ශ්රී ලංකාවේ ඩොලර් බිලියන 120 ක කෝබෝල්ට් නිධියට ඉන්දියාව අත දමයි.. ලක් රජය නිහඬයි..
ශ්රී ලංකාවේ ඩොලර් බිලියන 120 ක කෝබෝල්ට් නිධියට ඉන්දියාව අත දමයි.. ලක් රජය නිහඬයි..
(17.04.2026 – lankacnews.com)
ඉන්දියන් සාගරය කේන්ද්ර කරගනිමින් ශ්රී ලංකාවට හිමිවීමට තිබූ ඩොලර් බිලියන 120 කට වඩා අධික වටිනාකමකින් යුත් සාගර සම්පත් අයිතිය සම්බන්ධයෙන් මේ වන විට අර්බුදයක් නිර්මාණය වී තිබේ. හම්බන්තොට වෙරළ තීරයේ සිට දකුණු දෙසින් පිහිටි ‘ඇෆනාසේ නිකිටින්’ (Afanasy Nikitin) නම් මුහුදු පතුලේ පිහිටි කන්ද ආශ්රිතව පවතින අති විශාල සම්පත් අයිතිය ශ්රී ලංකාවට අහිමි වීමේ අවදානමක් මේ හේතුවෙන් මතුව ඇත.
එක්සත් ජාතීන්ගේ සාගර නීතිය පිළිබඳ සම්මුතියට අනුව, කිසිවෙකුටත් හිමිකම් නොමැති කලාපයක සාගර සම්පත් අයිතිය විද්යාත්මක පදනමක් මත ලබා ගැනීම සඳහා ශ්රී ලංකාව විසින් 2009 මැයි 08 වන දින නිව්යෝර්ක් නුවරදී විශේෂ කෙටුම්පතක් ඉදිරිපත් කරන ලදී.
එමගින් නාවික සැතපුම් 800 ක් පමණ දුරින් පිහිටි බෙංගාල බොක්ක ආශ්රිත සාගර කලාපයේ සම්පත් අයිතිය ශ්රී ලංකාව ඉල්ලා තිබුණි.
මෙම ප්රදේශයේ සාගර පත්ලේ මීටර් 3000 ක් පමණ ගැඹුරින් පිහිටි ‘ඇෆනාසේ නිකිටින්’ කන්ද මත කෝබෝල්ට් නැමති වටිනා රසායනික මූලද්රව්යය අඩංගු බව සොයාගෙන ඇත.
නවීන ලෝකයේ බැටරි නිෂ්පාදනයට, ජංගම දුරකථන, ලැප්ටොප් පරිගණක සහ විද්යුත් වාහන නිෂ්පාදනයට අත්යවශ්ය මූලද්රව්යයක් වන මෙහි වටිනාකම ඩොලර් බිලියන 120 ක් ලෙස ඇස්තමේන්තු කර තිබේ. උසස් තාක්ෂණය භාවිත කළහොත් මෙහි වටිනාකම ඩොලර් ට්රිලියනයක් දක්වා ඉහළ යා හැකි බවද පැවසේ.
මෙම ඉල්ලීම සම්බන්ධයෙන් 2018 වසරේදී පත් කළ විශේෂ කමිටුව වසර හයක් තිස්සේ විමර්ශනය කළ අතර, 2022 වසර අවසානයේදී ඒ සඳහා ශ්රී ලංකාවට අනුමැතිය ලැබීමට නියමිතව තිබුණි.
කෙසේ වෙතත්, 2022 වසරේදී ශ්රී ලංකාව ආර්ථික අර්බුදයක සිටි සමයේ ඩොලර් බිලියන 4 ක ණයක් ලබා දෙමින් සහය වූ ඉන්දියාව, එම වසරේම නොවැම්බර් මාසයේදී ශ්රී ලංකාවේ මෙම සාගර අයිතියට එරෙහිව එක්සත් ජාතීන්ගේ සංවිධානය වෙත සිය විරෝධය ඉදිරිපත් කර තිබේ.
ශ්රී ලංකාවට අතිමහත් ආර්ථික වාසි සැලසිය හැකි මෙම සම්පත සම්බන්ධයෙන් ඉන්දියාව විරෝධය දක්වා තිබියදීත්, ශ්රී ලංකා විදේශ අමාත්යාංශය, ඛනිජ සහ සම්පත් අමාත්යාංශය හෝ මුදල් අමාත්යාංශය මේ දක්වා කිසිදු සැලකිය යුතු මැදිහත්වීමක් හෝ උනන්දුවක් දක්වා නොමැති බවට විවේචන එල්ල වෙමින් පවතී ෴
පව් යකෝ, උඹලට අර කොස් දෙල් පොල් හාල් දීපු මෝඩ ජෙප්පො (16.04.2026)
+
ජේවීපීකාරයො දැන් මහින්ද මහත්තයා කියන්නෙ නැද්ද ? (16.04.2026)
+
ජේවීපීකාරයින්ට මිනිස්සු කුණුහරුපෙන් බණින්නේ ඇයි ? (16.04.2026)
+
අගුරු කෑව මදිවට වතුරත් බීල බොන්න තියන වතුර ටිකටත් කෙලින හැටි (16.04.2026)
+
අනුරගේ ආණ්ඩුවේ නිල නොවන ජනාධිපති ධම්මික පෙරේරාද? (16.04.2026)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴