අන්තර්ජාලය ඔස්සේ පුද්ගලයන් රවටා මුදල් වංචා කළ නයිජීරියානු ජාතිකයෙක් රිමාන්ඩ්
අන්තර්ජාලය ඔස්සේ පුද්ගලයන් රවටා මුදල් වංචා කළ නයිජීරියානු ජාතිකයෙක් රිමාන්ඩ්
(23.04.2026 – hirunews.lk)
ත්යාග පාර්සල් ලබා දෙන බව පවසා අන්තර්ජාලය හරහා රුපියල් එක්කෝටි පහළොස් ලක්ෂයකට (1,15,00,000) අධික මුදලක් වංචා කිරීමේ සිද්ධියක් සම්බන්ධයෙන් අත්අඩංගුවට ගත් නයිජීරියානු ජාතිකයෙකු ලබන 05 දක්වා යළි රක්ෂිත බන්ධනාගාරගත කරන ලෙස කොළඹ ප්රධාන මහේස්ත්රාත් අසංග එස්. බෝදරගම නියෝග කළා.
සිද්ධියට අදාල සැකකාර නයිජීරියානු ජාතිකයා වෙනත් මෙවැනිම සිද්ධියට අදාලව ඇප මත මුදා හැර තිබෙන බව අපරාධ පරීක්ෂණ දෙපාර්තමේන්තුව අධිකරණයට දැන්වුවා.
මෙම සැකකරු නයිජීරියානු ජාතිකයන් සමඟ එක්ව ලංකාවේ සිට මෙම ජාවාරම සිදු කරන බවත් වෙනත් නයිජීරියානු ජාතිකයෙකු විසින් මෙම ජාවාරම මෙහෙය වන බවද විමර්ශන නිලධාරීහු අධිකරණයට කරුණු දැන්වුවා.
සැකකරු සන්තකයේ තිබු බැංකු කාඩ් පත් රාශියක් අත්අඩංගුවට ගත් බවත් එම ගිණුම් තවමත් සක්රීය තත්ත්වයේ පවතින බවද විමර්ශන නිලධාරින් අධිකරණයට දැන්වුවා.
ලංකාව තුළ සිටින වෛද්යවරුන්, විධායක පන්තිවල ඉහළ තනතුරුවල සිටින පුද්ගලයන්, වයස 35-40 ත් අතර කාන්තාවන් මෙම කූට ජාවාරමට හසු වී තිබෙන බවද විමර්ශන නිලධාරීහු වැඩිදුරටත් කරුණු දැක්වුවා.
ඒ අනුව ඉදිරිපත් වූ කරුණු සලකා බැලූ මහේස්ත්රාත්වරයා සැකකරු යළි රක්ෂිත බන්ධනාගාරගත කළා ෴
‘ශ්රීලංකන්’ නම විකුණා මුදල් ගරන ජාවාරමක් ගැන පොලිසියෙන් දැනුම්දීමක්
(23.04.2026 – hirunews.lk)
WhatsApp ගිණුම් හරහා “Sri Lankan Airline” ආයතනයේ සේවාවක් බවට අඟවමින් දුරකථන සම්බන්ධතා ඇති කරගනිමින් ව්යාජ වෙබ් අඩවි ත්රිත්වයක් හරහා “Sri Lankan.apk” යනුවෙන් පවතින ජංගම දුරකථන යෙදුමක් ස්ථාපනය කරවීමට සැලැස්වීම හරහා මුදල් වංචා කිරීමේ ජාවාරමක් සම්බන්ධයෙන් තොරතුරු අනාවරණය වී ඇති බව පොලිසිය සඳහන් කරනවා.
මෙම යෙදුම අනිශ්ඨ බැංකු ට්රෝජන් යෙදුමක් බවත්, එය ස්ථාපනය කිරීම මගින් ජංගම දුරකථන වෙත දුරස්ථ ප්රවේශය ලබා ගැනීම සඳහා අවසර ලබා ගැනීම සිදුවන අතර, ඒ හරහා පුද්ගල සංවේදී දත්ත නිරාවරණය කර ගැනීමේ හැකියාව ලැබෙන බවටත්, නිරීක්ෂණය වී ඇති බව පොලිසිය සඳහන් කරනවා.
ඒ අනුව, අනිශ්ඨ ක්රියාකරුවන් විසින් මුදල් ගණුදෙනුවක් සිදු කරවීමට සලස්වමින් One Time Password (OTP) අංක, බැංකු ගිණුම් තොරතුරු සහ සත්යාපන දත්ත (ඇඟිලි සලකුණු, මුහුණු හඳුනා ගැනීම) ලබාගැනීම හරහා බැංකු යෙදුම් වෙත අනවසර ප්රවේශ ලබා ගනිමින් වංචනික ලෙස මුදල් වෙනත් බැංකු ගිණුම් වෙත බැර කරගැනීම සිදු කරන බවටයි අනාවරණය වී ඇත්තේ.
එසේම මෙම ක්රියාවලිය සඳහා 077 455 8361, 011 777 1979, 074 114 2208, 077 579 1209, 074 326 8200 යන දුරකථන අංක භාවිත කරන බවට නිරීක්ෂණ වී ඇති අතර, මෙවැනි වංචනික ක්රියාවලට හසු නොවන ලෙසට පොලිසිය මහජනතාවගෙන් වැඩිදුරටත් ඉල්ලා සිටිනවා ෴
සරම්ප රෝගීන් දෙදෙනෙක් (2) කොළඹින් හමුවෙයි – අනිවාර්යයෙන් එන්නත් ලබාගන්නැයි උපදෙස්
(23.04.2026 – 14:23 +0530 – sinhala.adaderana.lk)
මෙරට වසර කිහිපයක් තුරන්කර තිබූ සරම්ප රෝගය යළි හිස ඔසවා තිබෙන බව වෛද්ය අංශ පවසයි.
සෞඛ්ය අංශ පෙන්වා දෙන්නේ රෝගය වැළදුණු ළමුන් දෙදෙනෙකු (2) කොළඹ දිස්ත්රික්කයෙන් හඳුනාගත් බවය.
එබැවින් සරම්ප එන්නත ලබා නොගත් හා එක් මාත්රාවක් පමණක් ලබාගත් දරුවන්ට හැකි ඉක්මනින් එම එන්නත් විධිමත්ව ලබාගන්නා ලෙස සෞඛ්ය අංශ දැනුම් දෙයි.
ශ්රී ලංකාව සරම්ප රෝගය සහමුලින්ම තුරන් කළ රටක් බවට ලෝක සෞඛය සංවිධානය නිවේදනය කළේ ඉකුත් 2019 වසරේදීය.
කෙසේවෙතත්, සෞඛ්ය අංශ පෙන්වා දෙන්නේ 2023 වර්ෂයෙන් පසුව ඇතැම් ප්රදේශවලින් සරම්ප වසංගත තත්ත්වයන් වාර්තාවූ බවය.
ඒ සම්බන්ධයෙන් අදහස් දැක් වූ සෞඛ්ය අමාත්යාංශයේ වසංගත රෝග විද්යා අංශයේ විශේෂඥ වෛද්ය අතුල ලියනපතිරණ මහතා පැවසුවේ රෝගය වැළඳී ඉන් සුවයක් ලැබුණද එහි සංකූලතා හේතුවෙන් වසර ගණනාවකට පසුව මරණය පවා ඇතිවී අවධානමක්ද පවතින බවය.
“2025 අවුරුද්දේ ජනවාරි මාසේ ඉදලා එක රෝගියෙක්වත් ලංකාවෙන් වාර්තා වුණේ නෑ. නමුත් අවාසනාවකට වගේ රෝගීන් දෙදෙනෙක් වාර්තා වෙලා තියෙනවා කොළඹ දිස්ත්රිකයෙන්. මේ වාර්තා වු ළමුන් දෙදෙනාගේ රෝගී තත්ත්වය නැවතත් වසංගතයක් දක්වා වාර්තා නොවී පැවතීමට අපි සියලුම උත්සහයන් ගන්න ඕනේ. එක ළමයෙකුගේ නියැදි අපි යැව්වා ඉන්දියාවේ රසායනාගාර වෙත. එයින් තහවුරු වුණා ඒ වෛරසය පිටරටින් පැමිණ වෛරසයක් බව.”
“මෑතකදී සොයාගෙන තියෙනවා සරම්ප රෝගය වැළඳුනාට පස්සේ ඒ වැළඳුන කෙනාට, ප්රතිශක්ති මතකය අමතක වෙනවා කියලා. සරම්ප රෝගය වැළඳුනාට පස්සේ එම කෙනාට, අනික් රෝග වලට මුහුණ දීමටත් ඇති හැකියාවත් නැති වෙලා යනවා කියලා. ඒ වගේම තව තත්ත්වයක් තියෙනවා SSPE මාරන්තික තත්ත්වයක්, සරම්ප රෝගය සුව වෙලා ගිහිල්ලා වසර ගණනාවකට පස්සේ වුණත් වෙන්න පුළුවන්. ඒ නිසා සරම්ප රෝගය සුව වුණා කියලා කිසිම කෙනෙකුට, විශේෂයෙන් ළමයෙකුට. දෙමාපියන්ට සැනසිල්ලේ ඉන්න වෙන්නේ නෑ. මොකද කොයි මොහොතේ දී හෝ, වසර ගණනාවක පසුව එක සෙමින් සෙමින් මරණය ඇති කරණ මාරාන්තික තත්ත්වයක්.”
+
වාහන අංක තහඩු මැයි අග සිට – හිමිකරුගේ නම යෙදූ අංක තහඩුත් දෙන්න සැරසෙයි
(23.04.2026 – 12:56 +0530 – sinhala.adaderana.lk)
නව රථ වාහන සඳහා සම්මත ලියාපදිංචි අංක තහඩු නිකුත් කිරීම මෙම වසරේ මැයි මාසයේ අග සිට සිදුකළ හැකි බව මෝටර් රථ ප්රවාහන දෙපාර්තමේන්තුව පවසයි.
මේ බව සඳහන් කෙරුණේ එම ආයතනයේ නිලධාරීන් රජයේ මුදල් පිළිබඳ කාරක සභාවට කැඳවූ අවස්ථාවේදී ය.
එමෙන්ම වාහන හිමිකරුගේ නම සඳහන් කරමින් ලියාපදිංචි අංක තහඩුවක් ලබාගැනීමේ ක්රමවේදය ද කඩිනමින් ක්රියාත්මක කරන බව එම දෙපාර්තමේන්තුව පැවසීය.
රජයේ මුදල් පිළිබඳ කාරක සභාවේ සභාපති – පා.ම. ආචාර්ය හර්ෂ ද සිල්වා :
“ඉස්සර පළාත ගහලා තිබුණා.. දැන් ඉවත් කරලා”
මෝටර් රථ ප්රවාහන දෙපාර්තමේන්තුවේ කොමසාරිස් – ප්රියන්තා දිසානායක :
“යුද්ධය කාලයේ ඇතිවෙලා තිබුණු ප්රශ්න නිසා ඒ වාහනය කොහාට අයිති එකක්ද කියලා හඳුනගන්න Frequency ID එකකුත් එක්ක තමයි ඒක දාලා තිබුණේ. නමුත් ඒ Frequency ID එක රීඩ් කරන්න ඒ වෙනකොට පොලිසියේ රීඩස් තිබුණේ නැහැ. ඒ නිසා අයින් කරන්න තීරණය කළා. දැන් එහෙම අවශ්යතාවයක් නෑ කියලා තමයි කියන්නේ.”
රජයේ මුදල් පිළිබඳ කාරක සභාවේ සභාපති – පා.ම. ආචාර්ය හර්ෂ ද සිල්වා :
“ඩඩ්ලි මහත්තයා මාත් එකක් තරහා වෙන එකක් නැහැ මේක කිව්වට. දැන් ඔය ඩඩ්ලි මහත්තයාගේ කාර් එක ගැන හැමෝම කතා වුණානේ. අපිට බැරිද අංක තහඩුවට ඩඩ්ලි කියලා නම ගහලම ගන්න.”
මෝටර් රථ ප්රවාහන දෙපාර්තමේන්තුවේ කොමසාරිස් – ප්රියන්තා දිසානායක :
“පුළුවන් සර්. අපිට ඒක කරන්න පුළුවන්. අපි ඇත්තටම ඒ ක්රමවේදය ලංකාවට හඳුන්වා දෙන්න සැලසුම් කරගෙන යනවා. සිස්ටම් එක අප්ඩේට් කරපු ගමන් අපි ඒ වගේ ස්පෙෂල් ප්රොජෙක්ට් එකකට යන්න බලාපොරොත්තු වෙනවා.”
+
උසස් පෙළ අයදුම්පත් යොමු කිරීම හෙටින් (24) අවසන්
(23.04.2026 – 19:30 +0530 – sinhala.adaderana.lk)
2026 අධ්යයන පොදු සහතික පත්ර උසස් පෙළ විභාගය සඳහා අයදුම්පත් භාර ගැනීම හෙට (24) මධ්යම රාත්රී 12:00 ට අවසන් වන බව විභාග දෙපාර්තමේන්තුව නිවේදනය කරයි.
විභාග දෙපාර්තමේන්තුවේ කොමසාරිස් ජනරාල් ඒ.කේ.එස්. ඉන්දිකා කුමාරි ලියනගේ මහත්මිය විසින් නිකුත් කළ නිවේදනයේ සඳහන් වන්නේ, අයදුම්පත් භාර ගැනීම 2026 මාර්තු 24 සිට 2026 අප්රේල් 24 දක්වා මාර්ගගත ක්රමය මඟින් පමණක් සිදු කළ බවය.
අයදුම් කිරීම 2026 අප්රේල් 24 වන දින මධ්යම රාත්රී 12:00 පසු සම්පූර්ණයෙන් වසා දැමෙන අතර, කිසිදු හේතුවක් මත දිගු කිරීමක් සිදු නොකරන බවද එම නිවේදනයේ වැඩිදුරටත් සඳහන් වේ.
අයදුම්කරුවන්ට අවශ්ය විමසීම් සඳහා පහත සඳමන් දුරකථන අංක හෝ විද්යුත් තැපෑල මඟින් විභාග දෙපාර්තමේන්තුව අමතන ලෙසද දැනුම් දී ඇත.
දුරකථන අංක :- 011 278 5922 / 011 278 4208 / 011 278 4537
ෆැක්ස් අංක :- 011 278 4422
විද්යුත් තැපෑල :- gcealexamsl@gmail.com
රත්නපුර පොල බඩුත් එක්කම ගිනි අරන් – කඩ 90 ක් ගන්නම දෙයක් නෑ – මුළුමනින්ම විනාශ වෙලා (23.04.2026)
+
ලාල්කාන්ත දැන් වියරු වැටුණු මිහිහෙක් වගේ (23.04.2026)
+++
ලොවෙත් නැති වෙන්න ඔය කරේ මහ ලොකු ඇවිදින පුස්තකාල – මාලිමාව ඩොලර් මිලියන 2.5 ක් හැකර්ලට පූජා කරා (23.04.2026)
+
භාණ්ඩාගාරයත් මංකොල්ල කාපු මාලිමා මුදල් ලේකම් ගෙදර යයිද ? (23.04.2026)
+
රටේ දුප්පත් මිනිස්සුන්ගෙ සල්ලි, රුපියල් මිලියන 800 ක්… ඉතිං උඹලා හොරු නෙවෙයිද ? (23.04.2026)
+
ආලෝකා නිසා සාම පා ගමනේ සමාජ දේශපාලනය හෑල්ලු වුණා ද ? (23.04.2026)
+
රුපියල් මි. 800 ට කෙළියේ ආණ්ඩුවෙන්මද ? රාජ්ය භාණ්ඩාගාරයට මෙහෙම වුණා නං ? (23.04.2026)
+
රජයේ භාණ්ඩාගාරයෙන් ඩොලර් ලක්ෂ 25 ක් පිල්ලි ගහලා (23.04.2026)
+
කැබිනට් එක ෂුවර් නැද්ද? නලින්ද බොරු කිව්වද? මුදල් අමාත්යංශ ලේකම් ඉල්ලා අස්වෙයිද? (23.04.2026)
+
අනුර, ලාල් සහ වසන්තගේ ඉතිහාසය සාක්කි එක්කම හෙළි කරයි! | ජ්යේෂ්ඨ මාධ්යවේදී අතුල සමරවීර (23.04.2026)
+
මම දමිල තරුණියක් හා විවාහ වීම, දැවැන්ත කතාබහක් නිර්මාණය කළා (23.04.2026)
+
මුදල් ඇමති වහා ඉල්ලා ඇස විය යුතුයි ! (23.04.2026)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴