යුද හමුදා නිලධාරීන් කිහිප දෙනෙකුට දුම්රිය පුහුණව ලබා දීමේ තීරණය තාවකාලිකව අත්හිටුවයි
යුද හමුදා නිලධාරීන් කිහිප දෙනෙකුට දුම්රිය පුහුණව ලබා දීමේ තීරණය තාවකාලිකව අත්හිටුවයි
(17.02.2026 – 21:53 +0530 – sinhala.adaderana.lk)
යුද හමුදා නිලධාරීන් 20 දෙනෙකු සඳහා දුම්රිය රියදුරු පුහුණුව ලබා දීමේ තීරණය තාවකාලිකව නතර කිරීමට පියවර ගන්නා බව ප්රවාහන සහ මහාමාර්ග නියෝජ්ය අමාත්ය ප්රසන්න ගුණසේන පවසයි.
ඔහු පැවසුවේ දුම්රිය රියදුරන්ගේ මෙම වැඩ වර්ජනය හේතුවෙන් මෙවර සාමාන්ය පෙළ විභාගයට පෙනී සිටින සිසුන්ට ඒ සඳහා බලපෑමක් ඇති විය හැකි බැවින් ඒ පිළිබඳව අවධානය යොමු කර මෙම පියවර ගත් බවය.
ඒ සම්බන්ධව වැඩිදුරටත් අදහස් දැක්වූ ප්රවාහන නියෝජ්ය අමාත්ය ප්රසන්න ගුණසේන :
“ඇත්තටම අපි මේක පිළිකුළෙන් යුතුව හෙළා දකිනවා. මොකද පහුගිය දිට්වා සුලි කුණාටුව පැවැති අවස්ථාවේදී යුද හමුදාව කොච්චර කැපවීමෙන් දුම්රිය දෙපාර්තමේන්තුවට, ප්රවාහන දෙපාර්තමේන්තුවට, අමාත්යාංශයට කොච්චර උදව් කළාද කියලා අපි දන්නවා. දැනටමත් අපි කෝච්චි පාරවල් හදන්න උදව් කරලා තියෙනවා, කෝච්චි එන්ජිං හදන්නත් ඒ ගොල්ලෝ දැන් මාස දෙකක් (2) තිස්සේ රත්මලානේ උදව් කරනවා. යුද හමුදාවේ ඉංජිනේරුවෝ ඇවිල්ලා ‘බේල් පාලම්’ හයි කරනවා. එතකොට යුද හමුදාවේ සහභාගීත්වය කොච්චරද කියලා අපිට පේනවා. ඉතිං මේවගේ හදිසි අවස්ථාවකදි මේ වගේ කණ්ඩායමකට වෘත්තිය පුහුණුව තිබීමේ වටිනාකම අපි අත්වින්දා අමාත්යාංශයක් විදිහට. ඒ නිසා තමයි මේ 20 දෙනෙකුට මේ පුහුණුව ලබා දෙන්න අපි තීරණය කෙරුවේ. නමුත් හාරලක්ෂ පනස් දහසකට (4,50,000) ආසන්න ප්රමාණයක් මෙවර සාමාන්යපෙළ විභාගය සඳහා මුහුණ දෙනවා. එක ළමයෙකුට හරි අනවශ්ය වෘත්තිය සමිති ක්රියාමාර්ගය නිසා තමන්ගේ කඩඉම පසු කර ගැනීම සඳහා යම් කිසි ප්රවාහන අපහසුතාවයකට පත්වුණොත් ඒක අපිට දරාගන්න පුළුවන් එකක් නෙමෙයි. ඒ නිසා තාවකාලිකව මේ පුහුණුව සඳහා යොදපු යුද හමුදා නිලධාරීන් 20 අපි නවත්වනවා.”
+++
අද (17) මධ්යම රාත්රියේ සිට දුම්රිය රියදුරන් වැඩ වර්ජනයක
(17.02.2026 – 17:25 +0530 – sinhala.adaderana.lk)
අද (17) මධ්යම රාත්රියේ සිට දුම්රිය ධාවනයෙන් ඉවත් වීමට දුම්රිය රියදුරන් තීරණය කර තිබේ.
දුම්රිය රියදුරු ශ්රේණියට බඳවාගත් නවක රියදුරුන් සඳහා පැවැති රැස්වීමකදි දුම්රිය රියදුරන් ලෙස පුහුණු කිරීමට යෝජිත හමුදා නිලධාරීන් පිරිසකටද එම පුහුණුව ආරම්භ කිරීමට ගත් තීරණයට විරෝධය පළ කරමින් ඔවුන් මෙලෙස දුම්රිය සේවාවාරවලින් ඉවත් වීමට තීරණය කර ඇත.
මේ සම්බන්ධව ප්රවාහන අමාත්යාංශයේදී පැවැති දීර්ඝ සාකච්ඡා අසාර්ථක වූ බැවින් අද (17) සවස ලොකෝමොටිව් ඉංජිනේරුවන්ගේ විධායක කමිටු රැස්වීමක් පැවැති අතර එහිදී අද (17) මධ්යම රාත්රියේ සිට දුම්රිය සේවාවාරවලින් ඉවත් වීමට ඔවුන් තීරණය කළ බව එම සංගමය පැවසීය ෴
+++
දුම්රිය රියදුරු වැඩ වර්ජනය තාවකාලිකව අත්හිටුවයි
(17.02.2026 – 22:17 +0530 – sinhala.adaderana.lk)
දුම්රිය රියදුරන් විසින් අද (17) මධ්යම රාත්රියේ සිට ආරම්භ කිරීමට නියමිතව තිබූ දුම්රිය වැඩ වර්ජනය තාවකාලිකව අත්හිටුවීමට පියවර ගෙන තිබේ.
ඒ අනුව අද (17) මධ්යම රාත්රියේ සිට ක්රියාත්මක කිරීමට නියමිතව තිබූ වැඩවර්ජනය තාවකාලිකව අත්හිටුවන බව ‘දුම්රිය ලොකෝමෝටිව් ඉංජිනේරු සංගමය’ සඳහන් කළේය.
එහි ලේකම් දිමුතු එදිරිසිංහ පැවසුවේ හමුදා නිලධාරීන්ට දුම්රිය රියදුරු පුහුණුව ලබාදීමට ගත් තීරණය තාවකාලිකව නැවැත්වීමට රජය ගත් තීරණය හේතුවෙන් සිය වෘත්තිය ක්රියාමාර්ගය මෙලෙස අත්හිටුවන බවය ෴
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්රතිචාර (සිංහල හෝ ඉංග්රීසි බසින්) ලබාදෙන්න ෴