දෙහිවල ව්යාපාරික ස්ථානයකට ඇතුළු වූ ගෑණු 6 ක් සහ පිරිමි 4 ක් සේවකයින්ට පහරදී රුපියල් ලක්ෂ 13 කට අධික මුදලක් පැහැරගනී
(07.05.2026 – hirunews.lk)
ව්යාපාරික ස්ථානයකට තියුණු ආයුධ සහ යකඩ පොලු රැගෙන ඇතුළු වූ කාන්තාවන් හය දෙනකු (6) ඇතුළු දස දෙනෙකු (10) ගෙන් යුත් කොල්ලකරුවන් පිරිසක් සේවකයින්ට පහරදී රුපියල් ලක්ෂ 13 කට අධික මුදලක් කොල්ලකා පලා ගොස් ඇතැයි දෙහිවල පොලිසිය සඳහන් කරනවා.
ඉකුත් 04 වැනිදා සවස 06:30 ට පමණ නාඳුනන පිරිමි පුද්ගලයෙකු හා කාන්තාවක් රූපවාහිනි යන්ත්රයක් මිලදී ගැනීමට බව පවසා ව්යාපාරික ස්ථානයට ඇතුළු වී ඒ සඳහා රුපියල් 45,000 ක මුදලක් අයකැමි වෙත ලබා දී ඇති බවයි පොලිසිය සඳහන් කරන්නේ.
ඔවුන් වෙත රූපවාහිනි යන්ත්රය ලබාදීම සඳහා එය පරීක්ෂා කරමින් සිටියදී ප්රමාද වන බව පවසා එහි සේවකයින් සමග බහින්බස්වීමක් ඇති කරගෙන ලබා දුන් මුදල් ආපසු ලබාගෙන පිටව ගොස් තිබෙනවා.
ඉන් මද වෙලාවකට පසු එම කාන්තාව සහ පිරිමි පුද්ගලයා තවත් කාන්තාවන් සහ පිරිමි පුද්ගලයන් කීප දෙනෙකු සමග වෙළෙඳසලට ඇතුළු වී එහි සිටි සේවකයන්ට පහරදී බෑගයක දමා තිබූ රුපියල් 1,309,000 ක මුදල කොල්ලකා පලා ගොස් තිබූ බවයි පොලිස් විමර්ශනවලදී අනාවරණය වී ඇත්තේ.
කොල්ලකරුවන් පිරිස නැවත පා ගමනින්ම දුම්රිය මාර්ගය ඔස්සේ පලා ගොස් ඇති බව පොලිස් විමර්ශනවලදී වැඩිදුරටත් අනාවරණය වී තිබෙනවා.
එසේම කොල්ලකරුවන්ගේ අදාළ ක්රියාකාරකම් සීසීටීවී කැමරාවල සටහන්ව ඇති බව පොලිසිය පවසනවා.
සිද්ධිය සම්බන්ධයෙන් දෙහිවල පොලිසිය වැඩිදුර පරීක්ෂණ පවත්වනවා.
+
ලාෆ්ස් ගෑස් මිල රුපියල් 545 කින් ඉහළට
(06.05.2026 – 21:38 +0530 – sinhala.adaderana.lk)
අද (6) මධ්යම රාත්රියේ සිට ක්රියාත්මක වන පරිදි ලාෆ්ස් ගෑස් මිල ඉහළ දමා තිබේ.
ඒ අනුව කිලෝග්රෑම් 12.5 ගෘහස්ථ ගෑස් සිලින්ඩරයක මිල රුපියල් 545 කින් ඉහළ දමා ඇති අතර, එහි නව මිල රු. 6,245 ක් වේ.
එමෙන්ම කිලෝග්රෑම් 5 ගෑස් සිලින්ඩරයක මිලද රුපියල් 220 කින් ඉහළ දමා ඇති අතර, එහි නව මිල රු. 2,500 කි ෴
WARNING: බැංකු ගිණුම්වල අවදානම තවත් ඉහළට! BANKUWA | බංකුව (07.05.2026)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴