=  දීගොඩ කුමාර හෙවත් 'රතන-පාදෙණිය-2'  =

• රෝගියෙකුගේ හදිසි අවශ්‍යතාවය තම රෝගය සුවකර ගැනීමයි. මුලින්ම රෝගය සුවකරන්න. දෙවනුව ‘බණ’ කියන්න. (ඇත්ත බණ කියන්න; බොරු බණ නොවෙයි) (බණ = සිල්වත් වන්න + නිර්මාංශ වන්න + මෛත්‍රී සිත ඇතිකරගන්න)

• දීගොඩ කුමාර මහතාණෙනි, රෝගීන් සුවපත් කිරීමට වැය නොකර ගතවන සෑම තත්පරයක්ම අපතේ යවන ලද කාලයක් බව සිතන්න ! දසදහස් සංඛ්‍යාත රෝගීන් පිරිසක් එක්රැස්වෙන දිනය උදාවන තුරු බලා නොසිට, කලින් නොදන්වා ගොස් කුඩා කණ්ඩායම් සුවපත් කරන්න ! නොපමාව, හැකිතාක් රෝගීන් සුවපත් කරමින් නිවන් පිනිස බොහෝ කුසල් රැස්කර ගන්න ! (හෙට මැරෙයි ද අද මැරෙයි ද දන්නේ නැත !)

බුදු දහම ආගමක් නොවේ. බුදු දහමෙහි මිත්‍යා දෘෂ්ඨීන් (ආගම් වර්ග) 62 ක් දැක්වේ. බුදු දහමෙන් සියලු ආගම් ප්‍රතික්ෂේපිතයි. බුදු දහමට වෙනත් ආගම්, ඉර්ෂීන්, යෝගීන් ඈඳන්නට යන්න එපා ; බුදු දහම විකෘති කරන්න එපා ! එය දරුණු පවක් ! රෝගීන් සුවපත් කිරීම පමණක් ප්‍රමාණවත් ! එය ලොකු පිනක් ! කිරි දොවන්න ; ගොම මිශ්‍ර කරන්න එපා ! (‘මිසදිටු බොරු බණ දේසනා’ වලින් නරඹන්නන්ගේ වටිනා 'කාලය සහ ඩේටා' අපතේ යවන්න එපා !) (නොදන්න බුදු දහම ගැන විකාර කියවන්නේ නැතුව තමන් දන්න 'අධිමානසික රෝග සුවකිරීම' ගැන කථාකරන්න !)

• අවවාදයයි ! දීගොඩ කුමාර මහතාගේ දේශනාවල තිබෙන ‘මිසදිටු බොරු බණ’ වලින් ප්‍රවේශම් වන්න ! එතුමාට තිබෙන රෝගීන් සුවපත් කිරීමේ විශ්මිත අධිමානසික බලය ගැන පමණක් සැළකිලිමත් වන්න !

දීගොඩ කුමාර මහතා රෝගීන් අසලට ගොස් තම අධිමානසික බලයකින් එම රෝගීන් සුවපත් කරන ආකාරය විඩියෝවල දැක්වේ. ඒ අයුරින් රෝගීන් සුවපත්වීමක් එතුමාගේ (පෞද්ගලික නොව පොදු) දුරස්ථ සුව මෙහෙයයන්වලදී සිදුවෙන බවක් පෙනෙන්නට නැත !
 - අමරසර