රසේන ප්රශ්නගත එයාර් බස් ගනුදෙනුව සම්බන්ධයෙන් වන නඩුවට අදාළව ඇප ලබා මුදාහැර සිටියේය.
කෙසේ නමුත් අධිකරණයේ විශ්වාසය කැඩූ බවට චෝදනා එල්ල වී ඔහුව යළි අත්අඩංගුවට ගන්නා ලෙස අධිකරණය විසින් ඊයේ (07) නියෝගයක් නිකුත් කර තිබුණි.
+++
Air Bus ගණුදෙනුවේදී මහින්ද රාජපක්ෂගේ නමත් එළියට දාපු කපිල චන්ද්රසේන අභිරහස් ලෙස මියයයි (08.05.2026)
+++
+++
කපිල චන්ද්රසේන නිවසේ දොරක එල්ලී ගෙල වැලලාගෙන.. ඔහු ඊයේ (07) රාත්රි සිට ඇත්තේ අරවින්ද සිල්වාගේ නිවසේ..
(08.05.2026 – lankacnews.com)
ශ්රී ලංකන් ගුවන් සමාගමේ හිටපු විධායක නිලධාරී කපිල චන්ද්රසේන අද (08) උදෑසන කොල්ලුපිටිය ප්රදේශයේ පිහිටි සිය නිවස තුළ මියගොස් සිටියදී සොයාගෙන තිබේ.
පොලිස් මාධ්ය ප්රකාශක සහකාර පොලිස් අධිකාරී එෆ්.යු. වුට්ලර් සඳහන් කළේ, කොල්ලුපිටිය පේද්රිස් පෙදෙසේ පිහිටි අංක 37 දරන නිවසේ දොරක එල්ලී ඔහු සියදිවි හානිකරගෙන ඇති බවයි.
ඊයේ (07) රාත්රී කාලයේදී ඔහු සිය මස්සිනා වන හිටපු ප්රවීණ ක්රිකට් ක්රීඩක අරවින්ද ද සිල්වාගේ නිවසේ ලැගුම් ගෙන සිට ඇති බවද අනාවරණය වී ඇත.
කපිල චන්ද්රසේනගේ මරණය සිදුව ඇත්තේ ඔහුට එරෙහිව අධිකරණ නියෝගයක් නිකුත් වී තිබූ පසුබිමක ය.
ශ්රී ලංකන් ගුවන් සමාගමට එයාර් බස් යානා මිලදී ගැනීමේ ගනුදෙනුවේදී අමෙරිකානු ඩොලර් මිලියන 2 ක අල්ලසක් ලබාගැනීම සම්බන්ධයෙන් ඔහුට එරෙහිව නඩුවක් විභාග වෙමින් පවතියි.
මෙම නඩුවට අදාළව ඇප මත මුදාහැර සිටි ඔහු, ඇපකරුවන් සම්බන්ධයෙන් අධිකරණයේ විශ්වාසය කඩකළ බවට චෝදනා එල්ල විය. ඒ අනුව, ඔහුව යළි අත්අඩංගුවට ගන්නා ලෙස අධිකරණය ඊයේ (07) නියෝගයක් නිකුත් කර තිබුණි.
ඔහු වෙනුවෙන් පෙනී සිටින නීතිඥවරයෙකු පැවසුවේ, අධිකරණ නියෝගයට අනුව මෝසමක් මාර්ගයෙන් අද (08) දිනයේදී කපිල චන්ද්රසේන අධිකරණයට භාර වීමට නියමිතව සිටි බවයි ෴
+
ව්යාජ ඩොලර් සමඟ විදේශිකයින් දෙදෙනෙකු (2) අත්අඩංගුවට
(08.05.2026 – 08:39 +0530 – sinhala.adaderana.lk)
ව්යාජ අමෙරිකානු ඩොලර් සන්තකයේ තබාගෙන සිටි විදේශිකයින් දෙදෙනෙකු (2) හබරාදූව පොලීසිය විසින් අත්අඩංගුවට ගෙන තිබේ.
පොලිසිය සඳහන් කළේ, ඊයේ (07) හබරාදූව පොලිස් වසමේ පිලල්ල ප්රදේශයේ ලැගුම්හලක නවාතැන්ගෙන සිටි මෙම විදේශිකයින් දෙදෙනා (2) විසින් ව්යාපාරික ස්ථානයකට ගනුදෙනුවක් සඳහා ව්යාජ අමෙරිකානු ඩොලර් 400 ක මුදලක් ලබාදුන් බවට ලද පැමිණිල්ලකට අනුව විමර්ශන ආරම්භ කළ බවයි.
ඒ අනුව සිදු කළ පරීක්ෂාවේදී, සංචාරක වීසා මත මෙරට රැඳී සිටි සැකකරුවන් සන්තකයේ තිබී තවත් ව්යාජ අමෙරිකානු ඩොලර් 5,200 ක් සොයාගෙන තිබේ.
එම සිද්ධිය සම්බන්ධයෙන් වයස අවුරුදු 26 සහ 27 වන තජිකිස්තාන ජාතිකයින් දෙදෙනෙකු (2) අත්අඩංගුවට ගෙන ඇති අතර, ඔවුන් ව්යාජ විදෙස් මුදල් සන්තකයේ තබා ගැනීමේ චෝදනාව මත රඳවාගෙන ප්රශ්න කරමින් සිටින බව පොලීසිය සඳහන් කළේය.
සිද්ධිය සම්බන්ධයෙන් හබරාදූව පොලිසිය වැඩිදුර විමර්ශන සිදු කරයි ෴
මහින්ද – ගෝඨා – නාමල් – චාමර – දයාසිරි – විමල් ප්රබයෝ එකම වේදිකාවක දී මුණට මුණ හමුවෙයි (08.05.2026)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴