‘තෙල් නෑ’ කියා සමාජ මාධ්යයෙන් අසත්ය ප්රචාර කළ අයෙක් අත්අඩංගුවට
‘තෙල් නෑ’ කියා සමාජ මාධ්යයෙන් අසත්ය ප්රචාර කළ අයෙක් අත්අඩංගුවට
(22.03.2026 – hirunews.lk)
මෙරට ඉන්ධන හිඟයක් පවතින බව පවසමින් සමාජ මාධ්ය ඔස්සේ අසත්ය ප්රචාර සිදු කළ සැකකරුවෙකු මධ්යම අපරාධ විමර්ශන කාර්යාංශය (CCID) විසින් ඊයේ (21) අත්අඩංගුවට ගෙන ඇතැයි පොලිස් මූලස්ථානය පවසනවා.
මෙම සැකකරු විසින් සිදු කරන ලද මෙම අසත්ය ප්රචාර මඟින් විදේශිකයන් මෙරටට පැමිණීම අධෛර්යමත් කිරීම, සංචාරක ව්යාපාරයට හානි සිදුකිරීම මෙන්ම මහජනතාව අනවශ්ය ලෙස ඉන්ධන පෝලිම්වල රැඳී සිටීමට පොළඹවන සුළු තත්ත්වයක් නිර්මාණය වී ඇතැයි පොලිස් මූලස්ථානය සඳහන් කරනවා.
අත්අඩංගුවට ගත් සැකකරු වත්තල ප්රදේශයේ පදිංචි 53 හැවිරිදි පුද්ගලයෙක්.
ඔහුව අද (22) කොළඹ ගරු ප්රධාන මහේස්ත්රාත් අධිකරණය වෙත ඉදිරිපත් කිරීමට නියමිත බවද පෙලිසිය පවසනවා.
මධ්යම අපරාධ විමර්ශන කාර්යාංශයේ පරිගණක අපරාධ විමර්ශන අංශය මඟින් සිද්ධිය සම්බන්ධයෙන් වැඩිදුර විමර්ශන පවත්වාගෙන යනු ලබනවා ෴
ජාතික නිදහස් පෙරමුණේ නායකවිමල් වීරවංශ මහතාගේ විශේෂ මාධ්ය සාකච්ඡාව
+
බස් ගාස්තු 10% කින් වැඩිකිරීමට යෝජනා : කැබිනට් අනුමැතියට යොමුකෙරේ
(22.03.2026 – hirunews.lk)
ලංකා සුදු ඩීසල් මිල ඉහළ යාමත් සමඟ වර්තමාන බස් ගාස්තුව සියයට දහයකට (10%) වඩා වැඩි අගයකින් ඉහළ දැමීමට ජාතික ගමනාගමන කොමිෂන් සභාව විසින් යෝජනාවක් අමාත්ය මණ්ඩල අනුමැතිය සඳහා යොමුකර තිබෙනවා.
ඒ සඳහා වන අමාත්ය මණ්ඩල සංදේශය හෙට (23) දින පැවැත්වීමට නියමිත අමාත්ය මණ්ඩල රැස්වීම වෙත යොමු කර ඇති බව එම කොමිෂන් සභාව පවසනවා.
වත්මන් බස් ගාස්තු සකසා ඇත්තේ ඩීසල් ලීටරයක මිල රුපියල් 289 ක්ව පැවති සමයේයි.
එහෙත් නව මිල සංශෝධනයට අනුව බස් ගාස්තු සූචිය 10% ඉක්මවා වැඩි වීමට දායක වී ඇති බව ජාතික ගමනාගමන කොමිෂන් සභාවේ අධ්යක්ෂ ජනරාල් ආචාර්ය නිලාන් මිරැන්ඩා සඳහන් කරනවා ෴
අද (22) මධ්යම රාත්රියේ සිට ආනයන අපනයන බහලූම් ප්රවාහන ගාස්තු 20% කින් ඉහළ දැමීමට සිදුවන බව බහලුන් ප්රවාහනය රථ හිමිකරුවන්ගේ සංගමය පවසනවා.
ඉන්ධන මිල වැඩිවීමත් අමතර කොටස්, ලිහිසි තෙල්, බැටරි මිල ඉහළ යෑම හා සේවකයන්ගේ දීමනා ලබාදීම ඉලක්ක කරගෙන මෙලෙස ගාස්තු වැඩි කිරීමට නියමිත බවයි බහලුම් ප්රවාහන රථ හිමිකරුවන්ගේ සංගමයේ සභාපති සනත් මංජුල පැවසුවේ.
එළඹෙන උත්සව සමයේ ප්රමාදයකින් තොරව ආනයනික භාණ්ඩ ජනතාව අතට පත්කිරීමට අවශ්ය කටයුතු සැලසීම සඳහා මෙම ගණන් වැඩි කිරීම අනිවාර්ය බවද ඔහු පවසනවා ෴
විදේශිකයන් දෙදෙනෙකුගේ (2) බෑගයක් කුඩාඔයදී සොරකම් කල තරුණයෙක් අත්අඩංගුවට
(22.03.2026 – hirunews.lk)
ඇල්ල සිට මිරිස්ස දක්වා බස් රථයකින් ගමන් කරමින් සිටි ඉන්දියානු ජාතිකයින් දෙදෙනෙකුගේ (2) ගමන් මල්ලක් සොරකම්කර පලා ගිය සැකකරුවෙකු කුඩාඔය පොලිස් ස්ථානයේ නිලධාරීන් විසින් ඊයේ (21) අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ අවිස්සාවේල්ල හේවාඉන්න ප්රදේශයේ පදිංචි විසිහතර හැවිරිදි තරුණයෙක්.
අදාළ විදේශකයින් දෙදෙනා (2) බස් රථයෙන් ඇල්ල සිට මිරිස්ස බලා ගමන් කරමින් සිට ඇති අතර, බස් රථය තේ පානය සඳහා කුඩාඔය ප්රදේශයේ අවන්හලක් අසල නවතා තිබෙනවා.
එම අවස්ථාවේදී අදාළ ඉන්දියානු ජාතිකයින් දෙදෙනා ද සිය බෑගය ආසනය මත තබා තේ පානය සඳහා අවන්හලට ගොස් ඇති බවයි පොලිසිය පවසන්නේ.
එම අවස්ථාවේදී සැකකාර තරුණයා විදේශකයින් දෙදෙනාගේ බෑගයද රැගෙන බස් රථයෙන් බැස වෙනත් බසයක නැගී පලා ගොස් තිබෙනවා.
සිද්ධිය සම්බන්ධයෙන් අදාල විදේශිකයින් දෙදෙනා කුඩාඔය පොලිසියට සිදුකළ පැමිණිල්ලකට අනුව බස් රථයේ සීසීටීවී පරීක්ෂා කිරීමෙන් අනතුරුව විමර්ශන ආරම්භ කර තිබෙනවා.
ඒ අනුව, සැකකරු මහනුවර සිට කතරගම දක්වා දිවෙන බස් රථයේ පැමිණෙමින් සිටින බවට ලද තොරතුරකට අනුව පොලිස් නිලධාරින් කණ්ඩායමක් කුඩාඔය ප්රදේශයේදී බස් රථය නවතා පරීක්ෂා කර සැකකරු අත්අඩංගුවට ගෙන ඇති අතර, එම අවස්ථාවේදි අත්අඩංගුවට ගත් සැකකරු සන්තකයේ තිබී සොරකම් කරන ලද laptop පරිගණක දෙකක් (2), අයිපෑඩ් එකක් (1), ඒ අයි පෑඩ්එකක් (1) ඇතුළු රුපියල් ලක්ෂ දහයකට (10) ආසන්න වටිනාකමකින් යුත් විදේශිකයන්ගෙන් සොරකම් කරන ලද භාණ්ඩ සමඟ අත්අඩංගුවට ගෙන ඇති බවයි පොලිසිය සඳහන් කළේ ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴