ජනාධිපති අරමුදලින් මුදල් ලබා ගැනීමට අදාලව හිටපු අමාත්‍යවරුන් හා පාර්ලිමේන්තු මන්ත්‍රීවරුන් 20 ක් සම්බන්ධයෙන් විමර්ශන
(02.04.2025 – 22:02 +0530 – hirunews.lk/sinhala)
2008 වසරේ සිට 2024 වසර දක්වා කාලය තුල ‘ජනාධිපති අරමුදලින්’ මුදල් ලබා ගැනීමට අදාලව හිටපු අමාත්‍යවරුන් හා පාර්ලිමේන්තු මන්ත්‍රීවරුන් විසි දෙදෙනෙකු (20) සම්බන්ධයෙන් ‘අපරාධ පරීක්ෂණ දෙපාර්තමේන්තුවේ මූල්‍ය හා වාණිජ අපරාධ විමර්ශන අංශය’ මඟින් විමර්ශන ආරම්භ කර තිබෙනවා.
‘ජනාධිපති අරමුදලින්’ මෙම මුදල් ලබා ගැනීමට අදාලව පවත්වාගෙන ගිය ගොනු 22 ක් විමර්ශන නිලධාරින් භාරයට ගෙන ඇති බවයි වාර්තා වන්නේ.
එම ගොනුවලට අදාලව හිටපු අමාත්‍යවරුන් හා පාර්ලිමේන්තු මන්ත්‍රීවරුන් විසි දෙදෙනා (20) විසින් විවිධ මුදල් ප්‍රමාණයන් වශයෙන් රුපියල් කෝටි 10 කට අධික මුදලක් ලබා ගෙන ඇති බවට අනාවරණය වී ඇති අතර, එම මුදල් ලබා ගැනීමේදී යම් අක්‍රමිකතාවයක් සිදුව ඇත්ද යන්න පිළිබඳව විමර්ශන කටයුතු සිදු කරනු ලබන බවයි සඳහන් වන්නේ.
ඒ අනුව සිදු කරගෙන යනු ලබන විමර්ශනවලට අදාලව ‘ජනාධිපති අරමුදලේ ගිණුමෙන්’ නිකුත් කරන ලද චෙක්පත් පිළිබඳ විස්තර ලබා ගැනීම සඳහා විමර්ශන නිලධාරීන් විසින් කොළඹ කොටුව ගරු මහේස්ත්‍රාත් අධිකරණය මඟින් අද (02) නියෝගයක් ද ලබා ගැනීමට පියවර ගෙන තිබෙනවා ෴
බටලන්ද ගැන සී.අයි.ඩීයට පෙරටුගාමීන්ගෙන් පෙත්සමක්
(02.04.2025 – 22:27 +0530 – hirunews.lk/sinhala)
පෙර පැවති රජයන් මෙන්ම වත්මන් ආණ්ඩුවද ‘බටලන්ද වධකාගාරය’ සම්බන්ධ විමර්ශන සිදු නොකිරීම සම්බන්ධයෙන් කණගාටුවන බව ‘පෙරටුගාමී සමාජවාදී පක්ෂයේ’ විධායක සභික ඉන්ද්‍රානන්ද ද සිල්වා පවසනවා.
ඔහු ඒ බව කියා සිටියේ ‘අපරාධ පරීක්ෂණ දෙපාර්තුමේන්තුව’ට පෙත්සමක් ඉදිරිපත් කිරීමට පැමිණි අවස්ථාවේදීයි.
‘බටලන්ද වධකාගාරය’ සම්බන්ධයෙන් විමර්ශනයක් ඉල්ලමින් ‘පෙරටුගාමී සමාජවාදී පක්ෂයේ’ විධායක සභික ඉන්ද්‍රානන්ද ද සිල්වා අපරාධ පරීක්ෂන දෙපාර්තුමේන්තුවට පෙත්සමක් ඉදිරිපත් කළා ෴
+
+
මේක බරපතළ කුමන්ත්‍රණයක් ඉන්දීය අගමැති එක්ක හොර ගිවිසුමක් (02.04.2025)
+
රාජාංගනේ හිමිට අධිකරණයේදී මොකද උනේ? (02.04.2025)
+
ඇමරිකානු ජනාධිපති ට්‍රම්ප් ශ්‍රී ලංකාවට 44% ක තීරු බදු පනවයි
(03.04.2025 – 06:47 +0530 – hirunews.lk/sinhala)
අමෙරිකානු ජනාධිපති ඩොනල්ඩ් ට්‍රම්ප් ලොව පුරා රටවල් 25 ක් සදහා තීරු බදු ප්‍රකාශයට පත් කර ඇති අතර, ශ්‍රී ලංකාවෙන් ලැබෙන සියලු‍ම භාණ්ඩ සඳහා 44% ක තීරු බද්දක් පැනවීමටත් තීරණය කර තිබෙනවා.
මෙම නව බදු අනිද්දා (05) සිට ක්‍රියාත්මක බවයි විදෙස් වාර්තා සදහන් කළේ.
අමෙරිකාවට ආනයනය කරන සියලු‍ම භාණ්ඩ සඳහා 10% ක අවම තීරු බදු ක්‍රියාත්මක බවයි ජනාධිපති ඩොනල්ඩ් ට්‍රම්ප් නිවේදනය කළේ.
මීට අමතරව වියට්නාමයට 46% ක තීරු බද්දකුත්, චීනයට 34% කත්, ඉන්දියාවට 26% කත් තීරු බදු පැනවීමට ට්‍රම්ප් පරිපාලනය තීරණය කර තිබෙනවා.
යුරෝපා සංගමයට 20% කත්, තායිවානයට 32% කත්, ජපානයට 24% කත්, දකුණු කොරියාවට 25% කත්, තීරු බදු ක්‍රියාත්මකයි.
තායිලන්තයට 36% කත්, ස්ව්ට්ටර්ලන්තයට 31% කත් සහ බ්‍රිතාන්‍ය, බ්‍රසීලය, සිංගප්පූරුව, චිලි, ඔස්ට්‍රේලියාව, තුර්කිය සහ කොළොම්බියාවට 10% බැගින්ද තීරු බදු පනවා තිබෙනවා.
බංග්ලාදේශයට 37% ක සහ පකිස්ථානයට 29% ක් ලෙස තීරු බදු පැනවීමටයි ට්‍රම්ප් පරිපාලනය තීරණය කළේ.
පිලිපීනයට 17% ක බදු පනවා තිබෙනවා.
2024 වසරේ දී අමෙරිකාව මෙරටින් ඇමරිකානු ඩොලර් බිලියන 3 කට වඩා ආනයනය කර තිබුණා.
මෙම නව තීරු බදු පැනවීමත් සමග ශ්‍රී ලංකා ආර්ථිකයට බරපතල තර්ජනයක් එල්ල විය හැකි බවටයි මත පළ වන්නේ.
මෙයට සමගාමීව එක්සත් ජනපදයේ බහුජාතික සමාගම්වල කොටස්ද පහත වැටී තිබෙනවා.
ඒ අනුව ටෙස්ලා, නයික් සහ ඇපල් යන සමාගම් 7% කින් පමණ පහත වැටුණු අතර එන්වීඩියා 5% කින් පහත වැටුණු බවයි විදෙස් මාධ්‍ය වාර්තා කරන්නේ.
එසේම ඕස්ට්‍රේලියාවේ S&P/ASX 200 1.55% කින්, ජපානයේ Nikkei 225 3.02% කින් සහ දකුණු කොරියාවේ Kospi දර්ශකය 1.57% කින් පහත වැටී ඇති බවයි වැඩිදුරටත් වාර්තා වෙන්නේ ෴
+++
ට්‍රම්ප්ගේ තීරු බදු තීරණයත් සමඟ මෙරට ආර්ථීකයට බලපෑම් එල්ල විය හැකි බව විශ්ලේෂකයෝ කියයි
(03.04.2025 – 08:52 +0530 – hirunews.lk/sinhala)
ඇමරිකානු ජනාධිපති ඩොනල්ඩ් ට්‍රම්ප් ශ්‍රී ලංකාවෙන් ලැබෙන සියලු‍ම භාණ්ඩ සඳහා සියයට 44 තීරු බද්දක් පැනවීමට ගත් තීරණය හේතුවෙන් මෙරට ආර්ථිකයට බලපෑම් එල්ල වන බව පේරාදෙණිය විශ්ව විද්‍යාලයේ ආර්ථික විද්‍යා හා සංඛ්‍යාන අධ්‍යයන අංශයේ මහාචාර්ය වසන්ත අතුකෝරාළ පවසනවා.
‘හිරු ප්‍රවෘත්ති අංශය’ කළ විමසීමකදී ඔහු කියා සිටියේ මෙම තීරණයත් සමග ඇතැම් කර්මාන්තශාලා වැසී යාමක් ද පවතින බවයි.
ඇමරිකානු ජනාධිපති ඩොනල්ඩ් ට්‍රම්ප් ලොව පුරා රටවල් 25 ක් සදහා තීරු බදු ප්‍රකාශයට පත් කර ඇති අතර එය අනිද්දා (05) සිට ක්‍රියාත්මකයි.
2024 වසරේ දී අමෙරිකාව මෙරටින් ඇමරිකානු ඩොලර් බිලියන 3 කට වඩා ආනයනය කර තිබුණා.
මෙම නව තීරු බදු පැනවීමත් සමග ශ්‍රී ලංකා ආර්ථිකයට බරපතල තර්ජනයක් එල්ල විය හැකි බවටයි මත පළ වන්නේ.
+++
ගාමන්ට් වැසී යාමේ අවදානමක – පූජ්‍ය බලංගොඩ කස්සප හිමි (03.04.2025)
+
ඔටිසම් දරුවන් වාර්තා වීම දෛනිකව ඉහළට
(03.04.2025 – 08:26 +0530 – sinhala.adaderana.lk)
වර්තමානයේ ඔටිසම් සහිත දරුවන් වාර්තා වීම් දෛනිකව ඉහළ යාමක් පෙන්නුම් කරන බව රිජ්වේ ආර්යා ළමා රෝහලේ විශේෂඥ වෛද්‍ය ස්වර්ණා විජේතුංග මහත්මිය පවසයි.
ඇය පෙන්වා දෙන්නේ 2009 වසරේ දී මෙරට සිදුකළ සමීක්ෂණයක දී දරුවන් 93 දෙනෙකුගෙන් එක් අයෙකු ඔටිසම් සහිත දරුවෙකු බවට හඳුනාගෙන ඇති බවය.
ඔටිසම් දැනුවත් කිරීමේ දිනයට සමගාමීව සෞඛ්‍ය ප්‍රවර්ධන කාර්යාංශයේ පැවති මාධ්‍ය හමුවට එක්වෙමින් විශේෂඥ වෛද්‍ය ස්වර්ණා විජේතුංග මහත්මිය මෙම අදහස් පල කළාය.
“ලංකාවේ ළමුන් 93 කගෙන් එක්කෙනෙකුට (1) මෙම තත්ත්වය තිබුණා 2009 කරපු සමීක්ෂණයක්. ඊට පස්සේ ඒක ක්‍රමාණුකූලව කරලා නෑ. දැන් ආයම පටන් අරගෙන යනවා. අපිට වෙනස් ප්‍රතිඵලයක් ලැබෙයි. මොකද ලෝකයේම වැඩි වෙන ප්‍රවණතාවයක් තියෙන. අපට දැනෙනවා ලංකාවෙත් දිනෙන් දින වැඩිවෙනවා අපිට යොමු වන ළමුන් ගණන. වැදගත් වෙන්නේ ඉතාමත් ඉක්මනින් හඳුනාගන්න ඒක. මූලිකම අවස්ථාවේදී අපිට හඳුනාගන්න පුළුවන් නම් අවුරුදු දෙකහාමාර (2½) – අවුරුදු පහ (5) ඇතුලත කරන මැදිහත්වීම් මත 90% කට පමණ මෙම දරුවන් අපිට ගෙනියන්න (?) පුළුවන්.”
මේ අතර, එම මාධ්‍ය හමුවට එක්වෙමින් අදහස් දැක්වු ප්‍රජා වෛද්‍ය විශේෂඥ ආසිරි හේවාමාලගේ මහත්මිය සඳහන් කළේ ඔටිසම් මෙන්ම ස්නායු ආබාධ රෝග සහිත දරුවන් හඳුනාගැනීමට දෙමව්පියන්ගේ ද දායකත්වය අවශ්‍ය බවය ෴
අනේ… දෙයියනේ…. මෙහෙමත් විනාශයක් | අවුරුදු 20 කට පස්සේ වෙන්න ගිය මහා විනාශය වළක්වගත්ත හැටි (03.04.2025)
+
ජනපතිගේ වීඩියෝවක් එළියට – විමල් අද (03) මාධ්‍ය හමුව උඩු යටිකුරු කරවයි (03.04.2025)
+
මහින්ද මැරුණට පස්සේ හොල්මනක් වෙලා හරි මගේ පස්සෙන් එනවා (03.04.2025)
+
********************* ( නැවත මුල් පිටුවට ….. ) –ඔබතුමා / ඔබතුමිය ගේ ඊමේල් ලිපිනය සඳහන් කිරීමට අකමැති නම් ඊමේල් ලිපිනය ලෙස abc@xyz.lk යන්න පහත පෝරමයට ඇතුලත් කොට ඔබතුමා / ඔබතුමිය ගේ ප්‍රතිචාර (සිංහල හෝ ඉංග්‍රීසි බසින්) ලබාදෙන්න ෴
@ Trumps 44% tariff against imports from Sri Lanka. It is about time that we kick out US influence in Sri Lanka, and get closer to Russia, China and India. Return all their ships and aircraft donations which I guess are sure loaded with spy sensors and transmission equipment that have been surreptitiously mounted to spy on vessels’ movements and VIPs, ocean floor and other nations’ military vessels that visit Sri Lankan ports.