ඉතිහාසයේ පලමුවරට විශේෂඥ වෛද්‍යවරුන් වැඩ වර්ජනයක් කැඳවයි
(17.11.2025 – lankacnews.com)
එළඹෙන 24 වෙනිදා සිට වැඩ වර්ජනයක් ආරම්භ කිරීමට විශේෂඥ වෛද්‍යවරුන්ගේ සංගමය තීරණය කර තිබේ. එම සංගමය විසින් මේ බව රජයට දැනුම් දීමටද පියවර ගෙන ඇත.
විශේෂඥ වෛද්‍යවරුන් මෙතෙක් ඉතිහාසයේ කිසිම වැඩ වර්ජනයකට සම්බන්ධ නොවුණු අතර මෙම වැඩ වර්ජනය කැඳවා ඇත්තේ ඉතිහාසයේ පළමුවරට බව එම සංගමය ප්‍රධාන ලේකම් විශේෂඥ වෛද්‍ය ආර්. ඥාණසේකරම් මහතා පැවසීය.
ඒ අනුව 24 වෙනිදා සිට දින දෙකක් පෞද්ගලික රෝහල වල විශේෂඥ සේවාවලින් ඉවත්වන බවද පැවසූ ඔහු විසිහයවෙනිදා (26) සිට දින දෙකක් (2) රජයේ රෝහල්වල සේවාවෙන් ඉවත් වන බවත් පැවසීය.
මෙම වර්ජනය සම්බන්ධයෙන් රජය ප්‍රතිචාර නොදැක්වුවහොත් ඉන් පසු අකුරට වැඩ කිරීමේ අඛණ්ඩ වෘත්තිය සමිති ක්‍රියාමාර්ගයක් ආරම්භ කරන බව ද ඔහු කියා සිටියි.
විශේෂඥ වෛද්‍යවරුන් ඉල්ලා සිටින්නේ අමතර කාලයක් සේවාවල යෙදීමේදී පැය හයකට (6) අදාළව ලබාදෙන දීමනාව අහෝසි කොට මාසයකට ස්ථිර දිමනාවක් ලබාදෙන ලෙසයි.
එමෙන්ම නිල වාහනයක් හෝ ඊට අදාළ සාධාරණ දීමනාවක් ලබාදිය යුතු බවද ඔවුන් කියා සිටිති ෴
+++
+
ත්‍රීකුණාමලය සිද්ධියෙන් පාර්ලිමේන්තුවත් පුපුරයි, විජේපාල සිද්ධියට කියද්දී දයාසිරි සභාව දෙවනත් කරයි (17.11.2025)
+
රනිල් කොටු කිරීමට එංගලන්තයේ මෙහෙයුමක් | තොරතුර ලීක් වෙලා ගිනි විජ්ජුම්බරයක් (17.11.2025)
+
ජවිපෙ නිර්මාතෘ රෝහණ විජේවීරගේ පෞද්ගලික ජීවිතය සහ ජවිපෙ ආරම්භක අවධිය ගැන වැලි කෙළියේ පටන් සමීප මිතුරා කියන කතාව (16.11.2025)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴