වැලිකඩ රැඳවියෙකු මියයාමේ සිදුවීමට බන්ධනාගාර නියාමකයින් තිදෙනෙකු (3) අත්අඩංගුවට
වැලිකඩ රැඳවියෙකු මියයාමේ සිදුවීමට බන්ධනාගාර නියාමකයින් තිදෙනෙකු (3) අත්අඩංගුවට
(05.05.2026 – 09:34 +0530 – sinhala.adaderana.lk)
මත්ද්රව්ය චෝදනාවකට අදාළව වැලිකඩ බන්ධනාගාරයේ රඳවා සිටි රැඳවියෙකු මියයාමේ සිද්ධියට අදාළව එම බන්ධනාගාරයේ නියාමකවරුන් තිදෙනෙකු (3) අත්අඩංගුවට ගෙන තිබේ.
බොරැල්ල පොලිසිය මගින් ඔවුන් අත්අඩංගුවට ගෙන ඇති බව පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වුට්ලර් මහතා පැවසුවේය.
මියගිය රැඳෙවියා පසුගිය තුන්වන දින (03) වැලිකඩ බන්ධනාගාරයේ සුද්ධ පවිත්ර කිරීමේ කටයුත්තක් අතරතුර පලාගොස් තිබූ අතර එහිදී එම රැදෙවියා බන්ධනාගාර නිලධාරීන් විසින් යළි සිය භාරයට ගෙන තිබුණි.
පසුව රැඳවියා හදිසියේ රෝගාතුර වී තිබූ අතර ඔහු රෝහල්ගතව ප්රතිකාර ලබමින් සිටියදී මෙලෙස මියගොස් ඇත.
කෙසේවෙතත් අදාළ රැඳවියාගේ ඥාතීන් චෝදනා කළේ බන්ධනාගාර නිලධාරීන් විසින් ඔහුට පහරදීමක් සිදුකර ඇති බවය.
ඒ අනුව සිද්ධියට අදාළව වැලිකඩ බන්ධනාගාර නියාමකවරුන් තිදෙනෙකු (3) මෙලෙස අත්අඩංගුවට ගෙන ඇත.
සිද්ධිය සම්බන්ධයෙන් බොරැල්ල පොලිසිය වැඩිදුර විමර්ශන සිදුකරයි ෴
ටිල්වින් සීයේ අපිට කුණු බිත්තර ගහලා අපිව නවත්වන්න බෑ – අපි උඹලගේ පැලවත්තේ මැරයන්ට බය නෑ යකෝ (05.05.2026)
+
පල්ලේගම හේමරතන හිමි අත්අඩංගුවට ගැනීමට කළ ඉල්ලීම යට ගිය හැටි | දැරිය සියල්ල හෙළිකරයි (05.05.2026)
+
159 ට මම මේ කියන්නේ .. හරිද? ගිහින් ජනාධිපතිටත් කියන්න – නාමල් 159 යටම ඇඟිල්ල දික් කරලා දුන්න අනතුරු ඇඟවීම (05.05.2026)
+
හොරකමක් වෙලා තියෙනවා .. ඒකේ දෙකක් නෑ | මෙතන හොරා කවුද? | ඩොලර් මිලියන ගාණක සිද්ධිය ගැන හර්ෂ කට අරී (05.05.2026)
+
අධිකරණයේ ස්වාධීනත්වයට තර්ජනයක් මතුවී ඇති බව විපක්ෂය කියයි
(05.05.2026 – 14:24 +0530 – sinhala.adaderana.lk)
රජය අධිකරණය ඉලක්ක කර ගනිමින් කරනු ලබන ප්රකාශ වහාම නතර කළ යුතු බවට විපක්ෂයේ මන්ත්රීවරුන් ඉල්ලීමක් සිදු කරනු ලබයි.
විපක්ෂ නායක කාර්යාලයේ මාධ්ය ඒකකය නිවේදනයක් නිකුත් කරමින් පෙන්වා දෙන්නේ, පසුගිය මැයි රැලියේදී ජනාධිපතිවරයා කළ ප්රකාශය ඉල්ලා අස්කරගත යුතු බවය.
මේ මස 25 වනදා අධිකරණය විසින් ප්රකාශයට පත් කරනු ලබන නඩු තීන්දුවකින් අනතුරුව අත්පොලසන් නැගීමට සූදානම් වන ලෙස ජනාධිපතිවරයා කළ ප්රකාශය සම්බන්ධයෙන් සිය අවධානය යොමු කරමින් ඔවුන් මේ බව සඳහන් කරයි.
මෙම ප්රකාශය ස්වාධීන අධිකරණ ක්රියාදාමයට එල්ල කළ බරපතළ තර්ජනයක් බව ඔවුන් පෙන්වා දෙයි.
අධිකරණයේ ස්වාධීනත්වයට ගරු කිරීමට වචනයෙන් හා ක්රියාවෙන් ජනාධිපතිවරයා ප්රමුඛ ආණ්ඩුව ක්රියා කළ යුතුය.
අදාළ ප්රකාශය අධිකරණය විධායකයේ අභිමතයට යටත් කරගැනීමට දරන උත්සාහයක් ලෙස දකින බව ද විපක්ෂයේ මන්ත්රීවරුන් සඳහන් කරති.
ජනාධිපතිවරයා විසින් සිදු කළ එම ප්රකාශයෙන් ගම්ය වන්නේ අධිකරණය මගින් ලබාදීමට නියමිත නඩු තීන්දුවක් පිළිබඳව පෙර දැනුමක් ජනාධිපතිවරයාට ඇති බවය.
යුක්තිය ඉටුවීම පමණක් නොව එය ඉටුවීම පැහැදිලිව හා නිසැකවම පෙනෙන්නට තිබීම අපගේ ආණ්ඩුක්රම ව්යවස්ථා පද්ධතියේ මූලික මූලධර්මයකි.
අධිකරණය වගකීමට බැඳී ඇත්තේ ආණ්ඩුක්රම ව්යවස්ථාවට මිස විධායකයට නොවන බවත්, ශ්රී ලංකාවේ අධිකරණයට බලය ලබා දෙන්නේ ජනතාවගෙන් සහ ආණ්ඩුක්රම ව්යවස්ථාවෙන් මිස ජනාධිපතිවරයෙකුගේ, ඇමතිවරයෙකුගේ හෝ කිසිදු දේශපාලන සන්ධානයක අභිමතය පරිදි නොවේ.
මෙරට මහජනතාව තවමත් ගෞරවය භුක්ති විඳින ආයතන කිහිපයෙන් එකක් වන්නේ අධිකරණයයි.
මෙවැනි ප්රකාශ තුළින් අධිකරණය ආරක්ෂා කර ගැනීම සඳහා ප්රජාතන්ත්රවාදී රාමුව තුළ තමන් උපරිම ලෙස කැප වන බව අවධාරණය කරන බව විපක්ෂය නිකුත් කළ නිවේදනයේ වැඩිදුරටත් දැක්වේ ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴