බැංකු ගිණුම් කොල්ලකන නවතම ඩිජිටල් ජාවාරමක් පිළිබඳ පොලිසියෙන් දැනුම්දීමක්
බැංකු ගිණුම් කොල්ලකන නවතම ඩිජිටල් ජාවාරමක් පිළිබඳ පොලිසියෙන් දැනුම්දීමක්
(26.04.2026 – hirunews.lk)
බැංකු ගිණුම් කොල්ලකන නවතම ඩිජිටල් ජාවාරමක් පිළිබඳ තොරතුරු අනාවරණ කරගැනීමට පොලිසිය සමත්ව තිබෙනවා.
යම් අයෙකු එවැනි වංචාවකට හසු වූයේ නම් වහාම බැංකු ගිණුම් අත්හිටුවා ළඟම ඇති පොලිස් ස්ථානයට හෝ අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන කොට්ඨාසයට දැනුම් දෙන ලෙසයි පොලිසිය දැනුම් දෙන්නේ.
මෙහිදී සිදුවන්නේ නාඳුනන අංකයකින් හෝ ඔබේ මිතුරෙකුගේ නමින් වුවද ලැබෙන සැකකටයුතු ‘.apk’ නමැති ගොනුවක් ඔබ ඩවුන්ලෝඩ් හා විවෘත කළහොත් සිය ජංගම දුරකථනයේ පාලනය හැකර්වරුන් අතට පත්වීමයි.
ඒ ඔස්සේ SMS පණිවිඩ, OTP කේත වැනි සංවේදී තොරතුරු හැකර්වරුන්ට නිරාවරණය වීමෙන් බැංකු ගිණුම්වල ඇති මුදල් පවා කොල්ලකෑමට අවස්ථාව පවතිනවා.
සමාජ මාධ්ය ඔස්සේ ලැබෙන මංගල ආරාධනා පත්ර, විදුලි බිල්පත් හෝ දිනුම් ඇදීම් ලෙස හැඟවෙන නම් වලින් එවන මෙම apk ගොනු, රූපසටහනක් හෝ PDF එකක් යැයි සිතා Click කළ සැණින් ස්මාර්ට් දුරකථනයට Mobile App එකක් ලෙස Install වීම සිදුවනවා.
තමන්ට ලැබෙන SMS පණිවිඩ කියවීමට මේ හරහා ඔවුන්ට අවස්ථාව ලැබෙන අතර, සිය බැංකු ගිණුම් වලට අදාළ රහසිංගත OTP කේතයන් පවා නොදැනුවත්වම හැකර්වරුන්ගේ අතට පත්විය හැකියි.
මේ හේතුවෙන් නාඳුනන අංකයකින් හෝ සිය මිතුරෙකුගේ නමින් වුවද ලැබෙන මෙවැනි සැකකටයුතු ‘.apk’ ගොනු කිසිවිටෙකත් Download කිරීම හෝ විවෘත කිරීම නොකළ යුතු බව පොලිසිය දැනුම් දෙනවා.
තම දුරකථනයට අවශ්ය Mobile Apps ලබාගැනීමේදී සැමවිටම Google Play Store හෝ Apple App Store පමණක් භාවිතා කළ යුතු බවත්, ජංගම දුරකථන Settings තුළ ඇති Install Unknown Apps යන්න අක්රිය කර තැබීමත් අවශ්ය බවත් උපදෙස්වල වැඩිදුරටත් සඳහන් ෴
කොල්ලය ගැන හෙලිකළ ‘ෆ්රී ලෝයර්ස්’ සංවිධානය තවත් තොරතුරු රැසක් එළියට දායි. මුදල් ඩුබායි හරහා ගිය තැන? (26.04.2026)
+
එංගලන්ත රැකියා සිහින පෙන්වා රු. ලක්ෂ 27 ක් වංචා කළ කතුන් දෙදෙනෙක් (2) දැලේ
(26.04.2026 – hirunews.lk)
එක්සත් රාජධානියේ එළවළු ගොවිපළක රැකියා ලබාදෙන බව පවසා හොරණ ප්රදේශයේ පුද්ගලයෙකුගෙන් රුපියල් ලක්ෂ විසි හතකට (27) ආසන්න මුදලක් වංචා කිරීමේ සිද්ධියකට සම්බන්ධ මෙරට නියෝජිත කාන්තාවන් දෙදෙනෙකු (2) හොරණ විශේෂ අපරාධ විමර්ශන ඒකකය මගින් අත්අඩංගුවට ගෙන තිබේ.
අත්අඩංගුවට පත්ව ඇත්තේ ගනේමුල්ල සහ තඹුත්තේගම ප්රදේශවල පදිංචි කාන්තාවන් දෙදෙනෙක් (2).
පිළිමතලාව හෝ මහනුවර ප්රදේශයේ පදිංචි, ‘දූල්ලෑව’ නමැති ව්යාජ නමකින් පෙනී සිටින ප්රධාන සැකකරුගේ මෙහෙයවීම මත මෙම වංචාව සිදුව ඇති බව පොලිසිය පවසනවා.
ප්රධාන පෙළේ ඇඟලුම් ආයතනයක මානව සම්පත් කළමනාකරුවකු ලෙස සේවය කරන පෝරුවදණ්ඩ ප්රදේශයේ පදිංචිකරුවෙකු විසින් පසුගිය 2025 වසරේ දෙසැම්බර් 04 වැනිදා කරන ලද පැමිණිල්ලකට අනුව මෙම විමර්ශන ආරම්භ කර ඇතැයි පොලිසිය පවසනවා.
පැමිණිලිකරුගේ එංගලන්තයේ වෙසෙන ඥාතියෙකුට මුණගැසුණු සූපවේදියෙකු මාර්ගයෙන් මෙම ‘දූල්ලෑව’ නැමැත්තා හඳුන්වා දී තිබෙනවා.
තමන් එංගලන්තයේ එළවළු ගොවිපළ දෙකක (2) සහ ආපනශාලා 11 ක හිමිකරුවකු බව පවසා ඇති සැකකරු, රැකියාව සඳහා මුලින් රුපියල් එක් කෝටි විසි ලක්ෂයක් (1,20,00,000) ඉල්ලා ඇත.
පසුව එය රු. ලක්ෂ 30 දක්වා අඩු කර ඇති අතර, ඉන් රුපියල් ලක්ෂ 27 කට ආසන්න මුදලක් වංචනිකව ලබාගෙන ඇති බවට පැමිණිල්ල සඳහන් කර ඇතැයි පොලිසිය පවසනවා.
මෙම මුදල් ලබාගැනීම සඳහා සැකකරු ‘උණ්ඩියල්’ ක්රමය භාවිතා කර ඇති බවත්, තම ව්යාපාරවල සේවය කරන ශ්රී ලාංකිකයන්ගේ ඥාතීන්ගේ බැංකු ගිණුම් බව පවසමින් ගම්පොල, කඩුවෙල, ගනේමුල්ල, තඹුත්තේගම සහ ගොතටුව යන ප්රදේශවල පුද්ගලයන් කිහිප දෙනෙකුගේ ගිණුම් අංක ලබා දී ඇති බවත් විමර්ශනවලදී අනාවරණය වී ඇතැයි පොලිසිය පවසනවා.
එමෙන්ම, ගම්පොල ප්රදේශයේ සිල් මාතාවකට උදව් කරන බව පවසා රවටා, පැමිණිලිකරු ලවා රු. ලක්ෂයක (100,000) මුදලක් එම සිල් මාතාවගේ ගිණුමට ද බැර කරවාගෙන තිබූ බවට ද වාර්තා වන බවයි පොලිසිය පවසන්නේ.
මුදල් ලබාගෙන මාස කිහිපයකට පසු, ප්රධාන සැකකරු මියගිය බව හැඟවෙන පරිදි ඔහුගේ දරුවන් විසින් එවන ලද කෙටි පණිවුඩ පැමිණිලිකරු වෙත එවා ඇතැයි ද වාර්තා වෙනවා.
ඉන් අනතුරුව මෙය වංචාවක් බව වටහාගත් වින්දිතයා පැමිණිලි කළ බවද පොලිසිය පවසනවා.
අත්අඩංගුවට ගත් සැකකාරියන් දෙදෙනා (2) අධිකරණයට ඉදිරිපත් කිරීමෙන් පසු ඇප මත මුදා හැරීමට නියෝග කර තිබුණා.
ප්රධාන සැකකරු අත්අඩංගුවට ගැනීම සඳහා පොලිසිය වැඩිදුර විමර්ශන සිදුකරනවා.
හොරණ සහකාර පොලිස් අධිකාරී ඊ.ඒ. ඒකනායකගේ නියෝග මත හොරණ විශේෂ අපරාධ විමර්ශන අංශයේ ස්ථානාධිපති ප්රධාන පොලිස් පරීක්ෂක ධම්මික නවරත්නගේ මෙහෙයවීමෙන් පොලිස් පරීක්ෂක නාකන්දල, පොලිස් සැරයන් (58653) ජයන්ත, (71385) සංජීව, (71389) අසංක සහ කාන්තා පොලිස් සැරයන් (2015) දිලීපා යන නිලධාරීන් මෙම වැටලීමට එක්වුණා ෴
මුදල් වංචාකළ අයෙක් බැළුම්මහරදී කොටුවෙයි
(26.04.2026 – 07:14 +0530 – sinhala.adaderana.lk)
ව්යාජ හැඳුනුම්පතක් හා ව්යාජ රියදුරු බලපත්රයක් භාවිතා කරමින් මූල්ය වංචා සිදුකළ බවට සැක කෙරෙන පුද්ගලයෙකු පොලීසිය විසින් අත්අඩංගුවට ගෙන තිබේ.
ඊයේ (25) රාත්රී, යක්කල පොලිස් වසමේ බැළුම්මහර ප්රදේශයේදී ලද තොරතුරක් මත සිදුකළ වැටලීමකදී මෙම සැකකරු අත්අඩංගුවට ගෙන ඇත.
අත්අඩංගුවට ගත් සැකකරු වයස ගම්පහ ප්රදේශයේ පදිංචි 60 හැවිරිදි පුද්ගලයෙකි.
පොලිසිය විසින් සිදුකළ වැඩිදුර විමර්ශනවලදී අනාවරණය වී ඇත්තේ, විදේශ රැකියා ලබාදෙන බවට පවසා මුදල් වංචා කිරීම් සම්බන්ධයෙන් මාරවිල මහෙස්ත්රාත් අධිකරණයෙන් විවෘත වරෙන්තු නිකුත් කර ඇති අයෙකු බවයි.
සැකකරු සම්බන්ධයෙන් වැඩිදුර විමර්ශන යක්කල පොලීසිය විසින් සිදු කරනු ලබයි ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴